Fréttablaðið - 05.09.2008, Blaðsíða 36
28 5. september 2008 FÖSTUDAGUR
HVAÐ? HVENÆR? HVAR?
Föstudagur 5. september
➜ Tónleikar
19.00 Ítalska hljómsveitin Raein
spilar í Kaffi Hljómalind. Einnig
koma fram Gavin Portland,
Rökkurró og Skítur.
➜ Opnanir
18.00 Fjölleikar Ilmur Stefáns-
dóttir opnar sýningu í sýningarsal
Listasafns Reykjanesbæjar í Duus-
húsum, Reykjanesbæ. Sýningin
stendur til 19. október.
18.00 Gallery Marló, Laugavegi
82, er opnað formlega í dag. Í gall-
eríinu verður lögð sérstök áhersla á
teikningar og grafíkverk.
19.00 Gæti tafið framkvæmdir
á Suðurnesjum er heiti á sam-
starfsverkefnis myndlistarmanna
og myndlistarnema í Listaháskóla
Íslands. Alls koma fimmtán manns
að verkefninu. Sýning á verkum
þeirra er í sýningarsal Suðsuðvestri,
Hafnargötu 22, Reykanesbæ.
➜ Fyrirlestrar
15.15 Er siðfræði þörf Páll
Skúlason prófessor heldur fyrirlestur
í Þjóðarbókhlöðunni.
➜ Dansleikur
Festival er ný hljómsveit sem mun
í kvöld halda sinn fyrsta dansleik
á Kaffi Duus í Reykjanesbæ.
Hljómsveitin mun einnig spila á
morgun.
➜ Myndlist
Victor Rodriguez Losano sýnir verk
í versluninni B-Home, Hafnargötu
60, Reykjanesbæ.
Rainbow Clippings Í START ART
sendur yfir sýning á hljóðljóði eftir
Magnús Pálsson. Sýningu lýkur 24.
september. START ART, Laugavegi
12b. Opið þri. til lau. kl. 13-17.
➜ Útgáfutónleikar
20.00 Mammút heldur útgáfu-
tónleika í Iðnó. Einnig kemur fram
raflistarmaðurinn Klive.
Upplýsingar um viðburði sendist á
hvar@frettabladid.is.
Stúdentadansflokkurinn er nú að
hefja sitt þriðja starfsár og munu
inntökupróf í flokkinn fara fram á
morgun kl. 16 í húsnæði Klassíska
listdansskólans að Grensásvegi 14.
Helena Jónsdóttir var listrænn
stjórnandi Stúdentadansflokksins á
fyrsta starfsári hans. Undir stjórn
hennar setti flokkurinn upp dans-
leikhúsverkið Sannar ástarsögur.
Annað starfsár flokksins tók Tony
Verzich við honum og nú í vetur
mun danshöfundurinn Andreas
Constantinou taka við starfi list-
ræns stjórnanda. Áætlað er að
æfingar verði tvisvar í viku og að
lögð verði áhersla á dansleikhús.
Flokkurinn hefur tekið að sér ýmis
verkefni um árin og státar af
öflugum hópi fólks sem hefur
áhuga á listsköpun samhliða aka-
demísku námi. Allir nemar eru vel-
komnir í prufurnar, enda er vonast
eftir fjölbreyttum hópi dansara. - vþ
Prufur í dansflokk
STÚDENTADANSFLOKKURINN Býður
nemum upp á listræna útrás samhliða
námi.
Sviðslistahópurinn Maddid
Theatre Company kom til
landsins frá Englandi fyrir
hálfum mánuði og hefur
ferðast um landið með
einleikinn Maddid. Nú er
komið að lokasýningum hér
á landi.
Leikkonan Vala Ómarsdóttir stofn-
aði hópinn fyrir um ári ásamt leik-
húsframleiðandanum Mari Rette-
dal, en síðan þá hafa fleiri listamenn
bæst í hópinn. Hópurinn er býsna
fjölþjóðlegur; þannig koma þeir
listamenn sem standa að sýning-
unni frá fimm löndum. Sýningin
fjallar um stúlkuna Maddid, sem
Vala leikur, og tilraunir hennar til
að fóta sig í lífinu. Verkið er unnið
með svokallaðri „devised“-vinnuað-
ferð, en í henni er samvinna í for-
grunni.
„Í byrjun vinnuferlisins gengum
við út frá hugmynd um persónuna
Maddid,“ útskýrir Vala. „Við unnum
mikla spunavinnu út frá henni og
smátt og smátt tók verkið á sig
mynd. Verkið er svo í sífelldri
þróun; við sýndum það upprunalega
á ensku í Lundúnum, en það hefur
haft talsverð áhrif á þróun þess að
þurfa að snara því yfir á íslensku og
staðfæra það fyrir sýningarnar hér.
Að auki hafa viðbrögð áhorfenda og
aðkoma nýrra listamanna haft áhrif
á hvernig verkið breytist. Titilpers-
óna leikritsins er meðvituð um að
hún er unnin með þessari „devised“
aðferð og er því nokkuð brotakennd.
Við erum í raun dálítið að leika
okkur með möguleikana sem það
býður upp á.“
Maddid hefur almennt verið vel
tekið hér á landi að sögn Völu.
Verkið var sýnt á ArtFart-hátíðinni
í síðasta mánuði, svo ferðaðist
hópurinn með það til Vestmanna-
eyja og að lokum verða sýningar í
Hafnarfjarðarleikhúsinu nú um
helgina. Vala segir það hafa verið
ánægjulegt að sýna íslenskum
áhorfendum verkið. „Sýningin
hefur orðið léttari við það að koma
hingað til lands og fyndnari held ég.
Þegar við höfum sýnt verkið á
ensku hefur Maddid, sem er íslensk
stúlka, stundum átt erfitt með að tjá
sig á því tungumáli og því leikið
meira með líkamanum. Hér hefur
sýningin þróast í aðra átt þar sem
að Maddid kann sama tungumál og
áhorfendur, en þar sem hún er
„devised“ verk og í stöðugri þróun,
þá er hún jafnframt pirruð yfir að
vera ófullgerð og á erfitt með að tjá
sig þar sem ekki er búið að skrifa
fyrir hana handrit. Því tekur líkam-
inn enn stjórnina á stundum með
ófyrirsjáanlegum og skondnum
afleiðingum. Við stefnum að því að
setja sýninguna aftur upp í Lundún-
um nú í haust, en þá verður hún
orðin talsvert breytt eftir Íslands-
förina þar sem að við komum til
með að þýða og staðfæra sýninguna
eins og hún er orðin núna á íslensku
aftur yfir á ensku.“
Síðustu tvær sýningarnar á þess-
ari forvitnilegu sýningu fara fram í
Hafnarfjarðarleikhúsinu, Strand-
götu 50, í kvöld og annað kvöld kl.
20. Miða á sýningarnar má nálgast á
www.midi.is og við innganginn.
vigdis@frettabladid.is
Síbreytileg og brotakennd
BROTAKENND PER-
SÓNA Vala Ómars-
dóttir í hlutverki sínu
sem Maddid.