Fréttablaðið - 05.09.2008, Blaðsíða 40

32 5. september 2008 FÖSTUDAGUR
tonlist@frettabladid.is
TÓNNINN GEFINN
Steinþór Helgi Arnsteinsson
Sumar hljómsveitir eru þannig úr garði gerðar að af þeim leka gæðin í
stríðum straumum. Það virðist alveg sama hvað sumir geta tekið sér
fyrir hendur, alltaf verður útkoman gæðaefni sem viðkomandi virtist
ekkert hafa fyrir að draga fram úr erminni. Ein þessara hljómsveita er
The Walkmen.
Sveitin var stofnuð í New York-borg árið 2000 og hefur síðan þá sent
frá sér fjórar eiginlegar hljóðversbreiðskífur. Sú nýjasta nefnist You &
Me og toppar hún jafnvel öll fyrri verk
sveitarinnar.
Áður en The Walkmen varð til höfðu flestir
meðlimir sveitarinnar unnið saman í höfuðstað
Bandaríkjanna, Washington D.C. Úr því
samstarfi ber helst að nefna tvær hljómsveitir,
The Recoys og þá sérstaklega Jonathan
Fire*Eater sem var einkar svöl sveit um
miðjan síðasta áratug.
En aftur að The Walkmen. Ég minntist á það
áðan að sveitin hefði eingöngu sent frá sér
gæðaefni. Þar hljóp ég reyndar aðeins á mig
því á þeirri alhæfingu er ein undantekning,
næstnýjasta breiðskífa sveitarinnar. Hún hét A
Hundred Miles Off sem var eins og nafnið
gefur til kynna alveg „off“. Fyrir það hafði The
Walkmen verið trygging fyrir miklum gæðum
og frábærri tónlist. Nú hafa piltarnir í Walkmen hins vegar beðist
afsökunar með You & Me, frábæru stykki sem kom út fyrir stuttu.
Þrátt fyrir að The Walkmen flokkist undir hatt indí-rokksins hefur
þeim tekist að vera alltaf eitthvað meira en bara það. Fyrst og fremst er
það ótrúlega yfirvegaður og sjarmerandi hljómur sem fær mann til að
heillast af sveitinni. Fortíðarljómi sveipar sig einnig um sveitina þannig
að oft áttar maður sig ekki alveg á því á hvaða tímabili maður er
staddur. Hljómur sveitarinnar fær síðan nútímalegri blæ með grodda-
legri innspýtingu hinnar nýju kynslóðar. Í raun getur maður aldrei lýst
tónlist The Walkmen til hlítar, ekki það að hún sé of flókin, hún snertir
mann einfaldlega á svo marga vegu að erfitt er að ná taki á henni.
Tímalaus snilld
THE WALKMEN Enn eitt
meistaraverkið er komið út.
Nú er farið að styttast í
næstu Airwaves-hátíð. Á
hverju ári spila þar nýjar
sveitir sem ekki hafa sent
frá sér plötu. Sumar þeirra
vekja mikla athygli á hátíð-
inni, en hvað svo? Trausti
Júlíusson tók stöðuna á
nokkrum þeirra nýju sveita
sem vöktu mesta athygli á
Airwaves 2007.
Iceland Airwaves-hátíðin hefur
alltaf snúist að miklu leyti um það
að uppgötva nýja tónlistarmenn.
Erlendu bransagestirnir eru
spenntastir fyrir íslensku lista-
mönnunum, en íslenskir tónlistar-
áhugamenn gera ekki síður upp-
götvanir. Það eru mörg dæmi um
tónlistarmenn sem hafa spilað á
Airwaves og slegið í gegn skömmu
seinna. Upp í hugann koma erlend
nöfn eins og The Rapture, Hot
Chip, TV on the Radio og Klaxons,
en hátíðin hefur verið mörgum
íslenskum listamönnum mikil
lyftistöng líka, má þar nefna
Bloodgroup, Dr. Spock, Mugison
og Trabant. En hvernig hefur
nýliðum síðustu Airwaves-hátíðar
reitt af?
