Fréttablaðið - 03.11.2008, Blaðsíða 10

10 3. nóvember 2008 MÁNUDAGUR
í s k ó k a s s a
www.skokassar.net
t i l J ó l a ...
5 d a g a r
Til leigu
iðnaðarhúsnæði
Um er að ræða um 417 fermetra
húsnæði með 2 stórum innkeyrslu-
hurðum með rafmagnsopnun. Mikil
lofthæð og góð aðkoma. Góð stað-
setning við Vesturhraun í Garðabæ
(hverfi ð á móti IKEA). Laust nú þegar.
Upplýsingar í síma 480-0000
Á BERANGRI Fólk sem missti heimili
sín í skjálftanum ornar sér við eld undir
berum himni í Ziarat, 130 km suður af
Quetta í gær. FRÉTTABLAÐIÐ/AP
PAKISTAN, AP Læknar á jarð-
skjálftasvæðinu í suðvesturhluta
Pakistans greindu frá því fyrir
helgi að þeir væru að verða
uppiskroppa með lyf og gerfilimi.
Óttast er að skjálftinn, sem reið
yfir snemma á miðvikudagsmorg-
un og mældist 6,4 á Richter, muni
hafa kostað yfir 300 manns lífið.
Þrjú þúsund hús hrundu og um
15.000 manns misstu heimili sitt.
Hermenn og sjálfboðaliðar
voru önnum kafnir við að koma
hjálpargögnum á hamfarasvæðið,
sem er í dreifbýlu fjallahéraði
nærri landamærunum að
Afganistan. Ráðherrann Zamrak
Khan tjáði fréttamönnum að
staðfest manntjón væri „eitthvað
yfir 300 manns“. - aa
Jarðskjálftinn í Pakistan:
Yfir 300 manns
týndu lífi
SKIPULAGSMÁL Lóðin umdeilda á
Miðskógum 8 á Álftanesi stefnir í
að verða endanlega úr sögunni sem
byggingarlóð eftir að skipulags-
nefnd sveitarfélagsins samþykkti
nýtt deiliskipulag. Eftir er að
afgreiða málið endanlega frá bæj-
arstjórn.
Hart hefur verið deilt um Mið-
skóga 8. Eigendur sjávarlóðarinnar
hafa ekki fengið samþykkt bygg-
ingarleyfi fyrir einbýlishúsi. Fyrr á
þessu ári dæmdi Hæstiréttur
Íslands að rétt hafi verið hjá sveit-
arfélaginu að hafna veitingu bygg-
ingarleyfis þar sem stærð hússins
samrýmdist ekki skilmálum. Hins
vegar sagði Hæstiréttur ekki hafa
verið sýnt fram á annað en að Mið-
skógar 8 væri byggingarlóð.
Á síðasta fundi skipulags- og
byggingarnefndar Álftaness var
nýrri og breyttri umsókn um bygg-
ingarleyfi á Miðskógum 8 hafnað og
nýtt deiliskipulag fyrir Vestur-
Skógtjarnarsvæðið samþykkt með
atkvæðum meirihluta Álftanesslist-
ans.
Fulltrúar minnihluta Sjálfstæðis-
flokks átöldu meirihlutann fyrir að
hafa ekki leyst ágreininginn við eig-
anda Miðskóga 8 í sátt. „Nú bendir
allt til enn frekari dómsmála sem
eru kostnaðarsöm bæði fyrir eig-
endur umræddrar lóðar og ekki
síður fyrir íbúa Álftaness. For-
gangsröðun fjármuna ætti að vera
önnur á þeim tímum sem við lifum í
dag,“ bókuðu sjálfstæðismenn.
Fulltrúar Álftanesslistans kváð-
ust taka undir að eðlilegt hefði verið
að semja um málið. „En stefna
Sveitarfélagsins Álftaness í
umhverfismálum er ekki til sölu,“
sagði meirihlutinn sem kveðst telja
lóðina á Miðskógum 8 of litla fyrir
nýtt hús og það myndi verða of
nálægt fjörunni.
