Fréttablaðið - 03.11.2008, Qupperneq 28

16 3. nóvember 2008 MÁNUDAGUR
timamot@frettabladid.is
„Það býr sköpunargáfa í
hverju einasta hjarta enda
alltaf gaman að sjá eitthvað
verða til,“ segir Auður Krist-
insdóttir, verslunarkona
og útgefandi prjónablaðs-
ins Ýr. Það hefur komið út
í tuttugu ár og aldrei verið
vinsælla. Auður veðjar á
að margir fái mjúka jóla-
pakka. „Fólk sér hag í að
prjóna jólagjafirnar,“ segir
hún og viðurkennir að tísk-
an hjálpi til. „Fólki finnst
gaman að skarta prjónuð-
um og hekluðum flíkum.
Það felst líka mikil gleði í
að gefa fólki tíma sinn og
handverk.“ Hún segir ekk-
ert blað hafa selst eins vel
og nýja haustblaðið. „Það er
50 prósenta söluaukning frá
því í fyrra,“ upplýsir hún.
Auður var handmennta-
kennari áður en hún hóf
rekstur prjónabúðarinn-
ar Tinnu 1982. „Ég prjóna
öllum stundum yfir sjón-
varpinu og það var
áhugi minn á hand-
mennt sem varð til
þess að ég stofn-
aði fyrirtækið
og með tíman-
um sérhæfði ég
mig í innflutn-
ingi á prjón-
a garni einkum
frá Sandnes í
Noregi. Tók
litla bílinn
minn og fór
út á akurinn
að kynna það
sem ég var að
gera. Árum
saman hef ég
farið hringinn
á hverju sumri
til að heilsa
upp á viðskipta-
vinina, byggja
upp tengsl og
fá að vita hvað
fólkið vill.“
Það var svo árið 1988
sem fyrsta prjónablaðið leit
dagsins ljós. „Ég sá fljót-
lega að það vantaði blöð á ís-
lensku því konur þyrsti í að
fá uppskriftir á sínu móð-
urmáli. Þá fór ég að gefa
út Prjónablaðið Ýr. Það var
mikið í ráðist. Ég kunni ekk-
ert fyrir mér í prentheim-
inum og þurfti að tileinka
mér aðferðirnar sem þá
voru notaðar. Hann reiknast
ábyggilega í mánuðum tím-
inn sem ég var í prentsmiðj-
unni að fá rétta liti, fara yfir
texta og fylgja blaðinu eftir
frá a til ö. Nú 20 árum síðar
geri ég þetta allt í tölvu á
skrifstofunni, ásamt fjöl-
skyldunni og þarf ekki að
stíga fæti í prentsmiðju.“
Auður hefur upplifað
ýmsar breytingar á tísk-
unni. „Tískan fer alltaf í
hringi og nú sést ýmislegt
sem minnir á flíkur fyrir
15 til 20 árum, víðar ermar
og fleira. Heklið er líka
að koma sterkt inn eftir
nokkurt hlé. Eitt breyt-
ist þó ekkert í tím-
ans rás. Þegar nýr ein-
staklingur kemur í
heiminn þá fylgir
það þjóðarsálinni
að prjóna handa
honum.“
Prjónablaðið
Ýr kemur út
tvisvar á ári
í 5.000 ein-
tökum. Upp-
skriftirnar
eru flestar
frá Sandnes en
einnig er tals-
vert um íslenska
hönnun. „Blaðið
hefur þá sérstöðu
að í því eru engar
auglýsingar og það
fæst einungis á
sölustöðum okkar
garns en hvorki
í bókabúðum né bókasöfn-
um,“ segir Auður og bætir
við að Tinna sé líka með
ókeypis prjónaklúbb og í
honum séu 7.300 konur. Þær
fái fréttir af öllum nýjung-
um og uppskriftir einu sinni
til tvisvar í mánuði.
Þegar Auður er spurð
hvenær útgáfan hafi verið
skemmtilegust svarar hún:
„Ég held mér þyki skemmti-
legast núna! Annars er allt-
af gaman að gefa út blað.
