Fréttablaðið - 10.10.2008, Blaðsíða 8

8 10. október 2008 FÖSTUDAGUR


   



   
  





  

  
  
!"#$!%&%&#'(#)
"*$'*+,%'-%!&
%&,./%/#)


 
1. Hvaða stofnun hefur alþjóð-
legu skammstöfunina IMF?
2. Hver er undirtitill væntan-
legrar bókar um Ólaf Ragnar
Grímsson?
3. Hvaða sparisjóður tekur nú
við stöðugum straumi nýrra
viðskiptavina í kreppunni?
SVÖRIN ERU Á SÍÐU 30
EFNAHAGSMÁL „Ég hef ekki orðið
vör við að nokkuð hafi breyst hér.
Ég hef að minnsta kosti ekki heyrt
mikið krepputal
frá Kínverjun-
um,“ segir
Kristín Aranka
Þorsteinsdóttir,
starfsmaður
íslenska
sendiráðsins í
Peking í Kína.
Kristín segist
fylgjast vel með
kínverskum
fréttum. „Maður heyrir fréttir af
hrunum markaða víðs vegar um
heiminn, og sérstaklega í Evrópu.
Maður heyrir líka að markaðir í
Kína hafi eitthvað lækkað eins og
annars staðar í Asíu, en ástandið
er greinilega ekki eins alvarlegt
hér,“ segir Kristín. - kg
Íslensk kona í Kína:
Heyri ekki mik-
ið krepputal
KRISTÍN ARANKA
ÞORSTEINSDÓTTIR
EFNAHAGSMÁL Vilhjálmur Egils-
son, formaður Samtaka atvinnu-
lífsins, segist ekki velta því fyrir
sér hvort eigi að skipta um Seðla-
bankastjóra. Hann gagnrýnir hins
vegar peningastefnu bankans og
telur aðkomu Alþjóðagjaldeyris-
sjóðsins óhjákvæmilega.
„Mér sýnist ekki vera neitt
annað í stöðunni en að sjóðurinn
komi að málum og við í Samtök-
um atvinnulífsins myndum ekki
setja okkur á móti því. Ég tel
bráðnauðsynlegt að lækka stýri-
vexti, það hefði átt að vera búið
að því. Ég hef verið ósammála
bankastjórum Seðlabankans hvað
það varðar en ætla ekki að taka
þátt í neinum nornaveiðum,“
segir Vilhjálmur.
Grétar Þorsteinsson, formaður
Alþýðusambands Íslands, segir
stjórnvöld, og þar með Seðla-
bankann, ekki ráða við stöðuna.
Því sé rétt að leita til Alþjóða-
gjaldeyrissjóðsins.
„Menn ráða ekkert við atburða-
rásina hér og nýjar fregnir bíða
manns á hverjum morgni. Ég
held að aðkoma sjóðsins væri af
hinu góða og myndi veita okkur
ráðgjöf og þann aðgang að fjár-
munum sem við þurfum á að
halda,“ segir Grétar.
Hann segir mjög mikilvægt að
lækka stýrivexti og kallar eftir
því að ríkisstjórnin taki ákvarð-
anir þar um.
- kóp
Menn ráða ekkert við at-
burðarásina hér og nýjar
fregnir bíða manns á hverjum
morgni.
GRÉTAR ÞORSTEINSSON
FORSETI ASÍ
EFNAHAGSMÁL Ágúst Ólafur
Ágústsson, varaformaður Sam-
fylkingarinnar, hefur krafist þess
að skipt verði um bankastjóra í
Seðlabankanum. Nú eru banka-
stjórarnir þrír; Ingimundur Frið-
riksson, Eiríkur Guðnason og
Davíð Oddsson.
Heimildir Fréttablaðsins herma
að málið hafi verið rætt á þing-
flokksfundi Samfylkingarinnar á
miðvikudag og Ágúst Ólafur sé að
tjá þá skoðun sem fram kom á
þeim fundi. Hins vegar verður
bankastjóraskipta ekki krafist á
meðan mesta gjörningaveðrið
gengur yfir. Ekki sé talið skyn-
samlegt að rugga bátnum frekar
en orðið er.
Þeir þingmenn sem vildu tjá sig
um málið voru allir orðvarir.
Helgi Hjörvar vísaði í þá stefnu
Samfylkingarinnar að yfir Seðla-
bankanum ætti að vera einn fag-
legur bankastjóri. „Það hefur
lengi verið stefna okkar. Þetta eru
hins vegar ekki þeir sólarhringar
sem við eigum að verja til að auka