Frá Götu um víðan völl
Fimm af erlendu nýliðunum sem
spiluðu á síðustu hátíð hafa síðan
sent frá sér sína fyrstu plötu.
Fyrsta í þeim hópi skal nefna rokk-
sveitina Boys in a Band frá Götu í
Færeyjum. Hún tók þátt í hljóm-
sveitakeppninni Global Battle of
the Bands fyrir hönd Færeyja í
desember síðastliðnum og bar
sigur úr býtum. Eftir áramótin tók
hún svo upp sína fyrstu plötu,
Black Diamond Train, í London
undir stjórn Ken Thomas. Platan
kom út fyrir nokkrum vikum og er
hreint út sagt frábær rokkplata.
Önnur sveit sem vakti töluverða
athygli á Airwaves í fyrra er
kammerpoppsveitin Ra Ra Riot
frá Syracuse í New York-ríki. Hún
spilaði sína fyrstu tónleika á South
by Southwest 2007 og átti aðeins
að baki EP-plötu þegar hún steig á
svið á Clash-kvöldinu á Nasa í
fyrra. Fyrsta stóra platan hennar,
The Rumb Line, er nýkomin út og
hefur fengið fína dóma, meðal ann-
ars hjá Pitchforkmedia sem segir
plötuna sýna að sveitin ætli að lifa
af fráfall trommuleikarans John
Ryan Pike sem lést í júní 2007, en
hann hafði verið atkvæðamikill
lagasmiður í sveitinni.
Gróska á Moshi Moshi-kvöldum
Það hafa leikið ferskir straumar
um Moshi Moshi-kvöldin á Air-
waves undanfarin ár. Árið í fyrra
var engin undantekning. Þrjár af
þeim sveitum sem spiluðu þar hafa
nýverið sent frá sér sína fyrstu
plötu. Fyrst til þess var The Teen-
agers. Hún hafði þegar slegið í
gegn á Myspace með lögunum The
Homecoming og Fuck Nicole þegar
hún tróð upp á Nasa. Platan hennar
Reality Check sem kom út í mars
er í sama stíl – hraðsoðin og
gredduleg. Skemmtileg á köflum,
en algjör skyndibiti.
Sama kvöld spilaði enska sveitin
Friendly Fires. Hún sendi frá sér
sína fyrstu plötu síðastliðinn
mánudag hjá XL-fyrirtækinu.
Frumburðurinn sem ber nafn
sveitarinnar er nokkuð þétt pönk-
fönk keyrsla og hefur fengið fína
dóma. Það pirrar mig samt ennþá
hvað bandið er líkt The Rapture.
Önnur ensk sveit, Late of the
Pier, lokaði Moshi Moshi-kvöldinu
í fyrra. Fyrsta platan hennar, Fant-
asy Black Channel, kom út í ágúst.
Hún er frábær samsuða ólíkra teg-
unda tónlistar eins og áður hefur
komið fram hér í blaðinu.
Íslenska deildin
En hvað með íslensku böndin?
Nokkrar af stjörnum síðustu hátíð-
ar eru búnar að gefa út eða með
plötu á leiðinni. Hjaltalín skilaði
sínu meistaraverki í lok síðasta
árs, Ultra Mega Technobandið
Stefán sem var eitt af stóru nöfn-
unum á Airwaves bæði 2006 og
2007 er loks búið að koma út sinni
fyrstu plötu, Circus, og plötur með
Motion Boys og Retro Stefson eru
tilbúnar. FM Belfast, Steed Lord,
1985! og fleiri fylgja svo vonandi á
eftir. Og svo fer maður að hita upp
fyrir alla Airwaves-nýliðana á
næstu hátíð sem fer fram 15.-19.
október.
