Fréttablaðið - 01.08.2008, Blaðsíða 58

34 1. ágúst 2008 FÖSTUDAGUR
sport@frettabladid.is
Hinn gamalreyndi Eiríkur Önundarson, 33 ára körfuboltakappi úr ÍR,
hefur ákveðið að leika áfram með Breiðhyltingum í Iceland Express-
deildinni í körfubolta næsta vetur en hann hafði áður talið talsvert
meiri líkur en minni á að hann myndi hætta eftir síðasta tímabil.
„Ég hélt alltaf smá glugga opnum með að halda áfram og þó
svo að ég hafi lagt þetta upp með að það væri 99 prósenta líkur
á því að ég myndi hætta, þá getur eitt prósent nú reyndar oft
verið drjúgt. Það gekk náttúrulega vel hjá liðinu á síðasta
tímabili og hópurinn er að mestu leyti óbreyttur núna og
menn vilja gera enn betur í vetur,“ sagði Eiríkur. „Síðasti
vetur einkenndist reyndar líka af leiðinlegum
meiðslum hjá mér og ég held að ég muni ekki
pína mig til þess að spila meiddur aftur í vetur.
Ég vonast auðvitað til þess að sleppa við öll
meiðsli en maður veit aldrei með það.“
Eiríkur mun taka að sér hlutverk aðstoðarþjálfara liðsins
við hlið þjálfarans Jóns Arnars Ingvarssonar. „Ég er mjög
ánægður með að fá að vinna með Jóni Arnari líka á
þessum grundvelli og ég er hrifinn af honum sem
þjálfara og hans hugmyndafræði í þjálfuninni. Þetta verður
smá nýbreytni og það er spennandi að þurfa að horfa á þetta
með öðrum augum en bara sem leikmaður. Þetta er ef til
vill líka ákveðið prufuskref hjá mér þar sem ég hef aldrei
komið að þjálfun áður, hvorki á þessu stigi né heldur
í yngri flokkum,“ sagði Eiríkur sem er ekki smeykur
við að sameina störfin tvö, starf leikmannsins og
aðstoðarþjálfarans.
„Ætli maður muni nú ekki sinna báðum störfum
mjög vel, það þýðir ekkert að slá slöku við. Maður
er náttúrulega fyrirmynd fyrir hina, ungu pungana í
liðinu. Annars gæti ég náttúrulega, stöðu minnar vegna
sem aðstoðarþjálfari, stýrt æfingunum hjá mér þannig
að maður sleppi við einhverjar púlæfingar og svoleiðis.
Gæti til dæmis tilkynnt Jóni Arnari þegar sprettirnir byrja,
að þetta sé nú komið gott hjá mér í dag,“ sagði Eiríkur á
léttum nótum.
ÍR-INGURINN ERÍKUR ÖNUNDARSON: TALDI 99 PRÓSENTA LÍKUR Á AÐ HANN VÆRI HÆTTUR EFTIR SÍÐASTA TÍMABIL
Eitt prósent getur nú reyndar oft verið drjúgt
FÓTBOLTI Hannes Þór Halldórsson,
24 ára markvörður Framara, hefur
slegið í gegn í Landsbankadeild-
inni í sumar en hann slær við
öllum markvörðum deildarinnar í
öllum helstu tölfræðiþáttum sem
Fréttablaðið tekur saman. Fyrir
aðeins fjórum árum sat hann á
bekknum hjá 2. deildarliði Leiknis
en nú er hann farinn að banka á
dyr A-landsliðsins. Það hefur því
margt breyst á stuttum tíma, þökk
sé dugnaði Hannesar sem æfir
mikið aukalega.
Mikill stöðugleiki
„Ég er mjög ánægður með minn
leik og það hefur verið mikill stöð-
ug leiki hjá mér og það er það sem
markmenn sækjast eftir,“ segir
Hannes og hann er einnig ánægð-
ur með gengi Framliðsins.
„Það fleytir manni langt að liðið
er ekki að gefa mörg færi á sér og
við erum að vinna þetta saman.
Það er mjög erfitt að fá á sig 20
skot í leik eins og Gunnleifur í HK.
