Fréttablaðið - 24.11.2008, Blaðsíða 12

12 24. nóvember 2008 MÁNUDAGUR
Öflugt háskólasamfélag er hornsteinn í þeirri
uppbyggingu sem nú bíður þjóðarinnar. Með
miða í Happdrætti Háskólans leggur þú þitt
af mörkum og átt um leið mikla möguleika á
frábærum vinningum.
Gakktu í hópinn og brostu og brostu!
- Þú færð miða á hhi.is eða hjá umboðsmanni.
...OG GÆTIR UM LEIÐ UNNIÐ
MILLJÓNIR
ÞÚ STYÐUR UPPBYGGINGU
HÁSKÓLA ÍSLANDS...
Mistök urðu við frágang á viðtali
við Guðjón Friðriksson sagnfræð-
ing í blaðinu í gær, með þeim
afleiðingum að sum svör voru
endurtekin í greininni en eitt svar
féll út.
Guðjón er spurður hvort bókin
Saga af forseta verði ekki að
koma út í uppfærðri útgáfu innan
fárra ára í ljósi atburða. Guðjón
svarar:
„Þessir atburðir sem gerst hafa
undanfarnar vikur kalla bara á
nýtt verk í sjálfu sér. Það er
annað tímabil. Þessi saga er að
mestu leyti skrifuð 2006 og 2007,
hápunktur tímabils sem segja má
að nú sé liðið og bókin lýsir því.
Svo verða önnur verk að segja
söguna áfram. Mér finnst ágætt
að þessi bók komi út núna. Hún er
þá vitnisburður um þessa tíma og
þátt Ólafs Ragnars í þeim.“
Rétta útgáfu viðtalsins við
Guðjón má lesa á Vísi. Beðist er
velvirðingar á mistökunum. - bs
Mistök við vinnslu viðtals:
Rétt viðtal við
Guðjón á Vísi
GUÐJÓN FRIÐRIKSSON sagnfræðingur STJÓRNSÝSLA „Heilbrigðiseftirlit
Suðurlands hunsar bæði okkur og
úrskurð umhverfisráðuneytisins,“
segir Ólafur Áki Ragnarsson, bæj-
arstjóri í Ölfusi.
Ólafur Áki segir bæjarstjórnina
telja fullreynt að Ölfus fái fram-
gang fyrir sjónarmið sín hjá Heil-
brigðiseftirliti Suðurlands varð-
andi fiskþurrkun
Lýsis í Þorláks-
höfn. Þess vegna
sé því beint til
umhverfisráð-
herra og þing-
manna kjördæmis-
ins að breyta
lögum þannig að
Ölfus flytjist undir
Heilbrigðiseftirlit
Suðurlands. Þá sé
leitað til umboðs-
manns Alþingis vegna þess að
umhverfisráðuneytið sé komið þrjá
mánuði fram yfir tilskilinn frest í
afgreiðslu nýrrar kæru Ölfuss
vegna útgáfu nýs starfsleyfis til
tólf ára.
Ólafur Áki segir að þvert ofan í
kröfur bæjarstjórnarinnar og
úrskurð umhverfisráðuneytisins
frá í fyrra hafi Heilbrigðiseftirlit
Suðurlands í vor veitt Lýsi starfs-
leyfi til tólf ára fyrir fiskþurrkun-
inni.
„Þessi þurrkun er gjörsamlega
óbærileg. Það er ekki líft á heimil-
um og vinnustöðum og bílar eru
ónýtir eftir að hafa staðið nálægt
þessu fyrirtæki. Stór hluti íbúanna
skrifaði undir áskorun um að veita
því ekki starfsleyfi og bæjarstjórn-
in hefur margítrekað það, en hjá
heilbrigðiseftirlitinu er ekkert
hlustað á okkar óskir. Málið er að
heilbrigðiseftirlit Suðurlands hefur
aldrei látið fyrirtækið fara eftir
starfsskilyrðum,“ segir bæjarstjór-
inn sem kveður langvarandi erfið-
leika hafa verið í samskiptum við
Lýsi. „Lögmaður fyrirtækisins
hefur hótað íbúum málsókn fyrir
rógburð ef þeir kvarta.“
Elsa Ingjaldsdóttir, fram-
kvæmdastjóri Heilbrigðiseftirlits
Suðurlands, telur embættið hafa
unnið eftir settum lögum og regl-
um. Ekki mundi breyta neinu fyrir
Ölfus að heyra undir annað starfs-
svæði. „Heilbrigðiseftirlitssvæðin
framfylgja sömu reglum og ákvarð-
anir eru kæranlegar til sömu aðila.
