Fréttablaðið - 05.09.2008, Blaðsíða 46
38 5. september 2008 FÖSTUDAGUR
sport@frettabladid.is
Silfurdrengurinn Sturla Ásgeirsson kom heim til Íslands í gær frá
Þýskalandi þar sem hann hefur verið að æfa með þýska félaginu
Düsseldorf en það leikur í næstefstu deild í Þýskalandi. Sturla hefur
undanfarin ár leikið með AGF í Danmörku en ákvað að söðla um.
Á tímabili leit út fyrir að Sturla væri á leiðinni til Íslands á ný en þá
kom Düsseldorf inn í dæmið og nú bendir flest til þess að Sturla
leiki þar í vetur.
„Mér leist bara vel á þetta. Þeir voru þess utan mjög
jákvæðir í minn garð og sögðust ætla að senda mér
tilboð á næstu dögum. Ef það er eitthvað
í líkingu við það sem talað var um er ég
væntanlega á leiðinni til Þýskalands,“ sagði
Sturla við Fréttablaðið í gær en hann var þá
nýlentur í Keflavík. Þessi tíðindi eru ekki góð
fyrir HK, sem var að vonast eftir því að semja
við Breiðhyltinginn.
„Aðstæður þarna úti eru fínar. Kannski ekki alveg
eins góðar og í Danmörku enda var allt í hæsta klassa þar,“
sagði Sturla.
Düsseldorf var ekki fjarri því að komast upp í þýsku
úrvalsdeildina á síðustu leiktíð. Markmið félagsins er
því að gera enn betur í vetur og tryggja sér sæti í deild
þeirra bestu. „Liðið hefur svo sem ekkert verið að
styrkja sig. Á móti kemur að það er nokkurn veginn
sami mannskapur og í fyrra sem var næstum því búinn
að tryggja sig upp í úrvalsdeildina. Það verður því
vonandi ekkert miðjumoð hjá liðinu heldur bara
toppbarátta,“ sagði Sturla, sem mun væntanlega
bíða spenntur eftir því að fá tilboðið í hendurnar.
Hann er enn með allt sitt hafurtask í Danmörku
enda næsti áfangastaður ekki ákveðinn. Hann
mun þó dvelja hér heima hjá foreldrum sínum
næstu daga og líkar það vel.
„Það er alveg æðislegt að vera á hótel mömmu.
Ekkert sem toppar það,“ sagði Sturla kátur en hann
stóð sig vel á sínu fyrsta stórmóti úti í Peking. Var
hent út í djúpu laugina í fyrsta leik gegn Rússum og
stóð sig með miklum sóma.
HANDKNATTLEIKSKAPPINN STURLA ÁSGEIRSSON: VÆNTANLEGA Á FÖRUM TIL DÜSSELDORF
Sturla bíður eftir tilboði frá Þýskalandi
> West Ham svarar Curbishley
Ásgeir Friðgeirsson, aðstoðarstjórnarformaður West Ham,
svaraði gagnrýni Alans Curbishley, fyrrverandi knattspyrnu-
stjóra félagsins, á hendur stjórn West Ham í viðtali við BBC
Sport í gær. Curbishley sagði starfi sínu lausu í fyrradag
og kvaðst hafa verið nauðbeygður til þess vegna trúnaðar-
brests stjórnarinnar og að hann hefði ekki fengið að vera
með í ráðum í sambandi við leikmannamál félagsins.
Ásgeir vísar þeim ásökunum á bug. „Á fundi í apríl var
farið yfir framtíðarplön West Ham þar sem var ákveðið
að skera þyrfti niður launakostnað og
ákveðin upphæð til leikmannakaupa
fyrir tímabilið var samþykkt, bæði af
stjórninni og Curbishley. Það hefði
verið réttmætt hjá honum að gera
athugasemdir þá, en það gerði hann
ekki,“ segir Ásgeir.
Fjarnám ÍSÍ í þjálfaramenntun!
Hefst 22. sept. nk. og gildir jafnt fyrir allar
íþróttagreinar. Tekur 8 vikur og er námskeiðsgjald kr.
