Fréttablaðið - 15.01.2009, Blaðsíða 2

2 15. janúar 2009 FIMMTUDAGUR
Hrafnhildur, er þetta ekki
ávísun á grátkór?
„Nei, nei. Ég geri fastlega ráð fyrir
því að þeir sem taka ákvarðanir um
þessi mál viti hvað þeir syngja.“
Kórar Flensborgar- og Öldutúnsskóla fá
ekki styrk úr bæjarsjóði Hafnarfjarðar
á þessu ári. Hrafnhildur Blomsterberg
stjórnar kór Flensborgarskóla.
flugfelag.is
Burt úr bænum
Hópaferðir fyrir öll tilefni
Upplýsingar:
Sími 570 3075
hopadeild@flugfelag.is
REYKJAVÍK
AKUREYRI
EGILSSTAÐIR
FÆREYJARVESTMANNAEYJAR
ÍSAFJÖRÐUR
GRÆNLAND
VOPNAFJÖRÐUR
ÞÓRSHÖFN
GRÍMSEY
NARSARSSUAQ
KULUSUK
CONSTABLE POINT
NUUK
ATVINNUMÁL Tæplega átján pró-
sent fyrirtækja á Reykjanesi
verða gjaldþrota áður en árið er
á enda. Samkvæmt spá Creditinfo
Ísland fara 248 af 1.403 fyrirtækj-
um á Reykjanesi í þrot á næstu tólf
mánuðum. Hlutfallið er hærra en í
nokkrum öðrum landshluta.
„Atvinnuleysi á Suðurnesjum er
það hæsta á landinu, um tíu pró-
sent, og þetta er dálítið endurvarp
frá fyrirtækjum sem standa illa en
á það þarf að líta að hér er hátt hlut-
fall einyrkjafyrirtækja,“ segir Árni
Sigfússon, bæjarstjóri í Reykjanes-
bæ.
Árni segir Suðurnesjamenn enn
eygja von í því að framkvæmdir
við álver í Helguvík hefjist um mitt
árið. „Það þýðir auðvitað á fjórða
þúsund störf sem er langt umfram
það sem Suðurnesjamenn þurfa,“
segir bæjarstjórinn sem kveður
ýmis önnur jákvæð teikn á lofti í
atvinnulífinu og nefnir sérstak-
lega skólastarfsemi á gamla varn-
arsvæðinu.
„Þannig að það er ýmislegt sem
bendir til að við getum farið að rísa
upp á miðju ári. Ég kalla það raun-
sæja bjartsýni að það sé hægt að
sjá tækifærin fram undan en menn
þurfa að búa sig undir það að næstu
fjórir til fimm mánuðir verði erf-
iðir,“ segir bæjarstjórinn í Reykja-
nesbæ þar sem einmitt í dag verður
opnuð ný miðstöð fyrir fólk í leit að
nýjum tækifærum.
Kristján G. Gunnarsson, for-
maður Verkalýðs- og sjómannafé-
lags Keflavíkur og nágrennis, segir
spána um gjaldþrotin ekki koma á
óvart. Hún rími við atvinnuleysis-
tölur svæðisins. Hlutfall atvinnu-
lausra sé hátt á Suðurnesjum vegna
fjölda lítilla fyrirtækja, sérstaklega
í byggingariðnaði og mannvirkja-
gerð, sem hafi farið í þrot.
Eins og Árni bendir Kristján
á væntanlegt álver sem öflugan
vinnuveitanda. „Og það er ýmislegt
fleira að gerast í svartnættinu sem
betur fer og ég held við munum rísa
hraðar úr þessari rúst en önnur
landsvæði,“ segir hann.
Creditinfo spáir því að á landinu
öllu fari rúmlega 3.500 fyrirtæki,
eða 13 prósent allra fyrirtækja, á
höfuðið. Á eftir Reykjanesi er hlut-
fallið hæst á Suðurlandi þar sem
spáð er að tæplega 15 prósent fyr-
irtækja leggi upp laupana. Lægst er
hlutfallið á Norðurlandi vestra. Þar
verða tæp 10 prósent fyrirtækja
gjaldþrota samkvæmt spánni sem
er lítið eitt skárra en á Norðurlandi
eystra þar sem hlutfallið er rúm-
lega 10 prósent. Hlutfallið í öðrum
landshlutum er á bilinu 11 til 13
prósent. gar@frettabladid.is
Sjötta hvert fyrirtæki
á Suðurnesjum í þrot
Ofan í mesta atvinnuleysi á landinu er því spáð að meira en sjötta hvert fyrir-
tæki á Reykjanesi verði gjaldþrota í ár. Bæjarstjóri og verkalýðsforingi vona að
álver í Helguvík snúi stöðunni við. Reykjanes rísi hraðar úr rústunum en aðrir.
SKÓFLUSTUNGA Í HELGU-
VÍK Suðurnesjamenn glíma
við atvinnuleysi og slæmar
spár en vonast eftir því
að framkvæmdir við álver
í Helguvík hefjist aftur af
krafti um mitt árið.