Maður kemur aldrei vel út úr því
sama hversu maður er góður,“
segir Hannes en Gunnleifur er
einmitt efstur á eina listanum sem
Hannes Þór er ekki í fyrsta sæti
en það er yfir varin skot.
Lífið í Landsbankadeildinni
hefur þó ekki bara verið dans á
rósum hjá Hannesi því hann var
mikið gagnrýndur í upphafi móts-
ins í fyrra. „Það hefur hjálpað mér
að byrja mótið illa í fyrra. Ég kom
inn í mótið, hélt að ég væri súper-
mann og ætlaði að sigra heiminn.
Svo var ég sleginn niður á jörðina
og þurfti að stokka spilin upp á
nýtt. Ég þurfti að vinna í sjálfum
mér og það er að skila sér núna,“
segir Hannes en það reyndi mikið
á hann í fyrrasumar.
Gerði mistök í fyrra
„Ég kom meiddur inn í mótið í
fyrra og gerði mistök sem höfðu
áhrif á sjálfstraustið. Þetta spilað-
ist ekki nægilega vel fyrir mig og
það þurfti átak til þess að koma
sér af stað aftur. Ætli ég sé ekki
sterkari í dag fyrir vikið,“ segir
Hannes sem lék með Aftureldingu
í 2. deildinni 2005 og var í Stjörn-
unni í 1. deildinni 2006.
„Ég er stoltur af því að hafa
komið úr neðri deildar umhverfi
og unnið mig upp,“ segir Hannes
sem missti úr fimm ár á sínum
tíma vegna erfiðra axlarmeiðsla.
Erlend lið eru sögð hafa áhuga á
honum og hann neitar því ekki að
hann sé farinn að horfa í atvinnu-
mennsku í framtíðinni.
Varamarkvörður í Leikni
„Ég er klárlega áhugasamur fyrir
því að fara út og það er verið að
vinna í þessum málum. Það getur
verið að það verði eitthvað í boði
ef ég held áfram að standa mig
vel,“ segir Hannes.
„Það er ekki hægt að segja að ég
hafi litið á það sem möguleika
fyrir tveimur til þremur árum að
það væri möguleiki á að ég kæm-
ist út í atvinnumennsku. Þegar ég
var varamarkvörður í Leikni og
Valur Gunnarsson hélt mér út úr
liðinu 2004 þá hefði ég ekki tippað
á þetta. Þetta er bara gaman og
það er léttara yfir manni en á
sama tíma í fyrra,“ segir Hannes.
Hannes er metnaðarfullur
markvörður og hann er farinn að
stefna á landsliðssæti. „Ég tel mig
eiga möguleika á landsliðssæti og
er að vonast til þess að fá tækifær-
ið. Ég held að ég eigi alveg eins
heima þar eins og þessir menn
sem eru þarna núna. Mér fyndist
það ekkert fáránlegt val hjá lands-
liðsþjálfaranum. Það eru samt
margir góðir markmenn í deild-
inni og líka menn sem hafa spilað
lengur og hafa sýnt stöðugleika
lengur,“ segir Hannes en hann
ætlar líka að vinna í sínum málum
til þess að svo verði.
„Ég er alltaf að horfa upp á við
og það þarf að vera einhver rúsína
í pylsuendanum sem drífur mann
áfram í aukaæfingunum en ég æfi
mikið aukalega. Ég þarf að horfa
til einhvers markmiðs til þess að
nenna því og næst á dagskrá er að
komast í landsliðið og fara út,“
segir Hannes.
Á framtíðina fyrir sér
Þorvaldur Örlygsson, þjálfari
hans hjá Fram, er mjög ánægður
með markmanninn sinn. „Við
erum allir mjög sáttir með hans
framlag til liðsins. Hann hefur
verið duglegur að vinna í sínum
málum og hefur bætt sig mikið
undir handleiðslu Birkis Kristins-
sonar,“ segir Þorvaldur. „Þetta er
stór strákur sem á framtíðina
fyrir sér ef hann heldur áfram á
sömu braut.“ ooj@frettabladid.is
Næsta markmið er A-landsliðið
Hannes Þór Halldórsson er besti markvörður Landsbankadeildar karla. Hannes er með hæstu meðal-
einkunn, hefur fengið á sig fæst mörk, er með bestu hlutfallsmarkvörsluna og hefur haldið oftast hreinu.