24.000.- Skráning fyrir 18. sept. á namskeid@isi.is eða
í síma 514-4000. Nánari uppl. í síma 460-1467 og á
vidar@isi.is
Sjá einnig á www.isi.is
6. september
á Ljósanótt í Reykjanesbæ
Flögu tímataka
Kort af
hlaupaleið er á
hlaup.is
Hálfmaraþon (ræsing kl. 10:30)
10 km hlaup (ræsing kl. 11:15)
3,5 km skemmtiskokk (ræsing kl. 11:20)
Verðlauna afhending kl. ca. 13:00
Skráning er hafin
í Lífsstíl
s: 420 7001
FÓTBOLTI Margrét Lára Viðarsdótt-
ir varð fyrsti knattspyrnumaður-
inn til þess að skora tuttugu mörk
fyrir íslenskt lið í Evrópukeppni
þegar hún skoraði þrennu í stór-
sigri Valskvenna í opnunarleikn-
um í Evrópuriðli sínum í Sala í Sló-
vakíu í gær.
Margrét Lára skoraði öll þrjú
mörkin sín í fyrri hálfleik en hún
lagði auk þess upp tvö mörk fyrir
Dóru Maríu Lárusdóttur. Margrét
Lára hefur nú skorað 21 mark í
Evrópukeppni í aðeins tólf leikj-
um. Hún hefur enn fremur skorað
í öllum sex leikjum sínum í undan-
riðlinum, samtals tólf mörk.
Spiluðu rosalega vel
„Þetta var kannski ekki eins mikil
mótspyrna og við bjuggumst við
en við spiluðum rosalega vel og
það var gott að byrja á góðum
sigri. Það er frábært að vinna
fyrsta leikinn og setja með því
pressu á hin liðin í riðlinum,“ segir
Margrét Lára.
Hún segir Valsliðið einnig gera
allar nauðsynlegar ráðstafanir til
að vinna á móti áhrifum hitans
sem er mikill í Slóvakíu þessa dag-
anna.
Gríðarlega heitt
„Það var gríðarlega heitt og
það var eitthvað um 30 gráður.
Við erum líka að spila þarna á
milli ellefu og eitt sem er heit-
asti tími dagsins. Við látum
það ekkert á okkur fá
enda höfum við lent
áður í því að spila í
miklum hita,“ segir
Margrét Lára.
Valsliðið lenti í
hremmingum á leið-
inni út, þær misstu
af flugi og stór hluti
hópsins endaði á að
fá ekki töskurnar
fyrr en sólarhring
seinna. Margrét
Lára var ein af
þeim.
„Ég var ein af þeim sem fengu
töskuna seint. Maður var í fötum
af samherjum sínum en við reynd-
um að fara ekki út í neitt neikvætt
heldur halda okkar striki. Það er
líka frábært að sjá hvernig þessi
hópur er vel samstilltur og lætur
ekkert hafa neikvæð áhrif á sig.
Þetta slapp fyrir horn,“ sagði
Margrét Lára, sem var sem betur
fer búin að fá markaskóna sína
fyrir leikinn.
Lék bara í klukkutíma
Margrét Lára lék bara fyrsta
klukkutímann í gær enda ekki enn
komin í fulla æfingu eftir sumar-
langa baráttu við meiðsli.
„Ég er búin að vera í meiðslum
og það var gott að fá hvíldina enda
eru þetta þrír leikir á stuttum
tíma. Vonandi á þessi hvíld eftir
að hjálpa mér í framhaldinu,“
sagði Margrét að lokum.
Næsti leikur Vals er á móti
heimakonum í Sala á laugardag-
inn. Líkt og leikurinn í gær fer
hann fram klukkan 11, eða klukk-
an 9 að íslenskum tíma.
ooj@frettabladid.is
VALUR-CARDIFF 8-1
1-0 Sjálfsmark (17.), 2-0 Margrét Lára
Viðarsdóttir (23.), 3-0 Margrét Lára
(27.), 3-1 (35.), 4-1 Dóra María
Lárusdóttir (37.), 5-1 Margrét Lára
(40.), 6-1 Dóra María (56.), 7-1
Rakel Logadóttir (64.), 8-1 Mál-
fríður Sigurðardóttir (83.).
Margrét Lára fyrst í 20 Evrópumörk
Valur vann stórsigur, 8-1, á velsku meisturunum í Cardiff City í fyrsta leik liðsins í undanriðli Evrópukeppn-
innar. Margrét Lára Viðarsdóttir skoraði þrennu í fyrri hálfleik og Dóra María Lárusdóttir skoraði 2 mörk.
FRÁBÆR BYRJUN
Valskonur unnu
stórsigur í fyrsta leik
sínum í Evrópu-
keppnini í ár og
Margrét Lára átti þátt
í 5 af 8 mörkum.