MYND/VÍKURFRÉTTIR
ÁRNI SIGFÚSSON KRISTJÁN
GUNNARSSON
RÚSSLAND, AP Leiðtogar þeirra
Evrópuríkja, sem ekki hafa
fengið gas frá Rússlandi svo
dögum skiptir, hóta nú bæði
Rússum og
Úkraínumönn-
um málsókn ef
gasdreifing-
in kemst ekki í
lag á ný.
Vladimír
Pútín, forsæt-
isráðherra
Rússlands,
segir að Úkra-
ínumenn haldi
Evrópuríkjum í gíslingu, en
Úkraínustjórn segir aftur á móti
að Rússar torveldi vísvitandi
flutning á gasi í gegnum Úkra-
ínu til Evrópuríkja.
Jose Manuel Barroso, forseti
framkvæmdastjórnar Evrópu-
sambandsins, segir ástandið
óþolandi. - gb
Gaslausu Evrópuríkin:
Hóta málsókn
út af gasdeilu
EFNAHAGSMÁL Efnahags- og fram-
farastofnunin (OECD) leggur til
stofnun yfirfjármálaeftirlits í
Evrópu sem leggja myndi þjóðum
lið í að viðhalda fjármálastöðug-
leika og í eftirliti með fjámálafyr-
irtækjum. Stofnunin leggur þetta
til í úttekt um efnahagshorfur á
evrusvæðinu sem birt var í gær,
miðvikudag. Angel Gurria, fram-
kvæmdastjóri OECD, sagði í gær
málið brýnt, það sýndi sú staða
sem uppi væri í fjármálakerfi
heimsins.
Í skýrslunni eru efnahagshorfur
evrulanda sagðar óvenju óljósar,
en líkur á að dragi úr verðbólgu-
þrýstingi. - óká
Ný skýrsla OECD um Evrópu:
Vilja aukið
fjármálaeftirlit
VIÐSKIPTI Rétt fyrir fall bankanna
í haust höfðu skuldir fyrirtækja
landsins aukist um 44 prósent frá
ársbyrjun, en heimilanna um 22
prósent.
Greining Glitnis vitnar í gær
til talna Seðlabankans um útlán
lánakerfisins til atvinnuveg-
anna, en í septemberlok stóðu
þau í 5.518 milljörðum króna. „Í
upphafi síðasta árs höfðu skuld-
ir þeirra þrefaldast á fjórum
árum,“ segir í umfjöllun Glitn-
is. Þar kemur jafnframt fram
að meirihluti skulda fyrirtækja
fyrir hrunið hafi verið gengis-
bundnar, eða 68 prósent, miðað
við 59 prósent í ársbyrjun. Þarna
spilar inn í erlend fjárfesting og
fall krónunnar. - óká
Útlán til atvinnuveganna:
Erlend lán vega
þungt í tölunum
VLADIMÍR PÚTÍN
STJÓRNMÁL Nefnd um Evrópumál
innan Framsóknarflokksins vill
að flokksþing samþykki álykt-
un um að Alþingi ákveði að hefja
aðildarviðræður við Evrópusam-
bandið.
Samkvæmt drögum að ályktun,
sem lögð verður fyrir flokksþing-
ið sem hefst á morgun, er fullveldi
og óskorað forræði Íslendinga yfir
auðlindum þjóðarinnar grundvall-
arkrafa í aðildarviðræðum við
ESB. Þjóðin taki afstöðu til samn-
ingsins í þjóðaratkvæðagreiðslu.
„Í upphafi viðræðna verði gerður
stöðugleikasamningur við Evr-
ópska seðlabankann sem tryggi
stöðugt gengi íslensku krónunnar
þar til Íslendingar taka upp evru,“
segir í drögunum.
Meðal skilyrða framsóknar-
manna er að Íslendingar hafi einir
veiðirétt í íslenskri lögsögu og
stýri veiðunum. Einnig að fram-
leiðsla og úrvinnsla íslenskra
landbúnaðarafurða verði tryggð
ásamt sérstöðu og hreinleika
íslenskra landbúnaðarstofna. Þá
fái Íslendingar varanlegan rétt
til að setja lög um forgangsrétt
manna með lögheimili og fasta
búsetu á Íslandi til að eiga ráðandi
hlut í jarðeignum, lóðum, fasteign-
um og atvinnufyrirtækjum eins
og nú gildi víða innan ESB.
