Fréttablaðið - 12.10.2008, Blaðsíða 4
4 12. október 2008 SUNNUDAGUR
REYKJAVÍK Ágætlega gengur að
ráða fólk til starfa á frístunda-
heimili borgarinnar. Þó eru enn
um 500 börn sem bíða eftir
vistun, en 2.231 hafa fengið pláss.
„Það er ágætisgangur og hefur
verið síðustu vikuna. Okkur
vantar 44 starfsmenn í hálft starf
til að vera fullmönnuð,“ segir
Soffía Pálsdóttir, skrifstofustjóri
tómstundamála hjá ÍTR.
Soffía segir að aðstæður í
þjóðfélaginu geti haft áhrif á
starfsemina. „Við vitum ekki enn
hvort hreyfing verður á þeim
börnum sem fyrir eru og eins
hvort meira framboð verður á
starfsfólki. En vonandi útvegum
við öllum pláss á næstunni.“ - kóp
Frístundaheimili borgarinnar:
Fimm hundruð
vantar pláss
VANTAR ENN PLÁSS Fimm hundruð
börn bíða enn eftir plássi á frístunda-
heimili borgarinnar. FRÉTTABLAÐIÐ/STEFÁN
EFNAHAGSMÁL „Það er mjög mikil-
vægt fyrir íslensku þjóðina að
sækja um stuðning Alþjóðagjald-
eyrissjóðsins sem allra fyrst. Við
hefðum mátt gera það fyrr. Sjóður-
inn mun ekki setja skilyrði fyrir
stuðningi önnur en þau sem eru
skynsamleg og nauðsynleg, og ég
sé enga vankanta á slíkri umsókn,“
segir Jónas Haralz, hagfræðingur
og fyrrverandi bankastjóri. Á síð-
ustu dögum hefur gætt aukins
þrýstings á yfirvöld að leita stuðn-
ings Alþjóðagjaldeyrissjóðsins
vegna bágs efnahagsástands þjóð-
arinnar. Árni Mathiesen fjármála-
ráðherra fundaði með fulltrúum
sjóðsins í Washington í gær en segir
engar ákvarðanir hafa verið teknar
um hvort óskað verði eftir stuðn-
ingi.
Jónas Haralz segir Íslendinga oft
hafa notið góðs af tilveru gjaldeyr-
issjóðsins. „Við gengum í sjóðinn
við stofnun hans árið 1944 en urðum
ekki virkir þátttakendur fyrr en
1960. Þá hjálpaði sjóðurinn okkur
með nauðsynlegan gjaldeyrisforða
til að gefa innflutning frjálsan.
Þegar erfiðleikar steðjuðu að þjóð-
inni á árunum 1977 til 1979 kom
sjóðurinn aftur til hjálpar. Við
höfum ekki þurft á honum að halda
lengi, en það er ómetanlegt að hafa
svona stofnun í ástandi sem þessu,“
segir Jónas, og bætir við að ef
Íslendingar fengju stuðning frá
seðlabönkum einstakra landa væri
eðlilegt að það yrði sem viðbót og
styrking á stuðningi gjaldeyris-
sjóðsins. Löndin sem rætt hafi
verið um í því sambandi séu öll
meðlimir í sjóðnum.
Silja Bára Ómarsdóttir, alþjóða-
stjórnmálafræðingur við Háskóla
Íslands, segir mikilvægt að greina
á milli þess hvort Íslendingar hygg-
ist sækja um lán eða ganga í gegn-
um sérstaka meðferð gjaldeyris-
sjóðsins. „Ég hef vissar efasemdir.
Það þarf ekki að vera svo slæmt að
fá lán hjá sjóðnum, en þegar ríki
eru tekin í meðferð hjá sjóðnum
hafa þau ekki verið að koma vel út.
