Tíminn - 01.12.1982, Blaðsíða 6

6
-1'
MIÐVIKUDAGUR 1. DESKMBER 1982.
stuttar fréttsr
■ Borgarnesstúlkurnar sem sigruðu í stúlknaflokki í fótbolta á Borgarfjarð-
armótinu.
Atta skólalið
kepptu á
Borgarfjarðarmóti
Borgarfjörður: Stúlknaliðið úr Borg-
arnesi fóru með sigur af hólmi í
stúlknaflokki og Hvanneyringar í
piltaflokki á svokölluðu Borgarfjarð-
armóti í knattspyrnu, sem fram fór á:
íþróttavellinum í Borgarnesi fyrir
nokkru. Fjögur lið kepptu þar í
hvorum flokki, þ.e. frá öllum fram-
haldsskólunum í Borgarfirði, að
Hússtjórnarskólanum á Varmalandi
undanskildum. Sigurvegararnir unnu
farandbikara, sem Kaupfélagið og
Mjólkursamlagið í Borgarnesi gáfu
til keppninnar.
í fréttabréfi Samvinnuskólans seg-
ir að keppnin hafi verið drengileg og
skemmtileg nema hvað meiðsli settu
nokkurn skugga á mótið. Einn úr liði
Samvinnuskólans á Bifröst meiddist
svo illa á hné, að hann varð að
leggjast inn á bæklunardeild Land-
i spítalans, þar sem hann gengst undir
uppskurð.
-HEI
, I v*»« §1 ■ V
’ itii r ' i li™ ||
■ Hvanneyringar báru sigurorð af piltaliðum hinna framhaldsskólanna í
Borgarfirði.
Geysir heldur
2ja daga
afmælistön-
leika f Akur-
eyrarkirkju
Akurcyri: Karlakórinn Geysir á
Akureyri heldur upp á 60 ára afmæli
sitt með tónleikum í Akureyrar-i
kirkju dagana 2. og 3. desember n.k.
Auk núverandi söngvara í Geysi
munu gamlir Geysisfélagar syngja á
tónleikunum undir stjórn Árna Ingi-
mundarsonar og einnig mun Geysis-
kvartettinn koma þar fram, en hann
vann nýlega til 3. verðlauna í
kvartettsöngkeppni sem haldin var í
Danmörku.
Karlakórinn Geysir var formelga
stofnaður 20. okt. 1922, en kom fyrst
fram 1. des. 1922, og hefur 1. des.
síðan verið skoðaður sem afmælis-
dagur kórsins. Sína fyrstu söng-
skemmtun hélt kórinn 16. des. sama
ár, en vorið eftir fór kórinn í sína 1.
söngför til Húsavíkur. Auk þess að
halda söngskemmtanir víðs vegar
um landið hefur kórinn farið í
söngferðir til útlanda; til Noregs
1952, Englands 1971 og Ítalíu 1974.
Fyrsti söngstjóri Geysis og ein
aðaldriffjöðrin í starfi kórsins var
Ingimundur Árnason, sem stjórnaði
kórnum allt til ársins 1952, að
undanskildu árinu 1925. Sonur Ingi-
mundar, Árni, stjórnaði kórnum
næstu 10 árin, 1955-66. Stjórnendur
síðan eru: Jan Kisa, Philip Jenkins,
Áskell Jónsson, Sigurður Demetz
Franzson og nú síðustu tvö árin
Ragnar Bjömsson, með aðstoð Sigð-
urðar Sigurjónssonar nú í vetur.
Núverandi formaður kórsins er
Reynir Valtýsson.
- HEI.
Passíukórinn
á Akureyri
syngur
,,Petite Messe
Solenelle”
Akureyri: Passíukórinn á Akureyri
mun flytja „Petite Messe Solennelle“
eftir Rossini að Ýdölum í Aðaldal
föstudag 3. des. og í Akureyrarkirkju
sunnudag 5. desember n.k., í bæði
skiptin kl. 21.00.
Stjórnandi kórsins er sem fyrr
Roar Kvam, en flytjendur með
kórnum eru að þessu sinni: Signý
Sæmundsdóttir sópran, Þuríður
Baldursdóttir, alt, Viktor Guðlaugs-
son, tenór, Michael J. Clarke, bassi,
Paula Parker, píanó og Úlrik Ólason,
harmoníum, allir utan einn búsettir
norðanlands.
