Tíminn - 13.01.1983, Blaðsíða 10

Umsjón: Samúel örn Erlingsson
Staðan
■ Staðan eftir leikina í gær í
fyrstu dcild er þessi:
KR-ÍR 28-13
FH-Valur ' 28-23
Víkingur 12 8 2 2 18
FH 12 8 0 4 16
KR 12 8 0 4 16
Stjarnan 12 7 1 4 15
Valur 12 5 1 611
Þróttur 12 5 1 611
Fram 12 4 L 7 9
ÍR 12 0 0 12 0
ÍR í öðru sæti
■ í gaerkvðld var einn leikur í
fyrslu deild kvennn í handknatt-
leik. ÍR sigraði Víking 17-5.
Staðan er nú þessi í fyrstu deild
kvenna:
Valur 9 7 1 1 15
ÍR 9 7 0 2 14
Fram 9 6 1 2 13
FH 8 5 2 1 12
Víkingur 8 3 15 7
KR 82064
Haukar 8 0 17 1
Þór Ak. 6 0 0 6 0 |
Skíðakénusia á
Miklatúni
■ Skíðaráð Reykjavíkur ogl
Skíðafélag Reykjavíkur inunu í
dag og næstu daga gangast fyrir
skíðagöngunámskeiðum á Mikla-
túni.
Námskeiðin hefjast í dag. í dag I
og á morgun stendur námskeiðið
milli kl. 17 og 18, og á laugardag j
og sunnudag milli 14 og 16.
Kennari á námskeiðunum verð-
ur Ágúst Björnsson.
Blakið af stað
■ Blakið fer af stað um helgina. I
Það er rétt að birta stöðuna í
deildunum, því ekkert hefur verið |
leikið frá þvf fyrir jól.
Staðan er þessi í fyrstu deild karla:
Þróttur 9 9 0 27-3 18 I
ÍS 9 7 2 23-6 14
Bjarmi 9 4 5 12-18 8
UMSE 9 2 7 8-24 41
Víkingur 8 0 8 5-24 oj
Þróttarar eru á sigurbraut. ÍS
vcrður að sigra þá í báðum
lcikjunum sem liðin eiga eftir sín
á milli, og auk þess sigra í |
úrslitaleik ef Þróttarar eiga að
missa af titlinum. Það verður að
teljast ólíklegur mögulciki, því'j
Þróttarar hafa sýnt mikið öryggi í
leikjum sínumí vetur.
En staðan í annarri deild karla
er þcssi:
Samhygð 6 5 1 17-8 10
Fram 5 3 2 10-8 6
Brciðablik 6 3 3 13-13 6 !
Þróttur Nes. 4 13 5-11 2
Akrancs 4 0 4 3-12 0
í annarri deild karla er allt á
suðupunkti. Þar eru fjögur lið sent
bítast uin titilinn. Reyndar hefur
Samhygð fjögurra stiga forystu,
en þeir hafa aðeins tapað cinum
leik færra en HK og Fram, og öll
scinni umferðin er eftir. Breiða-
blik kemur Iíklega ekki tii með að
blanda sér mjög í baráttuna um
fyrstu dcildarsætið, þar sem það
hefur tápað fjórum leikjum. En
Breiðabiik er líklegt til að gera
toppliðunum skráveifu.
Staðan í fyrstu deild kvenna er
þcssi:
Þróltur 8 8 0 24: 7 16
ÍS 8 7 1 23: 4 14
Brciðablik 8 4 4 16:13 8
KA 8 17 3:21 2
Víkingur 8 0 8 3:24 0
Tvö lið aðeins koma til grcina
sem íslandsmeistarar í kvenna-
flokki úr [ ssu. Það eru Þróttur
og ÍS. Liðit. iafa aðeins mæst einu
sinni, og þá sigraði Þróttur. Liðin
eiga eftir að mætast þrisvar sinnum
enn, og ómögulegt er að segja um
hvað þá gerist.
■ Ekki varð sú ferðin til fjár var
einhvern tíma sagt. Sama iná segja um
ÍR strákana, ekki sóttu þeir stigin í
llöllina í gærkvöld.