upplausn. Nú bíðum við þess að
Davíð Oddsson þiggi lán af Rúss-
um og þegar við höfum unnið
okkur út úr vanda dagsins er tíma-
bært að ræða endurskipulagningu
Seðlabankans,“ segir Helgi Hjörv-
ar, þingmaður Samfylkingarinn-
ar.
„Ég hef enga skoðun á þessu og
held að betra sé að leita að lausn-
um en sökudólgum. Þessir menn
voru ráðnir í embættið og eru þar
þangað til annað er ákveðið,“ segir
Pétur Blöndal, þingmaður Sjálf-
stæðisflokksins. Spurður hvort
hann treysti bankastjórunum til
að leysa efnahagsvanda þjóðar-
innar segir hann: „Ég hef ekki
skoðun á því á þessu augnabliki.“
Kristján Þór
Júlíusson, Sjálfstæðisflokknum,
segir umræðuna ekki tímabæra
og það væri ábyrgðarlaust í
núverandi stöðu að skipta um
stjórnendur. „Ég treysti þeim á
meðan mér eru ekki boðnir aðrir
betri kostir.“
Ellert B. Schram, þingmaður
Samfylkingarinnar, er hins vegar
ekki í neinum vafa um að skipta
eigi um bankastjóra. „Það þarf að
gjörbreyta peningastefnu bank-
ans og það verður ekki gert nema
að skipta um menn í brúnni.
Ummæli Davíðs í Kastljósinu
höfðu gríðarleg áhrif og ég á erf-
itt með að sjá að hann geti setið
eftir þau.“
Karl V. Matthíasson, þingmaður
Samfylkingarinnar, segir að þegar
um hægist eigi að fara yfir allt
sviðið. „Komi í ljós að bankinn
hafi gert alvarleg mistök hljóta
menn að skoða hvort þar þarf að
stokka upp.“
kolbeinn@frettabladid.is
Samfylkingin vill að
Davíð Oddsson víki
Samfylkingarmenn vilja skipta um bankastjóra í Seðlabankanum. Heimildir
Fréttablaðsins herma að ólíklegt sé að það gerist á meðan mesta gjörningaveðr-
ið gangi yfir en líklegt er að Davíð taki pokann sinn þegar hægist um.
PÉTUR
BLÖNDAL
ÁGÚST ÓLAFUR
ÁGÚSTSSON
DAVÍÐ ODDSSON Varaformaður Samfylkingarinnar fer fram á að skipt verði um
bankastjóra í Seðlabankanum. Líklega verður það gert þegar hægist um í efnahags-
málunum. FRÉTTABLAÐIÐ/GVA
Fulltrúar SA og ASÍ vilja aðkomu Alþjóðagjaldeyrissjóðsins:
Aðkoma gjaldeyrissjóðs góð
GRÉTAR
ÞORSTEINSSON
VILHJÁLMUR
EGILSSON
EFNAHAGSMÁL Efnahagsþrengingar
á Íslandi og óhagstætt gengi
krónunnar hefur orðið til þess að
opnun byggingarvöruverslunar-
innar Bauhaus undir Úlfarsfelli í
Reykjavík hefur verið frestað um
óákveðinn tíma.
Halldór Óskar Sigurðsson,
framkvæmdastjóri Bauhaus á
Íslandi, skýrði frá því í Frétta blað-
inu í gær að kreppan myndi ekki
hafa áhrif á fyrirhugaða opnun í
desember. Hann segir að nú sé
frestun óhjákvæmileg enda ekki
hægt að panta inn vörur vegna
gengisins. „Þetta gætu bara verið
nokkrar vikur. Maður vonar það
besta.“
Húsnæðið sem nú mun standa
autt er 22 þúsund fermetrar. Þar
er ætlunin að 150 manns starfi og
yrði þetta stærsta byggingar vöru-
verslun á Norðurlöndum. - kdk
Frestun um óákveðinn tíma:
Bauhaus frestar
opnun á Íslandi
RÚSSLAND, AP Rússneskir ráða-
menn, sem boðið hafa Íslandi
aðstoð í fjármálakreppunni, segja
nú tíma kominn til að lægja öld-
urnar í samskiptum við Vestur-
lönd. Engin hætta sé á köldu stríði
og leiðtogar Vesturlanda þurfi að
halda ró sinni.
Á miðvikudag hélt rússneska
herliðið á brott frá flestum þeim
svæðum í Georgíu, sem eru utan
aðskilnaðarhéraðanna Abkasíu og
