Fréttablaðið - 10.08.2008, Qupperneq 6

6 10. ágúst 2008 SUNNUDAGUR
BANDARÍKIN, AP Dean Peterson,
hár og þrekinn bréfberi í Seattle í
Bandaríkjunum, berst nú fyrir
því að fá að klæðast pilsi í
vinnunni.
Yfirmenn hans hafa harðneitað,
og segja pils engan veginn geta
verið hluta af einkennisbúningi
karlkyns bréfbera, þótt kvenkyns
bréfberar megi vera í pilsi og
þótt karlarnir megi reyndar
klæðast stuttbuxum.
Peterson er tæplega fimmtug-
ur, kominn af Norðmönnum og
Finnum, en á engar rætur til
Skotlands. Hann fékk skotapils að
gjöf frá eiginkonu sinni fyrir
nokkrum árum, og klæðist því nú
við flest tækifæri. - gb
Bandarískur bréfberi:
Vill klæðast
pilsi í vinnunni
BARÁTTUMÁLIÐ Peterson er lengst til
hægri á myndinni. FRÉTTABLAÐIÐ/AP
ÍTALÍA, AP Lögreglan í Bologna á
Ítalíu handtók í gær fimm menn
af norðurafrískum uppruna í gær.
Mennirnir eru grunaðir um að
hafa fengið öfgasinnaða íslamista
til að ganga til liðs við hryðju-
verkasamtök sem fremja
hryðjuverk í Írak og Afganistan.
Yfirvöld á Ítalíu grunar einnig
að mennirnir hafi sent tugi
þúsunda evra til öfgasinnaðra
hópa í Bosníu sem reka þjálfunar-
búðir og útvega hryðjuverka-
mönnum útbúnað til árása.
Lögregla hafði haft mennina til
rannsóknar í um þrjú ár. Sjötta
mannsins var leitað í gær. - bj
Fimm handteknir á Ítalíu:
Grunaðir um
tengsl við
hryðjuverk
Áskrift Stöðvar 2 hækkar
Verðskrá Stöðvar 2 hækkar um 7,16
prósent hinn 5. september. Mánaðar-
áskrift að Stöð 2 kostar þá 5.990
krónur en Vildarverð verður frá 4.193
til 5.961 krónur á mánuði. Stöð 2
sport hækkar um 8,7prósent, Stöð 2
Sport 2 um 9,1 prósent og algengasti
Fjölvarpspakkinn um 6,4 prósent.
Vildarkjör áskrifenda breytast ekki, en
þar er afsláttur á bilinu 5-30 prósent.
NEYTENDAMÁL
LÖGREGLUFRÉTTIR
Þrír bílar brunnu
Talsverðar skemmdir urðu á þremur
bílum eftir að eldur kviknaði í einum
þeirra á bílastæði í Álftamýri í fyrri-
nótt. Talið er að eldurinn hafi kviknað
í rafmagni bílsins, þrátt fyrir að hann
hafi ekki verið í gangi. Greiðlega gekk
að slökkva eldinn.
MENNING „Ég geri mér grein fyrir
að einhverjir mistúlki þetta og
einhverjum eigi jafnvel eftir að
ofbjóða en þannig er nú bara hugs-
anagangur fólks í dag,“ segir
Snorri Ásbjörnsson myndlistar-
maður, sem auglýsti í Fréttablað-
inu í gær eftir mannslíkum í þágu
listagyðjunnar.
Snorri gerir ráð fyrir að fá lík í
vídeóinnsetningu sem hann ætlar
sér að sýna á Listasafni Akur-
eyrar í febrúar.
„Ég er búinn að vera að skoða
lagahliðina á þessu og ég get ekki
séð að ég sé að gera eitthvað ólög-
legt. Ég kem ekki til með að gera
neitt ósiðlegt við líkið,“ segir
Snorri, sem vill ekkert frekar
ræða verkið.
„Mér finnst þetta ákaflega var-
hugavert,“ segir Sverrir Einars-
son útfararstjóri. Auðvitað geti
fólk ráðstafað líkama sínum, eins
og þegar fólk gefur líkama sinn til
rannsókna eða kennslukrufninga.
