Fréttablaðið - 10.09.2008, Blaðsíða 6
6 10. september 2008 MIÐVIKUDAGUR
Allir velkomnir!
Hver er stefna
meirihlutans í
borgarstjórn?
Hádegisverðarfundur í Valhöll
í dag, 10. september, kl. 11.45 – 13.15
Frummælendur:
Hanna Birna Kristjánsdóttir
borgarstjóri og Óskar Bergsson
formaður borgarráðs.
Fundarstjóri:
Sólveig Pétursdóttir
fyrrverandi forseti Alþingis
og formaður sveitarstjórnar-
og skipulagsnefndar.
Að fundinum stendur
sveitarstjórnar- og skipulagsnefnd.
ALÞINGI Þriðja umræða um frum-
varp heilbrigðisráðherra um
sjúkratryggingar fór fram á
Alþingi í gær. Frumvarpið gerir
ráð fyrir kostnaðargreiningu í heil-
brigðiskerfinu og að fjármagn
fylgi sjúklingum. Þá á hlutverk rík-
isins sem kaupanda heil-
brigðisþjónustu að styrkjast. Í
greinargerð frumvarpsins segir að
allir sjúkratryggðir eigi hér eftir
sem hingað til að njóta umsaminn-
ar þjónustu, óháð efnahag.
Umræðurnar einkenndust af tor-
tryggni og andstöðu þingmanna
VG sem telja frumvarpið greiða
fyrir einkavæðingu í heilbrigðis-
kerfinu. „Tilgangurinn er alveg
augljós og menn eru að pakka
þessu inn í söluvænar umbúðir
gagnvart almenningi,“ segir Álf-
heiður Ingadóttir, þingmaður VG.
„Þeir segja að þetta séu bara tækni-
legar aðgerðir og spurning um
aðferðir. En það sem aflaga fer
vegna fjársveltis og mikils vinnuá-
lags verður ekki lagað með slíkum
tæknilegum lausnum. Það verður
bara gert með því að auka fjár-
magnið til starfseminnar,“ segir
hún.
Ásta Möller, formaður heilbrigð-
isnefndar, hafnaði oft og ítrekað
ásökunum VG um að í frumvarp-
inu fælist einkavæðing. „Kerfið er
félagslegt og verður félagslegt.
Þetta frumvarp breytir engu um
það,“ sagði Ásta.
Hún sagði breytingarnar sem
fylgja lögum um sjúkratryggingar
jákvæðar fyrir heilbrigðis kerfið,
kostnaðargreining væri mikil bót
og eins að fjármagn fylgi sjúkling-
um.
Ágúst Ólafur Ágústsson, vara-
formaður Samfylkingarinnar, sagði
frumvarpið fyllilega í samræmi
við stefnu flokks síns í málaflokkn-
um en um það efuðust vinstri græn.
Töldu jafnaðarmennskuna fyrir
borð borna.
Framsóknarflokkurinn ætlar að
sitja hjá við atkvæðagreiðslu en
frjálslyndir styðja málið að settum
fyrirvara.
VG er hins vegar algjörlega á
móti. „Það er verið að skipta heil-
brigðisþjónustunni upp í tvo
aðskilda þætti, kaupendur og selj-
endur. Það er verið að búa til mark-
aðstorg svo markaðsaðilarnir kom-
ist að.
Lögmál frumskógarins mun
gilda en ekki kröfur um gæði,“
segir Álfheiður Ingadóttir.
bjorn@frettabladid.is
Dulbúin einkavæðing
Vinstri græn segja að í frumvarpi um sjúkratryggingar sé ríkisstjórnin að
pakka einkavæðingu heilbrigðiskerfisins inn í söluvænar umbúðir. Þessu hafna
stjórnarliðar og segja heilbrigðiskerfið verða félagslegt hér eftir sem hingað til.
Á ALÞINGI Ásta Möller, formaður heilbrigðisnefndar, mælti fyrir sjúkratryggingamálinu við þriðju umræðu. Ögmundur Jónasson er
því algjörlega andvígur. FRÉTTABLAÐIÐ/STEFÁN
DANMÖRK, AP Bendt Bendtsen sagði
af sér í gær sem leiðtogi danska
Íhaldsflokksins og hættir jafn-
framt sem varaforsætisráðherra í
ríkisstjórn Anders Fogh Rasm-
us sen.
Við formennsku í Íhaldsflokkn-
um tók Lene Espersen, sem hefur
verið dómsmálaráðherra ríkis-
stjórnarinnar. Búist var við að
Fogh Rasmussen myndi gera frek-
ari breytingar á ráðherraliði sínu í
kjölfar brotthvarfs Bendtsens, en
danskir fjölmiðlar héldu því fram
í gær að þær breytingar yrðu
litlar. Bendtsen ætlar að bjóða sig
fram til Evrópuþingsins á næsta
ári, en hann hefur verið leiðtogi
Íhaldsflokksins síðan 1999. Hann
ætlar að halda sæti sínu á danska
þinginu þangað til Evrópuþing-
kosningarnar verða haldnar.
„Það er kominn tími til að breyta
um forystu í Íhaldsflokknum,“
sagði hann í gær. „Ég hef verið að
hugsa um þetta um skeið, og nú er
rétti tíminn kominn.“ Íhaldsflokk-
urinn er minni flokkurinn í tveggja
flokka minnihlutastjórn með Ven-
stre-flokknum, sem er flokkur
frjálslyndra hægrimanna undir
stjórn Foghs Rasmussen forsætis-
ráðherra. Danski þjóðarflokkur-
inn, sem er flokkur þjóðernis-
sinna, hefur varið ríkisstjórnina
falli á kjörtímabilinu. - gb
Leiðtogaskipti í danska Íhaldsflokknum eftir að Bendt Bendtsen sagði af sér:
Espersen tekur við forystunni
LENE ESPERSEN Dómsmálaráðherra í
stjórn Anders Fogh Rasmussen tekur við
formennsku í Íhaldsflokknum.
