Tíminn - 01.12.1982, Blaðsíða 13
MIÐVIKUDAGUR 1. DESEMBER 1982.
13
SliMiIi
íþróttir
KA jafnaði
á sídustu
stundu
■ Þegar nokkrar mínútur voru til
leiksloka í leik KA og Breiðabliks í
2. deild Islandsmótsins í handknatt-
leik sem leikinn var í Skemmunni á
Akureyri um helgina var staðan
19:16 fyrir Breiðablik, og var ekki
annað að sjá en að heimamenn
myndu þarna bíða ósigur.
En KA-menn voru á öðru máli.
Þeir hófu að leika maður gegn manni
um allan völlinn með þeim árangri
að þeir skoruðu þrjú síðustu mörk
leiksins og tryggðu sér þannig annað
stigið í þessum mikilvæga leik.
Blikarnir geta engum um kennt
nema sjálfum sér að hafa tapað
þessum leik, þeir misnotuðu á
þessum tíma tvö vítaköst, Gauti
markvörður KA varði annað en hinu
var skotið yfir, og einnig létu þeir
verja hjá sér í dauðafæri.
Síðasta mark leiksins skoraði Jak-
ob Jónsson úr vítakasti á síðustu sek.
leiksins. Blikamir misstu boltann þá
klaufalega og Friðjón Jónsson náði
honum, sendi hann á Jakob bróðir
sinn en brotið var á honum. Vítakast
dæmt, og Jakob sá sjálfur um að
skora úr því sem fyrr sagði.
Ljóst er að KA fer ekki í 1. deild
með fleiri leikjum sem þessum og
heppnri voru þeir að ná jafnteflinu.
Blikamir sem höfðu ávallt forystuna
í leiknum, voro betri aðili leiksins en
fóru illa að ráði sínu í lokin og það
kostaði þá dýrmætt stig.
gk-Akureyri
■ Ragnar Hermannsson er hér kominn í gegnum vöro Þróttar í leiknum í gærkvöldi og skorar framhjá Ólafi Benediktssyni.
Tímamynd: Róbert
ÓHEMJU SUUCT HiA
ÞRÓTTURUM GEGN KR.
Töpuðu með 16 marka mun 30-14
■ Það er sjaldan sem lið hefur hrunið
jafn gjörsamlega í seinni hálfleik hér í
handboltanum og Þróttarar gerðu gegn
KR í 1. deildinni í handbolta í gærkvöldi.
Framan af leiknum var nokkurt jafnræði
með liðunum, en í þeim síðari var eins
og aðeins eitt Uð væri á vellinum, Uð
KR. Staðan í leikhléi var 11 mörk gegn
6 KR í vil, en í þeim síðari juku þeir
forskot sitt verolega og er upp var staðið
sáust töluroar 30-14 á Ijósatöflunni í
LaugardalshöU.
KR-ingar höfðu forystu í leiknum frá
upphafi, en er staðan var 5-4 tóku þeir
sig til og skoruðu fimm mörk í röð og í
hálfleiknum munaði 5 mörkum, eins og
áður segir.
Þegar síðari hálfleikurinn hófst sást
greinilega að lið Þróttar hafði ekki
úthald til að standast KR-ingum snúning
og léku KR-ingar sér að því að skora
þetta fjögur til fimm mörk í röð. Á
markatöflunni sáust tölur eins og 18-9,
24-12, og 28-12. Leikur KR-inga var
allur markvissari og leikmenn höfðu
greinilega gaman af að leika, en svo
virtist sem leikmen Þróttar litu á leikinn
sem óljúfa skyldu sem þeir yrðu að inna
af hendi. Og sannast sagna er ómögulegt
að skilja hvemig þetta lið gat unnið
FH-inga í tvígang.
Ekki er hægt að nefna neina leikmenn
sem vom öðrum betri hjá Þrótti í
gærkvöldi. Allt vantaði til að liðið sýndi
frambærilegan handbolta og í þokkabót
létu leikmenn liðsins dómgæsluna fara
alltof mikið í taugamar á sér. Þeir voru
oft skrýtnir dómarnir hjá dómumm
leiksins og bitnaði það ef eitthvað var
heldur meira á Þróttumm.
