Fréttablaðið - 01.12.2008, Blaðsíða 34

18 1. desember 2008 MÁNUDAGUR
timamot@frettabladid.is
WOODY ALLEN FÆDDIST ÞENNAN
DAG ÁRIÐ 1935.
„Ég er gagnkynhneigður … en
óneitanlega tvöfaldar tvíkyn-
hneigð möguleikana á stefnu-
móti.“
Woody Allen, leikstjóri og leik-
ari, leitar innblásturs í bók-
menntum, heimspeki, sálfræði,
gyðingdómi og New York-borg
þar sem hann býr.
Hinrik I, konungur Englands, lést
þennan dag árið 1835 og sam-
kvæmt samkomulagi við aðals-
menn átti dóttir hans Matilda eða
Matthildur að taka við af honum ef
hann eignaðist ekki lögborinn son.
Hinrik á reyndar metið í óskilgetn-
um afkvæmum meðal Englands-
konunga, rúmlega 20 börn, en það
er önnur saga.
Þegar til kom að Matthildur tæki
við sætti Stefán, systursonur Hin-
riks, sig ekki við það og hrifsaði
völdin. Matthildur sem bjó í Norm-
andí og var gift frönskum aðals-
manni tók því ekki þegjandi og
hljóðalaust og upphófst grimmi-
leg borgarastyrjöld. Matthildur vann orrustuna
við Lincoln árið 1141 og tókst að handsama Stef-
án. Sá sigur var þó skammvinn-
ur. Þegar hún hélt til krýningar í
Lundúnum nokkrum mánuðum
síðar kom hún að lokuðum borg-
arhliðum því hún hafði neitað að
lækka skatta um helming. Stef-
án var látinn laus og Matthildur
flúði land.
Matthildur varð því aldrei leið-
togi Englands í reynd þótt hún
væri það samkvæmt lögum.
Hennar er því oft ekki getið í
annálum um leiðtoga Englands.
Sagan endaði þó vel fyrir hana
því þegar sonur Stefáns lést var
ákveðið að sonur Matthildar, Hin-
rik II., tæki við af Stefáni. Hinrik II.
tók svo við árið 1154 og Matthildur lifði til að sjá
það. Hún bjó þó alla tíð í Normandí og lést 1167.
ÞETTA GERÐIST: 1. DESEMBER 1135
Hinrik I deyr og Matilda tekur við
Heilsuleikskólinn Kór í Kópavogi
verður formlega vígður í dag, en þar
með verður hann sá tíundi í röð heilsu-
leikskóla á landinu. Stofnandi og hug-
myndasmiður Heilsustefnunnar á Ís-
landi er Unnur Stefánsdóttir, fram-
kvæmdastjóri skólasviðs Skóla ehf.,
sem tekur að sér rekstur leikskóla
samkvæmt heilsustefnunni.
„Heilsustefnan varð til fyrir tólf
árum þegar ég tók við skólastjóra-
stöðu í leikskólanum Skólatröð í Kópa-
vogi árið 1995. Þá hafði ég lengi kennt
hagnýta uppeldisfræði í Fóstruskól-
anum og furðað mig á því að flestar
stefnur og kenningar sem þar voru
kenndar komu erlendis frá og allar
frá karlmönnum. Því sá ég gullið
tækifæri til að þróa íslenska stefnu
frá grunni þegar ég tók við stjórnar-
taumum í Skólatröð,“ segir Unnur,
sem hefur haft yndi af íþróttum frá
unga aldri og vildi setja hreyfingu og
heilbrigða lífshætti í forgang nýrrar
leikskólastefnu.
„Í Skólatröð fékk ég til liðs við
mig þrjá leikskólakennara og saman
bjuggum við til markmið sem enn eru
í fullu gildi, en þau eru að stuðla að
heilsueflingu leikskólasamfélagsins
og auka gleði og vellíðan barna með
áherslu á næringu, hreyfingu og list-
sköpun í leik. Hugsunin að baki var
sú að fái einstaklingur hollan mat og
mikla hreyfingu vakni með honum
þörf til að skapa og saman orsaki það
almenna vellíðan,“ segir Unnur sem
ásamt samstarfsfólki mótaði heilsu-
stefnuna í Skólatröð, þar sem nem-
endafjöldi fór fljótlega úr þrjátíu upp
í 150 börn í þremur húsum, sem síðar
hlaut nafnið Urðarhóll.
