Fréttablaðið - 24.11.2008, Blaðsíða 40
28 24. nóvember 2008 MÁNUDAGUR
sport@frettabladid.is
Nánar á expressferdir.is
eða í síma 5 900 100
Kynntu þér tæmandi lista yfir ferðir á leiki á www.expressferdir.is
F
í
t
o
n
/
S
Í
A
Boltinn er hjá okkur!
29. nóv. – 1. desember
Chelsea
Arsenal
Verð á mann í tvíbýli:
49.900 kr.
Innifalið: Flug m/sköttum
og miði á leikinn.
TILB
OÐ
5. – 7. desember
Arsenal
Wigan
Verð á mann í tvíbýli:
48.900 kr.
Innifalið: Flug m/sköttum og
Club lever miði á leikinn.
TILBOÐ
Landsliðskonan Guðný Björk Óðinsdóttir ákvað fyrir helgi að ganga
í raðir sænska úrvalsdeildarfélagsins Kristianstad þar sem Elísabet
Gunnarsdóttir, fyrrverandi þjálfari hennar hjá Val, heldur nú um
stjórnartaumana. Guðný Björk lék hins vegar ekkert með Val síðasta
sumar vegna meiðsla, þar sem hún sleit krossbönd í hné á undir-
búningstímabilinu, en er nú óðum að ná sér og stefnir á að vera
komin á fullt skrið snemma á nýju ári.
„Ég er byrjuð að æfa á fullu en má ekki spila fótbolta aftur fyrr
en í janúar. Ég þekki Betu hins vegar vel og hún þekkir mig þannig að
ég er ekkert að fara út í neina óvissu þannig séð,“ segir Guðný Björk.
Hin tvítuga Guðný Björk hefur reyndar lent áður í því að slíta
krossbönd á hné. Það var þegar hún lék með Aftureldingu en hún
gekk í raðir Vals fyrir sumarið 2005.
„Ég hef náttúrulega lent í þessum meiðslum áður
og veit alveg út á hvað þetta gengur allt saman og
það hefur pottþétt orðið til þess að hjálpa mér í
endurhæfingunni núna,“ segir Guðný Björk.
Guðný Björk hefur jafnan leikið sem bakvörð-
ur með Val og íslenska landsliðinu en er þekkt fyrir að vera mjög
fjölhæf og hún var til að mynda að spila sem framliggjandi
miðjumaður á undirbúningstímabilinu með Val þegar hún
meiddist.
„Ég held að Beta sjálf hafi ekki hugmynd um hvar
hún ætlar að nota mig á vellinum með Kristi-
anstad. Það er mjög skemmtilegt að spila á
miðjunni en ég byrjaði í bakverðinum og
líkar það líka mjög vel. Hún mætti setja
mig í markið mín vegna,“ segir Guðný
Björk á léttum nótum.
Guðný Björk á 13 A-landsleiki að baki fyrir
Íslands hönd og hafði þrátt fyrir ungan aldur fest sig ræki-
lega í sessi í landsliðshópi Sigurðar Ragnars Eyjólfssonar
í undankeppni EM 2009 áður en hún meiddist. Guðný
Björk er líka harðákveðin í því að komast aftur í lands-
liðshópinn, nú þegar liðið er komið í lokakeppni EM sem
fram fer í Finnlandi á næsta ári.
„Ég ætla pottþétt að komast með landsliðinu til Finn-
lands. Það er engin spurning,“ segir Guðný Björk.
GUÐNÝ BJÖRK ÓÐINSDÓTTIR: ÁKVEÐIN AÐ KOMAST Í SITT BESTA FORM EFTIR AÐ HAFA JAFNAÐ SIG Á MEIÐSLUM
Ætla að komast með landsliðinu til Finnlands
FÓTBOLTI Ólafur Jóhannesson
landsliðsþjálfari er greinilega á
réttri leið með íslenska karla-
landsliðið í knattspyrnu. Á sínu
fyrsta heila ári með Ólaf í brúnni
náði liðið sínu besta landsliðsári í
átta ár með því að vinna fimm
leiki, vera með jákvæða marka-
tölu og halda marki sínu hreinu í
fjórum leikjum á þessu ári.
Íslenska liðið lék alls tólf leiki á
þessu ári og náði fimmtíu pró-
senta sigurhlutfalli í þeim sem er
besti hlutfallsárangur liðsins síðan
2003 eða í fimm ár.
Íslenska karlalandsliðið vann
eins og áður sagði fimm leiki á
árinu, vináttulandsleiki gegn
Armeníu, Færeyjum, Slóvakíu og
Möltu og svo leikinn á móti Make-
dóníu í undankeppninni. Liðið tap-
aði tveimur fyrstu leikjunum á
móti Hvíta-Rússlandi og Möltu,
tapaði síðan vináttuleik gegn
Wales í maí og loks tveimur leikj-
um í röð á móti Skotlandi og Hol-
landi í undankeppninni.