Hjá Þrótti var Ólafi Benediktssyni
vikið af leikvelli fyrir að gagnrýna störf
dómara í fyrri hálfleik og síðan var Páli
Ólafssyni tvívegis vísað útaf í tvær
mínútur og loks var honum vísað alveg
af leikvelli fyrir brot á KR-ingi.
Hjá KR bar mest á Anders Dahl og
Alfreð, en segja má að liðsheildin sé
sterkasta hliðin á liði KR. Þá er ástæða
til að nefna mjög góða markvörslu Gísla
Bjamasonar hjá KR, en hann varði
meðal annars eitt vítakast frá Gísla
Óskarssyni.
Mörkin: KR: Anders Dahl Nielsen 8
(5), Alfreð Gíslason 5 öll í síðari
hálfleik, Gunnar Gíslason 3, Haukur
Geirmundsson 3, Jóhannes, Ragnar og
Haukur Ottesen 2 hver og Friðrik og
Stefán Halldórsson eitt hvor. Allir
útispilarar hjá KR skoruðu í leiknum.
Þróttur: Konráð Jónsson 5, Gísli
Óskarsson 3 (2), Einar Sveinsson 3 (2),
Magnús Margeirsson, Lárus Karl og
Ólafur H. Jónsson eitt mark hver.
Leikinn dæmdu Árni Sverrisson og
Ólafur Haraldsson og voru alls ekki
sannfærandi.
-sh.
Fá þeir allir
gullverdlaun?
■ Þrír ungir kraftakarlar frá Akureyri
verða á meðal keppenda á Norðurlanda-
móti unglinga í lyftingum sem fram fer
í Danmörku um næstu helgi, og er ekki
fráleitt að ætla að þeir munu allir eiga
mjög góða möguleika á að ná þar í
gullverðlaun.
Þetta em þeir Haraldur Ólafsson og
tvíburabræðurnir Gylfi og Garðar Gísla-
synir. Á sama móti í fyrra urðu Gylfí og
Haraldur Norðurlandameistarar en
Garðar missti þá af gullverðlaununum
vegna líkamsþyngdar, lyfti sömu þyngd
og sá sem fékk gullið en var. þyngri
sjálfur.
„Ég tel að við eigum nokkuð raunhæfa
möguleika á að vinna gullverðlaun allir
þrír þótt það sé sennilega best að gefa
sem minnstar yfirlýsingar fyrirfram en
reyna þess í stað að gera meira í mótinu
sjálfu" sagði Garðar er við spjölluðum
við hann í gær. „Við höfum búið okkur
sérstaklega vel undir þetta mót, æft 16
klukkustundir á viku og emm í.mjög
góðu formi“.
Haraldur Ólafsson tekur þarna þátt í
sínu síðasta unglingamóti Norðurlanda-
móti unglinga, en Garðar og Gylfi mega
einnig vera með á næsta ári. Þess má
geta að flestir þeirra sem veittu þeim
keppni á Norðurlandamótinu í fyrra eru
nú komnir upp í fullorðinsflokks, en eins
og Garðar sagði: „Það er aldrei að vita
nema það séu komnir nýir menn í þetta
sem geta orðið erfiðir“.
gk-Akureyri
■ Michael Laudrup var af flestum
talinn ákveðinn í að leika á næsta ári
með stórliði Ajax í Hollandi. Þeir
hafa gert honum tilboð og hið sama
má segja um mörg önnur lið í
Evrópu. En Daninn íhugar þessa
dagana freistandi tilboð frá Bröndby,
en með því liði hefur hann leikið og
hljóðar það upp á 1 1/2 milljón
danskra króna fyrir tveggja ára
samning. Hefur kappinn fengið þrjár
vikur til að ákveða sig.
Danir vilja
halda Laudrup
■ Eins og fyrr hefur komið fram
hafa mörg lið verið á höttunum eftir
efnilegasta knattspymumanni Dan-
merkur Michael Laudrup. Eru það
meðal annars stórlið í Evrópu, en í
síðustu viku gerði félagið hans í
Danmörku, Bröndby honum tilboð
um, að ef hann léki næstu tvö ár með
liðinu fengi hann fyrir eina og hálfa
milljón danskra króna. Þetta er gert
til að halda þessu mikla efni í danskri
knattspyrou áfram.