„Á fyrstu árunum sömdum við
Heilsubók barnsins, sem er tæki til
að mæla hvernig börnum gengur
að ná markmiðum skólans og notað
er í öllum leikskólum sem aðhyllast
heilsustefnuna. Í tímans rás höfum
við einnig þróað starf fagstjóra á
hverju sviði fyrir sig, en því gegna
einstaklingar sem hafa sérmennt-
un og víðtæka þekkingu á sínu sviði,
en það gerir starf leikskólanna enn
markvissara,“ segir Unnur sem síðan
á Urðarhóli hefur séð heilsustefnu
sína breiðast hratt út í íslensku leik-
skólasamfélagi.
„Heilsuleikskólinn Krókur í Grinda-
vík varð fyrstur á eftir Urðarhóli að
taka upp heilsustefnuna og síðan hafa
einn til tveir leikskólar á ári tekið upp
þessa stefnu; þar af þrír á þessu ári
og alls eru sex leikskólar að undirbúa
sig undir að verða heilsuleikskólar á
næstunni,“ segir Unnur, en til þess að
svo megi verða þurfa leikskólarnir að
uppfylla ákveðin skilyrði og viðmið
heilsustefnunnar.
„Í rannsóknum á líðan og útkomu
barna sem alist hafa upp samkvæmt
heilsustefnunni hefur komið í ljós að
börnunum virðist líða mjög vel, og séu
þau borin saman við jafnaldra sína úr
öðrum leikskólum á grunnskólaaldri,
hefur komið í ljós að 93 prósent þeirra
stunda íþróttir í samanburði við 50
prósent úr öðrum leikskólum. Börnum
líður því almennt vel að fá að hreyfa
sig og hér heyrum við á foreldrum að
börnin vilji ekki sjá sælgæti heldur
kjósi ávexti, grænmeti og hollan kost
fram yfir annan mat,“ segir Unnur
og bætir við að öll börn ættu að alast
upp við að læra að virða heilsu sína og
annarra sem ómetanleg verðmæti og
grundvöll fyrir fullnægjandi lífi.
„Í heilsuleikskóla er heilsuefling
höfð að leiðarljósi í einu og öllu. Mark-
mið heilsustefnunnar er að venja börn
strax í barnæsku við heilbrigða lífs-
hætti með það í huga að þeir verði
hluti af lífsstíl þeirra til framtíðar.
Áhersluþættir heilsuleikskóla geta
verið mismunandi eftir leikskólum en
góð næring, góð hreyfing og listsköp-
un skal ávallt vera aðalsmerki þeirra.
Kjörorð okkar er „Heilbrigð sál í
hraustum líkama“.“
thordis@frettabladid.is
LEIKSKÓLINN KÓR Í KÓPAVOGI: HLÝTUR VÍGSLU SEM HEILSULEIKSKÓLI Í DAG
Heilbrigðir lífshættir framtíðar
MEÐ Í LEIKINN ÞRAMMAÐ Unnur Stefánsdóttir með lífsglöðum leikskólabörnum á leikvelli Kórs, sem í dag verður formlega vígður sem heilsu-
leikskóli, að viðstöddum Guðlaugi Þóri Þórðarsyni heilbrigðisráðherra. FRÉTTABLAÐIÐ/ANTON
MERKISATBURÐIR
1878 Fyrsti viti á Íslandi tekinn
í notkun, Reykjanesviti á
Valahnúk.
1918 Ísland verður frjálst og
fullvalda ríki.
1932 Sjálfvirkar símstöðvar
eru teknar í notkun í
Reykjavík og Hafnarfirði
og missa þá margir tugir
símastúlkna vinnu sína.