Þokkalegasta uppskera
LATE OF THE PIER Stendur undir væntingunum sem Airwaves-tónleikarnir vöktu á
nýju plötunni.
THE TEENAGERS Hraðsoðið og greddu-
legt.
> Í SPILARANUM
Brian Wilson - That Lucky Old Sun
New Kids on the Block - The Block
Fujiya & Miyagi - Lightbulbs
Okkervil River - The Stand ins
Emilíana Torrini - Me and Armini
BRIAN
WILSON
EMILÍANA
TORRINI
Kings of Leon hafa ákveðið að kynna
væntanlega plötu sína, Only by the
Night, með röð af heimagerðum mynd-
böndum.
Hljómsveitin mun birta eitt mynd-
band daglega á vefsíðu sinni þangað til
platan kemur út, 22. september. Eiga
myndböndin að gefa áhugasömum sýn
inn í líf hljómsveitarinnar.
Myndböndin sýna meðal annars frá
upptökuferli plötunnar, myndefni frá
gerð myndbands við smáskífuna Sex on
Fire mun birtast, sjá má móður
bræðranna syngja með þeim og kynning
á afa þeirra verður einnig sýnd.
Myndefnið verður svo klippt saman og
látið myndskreyta lagið Crawl, sem
fylgir lúxus-útgáfu plötunnar á iTunes.
Ætti þetta uppátæki að ýta enn frekar
undir eftirvæntingu aðdáenda, en
seinasta plata sveitarinnar, Because of
the Times, sló rækilega í gegn.
- kbs
Kings með heimavideo
HITA UPP Kings of Leon kyndir undir nýrri plötu
með myndböndum á netinu.
> Plata vikunnar
Primal Scream - Beautiful
Future
★★★
„Þó að smekkvísin sé á
sínum stað á Beautiful Future
er platan of tilþrifalítil til að
komast í hóp með bestu plöt-
um Primal Scream.“ TJ
Í ágústbyrjun fóru menn að spek-
úlera í því hvort lag, sem lekið
hafði á netið, væri úr samstarfi
The Streets og Muse. Því til sönn-
unar voru fundin orð Matts Bella-
my um að hann væri til í að mynda
breskt svar við Rage Against the
Machine með Mike Skinner, sem
er betur þekktur sem The Streets.
Spekúlasjónir manna reyndust
réttar en nú hefur Skinner ákveð-
ið að eyða laginu, Who Knows
Who, af lagalistanum á nýrri plötu
sinni, Everything Is Borrowed.
Skinner sagði við Daily Star að
lagið hefði virst ósvikið og
skemmtilegt í fyrstu. Plötufyrir-
tæki hans hefði hins vegar orðið
of spennt fyrir samstarfinu og því
hafi hann hent því. „Mér fannst
lagið ekki það gott hvort eð var,“
er haft eftir Skinner.
Hann virðist almennt illa fyrir
kallaður þessa dagana en í viðtali
við Guardian sagði hann Every-
thing Is Borrowed síðustu plötu
The Streets þar sem hann væri
„búinn að fá miklu meira en nóg“
af því nafni og öllu sem því tengd-
ist. - kbs
Skinner búinn að fá nóg af Streets
VILL LOSNA VIÐ STREETS-NAFNIÐ Mike
Skinner hefur fengið sig fullsaddan.
V
in
n
in
g
a
r
ve
rð
a
a
fh
e
n
d
ir
h
já
B
T
S
m
á
ra
lin
d
. K
ó
p
av
o
g
i.
M
e
ð
þ
v
í a
ð
t
a
k
a
þ
á
tt
e
rt
u
k
o
m
in
n
í
S
M
S
k
lú
b
b
. 1
4
9
k
r/
sk
e
yt
ið
.
V
in
n
in
g
a
r
ve
rð
a
a
fh
e
n
d
ir
h
já
9. hver vinnur!
Frumsýnd
5. september