Fréttablaðið - 01.08.2008, Blaðsíða 52
28 1. ágúst 2008 FÖSTUDAGUR
tonlist@frettabladid.is
TÓNNINN GEFINN
Steinþór Helgi Arnsteinsson
Sumarið er tími deyfðar í allri útgáfu tónlistar, að minnsta kosti úti í
heimi því útgáfa hefur verið með líflegasta móti hérlendis. Tónlistar-
fólk og útgefendur sleikja sólina eins og aðrir og það er helst að fólk
reyni að henda frá sér sumarslögurum með mistilkomumiklum
árangri. Strax í september hefst fjörið hins vegar á ný. Boltinn fer þá
að rúlla, vindur upp á sig og stöðvast ekki fyrr en í desember þegar
fólk staldrar við og fer yfir árið.
Tónlistarárið til þessa hefur verið upp og ofan en heilt yfir verður að
segjast að það hefur valdið þó nokkrum vonbrigðum. Haustið gæti hins
vegar komið til bjargar og því ágætt að líta yfir það sem koma skal.
Þegar rennt er yfir útgáfulistann er reyndar ekki margt sem gefur
ástæðu til mikillar tilhlökkunar. Svo virðist sem síðasta ár, sem var
algjörlega frábært hvað varðar tónlist, hafi blóðmjólkað útgáfuna.
Reyndar telst það til undantekninga hin seinni ár að árferðið í tónlist-
inni teljist frábært tvö ár í röð.
En hverjir eru líklegir til stórræða? Deerhoof kemur með plötu í
byrjun október sem er mikið fagnaðarefni og einnig sprelligosarnir í of
Montreal. Aðrar, frekar traustar sveitir, Okkervil River og Mogwai,
hyggja einnig á plötuútgáfu. Nokkrar fleiri sveitir sem gætu komið til
greina á árslistum margra
senda einnig frá sér plötu á
næstu mánuðum, svo sem
The Wrens, Franz Ferdin-
and, The Streets, MF Doom
& Ghostface, Eagles of
Death Metal og Junior
Boys.
Í meginstraumnum
kennir einnig ýmissa grasa.
Metallica ætlar að rokka á
ný, Black Eyed Peas gætu
slegið öll met og Staind
ætlar að afsanna dauða nu-
metalsins. Einnig má nefna
að The Game, Pearl Jam,
Nelly, Slipknot, Jessica Simpson, Kings of Leon, AC/DC og Travis
stefna öll á útgáfu. Og hver veit, kannski að ný U2-plata líti dagsins
ljós?
Á Íslandi er einnig von á útgáfubombu í haust eins og hefðinni sæmir
fyrir jól. Reykjavík!, Sprengjuhöllin, Retro Stefson og FM Belfast eru
öll með plötu í pípunum og svo er ekki ólíklegt að gamlir refir á borð
við Ný dönsk og Sálin hendi frá sér plötu. Þetta er kannski ekki svo
slæmt eftir allt saman.
Bjargar haustið tónlistarárinu?
NÝ PLATA Í HAUST Franz Ferdinand stefna á að
gefa út þriðju plötu sína á árinu.
NORDICPHOTOS/GETTY
Breski tónlistarmaðurinn
Tricky var einn af höfuð-
paurum Bristol-senunnar
ásamt Massive Attack og
Portishead. Ferill hans er
búinn að vera ansi skraut-
legur þau þrettán ár sem
eru liðin frá því að fyrsta
platan hans, meistaraverk-
ið Maxinquaye, kom út.
Trausti Júlíusson tékkaði á
kauða sem var að senda frá
sér nýja plötu, Knowle West
Boy, en tvær íslenskar tón-
listarkonur komu við sögu á
henni.