MARKVARSLAN 2008
HÆSTA MEÐALEINKUNNIN:
Hannes Þór Halldórsson, Fram 6,69
Gunnleifur Gunnleifsson, HK 6,58
Fjalar Þorgeirsson, Fylki 6,31
Ómar Jóhannsson, Keflavík 6,31
Kjartan Sturluson, Val 6,15
FLEST VARIN SKOT Í LEIK
Gunnleifur Gunnleifsson, HK 5,58
Zankarlo Simunic, Grindavík 4,18
Hannes Þór Halldórsson, Fram 3,54
Kjartan Sturluson, Val 3,54
Ómar Jóhannsson, Keflavík 3,46
Esben Madsen, ÍA 3,45
FÆST MÖRK Á SIG Í LEIK
Hannes Þór Halldórsson, Fram 0,85
Stefán Logi Magnússon, KR 0,89
Daði Lárusson, FH 1,09
Þórður Ingason, Fjölni 1,17
Kjartan Sturluson, Val 1,38
Casper Jacobsen, Breiðablik 1,46
Ómar Jóhannsson, Keflavík 1,46
BESTA HLUTFALLSMARKVARSLAN
Hannes Þór Halldórsson, Fram 80,7%
Stefán Logi Magnússon, KR 75,0%
Þórður Ingason, Fjölni 74,5%
Kjartan Sturluson, Val 71,9%
Daði Lárusson, FH 71,4%
Zankarlo Simunic, Grindavík 70,8%
Ómar Jóhannsson, Keflavík 70,3%
OFTAST HALDIÐ HREINU
Hannes Þór Halldórsson, Fram 6
Stefán Logi Magnússon, KR 6
Daði Lárusson, FH 6
Kjartan Sturluson, Val 5
Þórður Ingason, Fjölni 4
ÖRUGGUR Hannes Þór Hall-
dórsson hefur verið mjög
yfirvegaður í sínum leik í
sumar.
FÓTBOLTI Skagamenn unnu
langþráðan sigur í gærkvöldi
þegar þeir unnu finnska liðið
Honka Espoo 2-1 á Akranesi í
seinni leik liðanna í UEFA-
bikarnum. Finnska liðið fór þó
áfram 4-2 samanlagt en liðið vann
fyrri leikinn 3-0.
Þetta er fyrsti sigurleikur
Skagamanna síðan 20. maí en
þetta var annar leikur liðsins
undir stjórn þeirra Arnars og
Bjarka Gunnlaugssona. Fyrir
leikinn var ÍA búið að tapa sex
leikjum í röð og alls búið að spila
12 leiki í röð án þess að vinna.
Skagamenn komust í 2-0 í
leiknum og voru því næstum
búnir að vinna upp forskot Honka
en vonirnir urðu að engu þegar
Jussi Vasara minnkaði muninn 18
mínútum fyrir leikslok.
Helgi Pétur Magnússon skoraði
fyrra markið á 16. mínútu með
skalla eftir hornspyrnu Árna Inga
Pjeturssonar en Björn Bergmann
Sigurðarson það síðara á 49.
mínútu með skalla eftir fyrirgjöf
frá Stefáni Þór Þórðarsyni. -óój
UEFA-bikarinn í knattspyrnu:
Fyrsti sigur ÍA í
rúmar tíu vikur
HEITUR Björn Bergmann hefur skorað í
þremur leikjum í röð. FRÉTTABLAÐIÐ/VALLI
FÓTBOLTI FH-ingar eru komnir
áfram í UEFA-bikarnum eftir 5-1
stórsigur á Grevenmacher í
seinni leik liðanna í Lúxemborg.
FH vann fyrri leikinn 3-2 í Kapla-
krika og þar með 8-3 samanlagt.