Leikirnir gegn bresku liðunum
tveimur, Wales og Skotlandi, voru
örugglega mest svekkjandi úrslit
ársins enda átti íslenska liðið að fá
meira út úr báðum þeim leikjum,
sérstaklega út úr leiknum á móti
Skotum þar sem íslenska liðið
fékk miklu fleiri færi.
Ólafur hefur unnið með varnar-
leikinn sem þurfti að taka í gegn
eftir útreið í síðustu undankeppn-
um og það hefur borgað
sig. Íslenska liðið
vann þannig alla
mótherja ársins
nema einn (Aserba-
ídsjan, heima) þar
sem liðið hélt hreinu
í fyrri hálfleik.
Íslenska liðið hélt
alls fjórum sinnum
hreinu á árinu sem er
besti árangurinn síðan
liðið hélt einnig fjórum
sinnum hreinu árið
2000.
Íslenska liðið
náði að halda
hreinu í 339 mín-
útur í ársbyrjun
sem er besti
árangur liðsins í
tuttugu ár og
bætti þar árang-
ur liðsins frá
árinu 1994
þegar það var
undir stjórn
Ásgeirs Elías-
sonar. Íslenska liðið hefur nú hald-
ið marki sínu hreinu í síðustu
tveimur leikjum og alls í 206 mín-
útur. Það verður athyglisvert að
sjá hvort liðinu takist að halda út
lengur en það gerði í vináttuleikj-
unum í febrúar og mars.
Markatala íslenska liðsins
var í plús í fyrsta sinn í átta ár
en íslenska liðið skoraði 13
mörk í 12 landsleikjum ársins.
Markatala íslenska liðsins var
búin að vera samanlagt 35
mörk í mínus undanfarin fjög-
ur ár og þar kemur aftur að
slökum varnarleik enda fékk
íslenska landsliðið á sig
72 mörk í 33 lands-
leikjum frá 2004 til
2007 eða 3,3 mörk
að meðaltali í
leik.
Íslenska liðið
er með fjögur
stig úr fyrstu
fjórum leikjum
sínum í undan-
keppni HM
2010 og hefur
ekki verið með
fleiri stig eftir
fyrri hluta
undankeppni
síðan í undan-
keppni Evr-
ópumótsins
2000. Ísland
náði þá í fimm
stig út úr
þremur leikj-
um liðsins sem
voru spilaðir
árið 1998. Þegar
saga íslenska liðs-
ins er skoðuð og miðað við að liðið
fái þrjú stig fyrir sigur kemur í
ljós að þetta er næstmesti stiga-
fjöldi íslenska karlalandsliðsins í
fyrri hluta undankeppni á stór-
móti.
Árin 2004 til 2007 voru íslenska
karlalandsliðinu ekki skemmtileg.
Liðið sigraði aðeins í 5 af 33 lands-
leikjum og hrundi niður heimslist-
ann. Ólafur Jóhannesson hefur
náð að stoppa hrun liðsins og tek-
ist að snúa við blaðinu. Liðið vann
jafnmarga sigra á hans fyrsta
heila ári og samanlagt á fjórum
árum á undan og er sem stendur í
3. sæti undanriðils síns í undan-
keppni HM og því enn með í bar-
áttunni um sæti á HM í Suður-Afr-
íku 2010.
Fram undan eru því spennandi
tímar þar sem reynir á hvort
breytingin sé tímabundin eða
hvort að karlalandsliðið stefni á
sömu slóðir og það var á þegar
Guðjón Þórðarson réði ríkjum rétt
fyrir síðustu aldamót.
ooj@frettabladid.is
Besta landsliðsárið síðan 2000
Íslenska karlalandsliðið hefur ekki átt betra ár í átta ár þegar litið er á fjölda sigra, markatölu liðsins eða
leiki þar sem markinu er haldið hreinu. Sigurinn gegn Möltu var fimmti sigur íslenska liðsins á árinu.
ÖRYGGIÐ UPPMÁLAÐ Gunnleifur Gunnleifsson hefur staðið
vel fyrir sínu síðan landsliðsþjálfarinn kallaði hann aftur
inn í hópinn eftir nokkurra ára hlé. FRÉTTABLAÐIÐ/VILHELM
Á RÉTTRI LEIÐ Landsliðs-
þjálfarinn Ólafur Jóhann-
esson stendur vel að vígi í
samanburði við fyrirrennara
sína í starfi. SCANPIX
LANDSLIÐIÐ Í FRAMFÖR
Markatala landsliðsins síðustu ár:
2008 +1 (13-12 í 12 leikjum)
2007 -13 (7-20 í 9 leikjum)
2006 -6 (4-10 í 6 leikjum)
2005 -5 (16-21 í 9 leikjum)
2004 -11 (10-21 í 9 leikjum)
2003 -2 (8-10 í 8 leikjum)
2002 -6 (8-14 í 9 leikjum)
2001 -2 (17-19 í 11 leikjum)
2000 +3 (13-10 í 9 leikjum)
Flestir sigrar A-liðs karla á einu ári:
Sex 1999 (10 leikir)
Fimm 1994 (10 leikir)
Fimm 2000 (9 leikir)
Fimm 2008 (12 leikir)
Fjórir 1987 (11 leikir)
Fjórir 1990 (8 leikir)
Fjórir 1996 (11 leikir)
Fjórir 2001 (11 leikir)
Möbelringen Cup
Ísland-Danmörk 22-23 (7-10)
Mörk Íslands: Hanna G. Stefánsdóttir 5, Ágústa
Edda Björnsdóttir 4, Íris Ásta Pétursdóttir 3, Rakel
Dögg Bragadóttir 3, Dagný Skúladóttir 3, Arna Sif
Pálsdóttir 1, Hrafnhildur Skúladóttir 1, Jóna
Sigríður Halldórsdóttir 1, Elísabet Gunnarsdóttir 1.