Það er eins og að koma með
barn af fæðingardeild. Með-
gangan er löng en fæðing-
in stórkostleg þegar allt er
í góðu lagi. En þetta blað
væri ekki það sem það er ef
ég hefði ekki haft frábært
starfsfólk. Ég dáist líka að
íslenskum konum sem eru
einstaklega framsæknar og
duglegar við prjónaskap-
inn.“ gun@frettabladid.is
LISTMÁLARINN HENRI MATISSE
LÉST ÞENNAN DAG ÁRIÐ 1954
„Það eru alls staðar blóm
fyrir þá sem vilja sjá þau.“
Henri Matisse er einn af
helstu feðrum nútímamynd-
listar. Hann var þekktur fyrir
málverk í sterkum litum með
mjúkum formum.
Panama lýsti yfir sjálfstæði frá Kól-
umbíu 3. nóvember 1903 að áeggjan
Bandaríkjastjórnar. Yfirráð yfir Pan-
amaskurðinum var helsta ástæða
þess að Bandaríkjamenn vildu að
Panama klyfi sig frá Kólumbíu.
Framkvæmdir við skurðinn hófust
seint á 19. öld til að stytta siglinga-
leiðina milli Atlantshafs og Kyrrahafs.
Ekki tókst að ljúka verkinu en þegar
Theodore Roosevelt tók við embætti
forseta Bandaríkjanna var eitt af for-
gangsverkefnum hans að láta ljúka
framkvæmdum við skurðinn. Bandaríkin höfðu
hafið samningaviðræður við Kólumbíu um yfirráð
yfir Panamaskurðinum en samningaviðræðurn-
ar gengu ekki upp. Bandaríkjamenn fóru því þá
leið að styðja sjálfstæðiskröfur Panama og sendu
hermenn til aðstoðar. Panama lýsti yfir sjálf-
stæði 3. nóvember 1903 og staðfesti
samning við Bandaríkin um Panama-
skurðinn. Samningurinn veitti Banda-
ríkjunum yfirráð yfir landsvæðun-
um báðum megin við skurðinn, um
fimm mílur í hvora átt og rúman rétt
til íhlutunar í málefni Panama. Kól-
umbía viðurkenndi ekki sjálfstæði
Panama fyrr en árið 1921.
Bandaríkin höfðu ítrekað afskipti
af innanríkismálum Panama allt til
ársins 1936 en þá afsalaði Banda-
ríkjastjórn sér réttindum sínum til
þess að hafa hermenn fyrir utan yfirráðasvæði
Bandaríkjanna.
Panama og Bandaríkin deildu um Panama-
skurðinn allt þar til samkomulag náðist árið 1977
um að Panama myndi fá yfirráð yfir skurðinum
árið 1999.
ÞETTA GERÐIST: 3. NÓVEMBER 1903
Panama lýsir yfir sjálfstæði
MERKISATBURÐIR
1660 Kötlugos hefst og fylgja
því miklir jarðskjálftar og
jökulhlaup. Gosið stendur
fram á vetur.
1928 Tyrkir taka upp latneskt
stafróf í stað þess arab-
íska.
1942 Seinni orrustan um El Ala-
mein endar. Þýski her-
inn undir stjórn Rommels
neyðist til að hefja brott-
hvarf.
1986 Íran-Contra málið kemst
í dagsljósið. Líbanskt
tímarit greinir frá því að
Bandaríkin hafi selt Írön-
um vopn á laun til að
frelsa bandaríska gísla í
Líbanon.
2007 Pervez Musharraf lýsir yfir
neyðarástandi í Pakistan.
AUÐUR KRISTINSDÓTTIR: HEFUR GEFIÐ ÚT PRJÓNABLAÐIÐ ÝR Í 20 ÁR
Eins og að koma með barn
heim af fæðingardeildinni
SITUR ALDREI AUÐUM HÖNDUM„Ég dáist að íslenskum konum sem
eru einstaklega framsæknar og duglegar við prjónaskapinn,“ segir
Auður. FRÉTTABLAÐIÐ/ARNÞÓR
Kvennasögusafnið leitar eftir nöfnum stúlkna sem voru á
myndum er fylgdu Teofani-sígarettum á árunum 1929 og
1930. Safnið á nokkrar ómerktar myndir og biður lesend-
ur Fréttablaðsins um aðstoð. Á vef Kvennasögusafnsins,
www.kvennasogusafn.is/Teofani/Teofani/Teofani.htm er
hægt að skoða allar myndirnar.