Yfirleitt fylgir slíkri meðferð að
ekki megi reka ríkissjóð með halla,
en við stöndum frammi fyrir halla-
rekstri. Til að reka ríkissjóð án
halla er ég mjög hrædd um að vel-
ferðarsamfélagið þurfi að víkja. Þá
verður þunginn af kreppunni bor-
inn af konum sem þurfa að sinna
umönnunarstörfum, sem ríkið gæti
ekki sinnt lengur, heima við. Þetta
verður afleiðingin ef ekki er haldið
rétt á spöðunum. Ef við hins vegar
fáum lán hjá sjóðnum held ég að
þetta eigi ekki við.“
Silja segir sögu gjaldeyrissjóðs-
ins mjög misleita. „Þegar mörg ríki
lentu í alvarlegum þrengingum í
upphafi níunda áratugarins höfðu
kröfur sjóðsins alvarlegar afleið-
ingar fyrir mörg ríki, til dæmis
Argentínu. En það eru ákveðnar
vísbendingar um að sjóðurinn sé að
læra,“ segir Silja.
kjartan@frettabladid.is
Skilyrðin sögð skyn-
samleg og nauðsynleg
Þrýstingur eykst á stjórnvöld að leita stuðnings Alþjóðagjaldeyrissjóðsins vegna
efnahagsástandsins. Jónas Haralz hagfræðingur vill að það gerist sem fyrst.
IMF Stjórn Alþjóðagjaldeyrissjóðsins
við setningu ársfundar sjóðsins í
Washington í gær. NORDICPHOTOS/AFP
JÓNAS HARALZSILJA BÁRA
ÓMARSDÓTTIR
STJÓRNMÁL Árni Mathiesen fjármálaráðherra
gekk í gær frá samkomulagi við Hollendinga
um ábyrgðir á greiðslum til eigenda Icesave-
reikninga Landsbankans í Hollandi. Íslenska
ríkið ábyrgist greiðslur upp að 20.887 evra
marki fyrir hvern reikning.
Sendinefndir frá Hollandi og Bretlandi
komu um helgina til viðræðna við íslenska
embættismenn. Það var hins vegar fjármála-
ráðherra sem gekk frá samkomulaginu við
Wouter J. Bos, hollenskan starfsbróður sinn,
sem eins og Árni er á ársfundi Alþjóðagjald-
eyrissjóðsins í Washington. Árni segir
aðalatriðið vera að málið sé leyst.
„Hollenska ríkisstjórnin mun veita Íslandi
lán til að standa undir þessum greiðslum,“
segir í tilkynningu forsætisráðuneytisins.
Hollenski seðlabankinn annast greiðslur til
innistæðueigenda þar í landi. Þá eru viðræð-
ur við sendinefnd Breta í gær um Icesave-
reikninga í Bretlandi sagðar hafa verið
vinsamlegar. Markmiðið hafi verið að ná
ásættanlegri niðurstöðu fyrir báða aðila.
„Verulegum árangri var náð um grundvall-
aratriði fyrirkomulags til að flýta greiðslum
til eigenda sparisjóðsreikninga í Icesave.
Fulltrúar ríkjanna ákváðu að vinna náið
saman að lausn annarra viðfangsefna á
næstu dögum,“ segir í sameiginlegri yfirlýs-
ingu.
Enn er alls óljóst hversu háar upphæðir
ríkissjóður mun þurfa að borga vegna
Icesave. Geir Haarde forsætisráðherra hefur
sagt að vonir séu um að eignir Icesave dugi
að mestu leyti til að greiða reikningseigend-
unum. - gar
Viðræður við sendinefnd Breta um Icesave sagðar ganga vel:
Samið um bætur til Hollendinga
FUNDAÐ UM ICESAVE Sendinefnd breskra embættis-
manna sat fund með íslenskum embættismönnum í
utanríkisráðuneytinu í gær. FRÉTTABLAÐIÐ/ANTON
GENGIÐ 10.10.2008
GJALDMIÐLAR KAUP SALA
HEIMILD: Seðlabanki Íslands
199,9866
GENGISVÍSITALA KRÓNUNNAR
110,66 111,18
187,78 188,7
149,74 150,58
20,116 20,234
17,769 17,873
15,528 15,618
1,1182 1,1248
168,8 169,8
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
Árás á skemmtistað
Ráðist var á mann á dansgólfi
skemmtistaðar í Reykjavík í fyrrinótt
og vísuðu dyraverðir árásarmanninum
út. Fjórir ökumenn voru jafnframt
handteknir grunaðir um ölvun við
akstur í Reykjavík í fyrrakvöld.
