Tíminn - 28.11.1982, Blaðsíða 33

SUNNUDAGUR 28. NÓVEMBER 1982
33
að umsetningin næmi 100 milljónum
marka, - þ.e. um óOOmilljónum ísl.
króna. Talið var að þeir fjórmenningarn-
ir í GMBH hirtu hér af um 150-200
þúsund mörk á mánuði hverjum. Tekjur
sínar notuðu þeir til þess að fjárfesta hér
og þar og nokkuð fóru þeir með í
spilavítunum. Hlutverkum var skipt
innan félagsins: Mischa sá um að færa
út kvíarnar, ráðningu og dreifingu
kvenþjóðarinnar, Beatle sá um að halda
uppi röð og reglu, Gerd hélt um
fjármálin og Harry sá um fasteignirnar.
Hann hældi sér af því að vera „stærsti
hóteleigandi í Þýskalandi." Miðstöð
félagsins var GMBH-klúbburinn, sem
áður er minnst á.
Keppinautar
Þar til fyrir ári ríkti friður og ró í
kóngsríki GMBH. Allt var undir styrkri
stjórn og völdum nákvæmlega deilt
niður. Samkeppni var haldið innan
skynsamlegra marka.
Keppinautarnir voru einkum „Nu-
tella“-hópurinn, sem einnig var nefndur
„Græningja“ hópurinn, vegna þess hve
foringjarnir voru ungir. Hér gerðu um
það bil 80 hórumangarar út einar 350
stúlkur. Leiðtoga er aðeins einn að finna
í þessum flokki, hinn svonefnda „Nutella
Bongo,“ sem svo er nefndur vegna
stærðar sinnar og sverleika, en hann er
um 190 sentimetrar á hæð.
Upp á síðkastið hafa þessir piltar látið
æ meira að sér kveða og hafa þeir farið
að keppa við þá gömlu í GMBH um
völdin. Þegar viðskiptin hafa gengið
miður, hafa skil skerpst á milli fylkinga.
Þaðan hafa Þýskalandsmeistarar í boxi
komið.
Árum saman var friður og ró á
„Ritze“ og annars staðar á Reeperbahn.
En nú, eftir nær tíu ára friðartímabil, er
enn hætta á árekstri milli kynslóða.
Slagsmál og skotárásir gerast æ tíðari.
Á þessu ári hafa sex manns verið drepnir
í gleðigötunni. Stríðið stendur á milli
GMBH og „Nutella'* piltanna. Auk
þessara láta jaðarhópar og ýmsir minni
spámenn til sín taka. Hátt settur
lögregluforingi segir: „Það er líklegt að
þetta verði harðara stríð en það sem
þarna geisaði eftir 1960.“
19 hnífsstungur
Á þeim árum, á dögum „Svarta
flokksins" og „Gullstrákanna níu“, eins
og þeir nefndu sig, börðust þýskir hópar
gegn flokki austurrískra meglara frá
Vín. Þá var Wilfried nokkur Schultz
„Konungurinn" eða „Pate“ í St. Pauli. Sá
maður hefur oftsinnis upp frá því lagt
áherslu á það í blaðaviðtölum að hann
eigi engra hagsmuna að gæta á St. Pauli
lengur. Herra Wilfried rekur ýmsa
heldri veitingastaði nú um stundir í því
hverfi Hamborgar sem St. Georg nefnist
og er þar á meðal „náinna kynna“-
veitingastaðurinn „Cherie" og annar
svipaður er nefnist „Hotel Village."
I átökum flokkanna í þá daga var einn
höfðingja þeirra Vínarmanna drepinn
■ „Mischa hinn fagri“ ásamt Manuelu og annarrí vinkonu sinni á Gran Canari. Fyrir skemmstu stöðvaðist lukkuhjólið
og hann fannst hengdur úti á Lúneborgarhciðinni í grennd Hamborgar.
„Þegar viðskiptin ganga illa, þá fara
menn að bila á tauginni," segir einn
þessara á barnum „Ritze,“ sem er við
hliðina á „Eros Center." Þar koma
tilvonandi viðskiptavinir inn til þess að
drekka í sig kjark áður en haldið er á
vit gleðikvenna og fýsnirnar æstar upp
við að horfa á klámmyndir sem sýndar
eru í síbylju á skermi við barinn. Á bak
við járnvarðar dyr eru piltamir í
„Nutella" hópnum út af fyrir sig. Þar er
undir kjallari, þar sem þeir æfa box.
Sjá næstu síðu