Tíminn - 05.01.1983, Blaðsíða 7

MIÐVIKUDAGUR 5. JANÚAR 1983
7
■ Systurnar söngvísu Lulu (t.h.) og Eddi
Nú er litla
systir Lulu
líka farin
að syngja
■ Söngkonan Lulu á sitthvaö
sameiginlegt meö Diönu prins-
essu. Hún ól son sinn Jordan,
sem nú er 5 ára, á sama
sjúkrahúsi og Diana ól litla
prinsinn og sami fæðingar-
læknir annaðist þær báðar.
Breskum sjónvarpsmynda-
framleiðendum þótti því ekki
nema sjálfsagt að leita til Lulu,
þegar til stóð að gera þátt í
tilefni fæðingar Williams litla
prins. Þar fékk Jordan að
þreyta frumraun sína á sjón-
varpsskerminum. Hann
skemmti sér alveg konunglega,
þegar hann fékk að sjá árang-
urinn. Vel að merkja þótti
honum sérstaklega skemmti-
legt að sjá sjálfan sig. Hann var
hins vegar ekkert uppnæmur
yfir því að sjá móður sína,
enda alvanur því að sjá hana í
sjónvarpi.
Nú er búið að gera dýran og
íburðamikinn sjónvarpsþátt,
sem sýndur verður í Bretlandi
í vetur. Þar fer Lulu með
aðalhlutverk. Ekki fær Jordan
að vera með í þetta skipti. í
staðinn fær systir Lulu, Eddi,
að koma þar fram. Hún er 22
ára og er að hasla sér völl sem
söngkona. Þar með fetar í spor
stóru systur, sem gefur henni
bestu meðmæli.
og taka niður beiðnir fólks um
mokstur. Við reynum eftir föng-
um að sinna þeim, yfirleitt erum
við með tæki úti í hverfunum,
þannig að það kemur að öllum
að lokum, þótt það gangi
kannske seinna fyrir sig en
margir kysu. Svo kemur það
aftur oft fyrir að þegar við höfum
rutt einhverja götu samkvæmt
beiðni þá er kannske hringt aftur
og kvartað yfir hryggjum við
innkeyrslur og öðru þess háttar.
Svo það má segja að erfitt sé að
gera svo öllum líki. Svo eru til
götur sem er afskaplega erfitt að
eiga við vegna þrengsla.
En þrátt fyrir allt hefur tekist
að halda opnu í borginni síðustu
vikuna er ekki svo?
Jú, - það má segja það. Strætis-
vagnaleiðirnar hafa verið opnar
og þaö hefur aðeins tekist vegna
þess að byrjað hefur að ryðja um
miðjar nætur. Til dæmis get ég
nefnt að það var með naumind-
um að ég komst í vinnuna í
gærmorgun ofan úr Breiðholti
og niður á Ártúnshöfða vegna
byls og ófærðar. Það var kl.4.00
um nótt og þegar borgarbúar
fóru á fætur á venjulegum fóta-
ferðartíma þá var orðið fært um
bæinn. Svo að það er ekki víst
að fólk taki alltaf eftir því hvað
unnið er í þessu.
Hvað um gangstétta-
hreinsanir?
Það er afskaplega lítið um það
að við séum látnir hreinsa gang-
stéttir, enda mundi kostnaður að
minnsta kosti tvöfaldast ef svo
yrði gert og er hann þó ærinn
fyrir. Ég held að það séu
einfaldlega ekki þeir fjármunir
fyrir hendi, sem þyrftu, ef ætti,
að aka snjó burtu af gangstéttum
borgarinnar. En það má svo sem
koma fram að raunar byrjuðum
við að hreinsa gangstéttir við
Laugaveginn í gær og byrjuðum
við Hlemm en það reyndist ekki
vinnandi verk, vegna átroðnings
bíla sem óku niður Laugaveginn,
þótt við lokuðum götunni og
gekk það svo langt að það var
ekið á einn starfsmann okkar,
þar sem hann var að koma fyrir
akstursbannsmerki.
-JGK
erlent yfirlit
■ í síðustu viku baðst finnska
ríkisstjórnin lausnar og glímir
Mauno Koivisto forseti við þann
vanda, hvort hann á að biðja
hana um að sitja áfram fram yfir
kosningar eða hvort hann á að
mynda utanþingsstjórn, sem fari
með völd meðan á kosningahríð-
inni stendur.
Þingkosningar eiga að fara
fram í fyrrihluta marzmánaðar.
Kosningabaráttan er hafin fyrir
nokkru og hefur vafalítið átt
meginþátt í lausnarbeiðni ríkis-
stjórnarinnar.
Eftir að Koivisto var kjörinn
forseti fyrir tæpu ári, fól hann
flokksbróður sínum, Kalevi
Sorsa, stjórnarmyndun. Hann
myndaði samsteypustjórn sömu
flokka og áður höfðu verið í
stjórn undir forustu Koivistos,
þ.e. sósíaldemókrata, kommún-
ista, Miðflokksins og Sænska
þjóðarflokksins.
Stjórnarsamvinnan hefur
gengið öllu lakar undir forustu
Sorsa en Koivistos, enda flokk-
arnir farnir að óróast vegna
kosninganna.