„Ég er fæddur í Knowle West. Það
er fátækrahverfi hvítra. Ég vissi
ekki hvað kynþáttafordómar voru
fyrr en ég fór þaðan. Mín fjöl-
skylda var blönduð þannig að við
gerðum ekki greinarmun á fólki
eftir húðlit,“ segir Tricky um nafn-
ið á nýju plötunni hans Knowle
West Boy. „Ég ólst upp í bæjar-
blokkunum sem hvítur krakki, en
ættaður frá Jamaica. Við sem
bjuggum þar áttum öll eitt sam-
eiginlegt. Við vorum fátæk.“ Og
hann heldur áfram: „Ég áttaði mig
á því að ég hef aldrei samið neitt
fyrir þetta fólk. Ég hitti náunga í
Notting Hill sem sagði mér að tón-
listin mín hefði hjálpað honum í
gegnum fangelsisdvöl. Það er
meiriháttar, en ég hafði aldrei
samið meðvitað fyrir hann eða
mig eða fólkið sem ég ólst upp
með ...“
Endurkomuplata
Knowle West Boy er áttunda plata
Trickys og sú fyrsta sem hann
gerir fyrir Domino-plötufyrirtæk-
ið. Hún er kynnt sem endurkoma
hans til heimahaganna. Hún var
að mestu unnin í London, en Tricky
var reyndar ekki nógu ánægður
með árangurinn þannig að hann
endurhljóðritaði hana að stórum
hluta í LA. Hann sá um upptöku-
stjórn sjálfur ef frá eru talin tvö
lög sem Switch gerði með honum,
en Switch er þekktastur fyrir
vinnu sína á M.I.A.-plötunni Kala.
Switch setti mark sitt meðal ann-
ars á fyrsta smáskífulagið Council
Estate.
Erfiður uppvöxtur
Tricky heitir réttu nafni Adrian
Thaws. Hann er fæddur 27. janúar
1968 í Bristol. Faðir hans stakk af
áður en hann fæddist og móðir
hans framdi sjálfsmorð þegar
hann var fjögurra ára. Hann ólst
upp hjá ömmu sinni sem leyfði
honum víst oft að horfa á hryll-
ingsmyndir í sjónvarpinu í staðinn
fyrir að fara í skólann.
Tricky byrjaði að semja texta
fimmtán ára og vakti fyrst athygli
sem hluti af hipphopp-genginu
The Wild Bunch sem seinna þróað-
ist yfir í Massive Attack. Það var
Mark Stewart, forsprakki post-
punksveitarinnar Pop Group, sem
einn daginn spurði Tricky hvort
hann vildi ekki taka upp lag og fór
með hann í hljóðver. Þá varð lagið
Aftermath til og upp úr því fyrsta
platan hans Maxinquaye sem er
eitt af höfuðverkum trip-hop-sen-
unnar sem kennd er við Bristol
ásamt fyrstu plötum Massive Att-
ack og Portishead. Síðan er hann
búinn að gera sjö plötur, misjafnar
að gerð og gæðum. Hann hefur
búið undanfarin ár í Bandaríkjun-
um og hefur hrökklast á milli
plötufyrirtækja.
Hafdís Huld og Emilíana
Nýja platan markar endurkomu
Trickys til Bretlands, endurkomu
til Bristol og endurkomu í bæjar-
blokkirnar í Knowle West. Platan
er nokkuð fjölbreytt, en líka auð-
heyranlega Tricky-plata. Tricky
hefur lýst því yfir að hann hafi
viljað hafa textana í líkingu við þá
texta sem hann dáði þegar hann
var ungur, texta með listamönnum
eins og Specials, Banshees og
Blondie.
Tricky lítur ekki á sig sem
söngvara og þess vegna eru fjöl-
margir gestasöngvarar á Knowle
West Boy. Þar á meðal jamaískur
ættingi Trickys frá New York,
Rodigan; Joseph sem hann hitti á
götu í LA og svo fullt af stelpum
þar á meðal ein ensk, ein spænsk,
ein ítölsk, ein frönsk og ein íslensk
... Hafdís Huld syngur í laginu
Cross to Bear. Önnur íslensk tón-
listarkona kemur líka við sögu,
Emilíana Torrini, en á plötunni er
útgáfa Trickys af laginu sem hún
samdi fyrir Kylie, Slow. Það má
segja að hér endurnýi Tricky kynn-
in við íslenskar tónlistarkonur, en
hann vann sem kunnugt er tölu-
vert með Björk Guðmundsdóttur
snemma á ferlinum.
Aftur í bæjarblokkina
TRICKY Endurnýjar kynnin við íslenskar tónlistarkonur. Hafdís Huld syngur á nýju plötunni, en Emilíana Torrini á eitt laganna.
NORDICPHOTOS/GETTY
Ungmennasveitin Retro Stefson hefur
vakið á sér athygli að undanförnu fyrir
ærslafulla og frumlega tónlist. Sveitin
tekur nú upp sína fyrstu breiðskífu í
Sundlauginni í Mosfellsbæ. Við takkana
sitja Benni Hemm Hemm og Árni lífsins,
sem er betur þekktur sem Árni Plúseinn.