Petite Messe Solennelle (stutt
hátíðleg messa - 1864) er síðasta
stórverk Rossinis og hefur lent í þeirri
einkennilegu aðstöðu að vera betur
þekkt fyrir það sem hún er ekki,
heldur en það sem hún er. Messan er
í raun lengri í flutningi en flestar
messur og hátíðleikinn vart nema
hæfilegur. Eins og segir í frétt frá
kórnum, taldi Rossini helgitónlist
ekki endilega þurfa að vera guð-
hrædda og iðrandi „ásjónu" er væri
úr tengslum við veraldleikann. Verk-
ið er í 14 þáttum, skrifað fyrir 4
einsöngvara og kór með minnst 8
söngvurum ásamt tveim píanóum og
harmóníum.
-HEI
fréttir m
— sem mun verða eitt besta tónleikahús
borgarinnar
■ „Kór Langholtskirkju flutti Sálu-
messu Mozarts á dögunum í Fossvogs-
kirkju og þar er svo þröng fyrir kórinn
og hljóðfæraleikarana að það er á
mörkunum að þeir komist fyrir. Ég sagði
þá við kórfélagana að jólaverkefnið
okkar, Jólaóratoríu Bachs, myndum við
flytja í okkar eigin kirkju, Langholts-
kirkju, sem er enn í byggingu eins og
menn vita. Til að þetta geti orðið að
veruleika þarf að koma fyrir hitalögn í
kirkjunni og það kostar um 700 þúsund
krónur. Við ákváðum því að efna til
óvenjulegs tónleikahalds í kirkjuskipinu
um aðra helgi, þar verður um að ræða
sólarhringslanga tónleika þar sem fjöldi
tónlistarmanna kemur fram auk kórsins".
sagði Jón Stefánsson,organisti og söng-
stjóri á blaðamannafundi er kynnt var
óvenjulegt framtak kórs Langholts-
kirkju.
„Aðgangur að tónleikunum verður
ókeypis, fólk getur komið hvenær sem
er á tímabilinu kl. 19.00 föstudagskvöld-'
ið 3. des. til kl. 19.00 laugardagskvöldið
4. des. og ef fólk vill leggja fram fé til
kirkjunnar verður það að sjálfsögðu vel
þegið. Þá munu kórfélagar um næstu
helgi ganga í hús með bréf til allra
safnaðarmeðlima Langholtssóknar um
starf kórsins, um kirkjuna og það starf
sem þar fer fram og síðan næstu viku
verður aftur farið í hvert hús í sókninni
og fólki boðið að leggja fram skerf til
hitunarbúnaðar kirkjunnar. Jafnframt
munu kórfélagar vinna í kirkjunni sjálfri
við að bera út mótatimbur og lagfæra
það sem þarf til að hægt verði að koma
þarfyrirkór, hljómsveitogáheyrendum <
Eins og áður sagði muii fjöldi tónlist-
armanna koma fram á þessum sólar-
hringstónleikum, söngvarar synga og
hljóðfæraleikarar leika einleiksverk og í
kammerverk. Allt þetta listafólk gefur
framlag sitt. Það kom fram á fundinum
að samkvæmt athugunum sem gerðar
hafa verið má búast við að þegar
Langholtskirkja verður fullgyggð verði
hún eitt besta tónleikahús borgarinnar.
„Það er mikill fjöldi tónlistarfólks sem
bíður þess með óþreyju að þetta liús
verði tilbúið" sagði Jón Stefánsson.
i „Fyrir kórinn verður það stórkostleg
lyftistöng. Hann hefur undanfarin ár
haldið marga stóra tónleika, mest kirkju-
lega tónlist og ég vil flytja þá tónlist í
■ Þessi mynd var tekin íyrir tveim árum er Kór Langholtskirkju söng í hálfbyggðri
kirkjunni. Allir eru kappklæddir, jafiit flytjendur sem áheyrendur. Tímamynd
G.E.
kirkju, ég vil ekki aðskilja kirkjuna og
þá tónlist sem henni tilheyrir. En í
rauninni er engin kirkja í borginni nógu
stór fyrir kórinn og hljóðfæraleikarana
sem honum fylgja þegar stór verk eru
flutt . Og við erum svo heppin að
sóknarnefnd og presturinn okkar séra
Sigurður Haukur Guðjónsson hafa sýnt
kórnum og tónlist í kirkjunni sérstaka
velvild og tónlistarfólk verður velkomið
í kirkjuna til að koma list sinni á
framfæri."
Sr. Sigurður Haukur sagði á fundinum
að Langholtssókn væri lítil sókn og
kostnaðurinn við kirkjuna kæmi á fá
bök. Hann gat þess í því sambandi að
nú væri kirkjugaldið sem lagt er á
safnaðarfólk 200 kr., en af því fé tæki
Gjaldheimtan 6% í innheimtukostnað,
en innheimtukostnaður af öðrum gjöld-
um fer í engu tilviki yfir 1%. Framlag
borgarinnar nær hins vegar ekki þeirri
upphæð sem Gjaldheimtan fær í inn-
heimtulaun.