Suður-Ossetíu, þótt áfram séu her-
menn á nokkrum umdeildum
svæðum.
Dmitrí Medvedev, forseti Rúss-
lands, notaði þessi tímamót til að
hvetja Vesturlönd til þess að hætta
nú öllum illdeilum um Georgíu:
„Ekkert hefur gerst sem ekki má
laga. Engin hætta er á nýju köldu
stríði.“
Medvedev sagði hins vegar nauð-
synlegt að Rússland geri nýjan
varnarsamning við Evrópuríki til
þess að vega á móti einhliða
aðgerðum Bandaríkjanna.
Bæði Medvedev og forveri hans,
Vladimír Pútín, sem nú er forsæt-
isráðherra, hafa jafnframt ítrekað
sakað Bandaríkin um að bera
ábyrgð á fjármálakreppunni, sem
nú sligar heiminn.
Pútín bætti því svo við í gær að
kreppan hafi valdið óbætanlegum
skaða á ímynd Bandaríkjanna sem
leiðtoga hins frjálsa heims og sem
leiðtoga frjálsra viðskipta í heim-
inum. „Nú verður ekki aftur
snúið,“ sagði hann. - gb
Rússneskir ráðamenn segja að Vesturlönd þurfi að halda ró sinni:
Engin hætta á köldu stríði
RÚSSAR Í GEORGÍU Rússneska herliðið
hélt á brott frá Georgíu á miðvikudag,
að undanskildum aðskilnaðarsvæðun-
um og nokkrum umdeildum svæðum
öðrum. NORDICPHOTOS/AFP
STJÓRNMÁL Sigríður Ingibjörg
Ingadóttir, fulltrúi Samfylkingar í
bankaráði Seðlabankans, sagði sig
úr ráðinu í gærkvöldi. Hún bað
jafnframt
þjóðina
afsökunar á
því að hafa
ekki fyrr axlað
ábyrgð á
hagstjórnar-
mistökum
bankans.
„Undanfar-
in ár, mánuði,
vikur og daga
hafa verið gerð alvarleg mistök í
hagstjórn Íslands og stjórn
fjármálakerfisins. Seðla banki
Íslands ber mikla ábyrgð á þeim
mistökum,“ segir Sigríður í
tilkynningu. „Ég hvet því
bankastjóra Seðlabanka Íslands,
Davíð Oddsson, Eirík Guðnason
og Ingimund Friðriksson, til að
axla sína ábyrgð á mistökunum
og segja af sér nú þegar.“ - sh
Hvetur til afsagnar stjórnar:
Segir sig úr
Seðlabankaráði
SIGRÍÐUR INGIBJÖRG
INGADÓTTIR
Skuldaklukkan sprungin
Skuldir bandaríska ríkisins eru
komnar yfir 10 þúsund milljarða dala,
sem þýðir að ekki er pláss lengur fyrir
nógu marga tölustafi á skuldaklukk-
unni svonefndu í New York til að sýna
rétta skuldastöðu ríkisins. Skulda-
klukkan var sett upp árið 1989 til að
vekja athygli á óhóflegri skuldasöfnun
ríkisins, sem þá nam „aðeins“ 2,7
þúsund milljörðum dala.
BANDARÍKIN
Símtöl til spákonu
Norska þingkonan Saera Khan hefur
viðurkennt að hafa oft notað farsíma,
sem þingið greiðir kostnað af, til þess
að leita ráða hjá spákonu. Símreikn-
ingurinn fyrir síðustu þrjá mánuði
nam 48 þúsund norskum krónum.
Khan er nú farin í leyfi og ætlar ekki
að bjóða sig aftur fram til þings.
NOREGUR
DÓMSMÁL Tæplega fertugur
karlmaður hefur verið dæmdur
til að greiða 70 þúsund krónur til
ríkissjóðs og 184 þúsund til konu
sem hann sló í andlitið í félags-
heimilinu Valhöll á Eskifirði.
Konan hlaut nokkra áverka og
missti um tíma sjón á öðru auga.
Maðurinn neitaði sök frá
upphafi. Hann kvaðst sjálfur hafa
orðið fyrir árás nokkurra manna
á umræddum stað og tíma. Hafi
hönd hans lent á konunni þegar
hann varði hendur sínar og það
verið óviljaverk. Með hliðsjón af
framburði vitna taldi dómurinn
komna fram sönnun þess að
maðurinn hefði slegið konuna. - jss
Sekt og skaðabætur:
Missti sjón um
skeið eftir högg
VEISTU SVARIÐ?