Smiðshögg á verkið verður rekið með mixi
í Heita pottinum við Rauðavatn. Platan
kemur út fyrir lok árs hjá Kimi Records.
Hljómsveitin spilar ekki mikið á tónleikum
á næstunni en þó verða þau eitthvað á
flakki á menningarnótt og svo spila þau á
tónlistarhátíðinni „Freeze Festival“ í
Frieslandi á Niðurlöndum um miðjan
september.
Stefson í Sundlaug
TAKA UPP FRUM-
RAUN SÍNA
Retro Stefson,
ærslabelgir.
> Plata vikunnar
Megas & Senuþjófarnir - Á
morgun
★★★★
„Tökulagaplata Megasar &
Senuþjófanna Á morgun inni-
heldur sextán lög sem Megas
ólst upp við og hefur dálæti á.
Vel heppnað hliðarspor sem
á tryggt sæti í spilaranum á
meðan beðið er eftir næstu
alvöru Megasarplötu.“ TJ
> Í SPILARANUM
Ólafur Arnalds - Variations of Static
Brendan Canning - Something For All Of Us...
Okkervil River - The Stand Ins
The Walkmen - You and Me
Bon Iver - For Emma, Forever Ago
ÓLAFUR ARNALDSBON IVER
„Við ákváðum að geyma þetta lag
til betri tíma eftir að við tókum
það upp, en nú eru fimmtán ár liðin
frá því að við spiluðum okkar
fyrstu tónleika svo okkur fannst
tímabært að sleppa því lausu,“
segir Birgir Örn Steinarsson,
söngvari Maus, um áður óútgefið
lag hljómsveitarinnar, Cover my
eyes, sem var frumflutt á Rás 2
síðastliðinn mánudag.
„Við höfum ekki spilað á tónleik-
um í fjögur ár og varla verið í
sama herbergi síðan við spiluðum
saman síðast. Meðlimir sveitarinn-
ar fluttu til annarra landa á vit
nýrra ævintýra, en áður en leiðir
skildi tókum við meðal annars upp
Cover My Eyes sem er fyrst núna að líta dagsins ljós,“ útskýrir Birg-
ir, en auk nýja lagsins er allt áður útgefið efni hljómsveitarinnar nú
fáanlegt á Grapewire.net. „Við höfum lítið sem ekkert fengið borgað
frá tonlist.is svo við ákváðum frekar að halda utan um þetta sjálfir,“
bætir hann við.
„Þó svo að við höfum ekki spilað saman lengi höfum við aldrei beint
hætt. Við kjósum frekar að segja að við séum ekki starfandi því við
viljum ekki vera svona hljómsveit sem hættir og kemur svo með
„come-back“ tónleika. Við erum mikið spurðir hvenær við ætlum að
koma aftur saman, en það er ólíklegt að það verði í náinni framtíð þar
sem við erum allir að sinna öðrum verkefnum,“ segir Birgir. - ag
Nýtt lag frá Maus
eftir langt hlé
NÝTT LAG FRÁ MAUS Strákarnir í Maus
sendu nýverið frá sér lagið Cover My
Eyes sem hægt er að hlusta á inni
á síðu þeirra myspace.com/maus-
iceland. Á myndinni eru Palli gítarleik-
ari og Biggi söngvari. FRÉTTABLAÐIÐ/STEFÁN
Tricky gerir upp ferilinn í viðtali sem birtist á heimasíðu The
Australian nýlega. Þar talar hann um hvernig honum skaut
óvænt upp á stjörnuhimininn með Maxinquaye. „Ég kom úr
rappi þess tíma þegar maður átti að vera neðanjarðar, öfugt
við í dag þegar þetta er bara popp. Þá snerist þetta um
að láta í sér heyra, ekki láta sjá sig. Svo vissi ég ekki
fyrr en ég var kominn á forsíðu The Sun með Björk.“
Í greininni segir að sambandið við Björk hafi verið
stutt og það hafi að mestu farið fram hjá pressunni.
En þegar blaðasnápar komust á snoðir um samband
þeirra ákvað Tricky að flýja. Hann settist í kjölfarið að
í New York.
FLÚÐI TIL NEW YORK VEGNA BJARKAR