Þess vegna á að að vera samræmi í
ákvörðunum og framkvæmd.“
Elsa minnir á að forsenda starfs-
leyfisins til Lýsis sé uppsetning
þvottaturna sem séu besta fáanlega
mengunarvörnin. Byggingarleyfi
fyrir þeim hafi ekki fengist hjá Ölf-
usi og því hafi fyrirtækið kært
sveitarfélagið til úrskurðarnefndar
skipulags- og byggingarmála. Nið-
urstöðu þaðan sé enn beðið.
„Ef úrskurðurinn verður sá að
Lýsi fái ekki að setja upp turnana
verður starfsleyfið að sjálfsögðu
endurskoðað í því ljósi. Það sama
gildir um úrskurð umhverfisráðu-
neytsins. Vitanlega hlítum við
honum hver sem hann verður,“
segir Elsa Ingjaldsdóttir.
gar@frettabladid.is
Vilja undan heilbrigðiseftirliti
Bæjarstjórn Ölfuss vill af starfssvæði Heilbrigðiseftirlits Suðurlands yfir til Suðurnesja. Bæjarstjórinn segir
ástæðuna útgáfu starfsleyfa til Lýsis sem mengi óbærilega. Förum eftir lögum og reglum segir eftirlitið.
NOREGUR Norska lögreglan grunar
nítján menn um að hafa myndað
hring barnaníðinga sem hafa dreift
og skipst á myndum af börnum í
kynferðisathöfnum á Netinu og í
gegnum síma. Einn hinna hand-
teknu vann að málefnum barna
sem hafa orðið fyrir kynferðisof-
beldi í viðkomandi fag ráðuneyti í
Ósló. Annar var leiðtogi í trúar-
söfnuði.
Fréttin um að embættismaður í
norska ráðuneytinu, sem hefur
með málefni barna að gera, hefur
slegið niður eins og eldingu í stjórn-
kerfinu í Noregi. Maðurinn hefur
játað að tengjast hringnum og seg-
ist sjá sárlega eftir því en nafn
hans var á lista yfir meðlimina.
Hann hefur nú verið rekinn úr
starfi, að sögn norska dagblaðsins
VG, en ekki fannst neitt barnaklám
í tölvu hans eða vinnuaðstöðu í
ráðuneytinu.
Málið kom fyrst upp í sumar
þegar kennari í Skien í Noregi fékk
tvær klámmyndir af börnum í far-
síma sinn óumbeðinn. Hann ætlaði
fyrst að eyða skeytinu en ákvað
svo að hafa samband við lögregl-
una.
Félagar í barnaklámshringnum
áttu samskipti á Netinu, í gegnum
farsíma eftir að hafa mælt sér mót
í gegnum sjónvarp og þeir hafa
ekki allir hist. Lögreglan segir að
ekkert bendi til þess að þeir hafi
myndað sína eigin kynferðislegu
misnotkun á börnum. -. - ghs
Norska lögreglan upprætir nítján manna barnaklámshring:
Ráðuneytismaður í hópnum
EMBÆTTISMAÐUR REKINN Embættis-
maður í norsku ráðuneyti var í. Myndin
er af Stórþinginu í Ósló.
FRÉTTABLAÐIÐ/MAGNUS FRÖDERBERG, NORDEN.ORG
STJÓRNMÁL Áróður um að Seðla-
banki Íslands hafi brugðist
hlutverki sínu undanfarið stenst
ekki skoðun, segir í ályktun
stjórnar Þórs, félags ungra
sjálfstæðismanna á Akranesi. Í
ályktuninni er lýst vanþóknun á
„einstaklega ósanngjarnri“ aðför
að stjórn bankans.
Stjórn Þórs bendir einnig á að
kapp sé best með forsjá þegar
komi að hugsanlegum aðildarvið-
ræðum að Evrópusambandinu.
Staða þjóðarinnar nú megi ekki
verða til þess að langtímahags-
munum sé fórnað fyrir „ímynd-
aða lausn til skamms tíma“.
- bj
Ungir Sjálfstæðismenn:
Seðlabankinn
brást ekki
ÓLAFUR ÁKI
RAGNARSSON
MÓTMÆLI AFHENT Elsa Ingjaldsdóttir, framkvæmdastjóri Heilbrigðiseftirlits Suð-
urlands, tók í apríl við mótmælum íbúa gegn veitingu starfsleyfis fyrir fiskþurrkun
Lýsis í Þorlákshöfn. Leyfið var síðar veitt. MYND/GKS
FISKÞURRKUN Fiskþurrkunarverk-
smiðja Lýsis í Ölfusi. MYND/GKS
MÓTMÆLI Banni við hjónaböndum
samkynhneigðra í Kalíforníu í Banda-
ríkjunum hefur verið mótmælt um
landið allt síðustu vikur. Þessir menn
voru á meðal mótmælenda í Sacram-
ento í Kalíforníu á laugardag.
FRÉTTABLAÐIÐ/AP