Fréttablaðið - 24.11.2008, Blaðsíða 14
14 24. nóvember 2008 MÁNUDAGUR
nær og fjær
„ORÐRÉTT“
„Það er allt í lukkunnar velstandi hjá
mér. Ég var að byrja á nýju tölublaði
af Monitor og get ekki annað en
brosað yfir því, enda jákvæðasti
fjölmiðill landsins.
Það getur reynst erfitt að finna
ljósu punktana í þessu hrikalega
árferði, en það gerir starfið meira
krefjandi,“ segir Atli Fannar
Bjarkason, ritstjóri
tónlistartímaritsins
Monitor.
„Frítíma mínum eyði
ég í að rifja upp þátt
eftir þátt af Simp-
sons og Seinfeld.
Ég nenni ekki
lengur að horfa á fréttir, enda tala pólitík-
usarnir eitthvað framandi tungumál sem
ég skil ekki.
Fréttaleysið hefur gert líf mitt að ævar-
andi sælu. Ég man ekki hvernig Davíð
Oddsson lítur út og Geir H. Haarde gæti
alveg eins verið afdalabóndi úr Eyjafirði.
Svo skilst mér að jólin séu á næsta
leiti, en ég nenni ekki að pæla í þeim og
finnst að við ættum að leggja þau niður.
Jólin urðu gjaldþrota með kapítalism-
anum og ég skil ekki hvernig hátíð sem
kallar það versta fram í fólki í mánuð
fyrir þrjá góða daga fær að viðgangast.
Spurning um að þjóðnýta jólin, þá verða
þau kannski aftur hátíð fólksins en ekki
fyrirtækjanna.“
HVAÐ ER AÐ FRÉTTA: ATLI FANNAR BJARKASON RITSTJÓRI MONITOR
Fréttaleysið sæla en jólin gjaldþrota
John Benediktsson, af-
komandi skáldsins Einars
Benediktssonar, er forstjóri
tölvufyrirtækis í Kaliforníu
sem hyggur á opnun skrif-
stofu á Íslandi. Hann segist
bera hag þjóðarinnar fyrir
brjósti og vonast til að geta
skapað nokkur störf og
komið með peninga inn í
landið. Honum líður eins og
heima hjá sér á Íslandi.
„Ísland býr yfir gríðarlega mörgu
hæfileikafólki á tölvu- og tækni-
sviðinu, sér í lagi þegar kemur að
hugbúnaðarmálum. Fyrirtækið
mitt lítur þessa miklu hæfileika
hýru auga. Auk þess er ég sífellt
að enduruppgötva íslenskar
rætur mínar betur og betur og
þykir vænt um landið. Ísland þarf
á góðum fréttum að halda,“ segir
John Benediktsson, forstjóri og
annar stofnenda tölvufyrirtækis-
ins FATTOC, LLC., sem hefur
aðsetur í Kaliforníu í Bandaríkj-
unum. John og meðeigandi hans,
David Salomon, hafa í hyggju að
opna útibú fyrirtækisins hér á
landi í náinni framtíð. FATTOC,
LLC. hefur þegar átt í nokkru
samstarfi á sviði hugbúnaðar-
mála við íslenska fyrirtækið
CCP.
Afi Johns fluttist frá Íslandi til
Alaska í Bandaríkjunum í upp-
hafi síðustu aldar. Faðir hans og
langafi Johns var skáldið og
athafnamaðurinn Einar Bene-
diktsson. John sótti Ísland fyrst
heim fyrir rúmlega tveimur árum
og hefur komið hingað fjórum
sinnum eftir það. Hann segist
hafa heyrt margar sögur af lang-
afa sínum og greinilegt sé að hann
hafi verið þekktur maður á
Íslandi. „Til dæmis heimsótti ég
Höfða, gamla heimili langafa
míns, og borðaði á fyrirtaksveit-
ingastað í miðborginni sem er
nefndur eftir honum. Mér brá
dálítið þegar ég sá nafnið hans á
skiltinu. Fólk sagði mér margar
sögur og mér skilst að Einar hafi
verið leiðandi í framsýnni hugsun
á sínum tíma. Að hann hafi haft
háar hugmyndir fyrir land og
þjóð.“
Aðspurður vill John ekki líkja
sér við langafa sinn. „Hann var
greinilega merkilegur maður og
bækur hafa verið skrifaðar um
hann. Hins vegar hefur mér vegn-
að vel í starfi og blessunarlega
hefur heimskreppan haft lítil sem
engin áhrif á starfsemi fyrirtæk-
isins. Ég ber hag Íslands fyrir
brjósti og hluti af þeirri hugsun
er að opna skrifstofu í Reykja-
vík,“ segir John og bætir við að of
snemmt sé að segja til um hversu
mörg störf skapist við opnun úti-
búsins. Þau gætu þó mögulega
orðið á bilinu fimmtán til tut-
tugu.
FATTOC, LLC. heldur námskeið
fyrir starfsfólk sitt hér á landi í
byrjun desember. Að sögn Johns
mun hann nota tækifærið þá til að
kanna aðstæður og mynda við-
skiptasambönd. „Svo hef ég mik-
inn áhuga á að læra íslensku betur
en ég hef fengið tækifæri til. Ég
hef farið á nokkur námskeið og
systir mín hefur náð nokkrum
árangri með íslenskuna. En betur
má ef duga skal. Ég hlakka til að
koma til Íslands. Þar líður mér
eins og ég sé heima hjá mér,“
segir John Benediktsson að
lokum. kjartan@frettabladid.is
Ísland þarfnast góðra tíðinda
FÓLK Almenningsruslafötur sem
á hafa verið máluð kjólföt og
nafnspjöld þekktra viðskipta-
jöfra þjóðarinnar hafa vakið
töluverða athygli. Þessar rusla-
fötur er að finna við tjörnina í
Reykjavík, á Miklatúni og víðar.