Lcikurinn í gærkvöld hafði lokatöl-
urnar 28-13 KR í hag. Staðan í leikhléi
var 12-8 fyrir KR.
ÍR-ingar stóðu nokkuð í KR-ingum í
fyrri hálfleik, svo sem tíðindi að þeir séu
ekki meira en fjórum mörkum undir í
hálfleik. Ekki verið að lasta strákana
hér, síður en svo. En það er nú bara
einu sinni svo, að leikir sem lið geta
verið búin að vinna fyrirfram, geta ekki
orðið skemmtilegir. Oft hafa að vísu lið
í hinum ýmsu íþróttagreinum farið flatt
á því arna, en ekki er hægt að tala um
slíkt hér.
Annars vegar er mjög gott lið, með
landsliðsmenn í búntum, ef svo má
segja, enda hafa allir leikmenn KR
leikið fyrir íslands hönd, ef ekki í A
landsliði (9 hafa leikið þar), þá í
un; lingalandsliðum. Hins vegar er
blanda af bráðungum strákum, meðal-
mönnum og gömlum jöxlum sem standa
hreint alveg á öðru plani en leikmenn
hinna fyrstu deildar liðanna. Jæja aftur
að leiknum, KR-ingar hafa fengið lík-
lega ádrepu i leikhléi frá sínum ágæta
þjálfara, a.m.k. var allt sett á fulla
ferð og síðari hálfleikinn unnu þeir 16-5.
Stefán Halldórsson var atkvæðamest-
ur KR-inga, skoraði 8 mörk, Gunnar
Gíslason 6, Anders Dahl 4, Guðmundur
Albertsson 4, Haukur Ottesen 3 og
Jóhannes Stefánsson 3. ÍR: Andrés
Gunnlaugsson 3, Atli Þorvaldsson 4,
Ólafur Kristjánsson 2, Þórarinn Tyrf-
ingsson 2, Björn Björnsson 1, og_
Gunnar Kristjánsson 1.
— ad þessu sinni fyrir KR
KARATE ? ? ?
FH SIGRAÐI í RÚT-
LAUSUM LEIK
Yfir 50 mörk voru skoruð með
einstaklingsframtaki
Gunnar Gíslason og fclagar í KR lögðu ÍR að velli í gærkvöld. Tímam Ella
■ FH-ingar gerðu í gærkvöldi vonir
Valsmanna um að komast í úrslitakeppni
ijögurra liða í fyrstu deild að engu.
Valsmenn héngu í Hafnfirðingunum
næstum allan fyrri hálfleik, en í lokin
tóku FH-ingar af skarið og náðu þriggja
marka forskoti. I leikhléi var staðan
15-12 fyrir FH. í síðari, hálfleik var
slagurinn svipaður, liðin skoruðu á víxl,
mörg mörk, enda krsuðu þau alls fimmta
tuginn, mörkin áður en leikurinn var úti.
Lokatölur urðu 28-23 FH í hag. Það var
svipað í lok síðari hálfleiks og í þeim
fyrri, FH-ingar tóku dágóðan sprett, og
þar með var sigurinn í höfn.
Ekki var leikurinn rismikill frá hand-
knattleikslegu sjónarmiði. Varnarleikur
var lélegur, og lélegri hjá Val. Sóknar-
leikur varð því aldrei sérstakur, sóknim-
ar mjög stuttar, oft fékk boltinn ekki að
ganga yfir milli hliðarlína, áður en skot
var reynt. Það var svo sem allt í lagi
þannig séð, því flest lak inn.
Valsmenn tóku Kristján Arason úr
umferð eftir að hann hafði skorað fjögur
fyrstu mörkin fyrir FH. Hann losnaði þó
af og til úr gæslunni, og mörk hans áttu
eftir að verða mörg áður en yfir lauk.
Svipuðu máli gegndi um Brynjar
Harðarson Val, sem var eini maðurinn
sem eitthvað gat að ráði þeim megin,
enda fór það svo að FH-ingar tóku hann
úr umferð þegar síðari hálfleikur hófst.