FRÉTTABLAÐIÐ/STEFÁN
FÓTBOLTI Kevin Keegan er hættur
sem knattspyrnustjóri Newcastle
eftir aðeins átta mánuði í starfi.
Þar með hafa tveir stjórar hætt
með lið í ensku úrvalsdeildinni
þrátt fyrir að aðeins þrjár
umferðir séu búnar af tímabilinu.
Líkt og með Alan Curbishley hjá
West Ham er það slæmt samkomu-
lag við stjórnina sem veldur því að
Keegan ákvað að stökkva frá
borði.
„Ég hef unnið að því að finna
leið fram á við í samskiptum
mínum við stjórnina en því miður
tókst ekki að finna viðunandi
lausn. Það er mín skoðun að
knattspyrnustjóri verði
að fá frið til þess að
stjórna liðinu og að
stjórn félags geti
ekki þröngvað upp á
hann leikmönnum
sem hann vill ekki
fá,“ sagði Keegan í
yfirlýsingu sem
hann gaf út í gær.
Hann hafði ekki
mætt á æfingu hjá
liðinu síðan félaga-
skiptaglugganum
var lokað en Keegan var mjög
ósáttur við að félagið væri að
reyna að selja Joey Barton og
Michael Owen. „Ég vonast til þess
að Newcastle gangi vel í framtíð-
inni og ég finn mikið til með leik-
mönnum, starfsfólki og ekki síst
stuðningsmönnunum. Það var
bara engin önnur leið möguleg
fyrir mig,“ sagði Keegan enn
fremur í yfirlýsingu sinni en 200
reiðir stuðningsmenn voru þegar
mættir fyrir utan St. James Park
þegar fréttir bárust um að
hann væri hættur.
Newcastle hefur
haldist illa á stjórum
síðan Keegan
hætti í fyrra
skiptið árið
1997 en þá
hafði hann
verið stjóri liðs-
ins í fimm ár. Kenny
Dalglish, Ruud Gullit, Sir
Bobby Robson, Graeme
Souness, Glenn Roeder og
Sam Allardyce reyndu
allir fyrir sér hjá liðinu
áður en Keegan sneri aftur.
- óój
Newcastle missti enn einn knattspyrnustjórann í gær:
Keegan hætti síðan
eftir allt saman
FÓTBOLTI Ísland mætir Norð-
mönnum á laugardaginn í fyrsta
leik sínum í undankeppni HM í
Suður-Afríku 2010.
Samkvæmt fjölmiðlum í Noregi
ætlar Åge Hareide að stilla upp
sókndjörfu liði þar sem John
Carew (Aston Villa) og Thorstein
Helstad (Le Mans) verða fremstir
en Steffen Iversen (Rosenborg)
er síðan fyrir aftan þá.
Þessir þrír kappar hafa saman
skorað 49 mörk fyrir Noreg,
Carew er með 21 mark í 71 leik,
Iversen hefur skorað 19 mörk í 73
leikjum og Helstad er síðan með 9
mörk í 30 leikjum. - óój
Lið Norðmanna gegn Íslandi:
Sókndjarft lið?
MÁLIN RÆDD John Carew og landsliðs-
þjálfarinn Åge Hareide. NORDICPHOTOS/AFP
ÓSÁTTUR Kevin
Keegan.
KÖRFUBOLTI Þrjú hraðmót fara
fram í körfuboltanum um helgina.
tvö æfingamót fara fram í
Reykjanesbæ um helgina í
tengslum við hátíðina Ljósanótt
og þá fer einnig fram
hið árlega hraðmót Vals.
Það eru átta lið (fjögur
úrvalsdeildarlið) sem taka þátt í
hraðmóti Vals en úrslitaleikurinn
er klukkan 16 á sunnudaginn.
Körfuboltafólk í Reykjanesbæ
heldur upp á Ljósanótt með
körfuboltamótum. Í Toyota-
Höllinni verður mót í karlaflokki
þar sem Njarðvík, KR og
Grindavík taka þátt auk heima-
manna. Það verður einnig
hraðmót hjá konunum sem fer
fram í íþróttahúsi Keilis á
Vallarheiði. Þar eru með Grinda-
vík, Keflavík, Haukar, Fjölnir,
Valur og KR auk Njarðvíkur. - óój
Þrjú hraðmót um helgina:
Karfan af stað
STUÐ Á LJÓSANÓTT Fjögur af bestu
liðum landsins spila í Toytota-höllinni
um helgina. FRÉTTABLAÐIÐ/DANÍEL