Fréttablaðið hafði uppi á þeim
sem ber ábyrgð á gjörningnum,
en sá vildi ekki koma fram undir
nafni til að forðast sektir vegna
spellvirkja á almenningseign-
um.
Að sögn mannsins blöskrar
honum sú spilling sem víða við-
gengst í kerfinu. Tók steininn úr
þegar fréttir bárust af afskrift-
um skulda hjá Kaupþingi fyrir
skemmstu, og lagði hann þá til
atlögu með málningu og stensla í
skjóli nætur.
Náttfarinn segir megininntak
ádeilu sinnar vera líkindin með
ruslafötunum og viðskiptamönn-
um sem hafa verið áberandi í
kringum hrun bankakerfisins,
eins og Hannesi Smárasyni, Jóni
Ásgeiri Jóhannessyni, Björgólf-
unum tveimur og Hreiðari Má,
sem ásamt fleirum hafa fengið
nafn sitt skráð á nafnspjöldin á
fötunum. Allt í kringum þessa
menn hafi átt að vera voðalega
fínt, en svo breyst í innantómt
drasl.
Spurður hvort von sé á fleiri
ádeilugerningum af þessu tagi
segist maðurinn búast fastlega
við því. Hann noti sér þó einung-
is opinberar eignir við tjáning-
una og láti einkaeignir í friði.
- kg
Ádeila vegna efnahagsástandsins tekur á sig margvíslegar myndir:
Viðskiptajöfrar á ruslafötum
VIÐ REYKJAVÍKURTJÖRN Nafn Hannesar Smárasonar hefur verið málað á þessa
skreyttu ruslafötu við Reykjavíkurtjörn. Stúlkurnar þrjár á myndinni virðast sáttar
við ádeiluna, en tengjast fréttinni ekki að öðru leyti. FRÉTTABLAÐIÐ/GVA
Mér skilst að
sýnishorn
af íslensku
þjóðinni mæti
reglulega niður
á Austurvöll, til
að kasta fúleggj-
um í þinghúsið
og mótmæla.
Mótmælend-
ur hafa að
sjálfsögðu ekki
hugmynd um
það hverju þeir eru að mótmæla
– en ef marka má fréttainnklipp þá
halda víst sumir hverjir að verið sé
að mótmæla Tyrkjaráninu og ekki
seinna vænna. Pereat er hrópað á
Davíð og landsstjórnin látin heyra
það – en öllum gleymist að það var
fólkið í landinu sem kaus þessa
fulltrúa sína og hefur raunar gert
svo lengi sem elstu menn muna
þó forgangsverkefni þjóðkjörinna
valdsmanna hafi raunar í gegnum
tíðina verið að búa í haginn fyrir
subbulega braskara.
Þegar ég var krakki og unglingur
trúði ég á fólkið í landinu og skoð-
anir þess. Á gamalsaldri er ég farinn
að hallast að því að jafnaldri minn
og kollega Clint Eastwood hafi lög
að mæla þegar hann segir í ágætri
bíómynd: „Well, sir, opinions are
like assholes, everybody’s got one.“
SJÓNARHÓLL
MÓTMÆLIN
Fólkið kaus þá
FLOSI ÓLAFSSON
Jákvæð Framsókn
„Það er kraftur í flokknum og
við erum núna að undirbúa
glæsilegt flokksþing sem
verður í janúar. Eftir það
verður allt upp á við.“
VALGERÐUR SVERRISDÓTTIR, FOR-
MAÐUR FRAMSÓKNARFLOKKSINS,
UM FYLGI FLOKKSINS Í SKOÐANA-
KÖNNUN.
Fréttablaðið, 23. nóvember 2008
Mótmælandi á móti
„Ég vissi ekkert hvað ég átti
að gera því ég er algjörlega
á móti því að borga þessa
sekt.“
HAUKUR HILMARSSON MÓT-
MÆLANDI VAR LÁTINN LAUS ÚR
FANGELSI EFTIR AÐ SEKT HANS
HAFÐI VERIÐ BORGUÐ Í KJÖLFAR
MÓTMÆLA Á LAUGARDAG.
Fréttablaðið, 23. nóvember 2008
■ Hvítblinda er truflun á sjónskynj-
un sem lýsir sér með því að allt
rennur saman í hvíta heild án skugga,
kennileita, áttar eða dýptar. Gerist
þetta helst þar sem jörð er alhvít og
himininn er skýjaður (til dæmis upp á
jökli eða í snjóbreiðu). Hvítblinda er
einnig sjálf birtan á alhvítum svæðum
þar sem himinn og jörð renna saman.
Snjóblinda er hið sama, nema snjó-
blinda er eingöngu tímabundin sjón-
depra af völdum mikillar snjóbirtu, en
ekki lýsing á birtuskilyrðum. Á meðal
flugmanna er slíkt ástand, sem veldur
truflun á sjónskynjun, oftast kallað
hvítblinda, en snjóblinda er orð sem
er oftar notað um þær snjótruflanir
sem heimskauta- og jöklafarar og
skíðamenn þjást af.
* Heimild: Wikipedia
HVÍTBLINDA:
TRUFLUN Á SJÓN
JOHN MAR BENEDIKTSSON Afkomandi Einars Benediktssonar hyggst opna útibú frá
tölvufyritæki sínu hér á landi.