Brynjar losnaði þó öðru hvoru eins og
Kristján, og þá skoraði hann oft. Báðir
■ ... Þetta er nú bara fótbolti. Myndin er af Cabrini, t.v. einn sex heinismestara í liði Juventus á Itah'u í leik gegn Sampdoria í haust. Hann á þarna í höggi við
Dario Bonetti hjá Sampdoria. Hvorugur þessara stráka meiddi sig þó í þessu tilfelli þó ótrúlegt sé. Seinna á kcppnlstiinabilinu varð að skera Cabrini upp á
hné, vegna rifins liðþófa, reyndar sama dag og Juventus sigraði Standard Liege 2-0 á Stadio Communale í Torino, og komst þar með í fjögurra Uða úrslit í
Evrópukeppni meistaraliða í knattspymu. Cabrini fór að æfa á ný um áramót.
númer 10, Kristján og Brynjar, og
leikurinn hálfgerð skotkeppni þeirra á
milli.
FH-ingar voru skárri í leiknum, en
ekki var hægt að segja að þeir sýndu
góðan leik. Kristján var sterkur.en
jákvæðast kom út úr leiknum Guðjón
Guðmundsson, sem sýndi nokkra yfir-
vegun og gerði nokkur falleg mörk.
Þorgils Óttar var og góður, en sýndi þó
enga snilldartakta.
Brynjar Harðarson var bestur Vals-
manna, í sérflokki. Aðrir voru slakir
nema helst Einar Þorvarðarson sem
varði nokkuð vel í síðari hálfleik.
Kollegi hans í FH-markinu, Sverrir
Kristinsson sýndi og góða takta síðast í
leiknum. Kom inn á og varði vítakast,
og þó nokkur skot eftir það.
Mörk FH í leiknum skoruðu: Kristján
Arason 11, Guðjón Guðmundsson 6,
Þorgils Óttar Mathiesen 3, Hans Guð-
mundsson 2, Guðmundur Magnússon 2,
Pálmi Jónsson, Teódór Sigurðsson og
Sveinn Bragason 1 hver. Valur: Brynjar
Harðarson 11, Jón Pétur Jónsson 3,
Steindór Gunnarsson 3, Jakob 2, Þor-
björn Jensson 2, og Gunnar Lúðvíksson
1.
LOKS VAR SKORAÐ
HJÁ SUNDERLAND
■ Manchester City átti sigurinn
skilinn á Maine Road. Þeir voru betri
allan tímann. Sunderland sem ekki
hefur fengið á sig mark í sex leiki,
varð að láta sér lynda að fá á mark.
Hartford og David Cross skoruðu
fyrir City.
Peter Ward skoraði eina mark
leiksins í Newcastle, snemma í
leiknum. Þar voru Brighton einfald-
lega of sterkir fyrir heimaliðið. 32
þúsund áhorfendur sáu leikinn, en
aðeins 14 þúsund leik Chelsea og
Huddersfield.
Úrslitin urðu þessi í gær:
Chelsea-Huddersfield 2:0
Man.City-Sunderland 2:1
Newcastle-Brighton 0:1
Stoke-Sheffield 3:2
Torquay-Oxford 2:1
Gunnar Lúðvíksson laumar knettinum ínn á línuna framhjá risunum í liði FH, Hans Guðmundssyni og Kristjáni Arasyni í leiknum í gær.
Lato í Mexikó
Grezegorz Lato, pólski landsliðsmað-
urinn góðkunni í knattspyrnu, sem
m.a. lék með Arnóri Guðjohnsen í
Lokeren á síðasta keppnistímabili,
gerði í haust samning til tveggja ára
við mexíkanska félagið Atlante, sem
reyndar er rekið af félagsmálaráðu-
neyti Mexíkóríkis. Samningurinn felur
í sér íbúð og bíl að kosnaðarlausu, föst
mánaðarlaun, bónus fyrir alla sigra,
sem er helmingi hærri en félagarnir fá,
ásamt tveimur leyfisferðum til Evrópu
fyrir alla fjölskylduna tvisvar á ári,
auðvitað allt frítt.