NORDICPHOTOS/AFP
STJÓRNMÁL Hugsanlegt er að
frumvarp um lágmarksíbúa-
fjölda sveitarfélaga verði lagt
fram á haustþingi. Kristján L.
Möller samgönguráðherra sagði
á þingi Fjórðungssambands
Vestfirðinga um helgina að ætlun
stjórnvalda væri að endurskoða
verkaskiptingu
ríkis og
sveitarfélaga
og efla sveitar-
stjórnarstigið.
Fyrir dyrum
stæði að færa
til þeirra
málefni
aldraðra og
fatlaðra en til
að svo mætti
verða þyrftu sveitarfélögin að
vera öflug. Benti hann á að á
Vestfjörðum væri aðeins
Ísafjörður með yfir þúsund íbúa.
Tíu sveitarfélög eru í fjórðungn-
um og er Árneshreppur fámenn-
astur, þar búa innan við 50
manns. - bþs
Íbúafjöldi sveitarfélaga:
Lögunum hugs-
anlega breytt
KRISTJÁN L.
MÖLLER
NORÐUR-KÓREA, AP Leyniþjónustu-
stofnanir á Vesturlöndum telja að
Kim Jong Il, leiðtogi Norður-
Kóreu, geti verið alvarlega
veikur.
Hann hefur ekki sést opinber-
lega síðan um miðjan ágúst, og
mætti ekki á hátíðarhöld í gær í
tilefni af 60 ára afmæli landsins.
Þetta er mjög óvenjulegt og þykir
benda til þess að hann gæti hafa
veikst alvarlega, hugsanlega
fengið heilablóðfall. Erfitt er að
fá áreiðanlegar fréttir af því sem
er að gerast í N-Kóreu, þar sem
mikil leynd hvílir yfir öllu. - gb
Kim Jong Il talinn veikur:
Mætti ekki á
hátíðarhöldin
KIM JONG IL Leiðtogi Norður-Kóreu
talinn alvarlega veikur. FRÉTTABLAÐIÐ/AP
Á að beita brottvísunum á
erlenda brotamenn meira en
nú er gert?
Já 98%
Nei 2%
SPURNING DAGSINS Í DAG
Fylgist þú með Ólympíuleikum
fatlaðra?
Segðu skoðun þína á vísir.is
LÖGREGLUMÁL Sambýlismaður
konu, sem liggur enn þungt
haldin á sjúkrahúsi eftir að
gengið var í skrokk á henni, var
látinn laus úr gæsluvarðhaldi í
gær. Lögregla gerði ekki kröfu
um að maðurinn sæti áfram inni.
Atvikið átti sér stað á heimili
fólksins 1. september. Áfengi
hafði verið haft um hönd, sem
endaði með ofangreindum
afleiðingum. Grunur beindist að
sambýlismanni hennar. Konan
var meðvitundarlaus þegar hún
var flutt á sjúkrahús á mánudags-
kvöld eftir atvikið. Hún hlaut
blæðingu á heila og þurfti að
gangast undir bráðaaðgerð. - jss
Árásin í Breiðholti:
Sambýlismað-
urinn laus
TAÍLAND, AP Samak Sundaravej neyddist til að segja
af sér sem forsætisráðherra Taílands í gær, eftir að
stjórnlagadómstóll hafði kveðið upp þann úrskurð
að hann hafi gerst brotlegur við stjórnskipan
landsins.
Brotið fólst í því að Samak, sem árum saman
hafði verið þekktur sjónvarpskokkur í Taílandi,
hélt áfram að elda mat í sjónvarpi og þáði laun
fyrir eftir að hann tók við embætti forsætisráð-
herra.
Flokkur Samaks hefur þó enn meirihluta á þingi,
og sögðust stuðningsmenn hans staðráðnir í að
hann yrði forsætisráðherra á ný. Áður en dómstóll-
inn kvað upp úrskurð sinn hafði Samak þó sagt að
hann mundi virða niðurstöðuna.
Þingið kemur saman á föstudag til að kjósa nýjan
forsætisráðherra, en þangað til situr ríkisstjórn
Samaks.
Andstæðingar Samaks hafa nú í nokkrar vikur
efnt til daglegra mótmæla gegn honum á götum
höfuðborgarinnar. Mótmælendur hafa krafist
afsagnar hans og segja hann ganga erinda fyrrver-
andi forsætisráðherra, Thaksin Shinawatra, sem
hrökklaðist frá völdum fyrir tveimur árum og býr í
sjálfskipaðri útlegð í Bretlandi.
Þeir Thaksin og Samak eru flokksbræður og hafa
jafnan haft yfirgnæfandi stuðning meðal lands-
manna utan höfuðborgarinnar, þótt andstaða við þá
báða hafi verið hörð meðal borgarbúa. - gb
Forsætisráðherra Taílands sagði af sér samkvæmt dómsúrskurði:
Matseldin var stjórnlagabrot
FÖGNUÐUR Í BANGKOK Andstæðingar Samaks, sem hafa kraf-
ist afsagnar hans vikum saman, fögnuðu ákaft í gær.
FRÉTTABLAÐIÐ/AP
KJÖRKASSINN