Fréttablaðið - 15.01.2009, Blaðsíða 44

36 15. janúar 2009 FIMMTUDAGUR
bio@frettabladid.is
Kvikmyndin Slumdog Millionaire,
sem er byggð á metsölubók Vikas
Swarup Viltu vinna milljarð?,
verður frumsýnd á morgun. Hún
var valin besta myndin á nýafstað-
inni Golden Globe-hátíð og vann í
þremur flokkum til viðbótar, þ.e.
fyrir bestu leikstjórn, handrit og
tónlist.
Myndin segir frá hinum átján
ára Jamal Malik sem er á sigur-
braut í indversku útgáfunni af
Viltu vinna milljón? Hann þarf
bara að svara einni spurningu í við-
bót til að vinna 20 milljónir þegar
gert er hlé á upptökum þáttarins
yfir nótt. Þá er lögreglan kölluð
til því mörgum þykir ótrúlegt að
munaðarleysinginn Jamal, sem
ólst upp í fátækrahverfum Mumb-
ai, skuli komast lengra í þættinum
en betur menntaðir, greindari og
ríkari þátttakendur en hann.
Leikstjóri Slumdog Millionaire
er Bretinn Danny Boyle sem vakti
fyrst athygli með Shallow Grave
árið 1995. Ári síðar sendi hann frá
sér Trainspotting sem kom honum
endanlega á kortið sem einum
færasta kvikmyndagerðarmanni
Breta. Síðan þá hefur hann leik-
stýrt nokkrum fínum myndum, þar
á meðal spennumyndinni 28 Days
Later þar sem uppvakningar leika
stórt hlutverk. Handritshöfund-
ur Slumdog Millionaire er Simon
Beaufoy sem er þekktastur fyrir
handrit sitt að The Full Monty.
Myndin fær 8,7 á síðunni Imdb.
com og 94% á Rottentomatoes.com.
Henni hefur verið spáð góðu gengi
á næstu Óskarsverðlaunahátíð,
enda gefa Golden Globe-verðlaun-
in jafnan sterkar vísbendingar um
það sem koma skal á þessari virt-
ustu hátíð kvikmyndabransans.
Munaðarlaus í milljónakeppni
SLUMDOG MILLIONAIRE Myndin er byggð á metsölubókinni Viltu vinna milljarð? eftir
Vikas Swarup.
Frönsk kvikmyndahátíð
hefst á morgun og stendur
til 29. janúar. Sýndar verða
tíu myndir, þar á meðal opn-
unarmyndin Entre les murs
sem hlaut Gullpálmann í
Cannes síðasta vor.
Franska kvikmyndahátíðin, sem
er sú níunda í röðinni, fer fram
í Háskólabíói og að henni standa
Græna ljósið og Alliance français
í samstarfi við sendiráð Frakk-
lands, Belgíu og Kanada. Sýndar
verða tíu gæðamyndir, þar af sín
myndin hvor frá Belgíu og Kan-
ada. Þetta er í fyrsta skipti sem
sýndar eru myndir frá öðrum
löndum en Frakklandi á hátíðinni
en allar myndirnar eru engu að
síður á frönsku. Þrjár myndanna
eru með íslenskum texta: Skóla-
bekkurinn (Entre les Murs), Fran-
çoise Sagan og Refurinn og barn-
ið. Aðrar myndir eru textaðar á
ensku.
Entre les murs segir frá Fran-
çois sem er ungur frönskukennari
í gagnfræðaskóla fyrir vandræð-
aunglinga. Hann hikar ekki við
að svara nemendum sínum fullum
hálsi eins og tungumálið sjálft sé
í húfi og slík vinnubrögð geta haft
sínar afleiðingar.
Entre les murs er í hópi níu
mynda sem eiga möguleika á að
hreppa Óskarsverðlaunin fyrir
bestu erlendu myndina. Fækkað
verður í hópnum niður í fimm 22.
janúar þegar tilkynnt verður um
tilnefningarnar. Myndin hefur
hlotið sérlega góða dóma, þar á
meðal 7,9 af 10 mögulegum á kvik-
myndasíðunni Imdb.com og hvorki
meira né minna en 97% á síðunni
Rottentomatoes.com.
Heiðursgestur frönsku kvik-
myndahátíðarinnar er franski
leikstjórinn Luc Jacquet sem gerði
hina geysivinsælu mynd Ferðalag
keisaramörgæsanna. Hann verður
viðstaddur frumsýningu nýjustu
myndar sinnar, barnamyndarinn-
ar Refurinn og barnið, laugardag-
inn 17. janúar kl. 20.
Nánari upplýsingar um hátíðina
má finna á síðunni Graenaljosid.is.
freyr@frettabladid.is
Tíu myndir á franskri hátíð
ENTRE LES MURS Opnunarmynd frönsku kvikmyndahátíðarinnar, Entre les murs, eða Skólabekkurinn, hlaut Gullpálmann á Cann-
es-hátíðinni síðasta vor.