Markahæstar á mótinu:
Hanna G. Stefánsdóttir 12 mörk
Ágústa Edda Björnsdóttir 10
Ásta Íris Pétursdóttir 7
Hrafnhildur Skúladóttir 6
Rakel Dögg Bragadóttir 6
Dagný Skúladóttir 4
ÚRSLIT
HANDBOLTI Landsliðsþjálfarinn
Júlíus Jónasson er ánægður með
framgöngu kvennalandsliðs
Íslands á Möbelringen Cup þrátt
fyrir að liðið hafi tapað öllum
þremur leikjum sínum.
„Við vissum að við værum að
fara að mæta þremur af sterk-
ustu handboltalandsliðum í heimi
og ég held að stelpurnar hafi haft
gott af því að sjá og spila gegn
þeim bestu,“ segir Júlíus.
Þátttaka Íslands í mótinu var
liður í undirbúningi fyrir
undankeppni HM sem fram fer í
Póllandi dagana 25.-30. nóvember.
„Það verður erfitt verkefni þar
sem við mætum sterkum þjóðum
en við setjum stefnuna á fyrsta
sætið í riðlinum,“ segir Júlíus. - óþ
Júlíus Jónasson:
Markmiðið að
vinna riðilinn
SÁTTUR Landsliðsþjálfarinn er ánægður
með undirbúning íslenska liðsins.
FRÉTTABLAÐIÐ/ANTON
HANDBOLTI Kvennalands-
lið Íslands tapaði naum-
lega gegn Danmörku,
22-23, í lokaleik sínum á
hinu geysisterka Möbel-
ringen Cup-æfingamóti
sem fram fór í Noregi um
helgina. Ísland tapaði öllum þrem-
ur leikjum sínum í mótinu en
greinilegur stígandi var í leik liðs-
ins.
Ísland tapaði stórt gegn Evrópu
- og Ólympíumeisturum Noregs í
fyrsta leik sínum í mótinu og
liðið mátti einnig þola fremur
stórt tap gegn heimsmeistur-
um Rússlands í öðrum leikn-
um. En íslensku stelpurnar
létu töpin ekki slá sig út af
laginu og voru nálægt
því að krækja í jafn-
tefli gegn sterku liði
Danmerkur.
Dönsku stúlkurnar
voru alltaf skrefi á
undan þeim íslensku í
gær en staðan í hálfleik
var 7-10 Danmörku í vil.
Danir náðu mest fimm
marka mun í seinni hálf-
leik, í stöðunni 15-20
um miðbik hálfleiks-
ins, en þá kom íslenska
liðið aftur inn í leikinn
og náði að saxa á for-
skotið jafnt og þétt.
Þær dönsku leiddu leik-
inn 20-23 þegar rúmar tvær
mínútur voru eftir af leikn-
um en Ágústa Edda Björns-
dóttir og Íris Ásta Péturs-
dóttir skoruðu þá fyrir
Ísland og minnkuðu mun-
inn niður í eitt mark á lokamínút-
unni. Íslensku stúlkurnar fengu
svo boltann og áttu möguleika á að
jafna leikinn en allt kom fyrir ekki
og lokatölur urðu sem fyrr segir
22-23. - óþ
Kvennalandslið Íslands í handbolta lauk keppni á Möbelringen Cup í gær:
Stígandi í leik íslenska liðsins
ÓHEPPNAR Íslensku stúlkurnar
voru óheppnar að krækja ekki
í jafntefli gegn Danmörku í gær.
FRÉTTABLAÐIÐ/DANÍEL
> KR og Grindavík mætast í kvöld
Áttunda umferð Iceland Express-deildar kvenna í
körfubolta hefst í kvöld þegar KR og Grindavík mætast í
DHL-höllinni kl. 19.15. Grindavíkurstúlkur eiga harma að
hefna þar sem KR-stúlkur unnu í Grindavík í fyrsta leik
tímabilsins. Þá var Grindavík slegið út af KR í undanúr-
slitum úrslitakeppninnar í fyrra. Liðin eru
svipuð að styrkleika og berjast nú sem
stendur um fjórða sæti deildarinnar.
Vert er að geta þess að hamborgarar
verða grillaðir í KR-heimilinu á undan
leiknum og fá þeir frítt á leikinn
sem kaupa hamborgara. Allir
körfuboltaáhugamenn eru
hvattir til þess að mæta.