Töluverðar líkur eru taldar á'að
hann taki þessu tilboði, einkum nieð
hliðsjón af því, að unnusta hans á
eftir eitt ár í námi sem hún hyggst
Ijúka í Danmörku og kannski verður
það eftir allt saman hún sem vegur
þyngst á metunum.
Kissing
þjálfar KA
■ Samningar hafa nú tekist á milli
. KA og þýska þjálfarans Kissing um
að Kissing sjái um þjálfun 2. deildar-
liðs KA í knattspymu næsta sumar.
Mun Kissing koma til Akurcyrar um
miðjan mars og taka tii við þjálfun-
ina.
Eins og menn muna var Kissing
þessi þjálfari hjá Breiðablik á síðasta
keppnistímabili og reyndar einig
sumarið 1981. í, haust kom upp
éitthvert leiðindamál á milli hans og
leikmanna Breiðabliks og urðu lyktir
þess þær að Kissing var iátiun „taka
pokann sinn“ áður en keppnistíma-
bilið var úti.
Flestir munu þó sammála um að
Kissing sé snjall þjáifari og binda
KA-menn rniklar vonir-við starf hans
á Akurcyri.
Enski þjálfarinn Douglas Reyn-
olds sem kom Þór á Akureyri í 1.
deild á s.l. keppnistímabili var á
Akurcyri á dögunum og ræddi við
forráðamenn Þórs um áfrauihaldandi
samstarf. Ekki náðist samkomulag
og mun málið í biðstöðu að sögn
Þórsara. Ero skiptar skoðanir um
það hvort endurráða eigi Reynolds.
. gk-Akuireyri
Þróttur fékk
8 stig
■ Blaklið Þróttar í karla og kvenna-
flokki gerðu góða ferð til Norður-
lands um hclgma, og héldu suður
með 8- stig af 8 mögulegum i
pokahorninu. -
Karlaliðið lélugcgn Bjaroia í 1.
deild á föstudagskvöld og gegn
UMSE daginn eftir. íslandsmeistarar
Þróttar lentu aldrei í verulegum
vandræðum og sigruðu í báðum
þessum leikjum með 3:0.
Kvennalið Þróttara lék tvo leiki
gegn KA-stúlkunum og vann Þróttur
tvo auðvelda 3:0 sigra.
í síðustu viku léku Bjarmi og
UMSE í 1. deild karla og fór sá leikur
fram að Laugum í S-Þingeyjarsýslu.
fijarmapiltarnir unnu þar góðan
sigur, og er greinilegt að nýliðamir í
1. deild ætla ekki að láta sæti sitt I
deildinni átakalaust. gk - Akureyri
Eggert mun
þjálfa (K
■ 3. deildarlið ÍK úr Kópavogi
hefur ráðið einn reyndasta knatt-
spyrnuþjálfara landsins sem þjálfara
meistaraflokksliðs félagsins á næsta
keppnistímabili. Eggert liefur þjálfað
mörg félög með góðum árangri á
undanfömum árum. Hann hefur
einnig verið forvígismaður i sam-
tökum knattspyrouþjálfara.
Stjörnuhlaup
í Hafnarflrði
%
■ Fyrsta Stjörnuhlaup FH sem er
liður í keðju Víðavangshlaupanefnd-
ar FRÍ verður haldið sunnudaginn 5.
desember og hefjast hlaupin klukkan
11 við Lækjarskólann í Hafnarfirði.
Keppt verður í 5 flokkmn og þeir eru:
Karlaflokkur tæpir 5 km.
Kvennaflokkur tæpir 5 km.
Drengir fæddir 1S»68 - 1965 3 km.
Piltar fæddir 1969 og síðar 2 km.
Telpur fæddar 1969 og síðar 2 km.
Allir eru velkomnir í hlaupin, og
fá allir verðlaunaskjöl að loknu
hlaupi. Alls verða Stjörouhlaupin 4
í vetur og vor, þar af 3 götuhlaup og
1 brautarhlaup. Verða þrír stiga-
hæstu í hverjum flokki verðlaunaðir
að hlaupunum loknum, í vor.