Fréttablaðið - 23.09.2008, Blaðsíða 8
8 23. september 2008 ÞRIÐJUDAGUR
EFNAHAGSMÁL Hærri verðbólga og
sveiflukenndari framleiðsla eru
meðal þeirra afleiðinga sem þjóðir
hafa þurft að glíma við sem tekið
hafa upp aðra mynt með óformleg-
um hætti, segir Friðrik Már Baldurs-
son prófessor. Hann mun kynna
niður stöður Rannsóknarstofnunar í
fjármálum við Háskólann í Reykja-
vík á ráðstefnu um áhrif tengingar
við evru á viðskipti, fjármálastöðug-
leika, samfélag og lagalegt umhverfi
á vegum viðskiptaráðuneytisins í
dag.
„Ég hef rannsakað reynslu ann-
arra þjóða af óformlegri evru- eða
dollaravæðingu, sem er það ferli
þegar önnur mynt, og þá yfirleitt
Bandaríkjadalur, hefur að veru-
legu leyti rutt heimamyntinni úr
vegi í hagkerfi viðkomandi lands,“
segir Friðrik Már og segir að slík
lönd búi jafnframt við meiri hættu
á gjaldeyris- og bankakreppum.
Hann hefur að undanförnu kynnt
sér hvernig evran og aðrir gjald-
miðlar hafa rutt sér til rúms á
Íslandi. „Það hefur að langmestu
leyti verið á þann veg að íslensk
heimili og fyrirtæki hafa tekið lán í
erlendri mynt. Nú er um fjórðung-
ur af skuldum heimilanna við
bankakerfið í erlendri mynt og yfir
sjötíu prósent af skuldum fyrir-
tækja. Bankarnir hafa tryggt sig
gegn sveiflum í gengi krónunnar,
en búa óhjákvæmilega við meiri
útlánaáhættu. Evruvæðingin grefur
því undan fjármálalegum stöðug-
leika og er raunar að flestu leyti
neikvæð fyrir hagkerfið,“ segir
Friðrik Már.
Eiríkur Bergmann Einarsson,
forstöðumaður Evrópufræðaseturs
Háskólans á Bifröst, segir ýmislegt
benda til að evran sé nú þegar farin
að vætla inn í íslenskt efnahagslíf,
þvert á stefnu stjórnvalda. Hann
segir að sjálfkrafa evruvæðing feli
í sér mikla galla; íslenska þjóðin
verði bæði af kostum þess að halda
úti sjálfstæðum gjaldmiðli og kost-
um þess að fá hlutdeild í þeim
ávinningi sem hlýst af því að sam-
einast um gjaldmiðil með öðrum
ríkjum í sameiginlegu myntbanda-
lagi.
„Sjálfkrafa evruvæðing er líkast
til versta tegund evruvæðingar sem
völ er á en fari skriðan af stað af
fullum þunga, sem enn hefur ekki
gerst, gæti á skömmum tíma orðið
ansi brátt um íslensku krónuna. Slík
þróun gæti augljóslega grafið
undan virði krónunnar á markaði
með alvarlegum afleiðingum fyrir
krónueigendur, sér í lagi fyrir eldra
fólk sem margt lifir á sparifé en
hefur að öðru leyti takmarkaða inn-
komu og þrengri möguleika til
tekjuöflunar,“ segir Eiríkur enn
fremur. bih@frettabladid.is
1. Á hvaða landsvæði gengur
hampræktun best hér á landi?
2. Hvaða tveir bankar eru í
sameiningarviðræðum?
3. Hvaða knattspyrnulið féll
niður í 1. deild á sunnudag?
SVÖRIN ERU Á SÍÐU 30
Evruvæðing grefur
undan stöðugleika
Sérfræðingar vara við sjálfvirkri evruvæðingu, sem þegar sé hafin hér á landi.
Getur kallað á hærri verðbólgu og sveiflukenndari framleiðslu. Rannsókn á
reynslu þjóða af óformlegri evruvæðingu verður kynnt á ráðstefnu í dag.
ÍS
L
E
N
S
K
A
S
IA
.I
S
T
O
Y
4
37
34
0
9.