Leikstjórinn Roman Polanski hefur
ekki í hyggju að snúa aftur til
Bandaríkjanna þrátt fyrir að hann
vilji fella niður ákæru sem hann
fékk þar í landi 1977 fyrir kynlíf
með stúlku undir lögaldri.
Að sögn lögfræðings hans vill
leikstjórinn einfaldlega sanna að
dómstólar hafi gert mistök á sínum
tíma og um leið hreinsa mannorð
sitt.
Polanski, sem er 75 ára, flúði frá
Bandaríkjunum til Frakklands árið
1978 til að komast hjá fangelsisdómi
eftir að hafa játað að hafa sofið hjá
þrettán ára stúlku. Síðan þá hefur
hann ekki stigið niður fæti í Banda-
ríkjunum af ótta við handtöku.
Á meðal þekktustu mynda Polan-
skis eru Rosemary´s Baby, China-
town og The Pianist.
Polanski vill ekki
fara til Ameríku
Jackie Chan er í viðræðum um að
leika í endurgerð The Karate Kid
sem kom út árið 1984 við miklar
vinsældir. Chan myndi leika læri-
föðurinn Mr Miyagi sem kennir
aðalpersónunni iðkun karate. Pat
Morita lék Miyagi í upphaflegu
myndinni og var hann tilnefndur
til Óskarsins fyrir frammistöð-
una.
Þegar hefur verið tilkynnt að
Jaden Smith, sonur Will Smith,
leiki aðalhlutverkið í myndinni.
Tekur hann við hlutverkinu af
Ralph Macchio sem lék í fyrstu
þremur Karate Kid-myndunum.
Hilary Swank lék í fjórðu mynd-
inni, The Next Karate Kid, fyrir
fimm árum. Tökur á nýju mynd-
inni hefjast í Peking á næsta ári.
Jackie Chan orðað-
ur við Karate Kid
JACKIE CHAN Hasarmyndahetjan Jackie
Chan leikur hugsanlega í endurgerð The
Karate Kid.
ROMAN POLANSKI Polanski, til hægri,
ætlar ekki að snúa aftur til Bandaríkj-
anna.
> EAST OF EDEN Í BÍÓ
Til stendur að gera nýja mynd
byggða á bók Johns Steinbeck,
East of Eaden. Leikstjóri verð-
ur Tom Hooper sem hefur leik-
stýrt þáttunum John Adams.
Árið 1955 kom út myndin East
of Eaden með James Dean
í aðalhlutverki en nýju
myndinni mun víst lítið
svipa til hennar.
Nýjasta mynd Adams
Sandler er hin gamansama
fjölskyldumynd Bedtime
Stories. Í myndinni leikur
Sandler hótelstarfsmann-
inn Skeeter Bronson sem
finnst ekkert skemmti-
legra en að segja
ungum frændsystkin-
um sínum ævintýra-
sögur til að svæfa
þau á kvöldin. Hann
verður fyrir óvæntri
lífsreynslu þegar
sögurnar verða að
veruleika á undra-
verðan hátt. Sögurn-
ar verða fáránlegri
með hverju kvöld-
inu þegar Skeeter
ákveður að nýta sér þær til
að bæta líf fjölskyldu sinn-
ar. Þegar frændsystkinin
hafa óvænt áhrif á ástand-
ið fer af stað atburðarás
sem á eftir að umturna lífi
þeirra.
Sandler er ekki þekktur
fyrir að leika í fjölskyldu-
myndum en kannski á það
eftir að breytast í framtíð-
inni, enda á hann nú tvö
börn með eiginkonu sinni
Jackie. Mótleikkona Sand-
lers í myndinni er Keri
Rusell sem sló í gegn í sjón-
varpsþáttunum Felicity.
Bedtime Stories fær 6,2 í
einkunn á Imdb.com og 23%
á Rottentomatoes.com.
Sandler segir sögur
ADAM SANDLER Nýjasta mynd
Sandlers er hin gamansama fjöl-
skyldumynd Bedtime Stories.
Teiknimyndin Wall-E og heim-
ildarmyndin Man on Wire fengu
besta dómana árið 2008 sam-
kvæmt kvikmyndasíðunni Rotten
Tomatoes. Versta mynd ársins
var One Missed Call með Shann-
yn Sossamon og Edward Burns í
aðalhlutverkum, sem fékk enga
jákvæða dóma. Myndum á list-
anum var skipt niður í sæti eftir
skoðunum rúmlega tvö hundruð
virtra kvikmyndagagnrýnenda.
Wall-E fékk 96% góða dóma, en
Man on Wire fékk 100% og var
hæst yfir þær myndir sem fengu
takmarkaða dreifingu. One Miss-
ed Call fékk aftur á móti O% í
einkunn.
Wall-E var
mynd ársins
föstudagur
fylgir Fréttablaðinu á morgun
föstudagur