Fréttablaðið - 05.08.2008, Page 19

[ ]Skúffur geta stundum verið stífar og erfitt að draga þær út. Til að leysa vandamálið er hægt að bera vax eða sápu á hliðarnar.
Hægt er að skoða brauðristir
frá upphafi tuttugustu aldar á
heimasíðunni www.toastermu-
seum.com.
Margir álíta brauðrist aðeins nauð-
synlegt eldhúsáhald sem hefur lítið
fegurðargildi. Þýski hönnuðurinn
Jens Veerback er þó á öðru máli en
hann heldur úti mjög skemmtilegu
brauðristasafni á netinu. „Það er
ótrúlegt á hversu marga vegu hægt
er að útfæra verknaðinn að rista
brauð. Ég var dolfallinn yfir hug-
myndaauðgi hönnuða við gerð
brauðrista og sæki innblástur í
hönnunina á hverjum degi,“ segir
Jens þegar hann útskýrir tilurð
safnsins.
Jens hefur safnað ristum hvaða-
næva úr heiminum og kaupir marg-
ar þeirra á eBay. Á heimasíðu hans,
www.toastermuseum.com, má
finna brauðristir allt frá upphafi
tuttugustu aldar ásamt lýsingu á
þeim og sögu. mariathora@frettabladid.is
Ristir sem eru augnayndi
Þessi breska rist frá Clem er sérstök
í laginu. Frá hlið lítur hún út eins og
eldflaug.
Rist frá þriðja áratug síðustu aldar gerð
úr postulíni.
Falleg brauðrist frá fyrirtækinu HMV. Þessi skemmtilega rist frá Siem-
ens lítur út eins og lítil handtaska.
MYND/ÚR SAFNI TOASTER MUSEUM
Þýsk rist frá Epeha sem er mjög sjald-
gæf.
Frönsk brauðrist frá miðri síðustu öld.