Farangurinn
fór á flakk
Miljan Miljanic, Júgóslavinn, sem
tók við sem aðalþjálfari hjá spánska
stórliðinu Valencia af Manuel Mestre
í nóvember síðastliðnum gleymir lík-
lega seint fyrsta leiknum sem félagið
lék undir hans stjórn. Ekki endilega
vegna þess að Valencia náði 0-0
jafntefli gegn Banik Ostrava í borginni
Ostrava í Tékkóslóvakíu og komst þar
með áfram í þriðju umferð UEFA
keppninnar í knattspyrnu, heldur
vegna meiriháttar vandamála sem
komu upp fyrir leikinn. Allur útbúnað-
ur Valencia liðsins villtist, ef svo má
segja þegar liðið millilenti í París og
skipti um flugvél þar. Farangurinn
lenti sem sagt í einhverri annarri vél
eða þannig, og strákarnir frá Valenciu
komu svo að segja naktir í leikinn.
Valenciuliðið þurfti þar af leiðandi að
fá allt lánað sem við átti að éta svo
hægt væri að leika leikinn, svo sem skó
og búninga atta.
Töpuðu en keyptu
markvörðinn
Þegar New York Cosmos tapaði 2-0
fyrir vestur-þýska liðinu FC Freiburg
á keppnisferð árið 1978, urðu banda-
rísku meistaramir yfir sig hrifnir af
markverði Freiburg liðsins Hubert
■ Hubert Birkenmaier.
Birkenmaier. Hann var síðan keyptur
til Cosmos. Þar af leiðandi var gerður
samningur þar að lútandi millum
Cosmos og Birkenmaier sem tryggði
honum u.þ.b. eina milljón íslenskra
króna á hverju keppnistímabili í laun.
Nú hefur reyndar Birkenmaier sótt um
bandarískan ríkisborgararétt.
í þremur úrslitakeppnum banda-
rísku knattspymukeppninnar hefur
Birkenamaier haldið marki sínu
hreinu. Á síðasta keppnistímabili var
Birkenmaier kjörinn besti leikmaður
Cosmos.
Breitner rithöfundur
Paul Breitner, sá heimsfrægi knatt-
spymumaður, sem varð heimsmeistari
með vestur-þýska landsliðinu árið
1974, lék til úrslita mcð liðinu í
heimsmeistarakeppninni 1982 á Spáni
og skoraði þar mark Þjóðverja, og
hefur verið fyrirliði Bayern Munchen
liðsins í vetur, hefur alltaf verið hrifinn
af böinum, bæði sínum eigin þremur,
og öðmm. Það kemur því í það
minnsta hans nánustu ekki á óvart að
nú hyggst hann skrifa og gefa út
barnabók, sem mun innihalda frum-
samdar kvöldsögur, sem Breitner segir
börnum sínum á hverju kvöldi.
Paul Breitner er ekki beint neinn
græningi í bókaskrifum og útgáfu, eftir
hann hafa þegar verið gefnar út tvær
bækur: „Ich will kein Vorbild sein“ (Ég
vil ekki vera nein fyrirmynd), og bók
um Heimsmeistarakeppnina á Spáni.
Andstætt mörgum frægum íþrótta-
mönnum sem leggja nafn sitt við
bækur, skrifar Breitner sínar bækur
sjálfur, og bók hans um heimsmeist-
arakeppnina hefur t.d. selst í 90.000
eintökum. Hin bókin, um hann sjálfan
varð einnig mjög vinsæl, en ekki hjá
öllum. Árið 1977 þegar Breitner lék
með Eintracht Braunschweig, óð hann
upp á dómarann Burger, og hund-
skammaði hann fyrir að hlaupa í veg
fyrir einn meðleikmanna sinna. Þá
slapp Breitner með tiltal. En þegar
hann talaði illa um dómarann í bókinni
þá svaraði Burger með því að kæra
hann, og krafðist skaðabóta. - Breitn-
er varð að láta sér lynda að greiða
Burger 30.000 krónur í skaðabætur
fyrir niðrandi ummæli.
