Fréttablaðið - 15.01.2009, Blaðsíða 47

FIMMTUDAGUR 15. janúar 2009 39
Annað undanúrslitakvöldið í Eur-
ovisionforvalinu brestur á eftir
Spaugstofuna á laugardaginn.
Okkur er boðið upp á fjögur lög,
það fyrsta, „Fósturjörð“, er eftir
Einar Scheving. Einar hefur verið
í fremstu röð íslenskra trommara
lengi og vakti mikla athygli nýlega
fyrir jazzplötuna Cycles. Lagið hans
er dramatískur ættjarðaróður sem
Páll Rósinkranz syngur hnarreist-
ur.
Stórskotalið stendur á bakvið
næsta lagi, „Undir regnboganum“.
Poppstjarnan Ingó syngur það,
Eiríkur Hauksson gerði textann og
Hallgrímur Óskarsson lagið. Hall-
grímur hefur áður tekið þátt í Eur-
ovision, náði lengst þegar Birgitta
Haukdal söng lag hans í aðalkeppn-
inni 2003. Lagið sem hann kepp-
ir með á laugardaginn er krúttlegt
úkúlele-knúið popplag sem minn-
ir á lög Vilhjálms Vilhjálmssonar
og Gilberts O‘Sullivan. Hallgrím-
ur fær svo Jógvan til að syngja hitt
lagið sitt í ár í þættinum eftir tvær
vikur.
Þriðja lagið er „Vornótt“ eftir
Erlu Gígju Þorvaldsdóttur með
texta eftir Hilmi Jóhannesson. Erla
er eina konan sem á lag í keppn-
inni í ár og að auki elst keppenda,
er komin langt að sjötugu. Hún fær
unga söngkonu úr Mosfellsbænum,
Hreindísi Ylvu Garðarsdóttur Holm,
til að syngja lagið, sem er hugljúft
og af gamla skólanum.
Síðasta er „Glópagull“ eftir Einar
Oddsson, kraftmesta og rokkað-
asta lag kvöldsins. Það þýðir ekk-
ert minna en tvær sönkonur til að
flytja það, þær Ernu Hrönn, áður í
Bermúda, og Guðrúnu Lísu, áður í
Ísafold.
Eins og sést verða öll lögin sung-
in á íslensku á laugardaginn, en
fyrir viku fóru tvö lög sem sung-
in voru á ensku áfram en íslensku
lögin sátu eftir. Spennandi verður
að sjá hvaða fataleppum kynn-
arnir klæðast, prjónapeys-
urnar þeirra í fyrsta þætt-
inum vöktu eiginlega meiri
athygli en lögin sjálf. - drg
Alíslenskt undanúrslitakvöld
KEPPENDURNIR Í EUROV-
ISION Á LAUGARDAGINN
Frá vinstri eru þau Hreind-
ís Ylfa, Ingólfur Þórarins-
son, Erna Hrönn og Páll
Rósinkranz.
Vinsældir tónlistarkonunnar Lov-
ísu Elísabetar Sigrúnardóttur,
betur þekktri sem Lay Low, fara
ekkert dvínandi. Nýjasta plata
hennar Farewell Good Night’s
Sleep seldist í um 8.000 eintökum
fyrir jólin og nú þegar er orðið
uppselt á tónleika hennar sem
fara fram á Café Rósenberg 27.
janúar næstkomandi. Tónleik-
arnir verða hennar síðustu hér
á landi fyrir þriggja vikna tón-
leikaferð með Emilíönu Torrini
um Evrópu.
„Þetta á að vera svolítið kósí
því við förum svo út strax dag-
inn eftir. Ég held að það sé ágæt-
is æfing að spila fyrir þennan
hóp áður en við förum að spila á
stórum stöðum úti. Þetta verð-
ur lengsta tónleikaferðalag sem
ég hef farið í til þessa og hentar
mjög vel því platan mín kemur út
í Bretlandi og Þýskalandi í mars,“
segir Lovísa sem mun stíga á
stokk ásamt gítarleikara sínum
Pétri Hallgrímssyni á tónleika-
ferðalagi Emilíönu um Frakk-
land, Ítalíu, Þýskaland, Sviss,
Austurríki, Belgíu, Holland og
Luxemborg.
„Ég kem aðeins heim í örfáa
daga að ferðalaginu loknu og fer
svo beint áfram í eigið tónleika-
ferðalag,“ segir Lovísa sem mun
þá spila í Finnlandi, Svíþjóð, Nor-
egi, Danmörku og Þýskalandi
áður en hún hitar upp á tónleik-
um Emilíönu í London hinn 13.
mars. - ag
Lengsta ferða-
lag Lay Low
VINSÆL Uppselt er á tónleika Lay Low
á Café Rósenberg 27. janúar næst-
komandi, daginn áður en hún fer í
tónleikaferðalag með Emilíönu Torrini
um Evrópu.
Tölvuleikurinn Ghostbusters: The
Video Game kemur út á vegum
Atari 19. júní næstkomandi. Leik-
urinn er byggður á Gostbusters-
kvikmyndunum sem nutu mikilla
vinsælda á níunda áratugnum.
Höfundar leikjarins eru þeir
Harold Ramis og Dan Akroyd
sem báðir sömdu og léku í mynd-
unum.
Einnig koma fram í leiknum
Bill Murray og Ernie Hudsen,
sem voru hluti af upprunalega
Ghostbusters-genginu. Leikurinn
gerist tveimur árum eftir Ghost-
busters II og er Manhattan-borg
enn og aftur umlukin draugum og
yfirnáttúrulegum öflum. Bregða
leikmenn sér í hlutverk nýliða í
hópi draugabananna sem reynir
að vinna bug á vandanum.
Draugabanar
í tölvuleik