Einkum hafa þó kommúnistar
óróast. Mikill klofningur hefur
verið í flokki þeirra um langt
skeið. Á síðastliðnu ári var reynt
að leysa hann með því að kjósa
nýjan formann, Kalevi Kivistö
menntamálaráðherra. Honum
HHfpN
ShmÉm
■ Sorsa forsætisráðherra
Hörð kosningabarátta
er hafin í Finnlandi
Verður Hægri flokkurinn í næstu stjórn?
hefur ekki tekizt að sameina
flokkinn, nema síður sé.
Mikill ágreiningur reis innan
stjórnarinnar í sambandi við
gengisfellinguna á síðastliðnu
hausti. Kommúnistar lýstu sig
andvíga henni og hótuðu að
greiða atkvæði gegn löggjöf,
sent þurfti að fylgja henni.
Deilan leystist á þann hátt, að
kommúnistar sátu hjá við at-
kvæðagreiðslur í þinginu.
ÖNNUR DEILA, sem ekki
reyndist minna alvarleg, reis
fyrir skömmu, þegar þingið fékk
til meðferðar aukafjárveitingu
til landvarna.
Aðallega var þar um að ræða
kaup á radartækjum og öðrum
slíkum útbúnaði fráSovétríkjun-
um og smíði minni herskipa,
sem finnskar skipasmíðastöðvar
áttu að annast.
Þegar mál þetta kom til með-
ferðir í þinginu, snerust komm-
únistar strax gegn og töldu
umræddu fjármagni á flestan
annan hátt betur varið en til
hergagnakaupa.
Sorsa forsætisráðherra
hugðist leysa þessa deildu á
svipaðan hátt og í sambandi við
gengisfellinguna, þ.e. að komm-
únistar fengust til að sitja hjá
við atkvæðagreiðsluna.
Þessu höfnuðu kommúnistar
og greiddu atkvæði gegn fjárveit-
ingunni. Sorsa sneri sér þá til
Koivistos forsætisráðherra og
baðst lausnar fyrir stjórnina.
Koivisto virðist geta valið um
tvo kosti. Annar er sá að biðja
Sorsa um að fara með stjórn
áfram, en hann mun þá láta
ráðherra kommúnista víkja.
Stjórnin mun þá styðjast við
þrjá flokka, eða sósíaldemó-
krata, Miðflokkinn og Sænska
þjóðarflokkinn. Samanlagt hafa
þessir flokkar 102 þingsæti af 200
alls.
Hinn kosturinn, sem Koivisto
hefur, er að mynda utanþings-
stjórn og láta hana fara með völd
fram yfir kosningar. Heldur þyk-
ir ólíklegt, að hann taki þann
kostinn.
MJÖG er nú rætt um það í
Finnlandi hvers konar ríkisstjórn
verði mynduð að kosningum
loknum. Þessar umræður setja
verulegan svip á kosningabarátt-
una.
Hægri flokknum hefur fram til
þessa verið haldið utan ríkis-
stjórnar. Stjórnarþátttaka hans
er talin hafa strandað á því að
Rússar væru henni mótfallnir.
Það hcfur hins vegar ekki
reynzt Hægri flokknum óhag-
stætt að vera utan stjórnar og
geta þannig aflað sér fylgis
óánægðra kjósenda. Flokkurinn
hefur aukið fylgi sitt verulega að
undanförnu, ef marka má skoð-
anakannanir.
Samkvæmt síðustu skoðana-
könnun munaði litlu á fylgi hans
og sósíaldemókrata, sem hafa
verið stærsti flokkurinn. Sósíal-
demókratar fengu 25.5%, en
Hægri flokkurinn 24.1.%.
Samkvæmt sömu skoðana-
könnun fékk Miðflokkurinn
19.1% og kommúnistar 15.9%.
Þetta var hagstæðari úkoma hjá
kommúnistum, en flestir bjugg-
ust við. Yfirleitt hafði því verið
spáð, að þeir fengu ekki yfir
14%.
Margt bendir til, að Sovét-
menn séu ekki eins andvígir því
og áður að Hægri flokkurinn taki
þátt í ríkisstjórninni. Sáorðróm-
ur komst því á kreik fyrir
nokkru, að ráðbrugg væri uppi
um samstjórn borgaralegra
flokka eftir kosningarnar, þ.e.
Miðflokksins, Hægri flokksins
og Sænska þjóðarflokksins, en
líkur gætu bent til, að þessir
flokkar hefðu meirihluta á þingi
eftir kosningarnar.
Svo magnaður varð þessi orð-
rómur, að það þótti víst hver
yrði forsætisráðherra þessarar
stjórnar, ef til kæmi. Það átti að
verða Athi Karjalainen. þjóð-
bankastjóri, sem er einn af heztu
leiðtogum miðflokksins. Karja-
lainen sameinar það tvennt að
vera vel séður bæði hjá Rússum
og leiðtogum Hægri flokksins.
Það ýtti ekki lítið undir þenn-
an orðróm, þegar Sorsa forsætis-
ráðherra gerði hann að umtals-
efni og fordæmdi ráðgerða sam-
vinnu borgaralegu flokkanna.
Þegar nánar er aðgætt, virðist
þessi orðrómur þó ekki trúlegur.
Hitt er líklegra, að komi til
stjórnarþáttöku Hægri flokksins,
verði bæði sósíaldemókratar og
Miðflokkurinn einnig með í
stjórninni. Slík stjórnarmyndun
yrði þó engan veginn auðveld.
Koivisto getur því fengið tor-
leyst verkefni, þegar til þess
kemur að mynda ríkisstjórn að
þingkosningunum loknum.
Þörarinn Þórarinsson, M
ritstjóri, skrifar Km