Stjörnur fá milljónir
Knattspyman er nú í mikilli sókn í
Bandaríkjunum, og hefur verið undan-
farin ár. Baráttan fyrir framgangi
knattspyrnunnar í því stóra Iandi er
hörð, því margar vinsælar greinar eru
í Bandaríkjunum og sá markaður
hefur fyrir löngu af mörgum verið
talinn yfirfullur. - En það er eitt sem
knattspyrnan hefur ekki nærri náð
ennþá, og það eru launaupphæðir þær
sem toppstjörnurnar í hinum stóru
greinum fá. >
Giorgio Chinaglia, framherji hjá
New York Cosmos er launahæstur
knattspyrnumanna í Bandaríkjunum.
Hann hefur í laun um það bil 5
milljónir íslenskra króna á ári. Tom
Coiseneau, sem er stórstjarna í amer-
ískum fótbolta hefur um 12 milljónir
króna í árslaun, og íshokkístjarnan
Wayne Gretzky hefur um 16 mUljónir.
34 mUljónir króna fær baseball kapp-
inn Gary Carter, og bæði hann og
körfuknattleiksmaðurinn Moses Mal-
one standa öllum öðrum framar hvað
launaupphæðir snertir. Malone skipti
nýlega um félag, leikur nú með
Philadelphia, en lék áður með Houst-
on. Þar fær hann samkvæmt samningi
um 40 milljónir króna í laun á ári nxstu
6 árin.
Knötturínn náöi 175 km.
hraða
175 kílómetrar á klukkustund er
sagður vera sá hraði sem fótboltinn
nær, þegar maðurinn sem sparkar í
hann af öllu afli heitir Eder og leikur
á vinstri kantinum í brasilíska landslið-
inu í knattspyrnu.
Umsjónarmanni íþróttasíðunnar ‘
þykir þó rétt að taka þessa tölu með
fyrirvara, þar eð þessi tala er svo miklu
hærri en áður hefur verið mælt í líkum
mælingum. í slíkri mælingu sem gerð
var fyrir nokkrum árum í Englandi var
boltinn mældur á 124 km hraða eftir
skot Peters Lorimer sóknarleikmanns
Leeds.
‘1
fur
:J
Sænska dagblaðið Ekspressen hefur
mælt nokkra þarlenda knattspyrnu
menn og mældist bolti frá Benny
Wendt sem nú leikur með Standard 1
Liege vera á 115 kílómetra hraða. Skot
Peles var mælt á 109 km. hraða. Öll
þessi spörk voru mæld þegar sparkað
var í kyrrstæðan knött, en að sjálf-
sögðu eykst hraðinn einhver ósköp
þegar boltinn er á ferð þegar sparkað
er í hann, að ekki sé talað um’
svokölluð „viöstöðulaus" skot.
Ef litið er til annarra íþróttagreina,
mældist hraði bolta frá vestur-þýsku
stórstjörnunni í handbolta, Erhard
Wunderlich vera 127 km. á klukku-
stund. Það var auglýst sem óopinbert
heimsmet, og það sem áður stóð var
eign Austur-Þjóðverjans Frank Wahl,
sem kastaði knettinum svo hann náði
125 km. hraða.
Fallbyssuskvtmr í öðrum íþrótta-
greinum e.u: Golf: Amold Palker, Banda-
ríkjunum (250 km.), Tennis: Roscoe
Tanner, Bandaríkjunum (220 km. í
uppgjöf), Íshokkí: Bobby Hull, Kan-
ada, (190) km.), Borðtennis: Kjell
Johansson Svíþjóð (180 km.).
Að ná í nýja leikmenn
Það er misjafnt hve mikið er fyrir
því haft og hve langan tíma það tekur
að næla í nýja leikmenn. Með Norwich
City í Englandi leikur nú hollenskur
bakvörður, Dennis Van Wyk. Fyrir
rúmum tveimur árum fór unglingalið
Norwich á alþjóðlegt mót í Hollandi.
Ronnie Brooks fararstjóri sá þá Dennis
leika með Ajax og leist strax vel á
piltinn. Það var síðan ekki fyrr en
síðastliðið sumar að Ronnie Brooks
gat farið aftur til Hollands til að líta á
pilt að nýju. Að lokum varð afleiðingin
sú að Van Wyk er nú leikmaður með
Norwich í fyrstu deildinni. Hann þykir
taka sig þokkalega út á Carrow Road.
KNATTSPYRNUMOLAR