Ofsahraði á Sæbraut
Nítján ára ökumaður var handtek-
inn fyrir að aka á 121 km hraða á
klukkustund á Sæbrautinni í fyrrinótt
þar sem hámarkshraðinn er sextíu.
Ökumaðurinn má eiga von á sekt og
ökuleyfissviptingu.
LÖGREGLUFRÉTTIR
Eldur í potti
Eldur kom upp í potti á eldavél á
tveimur stöðum á höfuðborgar-
svæðinu. Fyrra atvikið átti sér stað
í Breiðholti laust eftir klukkan eitt í
fyrrinótt en hið síðara á Skúlagötu um
ellefuleytið í gærmorgun. Slökkvilið
Reykjavíkur var kallað til og töldust
bæði óhöppin minniháttar.
Ölvaður á Sauðárkróki
Maður um fimmtugt var handtekinn
á Sauðárkróki grunaður um ölvun við
akstur laust fyrir miðnætti í fyrrakvöld.
Annars var nóttin með rólegra mótinu
í bænum.
LÖGREGLUFRÉTTIR
VEÐURSPÁ
Kaupmannahöfn
Billund
Ósló
Stokkhólmur
Gautaborg
London
París
Frankfurt
Friedrichshafen
Berlín
Alicante
Mallorca
Basel
Eindhoven
Las Palmas
New York
Orlando
San Francisco
HEIMURINN
Vindhraði er í m/s.
Hitastig eru í °C.
Gildistími korta er um hádegi.
14°
15°
14°
13°
14°
20°
22°
22°
23°
18°
25°
24°
23°
19°
23°
25°
31°
19°
Á MORGUN
Víða 3-8 m/s, stífari
vestast.
ÞRIÐJUDAGUR
Hæg suðlæg eða
breytileg átt.
5
4
3
3
2
3
4
6
7
8
0
18
12
13
11
10
6
6
7
9
10
9
5
8
4
2
3 3
2
3
6
5
KÓLNANDI
VEÐUR Í VIKUNNI
Horfur eru á
kólnandi veðri með
þriðjudeginum eink-
um norðan til og eru
líkur á að úrkoman
sem kann að falla
Norðanlands verði
slydda eða slydduél
í byggðum og snjó-
koma til fjalla. Úr-
koman syðra verður
að öllum líkindum
blaut næstu daga.
Elísabet
Margeirsdóttir
Veður-
fréttamaður
VÍN, AUSTURRÍKI, AP Austurríski
stjórnmálamaðurinn Jörg
Haider lést í bílslysi í föður-
landi sínu í gær, 58 ára gamall.
Haider var að taka fram úr
öðrum bíl þegar hann missti
stjórn á bílnum og fór margar
veltur. Haider,
sem var einn í
bílnum, var í
bílbelti en það
dugði ekki til því
hann fékk
höfuðáverka sem
leiddu til dauða
hans.
„Haider, sem
var ríkisstjóri í
Carinthia-fylki
og leiðtogi Framtíðarsamtak-
anna, hafði fyrir skömmu snúið
aftur í austurrísk stjórnmál
með mýkri stefnu en þá öfga-
fullu hægristefnu sem hann var
þekktur fyrir er hann var
leiðtogi Frelsisflokksins. Vakti
sú stefna hörð viðbrögð meðal
annarra Evrópuþjóða, enda
þótti hún hliðholl nasisma.
Haider lætur eftir sig
eiginkonu, tvær dætur og
níræða móður, en til stóð að
fagna afmæli hennar um
helgina.
- fb
Jörg Haider lést í bílslysi:
Framúrakstur
leiddi til dauða
JÖRG HAIDER