Ef einhver ber kennsl á stúlkurnar er hann beðinn að
hafa samband við Kvennasögusafnið í síma 525 5779 eða
í tölvupósti á netfangið audurs@bok.hi.is.
Þekkir einhver
þessar stúlkur?
EÞIKOS – Miðstöð Íslands
um samfélagsábyrgð fyr-
irtækja stendur fyrir há-
degisfundi miðvikudaginn
5. nóvember klukkan 12.00
til 13.15 í stofu 101 í Há-
skólanum í Reykjavík. Um-
ræðuefnið verður samfé-
lagsábyrgð íslenskra fyrir-
tækja.
Hið nýja Ísland verður
rætt og skoðað út frá sjónar-
hóli stjórnvalda, atvinnulífs-
ins og almennings en ljóst
er að gjörbreytt viðskipta-
umhverfi vekur upp marg-
ar spurningar um framtíð-
arskipan íslensks viðskipta-
lífs. Þeirra á meðal eru
spurningar er lúta að hlut-
verki samfélagsábyrgðar
þegar kemur að endurreisn
viðskiptalífsins hér á landi
og þá velta margir fyrir sér
hvernig hið nýja Ísland muni
koma til með að líta út.
Framsögumenn á fundin-
um verða: Björgvin G. Sig-
urðsson, viðskiptaráðherra,
sem skýrir frá sjónarhóli
stjórnmálanna, dr. Sigurð-
ur Guðmundsson, fyrrver-
andi landlæknir og forseti
heilbrigðisvísindasviðs HÍ,
fjallar um heilbrigða sál í
heilbrigðu fyrirtæki og Vil-
borg Einarsdóttir, fram-
kvæmdastjóri Mentors, sem
hlaut Vaxtarsprotann 2008,
ræðir um samfélagsábyrgð
fyrirtækja frá sjónarhóli ís-
lensks fyrirtækis. Aðgangur
er ókeypis og öllum opinn.
Hádegisfundur
um nýtt Ísland
Björgvin G. Sigurðsson, við-
skiptaráðherra, er einn framsögu-
manna á fundinum.
FRÉTTABLAÐIÐ/VILHELM
Fyrirtækið Canon notar mynd eftir íslenskan áhugaljós-
myndara sem kynningarefni á heimasíðu sinni.
Ljósmyndarinn heitir Reynir Lord og hann lýsir til-
drögunum svo: „Ég er nýbyrjaður að taka myndir fyrir
alvöru. Keypti mér Canon vél núna í ágúst og var að
skrá hana nýja inn á Canon-vefinn þegar mér var boðið
að opna síðu og senda þangað myndir í ljósmyndasam-
keppni. Ég skellti mynd af gömlum fiskhjalli inn og
gleymdi málinu.
Svo var ég í síðustu viku að fara yfir heimasíður sem
ég hef merkt við og kíkti inn á samkeppnisvef Canon. Þá
sá ég að myndin mín var á forsíðunni. Hún er tekin rétt
við landamæri Garðabæjar og Hafnarfjarðar. Mér sýnist
á landakorti að svæðið heiti Dysjar. Það er dulúðugt enda
fer ég oft þangað að mynda.“
Áhugasamir geta séð myndina með því að fara á slóð-
ina newsletter.canon-europe.com/Web/Locale/en-GB/gall-
ery/default.aspx
- gun
Komst með mynd á Canon-vefinn
Myndin sem Reynir sendi af rælni í samkeppnina til Canon er tekin á
mörkum Hafnarfjarðar og Garðabæjar.
Kjóll úr nýj-
asta prjóna-
blaðinu.
Ástkær dóttir mín, móðir, amma, systir, móðursystir
og mágkona,
Katla Sigurgeirsdóttir
Þórsgötu 22, Reykjavík,
andaðist á líknardeild Landspítalans, föstudaginn
31. október. Jarðarförin verður auglýst síðar.
Anna G. Kristgeirsdóttir
Elva Rakel Sævarsdóttir
Aron Kristinn Haraldsson
Stella Sigurgeirsdóttir Jóhann Bjarni Pálmason
Salka Þorgerður Jóhannsdóttir Stelludóttir
Daði Sigurgeirsson
Kristgeir Sigurgeirsson