20
08
www.toyota.is
BETRI NOTAÐIR BÍLAR
ÚRVALSBÍLL GÆÐABÍLL
Toyota Kópavogi
Nýbýlavegi 4
Kópavogur
Sími: 570-5070
Toyota Avensis
1800 Bensín sjálfsk.
Á götuna: 07.07 Ekinn: 9.000 km
Verð: 3.040.000 kr. Skr.nr. VI-577
Toyota Yaris Terra
1000 Bensín 5 gíra
Á götuna: 05.07 Ekinn: 42.000 km
Verð: 1.490.000 kr. Skr.nr. TR-301
Toyota Yaris Sol
1300 Bensín 5 gíra
Á götuna: 05.07 Ekinn: 47.000 km
Verð: 1.750.000 kr. Skr.nr. LS-464
BNB-sölugreining
Bílarnir ganga í gegnum strangt gæðamat sem tekur mið af aldri, akstri
og viðhaldssögu bílsins. Þeir sem standast kröfurnar lenda annað hvort
í flokknum Úrvalsbílar eða Gæðabílar. Ef bíllinn stenst ekki kröfur okkar
bjóðum við þér hann ekki.
Núna bjóðum við 6 betri notaða bíla
með 12 mánaða viðbótarábyrgð.
Toyota Corolla Sol
1600 Bensín 5 gíra MM skipting
Á götuna: 05.07 Ekinn: 43.000 km
Verð: 2.580.000 kr. Skr.nr. UA-853
Toyota Land Cruiser GX
3000 Dísil 6 gíra
Á götuna: 06.06 Ekinn: 81.000 km
Verð: 4.750.000 kr. Skr.nr. IL-953
NÚ BJÓÐUM VIÐ SEX FÍNA
BÍLALEIGUBÍLA Á GÓÐU VERÐI
Toyota Auris
1400 Bensín 5 gíra
Á götuna: 05.07 Ekinn: 44.000 km
Verð: 1.960.000 kr. Skr.nr. KM-782
VINNUMARKAÐUR Alls hafa um
1.250 starfsumsóknir borist
Bauhaus, samkvæmt tilkynningu
sem fyrirtækið sendi frá sér í
gær.
Bauhaus opnar í desember 22
þúsund fermetra verslun við
Vesturlandsveg og verður hún sú
stærsta á Norðurlöndunum. Alls
sóttu um 650 manns um helstu
stjórnendastöður í versluninni,
sem búið er að ráða í. Þá hafa um
1.250 manns sótt um þau 150 störf
sem til stendur að ráða í til
viðbótar. Verslunin skiptist í
byggingamarkað, blóma- og
garðasvæði og innkeyrsludeild og
verður þar boðið upp á yfir 120
þúsund vörutegundir. Bygging
verslunarhúsnæðis Bauhaus á
Íslandi hófst haustið 2007 en
fyrirtækið, sem stofnað var í
Þýskalandi árið 1960, rekur nú
verslanir í fimmtán löndum. - ovd
Margar starfsumsóknir borist:
Mikill áhugi
á Bauhaus
POLLURINN Talið er að andarnefja sem
fannst dauð hafi haldið til á Pollinum að
undanförnu.
DÝRALÍF Andarnefja fannst dauð
við bæinn Nes við utanverðan
Eyjafjörð í fyrradag. Telja
kunnugir að um sé að ræða eina af
fjórum andarnefjum sem haldið
hafa til á Pollinum við Akureyri að
undanförnu.
Fréttablaðið greindi frá því á
fimmtudag að sést hefði til einnar
af andarnefjunum á þriðjudag þar
sem hún var föst í bauju. Daginn
eftir voru hins vegar bæði baujan
og andarnefjan horfin. Ekki liggur
fyrir hvað varð hvalnum að bana.
Vísindamenn Hafrannsóknastofn-
unarinnar munu taka sýni úr
honum og senda í rannsókn. - kg
Hvalir á Pollinum á Akureyri:
Andarnefja
fannst dauð
DÓMSMÁL Karlmaður á þrítugs-
aldri hefur verið ákærður fyrir
að ráðast á annan mann með
skrúfjárni og eggvopni. Árásin
átti sér stað í Tryggvagötu í
Reykjavík í apríl á síðasta ári.
Sá sem ráðist var á hlaut tvo
skurði á höfði, þrjá grunna skurði
á vinstri hendi og djúpan skurð á
hægri hendi. Hann hefur krafið
árásarmanninn um tæplega 800
þúsnd króna skaðabætur. - jss
Ákærður fyrir héraðsdómi:
Réðst á mann
með skrúfjárni
EVRAN VÆTLAR INN Óformleg evruvæðing er slæm að mati Friðriks Más
Baldurssonar (til vinstri) og Eiríks Bergmanns Einarssonar og grefur undan virði
krónunnar. Það er til dæmis slæmt fyrir eldra fólk sem lifir á sparifé.
Sjálfkrafa evruvæðing er
líkast til versta tegund
evruvæðingar sem völ er á.
EIRÍKUR BERGMANN EINARSSON
FORSTÖÐUMAÐUR EVRÓPUFRÆÐASETURS
HÁSKÓLANS Á BIFRÖST
VEISTU SVARIÐ?