Tryggvi Guðmundsson og Atli
Guðnason skoruðu tvö mörk
hvor og Björn Daníel
Sverrisson skoraði eitt.
Heimir Guðjónsson,
þjálfari liðsins, var
ánægður í leikslok.
„Við vorum aðeins
að þreifa fyrir
okkur í fyrri hálf-
leik og þeir voru
þá líflegir. Í seinni
hálfleik þá var
bara eitt lið á
vellinum og við
höfðum getað
skorað fleiri
mörk. Við spiluðum
þá sundur og og
saman og unnum
mjög góðan
sigur,“ sagði
Heimir sem
getur verið
ánægður með
útkomuna eftir
áfall í fyrri leiknum.
„Við spiluðum ekki
vel fyrsta hálftím-
ann í fyrri leiknum
og þeir skoruðu tvö mörk og það
er dýrt að fá á sig tvö mörk á
heimavelli í Evrópukeppni. Þetta
FH-lið hefur sýnt það í gegnum
tíðina að við erum ekkert síðri á
útivelli en heimavelli í Evrópu-
keppni og við sýndum það í dag,“
sagði Heimir og bætti við. „Sókn-
arleikurinn var til fyrirmyndar
og þá sérstaklega í seinni hálfleik
og boltinn gekk í fáum snerting-
um,“ sagði Heimir.
Hinn átján ára Björn Daníel
Sverrisson lék sinn fyrsta Evr-
ópuleik og skoraði fimmta og síð-
asta mark FH í leiknum. „Björn
er mjög efnilegur leikmaður og
hefur fengið tækifæri og staðið
sig vel. Það var gaman að hann
skyldi skora í fyrsta Evrópuleikn-
um og hann kórónaði góðan leik
sinn með því að skora,“ sagði
Heimir.
Þetta er líka fjórði leikurinn í
röð sem Tryggvi skoraði tvennu
en hann skoraði einnig tvö mörk í
fyrri leiknum og svo í síðustu
deildarleikjum á móti HK og ÍA.
Tryggvi varð einnig fyrsti leik-
maðurinn til þess að skora tíu
Evrópumörk fyrir íslenskt lið.
„Tryggvi spilaði ekki vel á tíma-
bili en kom sterkur upp þegar
liðið þurfti á honum að halda og
hann hefur staðið sig vel upp á
síðkastið,“ sagði Heimir um
frammistöðu Tryggva.
FH er eina íslenska karlaliðið
sem er eftir í Evrópukeppninni
en Valur og ÍA eru dottin út. „Það
er bara dregið á morgun (í dag)
og ég veit ekki hvaða lið við
getum fengið. Vonandi fáum við
mótherja sem við eigum mögu-
leika í,“ sagði Heimir að lokum.
- óój
FH-ingar unnu fjögurra marka stórsigur á Grevenmacher í Lúxemborg og fóru áfram í UEFA-bikarnum:
Tryggvi með tvennu fjórða leikinn í röð
TÍU EVRÓPUMÖRK
Það hefur enginn
skorað fleiri mörk
fyrir íslensk lið í
Evrópukeppni en
Tryggvi Guð-
mundsson.
FRÉTTABLAÐ-
IÐ/STEFÁN
> Stelpurnar spila um 13. sætið
Íslenska 20 ára lið kvenna vann sinn þriðja leik í röð í
baráttunnum um sæti á HM í Makedóníu
þegar liðið vann flottan tólf marka sigur,
39-27, á heimastúlkum í Makedóníu
í gær. Íslensku stelpurnar hafa aðeins
tapað einum leik á mótinu og spila við
Japan um 13. sætið á morgun. Karen
Knútsdóttir skoraði 9 mörk (6 víti)
og nýtti öll sín skot í leiknum,
Hildigunnur Einarsdóttir skoraði
7, Auður Jónsdóttir 6 og þá var
Rut Jónsdóttir með 5 mörk og
10 stoðsendingar í leiknum.
Guðrún Ósk Maríasdóttir varði
14 skot, þar af 2 víti.
FR
ÉT
TA
B
LA
Ð
IÐ
/V
IL
H
EL
M