Ein 68 ályktana sem lagð-
ar verða fyrir flokksþingið er
um endurskoðun stjórnskipun-
ar Íslands á sérstöku stjórn-
lagaþingi. Stjórnarskrá og lög
„verði endurskoðuð til samræm-
is við framsæknar hugmyndir um
stjórnskipun landsins um gagn-
sæi, lýðræðislega þátttöku og
jafnvægi milli valdþátta“. Meðal
annars þurfi að taka afstöðu til
þess hvort afnema eigi þingræði
og taka upp beina kosningu æðsta
handhafa framkvæmdavalds og
meta hvort þörf sé á sérstökum
þjóðhöfðingja. - gar
Framsóknarmenn vilja viðræður við Evrópusambandið og breytta stjórnskipan:
Alþingi hefji aðildarviðræður
VALGERÐUR SVERRISDÓTTIR Yfir
hundrað manns hafa gengið í Fram-
sóknarflokkinn í aðdraganda flokksþings
um helgina. Þar munu um 960 fulltrúar
kjósa nýjan formann í stað Valgerðar
Sverrisdóttur sem ekki gefur kost á sér.
FRÉTTABLAÐIÐ/VALLI
VIÐSKIPTI „Það eru engar fréttir í
dag að minnsta kosti. Ég get ekki
nefnt nákvæma dagsetningu á
því hvenær lín-
urnar fara að
skýrast, en þær
verða að skýr-
ast ekki síðar en
í næstu viku,“
segir Einar Sig-
urðsson, fram-
kvæmdastjóri
Árvakurs,
útgáfufélags
Morgunblaðs-
ins. Félagið
hefur átt í vand-
ræðum og er talið að það skuldi í
kringum 4,5 milljarða króna.
Langstærstur hluti þeirrar tölu
eru skuldir félagsins við Glitni.
Spurður hvort bankinn hyggist
taka yfir rekstur Árvakurs seg-
ist Einar ekki hafa fengið neinar
vísbendingar um það og ekki hafa
heyrt af neinu slíku. - kg
Framkvæmdastjóri Árvakurs:
Línur verða að
fara að skýrast
VIÐSKIPTI Eigið fé Eimskips verð-
ur neikvætt um 150 milljónir
evra, eða sem nemur 25 millj-
örðum króna, í ársuppgjöri 2008.
Þetta kemur fram í afkomuvið-
vörun sem félagið sendi frá sér í
gærkvöldi.
Eimskip lét vita af því í desem-
ber að veruleg óvissa væri um
afkomu ársins. Virðisrýrnunar-
próf á viðskiptavild og aðstæð-
ur á mörkuðum leiða, að sögn
félagsins, til ofangreindrar nið-
urstöðu.
„Gert er ráð fyrir að sölu eigna
í Norður-Ameríku ljúki í febrúar
2009 og mun salan létta verulega
á skuldsetningu félagsins,“ segir
í tilkynningunni, en ekki sé ljóst
hver áhrifin verði endanlega. - óká
Afkomuviðvörun Eimskips:
Neikvætt eigið
fé um áramót
PALESTÍNA Eini sendifulltrúi Rauða
kross Íslands í Palestínu, Pálína
Ásgeirsdóttir, stefnir á að fara í
eftirlitsferð inn á Gaza-svæðið í
vikulokin.
Pálína hefur aðsetur í Jerúsal-
em, þaðan sem hún stjórnar heil-
brigðisverkefni Rauða krossins
í Palestínu. Hún heldur utan um
átján spítala, átta á Gaza-svæðinu
og tíu á Vesturbakkanum. Hlut-
verk hennar er að sjá til þess að
þeir starfi sem skyldi og hafi nóg
af starfsfólki, lyfjum og öðrum
nauðsynjum.
Fréttablaðið hefur ekki náð tali
af Pálínu sjálfri. Sólveig Ólafs-
dóttir, upplýsingafulltrúi Rauða
kross Íslands, segir að Pálína
hafi meðal annars tekið þátt í að
koma teymi skurðlækna inn á
Gaza-svæðið. Unnið sé að því að
fleiri sérfræðingar Rauða kross-
ins komist til starfa á sjúkrahús-
um á svæðinu.
Rauði krossinn berjist fyrir því
að sjúkraflutningamenn Rauða
krossins og Rauða hálfmánans
fái að fara um svæðið óhindraðir.
Sólveig segir að umsamið þriggja
klukkustunda vopnahlé á dag hafi
margsinnis verið brotið. Sjö teymi
sjúkraflutningamanna frá Rauða
hálfmánanum hafi lent í miðjum
skotárásum.
Pálína er hjúkrunarfræðingur
að mennt og einn reyndasti sendi-
fulltrúi Rauða kross Íslands á
átakasvæðum. - hhs
Pálína Ásgeirsdóttir stjórnar heilbrigðismálum Alþjóða Rauða krossins í Palestínu:
Fer í eftirlitsferð inn á Gaza
PÁLÍNA ÁSGEIRSDÓTTIR Stjórnar heil-
brigðisverkefni Alþjóða Rauða krossins í
Palestínu. Hún stefnir inn á Gaza-svæðið
í vikulokin til að kanna aðstæður.
FRÉTTABLAÐIÐ/EINAR ÓL.
EINAR
SIGURÐSSON
SPURNING DAGSINS