Mark sitt hefur sett á deiluna um
lóðina Miðskóga 8 að hús forseta
bæjarstjórnar stendur þar beint
fyrir ofan. Á áðurnefndum fundi
var tekið fyrir erindi eiginkonu
hans, Kristínar Sigurleifsdóttur,
varðandi jarðrask og girðingu
umhverfis Miðskóga 8. Fram-
kvæmdirnar hafi valdið henni miklu
ónæði og hún vilji þær afmáðar og
fjarlægðar. Ákveðið var að beita
eigendur Miðskóga 8 ákvæði í
reglugerð sem kveður á um sektir
upp á allt að einni milljón króna á
dag sé ekki orðið við tilmælum
byggingarfulltrúa. Er þetta gert
með vísan í umsögn frá Skipulags-
stofnun.
Hlédís Sveinsdóttir arkitekt, einn
eigenda Miðskóga 8, segir bæjaryf-
irvöld á óskiljanlegum villigötum.
Þau hunsi sjálfan Hæstarétt og
safni stöðugt ráðgjafa- og lögfræði-
kostnaði sem fáist svo ekki gefinn
upp. „Hvar sem málið endar þá mun
Álftanes þurfa að borga og reikn-
ingurinn bara hækkar. Við höfum
alltaf verið til í að selja lóðina en
okkur hafa aldrei boðist viðræður
um alvöru lausnir.“ gar@frettabladid.is
Sjávarlóð afskráð og dag-
sektir boðaðar á eigendur
Lóðin á Miðskógum 8 verður afmáð af skipulagi. Eigandi segir málið verða Álftnesingum dýrkeypt. Dag-
sektir boðaðar eftir að eiginkona forseta bæjarstjórnar kvartaði undan girðingu og jarðvegsflutningum.
Í MIÐSKÓGUM 8 Hlédís Sveinsdóttir og Gunnar Árnason eru eigendur Miðskóga 8.
Þau fá ekki að byggja á lóðinni. Forseti bæjarstjórnar býr í húsinu fyrir ofan. Eigin-
kona hans segir ónæði af framkvæmdum á lóð Gunnars og Hlédísar.
FRÉTTABLAÐIÐ/ARNÞÓR
GRASKER HANDA TÍGRISDÝRI Menderu
heitir þessi sex mánaða tígrishvolpur
sem kannar þetta hrekkjavökugrasker í
dýragarðinum í San Diego í Bandaríkj-
unum. Graskerið er fyllt með kjöti.
NORDICPHOTOS/AFP
KONGÓ, AP Þúsundir stríðsþreyttra
flóttamanna hafa nýtt sér vopnahlé
í borgarastríði því sem geisað hefur
í austurhluta Lýðveldisins Kongó
að undanförnu og streymdu út á
vegina á ný, fótgangandi yfir víg-
línur stríðandi fylkinga til að kom-
ast til heimahaga sinna.
Erindrekar frá Bandaríkjunum
og Sameinuðu þjóðunum samein-
uðu krafta sína til að reyna að miðla
málum og finna pólitíska lausn á
uppreisnarátökunum á svæðinu.
Evrópusambandið íhugar að senda
nýtt friðargæslulið á vettvang.
Skæruliðar Laurents Nkunda
stóðu vörð á eftirlitsstöðvum við
vegi út úr héraðshöfuðborginni
Goma, þar sem þeir stöðvuðu fram-
rás sína eftir heiftarleg átök í síð-
ustu viku. Nkunda sagðist vilja að
vopnahléð gerði flóttafólki kleift að
snúa heim og mannúðaraðstoð að
berast inn í borgina.
Að sögn flóttamannahjálpar SÞ
hafa um 50.000 manns hrakist á
flótta úr flóttamannabúðum og
þorpum á svæðinu.
Að baki átökunum liggja ættbálka-
erjur og togstreita um yfirráð yfir
demanta- og eðalmálmanámum.
- aa
Erlendir erindrekar reyna að miðla málum á borgarastríðssvæðinu í Austur-Kongó:
Þúsundir flóttamanna nýta vopnahlé
Á FLÓTTA Fjölskylda í hrakningum nærri
Kibati norður af Goma í A-Kongó í gær.
FRÉTTABLAÐIÐ/AP