„En ég hugsa að það sé dálítið
hæpið að menn geti farið að lána
líkama sinn í einhvers konar
myndatökur.“
Útfararstjórar sem Fréttablaðið
hafi samband við sögðu að fyrr á
tímum hefði það alls ekki verið
óalgengt að ljósmyndir væru tekn-
ar af látnu fólki. Slíkt hafi verið
siður á síðustu áratugum nítjándu
aldar og fyrstu áratugum þeirrar
tuttugustu. Með aukinni almennri
ljósmyndun hefðu slíkir siðir hins
vegar nánast lagst af. - ovd
Listamaður auglýsir eftir mannslíkum til notkunar í vídeóinnsetningu:
Óskar eftir líkum í listaverk
SNORRI ÁSMUNDSSON Óskar eftir líkum
fyrir vídeóinnsetningu. MYND ÚR SAFNI
AUSTUR-TÍMOR, AP Jose Ramos-
Horta, forseti Austur-Tímor, hefur
verið gagnrýndur fyrir að náða
leiðtoga alræmdrar vígasveitar í
eyríkinu, sem herjaði á íbúa sem
kröfðust sjálfstæðis frá Indónesíu.
Hann réttlætir náðunina með
því að ekki hafi verið sanngjarnt
að halda honum í fangelsi meðan
Indónesar, sem hafi stýrt verkum
hans, verði aldrei sóttir til saka:
„Á ég að halda áfram í fangelsi
austur-tímorskum manni sem
starfaði undir stjórn annarra sem
fara ekki í fangelsi?“
Sjálfur er Ramos-Horta að ná
sér eftir morðtilræði uppreisnar-
manns. - gb
Umdeild náðun á A-Tímor:
Leiðtogi víga-
sveitar náðaður
GEORGÍA, AP Rússneska fréttastof-
an Interfax segir að á þriðja þús-
und hafi fallið í bardögum sem
geisað hafa frá því á föstudag í
Suður-Ossetíu. Rússneskir skrið-
drekar og fótgöngulið hefur
streymt yfir landamærin og rúss-
neskar orrustuþotur hafa gert
árásir á bæi utan átakasvæðisins.
Suður-Ossetía hefur í reynd
verið sjálfstætt hérað síðan 1992,
en tilheyrði áður Georgíu. Her
Georgíu réðist gegn aðskilnaðar-
sinnum í héraðinu á föstudag.
Rússnesk stjórnvöld fordæmdu
árásina, og hafa barist um höfuð-
borg héraðsins við Georgíumenn.
Stjórnvöld í Georgíu segja tölur
um mikið mannfall rangar. Í kring-
um 100 hafi fallið. Ekki hefur
verið unnt að staðfesta tölur um
fallna í átökunum.
Fólk sem flúið hefur átökin
segir að hundruð séu látin í það
minnsta. Stærstur hluti höfuð-
borgar Suður-Ossetíu er sagður í
rúst, og lík liggja þar eins og hrá-
viði.
Átökin breiddust út í gær þegar
aðskilnaðarsinnar í Abkasíu gerðu
stórskotaliðsárásir á hersveitir
Georgíumanna. Abkasía er, eins
og Suður-Ossetía, hérað sem form-
lega tilheyrir Georgíu, en hefur
stjórnað sér sjálft frá árinu 1992.
Mikhaíl Saakashvili, forseti
Georgíu, kallaði í gær eftir vopna-
hléi, og skipaði georgískum her-
sveitum að draga sig út úr Tskhin-
vali, höfuðborg Suður-Ossetíu. Þá
gaf hann hernum skipun um að
svara ekki árásum rússneska her-
aflans. Þing Georgíu lýsti í gær
yfir stríðsástandi í landinu.
Dmitrí Medvedev, forseti Rúss-
lands, sagði George W. Bush
Bandaríkjaforseta fyrr um daginn
að vopnahlé komi ekki til greina
fyrr en herafli Georgíu yrði dreg-
inn til baka út úr Suður-Ossetíu.
Hann sagði Rússum bera skylda
til að vernda rússneska borgara í
héraðinu.
Rússneskar þotur gerðu í gær
loftárásir á bæi í Georgíu. Frétta-
maður AP segir að eftir árásir á
bæinn Gori í miðri Georgíu hafi
íbúðablokkir staðið í ljósum
logum, og tugir óbreyttra borgara
hafi legið í valnum, þar á meðal
börn og gamalmenni.
Rússnesk stjórnvöld segja
fimmtán rússneska friðargæslu-
liða hafa fallið í átökunum, og um
150 hafa særst. Þau staðfesta að
tvær rússneskar orrustuþotur hafi
verið skotnar niður, en stjórnvöld
í Georgíu segjast hafa skotið niður
tíu orrustuþotur.