Þess skal geta að í apríl næst komandi
kemur heimsþekktur sænskur upptöku-
maður og plötuútgefandi til landsins til
að taka upp plötu með Kór Langholts-
Ikirkju verður platan tekin upp í
kirkjunni sjálfri. Þessi útgefandi hefur
gefið út mikið af heimsþekktu tónlistar-
ifólki og er það því mikill heiður fyrir
kórinn og íslenska tónlist að hann skuli
leita hér fanga.
Og að lokum. Þessir óvenjulegi tónl-
istarviðburður endar á óvenjulegan hátt.
Þegar sólarhringurinn verður ljðinn hefst
sem sé kirkjuathöfn þar sem einn af
meðlimum kórsins gengur í heilagt
hjónaband. jqjj
Síjgild ténlist í heilan sélarhring:
KÓR LANGHOLTSKIRKJU
SAFNAR FYRIR
HITALÖGN í KIRKJUNA
Globus h/f 35 ára:
Nýtt og rúmgott hús
nædi tekið í notkun
— ýmsar nýjungar í rekstri og þjénustu á döfinni
■ Innflutningsfyrirtækið Globus h/f á 35
ára afmæli um þessar mundir og af því tilefni
var blaðamönnum nýverið boðið að skoða
fyrirtækið og kynnast starfsemi þess. Globus
var upphaflega stofnað sem heildsölufyrirtæki
og flutti þá aðallega inn snyrtivörur. Stofn-
andinn, Einar Egilsson fluttist úr landi og
seldi Heklu h/f fyrirtækið. Núverandi for-
stjóri, Ámi Gestsson sem lengivarstarfsmaður
Heklu keypti sfðan hlutabréf Globuss h/f af
Heklu h/f og hóf sjálfstæðan rekstur þess
1956. Fyrstu árin var Globus h/f til
húsa á Hverfisgötu 50, fluttist þaðan árið
1960 í Vatnsstíg 3. Árið 1966 fluttist Globus
h/f að Lágmúla 5, þar sem núverandi aðsetur
fyrirtækisins er. Á þessu ári hafa átt sér stað
miklar breytingar hjá Globus h/f, ný
þjónustumiðstöð, verkstæði fyrir bíla og
búvélar og varahlutalager, hefur tekið til
starfa, á samtals 2000 fermetra gólffleti, á
tveim hæðum, nýr sýningarsalur fyrir bíla og
búvélar hefur verið tekinn í notkun á jarö-
hæðinni, allt bókhald er nú í tölvuvæðingu
og loks hefur heildsöludeildin fengið nýtt
húsnæði.
Eins og áður sagði flutti Globus í öndverðu
aðallega inn snyrtivörur, þær flytur fyrirtækið
reyndar inn ennþá, en kunnast er það
sennilega fyrir innflutning á búvélum. Globus
hefur staðið fyrir innflutningi á ýmsum vélum
sem talist hafa til nýjunga í íslenskum
landbúnaði. Má þar nefna hjólamúgavélar,
heyþyrlur, heyhleðsluvagna og fleira. Þá
stofnaði Globus h/f íslensk-tékkneska versl-
unarfélagið, ístékk, sem flytur inn búvörur
frá Tékkóslóvakíu, m.a. Zetor dráttarvélar,
sem eru mest seldu dráttarvélar á Islandi í
dag. Margt af þessum tækjum voru nýjungar
í íslenskum landbúnaði þegar Globus hóf
innflutning þeirra, en eru nú til á flestum
býlum landsins. Þess má geta að Globus h/f
hefur þann hátt á að láta rcyna þær búvélar
sem fyrirtækið hyggst flytja inn hjá Bútækni-
deildinni á Hvanneyri, og hefur þá reglu að
hefja ekki innflutning þeirra fyrr en þær hafa
verið prófaðar af sérfróðum mönnum við
íslenskar aðstæður.
Enn er ótalið að Globus h/f fékk fyrir 10
áram umboð fyrir Citroen bifreiðar og hefur
flutt þær inn síðan. Þess skal getið að í dag
verður félagið með bílasýningu í sýningarsal
sínum að Lágmúla 5, og verður þar m.a. til
sýnis nýstárleg bifreið, nokkurs konar fram-
tíðarspá Citroen verksmiðjanna um það
hvernig bílum við eigum eftir að aka á í
framtíðinni.
Starfsfólk hjá Globus h/f er nú um 50
manns, þar af era 10-12 á verkstæðinu sem
er ný rekstrareining. Þess skal getið að þegar
fyrirtækið hóf göngu sína vora starfsmenn
þrír, þar af einn í hálfu starfi.
- JGK.