1974 Hús Jóns Sigurðssonar
er formlega vígt í
Kaupmannahöfn.
1975 Silfurbergsnáman
hjá Helgustöðum í
Reyðarfirði er friðlýst sem
náttúruvætti.
1983 Ríkisútvarpið hefur
útsendingar á FM-bylgju
sem Rás 2.
2004 Þórólfur Árnason segir af
sér embætti borgarstjóra í
Reykjavík.
AFMÆLI
SIGURÐUR
RAGNAR
EYJÓLFSSON,
landsliðsþjálfari
kvenna í fót-
bolta, er 35 ára.
MARÍA BJÖRG
ÁGÚSTSDÓTTIR,
landsliðsmark-
vörður í fótbolta,
er 26 ára.
EMILY MORTI-
MER leikkona
er 37 ára.
VAIRA VIKE-
FREIBERGA,
fyrrverandi
forseti Lettlands,
er 71 árs.
Menntaviti verður reistur á Austurvelli í dag til að vekja athygli á mikil-
vægi menntunar og högum námsmanna. FRÉTTABLAÐIÐ/PJETUR
Menntaviti í formi 60 kílóa
skúlptúrs verður reistur á
hátíðisdegi stúdenta á Aust-
urvelli í dag klukkan 11.00.
Samhliða því verður opið
bréf lesið til ráðamanna
og átta óskir námsmanna
til ríkisstjórnar ritaðar á
menntavitann. Markmiðið
er að vekja athygli á mikil-
vægi menntunar og högum
stúdenta í ljósi núverandi
efnahagsþrenginga.
Námsmenn fara meðal
annars fram á að LÍN taki
upp mánaðarlegar greiðsl-
ur. Einnig að háskólar taki
upp námskeið og kennslu
yfir sumartímann fyrir þá
stúdenta sem fá ekki vinnu
og vilja bæta við sig í námi.
Eins að borgin efli samn-
inga varðandi uppbygg-
ingu stúdentagarða og að
Nýsköpunarsjóður náms-
manna verði styrktur.
Menntavitinn verð-
ur fyrst um sinn hafður
á Austurvelli. Svo verð-
ur farið með hann milli
menntastofnana landsins
til að sem flestir geti kynnt
sér hann.
Eftir athöfnina á Austur-
velli er öllum boðið til há-
degisverðar á Háskólatorgi
þar sem forseti Íslands,
Ólafur Ragnar Grímsson,
verður á meðal gesta.
Um er að ræða sam-
starfsverkefni námsmanna
Íslands og Félagsstofnun-
ar stúdenta, Bandalags há-
skólamanna og Happdrætt-
is HÍ.
Nánari upplýsingar á
www.student.is/menntavit-
inn.
Hagsmunamál
stúdenta í öndvegi
Hugvitskonurnar Guðrún
Guðrúnardóttir og María
Ragnarsdóttir hlutu nýlega
viðurkenningu Orkuveitu
Reykjavíkur og KVENN, fé-
lags kvenna í nýsköpun, fyrir
framlag sitt til nýsköpunar.
Guðrún fann upp gifstappa,
nýja lausn til viðgerða á
veggjum úr gifsi, steini eða
spón og María sem er dokt-
or í sjúkraþjálfun vinnur að
þróun og sölu á mælitækjum
í tengslum við sitt fag.
Við þetta sama tækifæri
skrifuðu fulltrúar Orkuveitu
Reykjavíkur og KVENN
undir samstarfssamning um
að veita árlega slíkar viður-
kenningar og halda sýning-
ar á íslenskum uppfinning-
um. Það er gert til eflingar
og nýsköpunar í íslensku at-
vinnulífi.
Hugvitskonur
heiðraðar
Guðlaugur G Sverrisson, stjórnarformaður Orkuveitu Reykjavíkur, Guð-
rún Guðrúnardóttir eigandi Gips-Plug, María Ragnarsdóttir, eigandi
REMO, og Elinóra Inga Sigurðardóttir, formaður KVENN.