Í yfirlýsingu frá Flóttamanna-
stofnun Sameinuðu þjóðanna
kemur fram að stofnunin óttist að
fjöldi óbreyttra borgara muni
flýja átökin. Stofnunin telur,
byggt á upplýsingum frá georg-
ískum stjórnvöldum, að um 2.400
hafi þegar flúið til Georgíu vegna
átakanna í Suður-Ossetíu. Rússn-
esk stjórnvöld segja að um það bil
30.000 hafi flúið til Rússlands.
Sérfræðingar óttast að stríðs-
átök undanfarinna daga geti komið
af stað allsherjarstríði milli Rúss-
lands og Georgíu. Stjórnvöld í
Georgíu hafa lýst yfir miklum
áhuga á að ganga í Evrópusam-
bandið og Atlantshafsbandalagið.
Það hefur fallið í afar grýttan jarð-
veg hjá rússneskum stjórnvöld-
um. brjann@frettabladid.is
Rússar segja mörg þúsund hafa
fallið í átökum í Suður-Ossetíu
Talið er að á þriðja þúsund hafi fallið í bardögum í Suður-Ossetíu síðustu daga. Flóttamenn segja mannfall
mikið og að höfuðborg héraðsins sé í rúst. Georgíumenn kalla eftir vopnahléi og aðstoð alþjóðasamfélagsins.
HÖRMUNGAR Eldri kona liggur slösuð utan við íbúðarbyggingu í bænum Gori í
Georgíu í gær eftir að rússneskar herþotur gerðu loftárásir á bæinn. Nágrannar kon-
unnar komu henni til hjálpar, en tugir féllu í loftárásunum. FRÉTTABLAÐIÐ/AP
GEORGÍA, AP Sendinefnd frá Evr-
ópusambandinu, Atlantshafs-
bandalaginu og Bandaríkjunum
hélt í gærkvöldi til Georgíu til að
reyna að stilla til friðar. Evrópu-
sambandið og Bandarísk stjórn-
völd kölluðu í gær eftir tafar-
lausu vopnahléi.
„Ég hef miklar áhyggjur af
ástandinu í Georgíu,“ sagði
George W. Bush Bandaríkjafor-
seti í yfirlýsingu í gær. Hann er
staddur í Peking í Kína vegna
Ólympíuleikanna. Hann sagði
árásir Rússa utan átakasvæðis-
ins sýna að átökin væru að magn-
ast.
„Við höfum kallað eftir því að
ofbeldi á svæðinu verði stöðvað
án tafar,“ sagði Bush og kallaði
eftir því að rússneskar sprengju-
flugvélar hættu tafarlaust árás-
um.
Nicolas Sarkozy, forseti Frakk-
lands, lagði í gær til að stríðandi
fylkingar samþykktu þegar í
stað vopnahlé í þremur þrepum.
Hann lagði til að rússneskir og
georgískir hermenn yrðu dregn-
ir til baka svo staðan yrði eins og
hún var áður en stjórnvöld í
Georgíu réðust gegn aðskilnaðar-
sinnum í Suður-Ossetíu á föstu-
dag.
Stjórnvöld í Georgíu biðluðu í
gær til Evrópusambandsins og
Atlantshafsbandalagsins vegna
herflutninga Rússa til Suður-
Ossetíu og árása á hermenn og
óbreytta borgara.
Stjórnvöld í Rússlandi sökuðu
Georgíumenn um að stuðla að
þjóðarmorði í Suður-Ossetíu.
Stjórnvöld í Georgíu sökuðu á
móti Rússa um þjóðarmorð í hér-
aðinu. - bj
Sendinefndir vesturveldanna reyna að stilla til friðar:
Vilja vopnahlé milli
stríðandi fylkinga
BIÐLAÐI Mikhaíl Saakashvili, forseti
Georgíu, biðlaði í gær til Evrópusam-
bandsins og Atlantshafsbandalagsins
að hjálpa til að stilla til friðar.
FRÉTTABLAÐIÐ/AP
Styður þú mótmæli Ásmundar
Jóhannssonar, kvótalausa sjó-
mannsins frá Sandgerði?
Já 72,7%
Nei 27,3%
SPURNING DAGSINS Í DAG:
Fórst þú í miðbæ Reykjavíkur
til að taka þátt í eða fylgjast
með Gleðigöngunni?
Segðu þína skoðun á visir.is
KJÖRKASSINN