Tíminn - 06.11.1983, Blaðsíða 6

6
* i SUNNUDAGUR 6. NÓVEMBER 1983
■ Þá hefur það gerst sem sumir héldu að
aldrei mundi verða: í dag opnar Sædýrasafnið
að nýju eftir að hafa verið lokað í tvö og hálft
ár. Blaðamenn Helgar-Tímans fóru suðureftir
til þess að líta á framkvæmdir, en sem
kunnugt var það gert að skilyrðum fyrir áfram-
haldandi starf sleyf i handa safninu að þar yrðu
gerðar ýmsar breytingar. Er skemmst frá því
að segja að í Sædýrasafninu er búið að vinna
ótrúleg stórvirki við umbætur og liggur við að
gamlir gestir átti sig ekki lengur á aðstæðum,
þegar þeir koma þarna nú. En undraverðast
verður það þó að teljast að þessar fram-
kvæmdir hafa allar verið unnar án nokkurs
teljandi stuðnings frá opinberum aðilum. Á
fjárlögum hlaut safnið til framkvæmda 120
þúsund krónur og sveitar félög lögðu til alls
um 70 þúsund krónur. Nei, það verður ekki
sagt að safnið hafi verið mikill baggi á okkur
skattborgurum!
„Já ég vona líka að það kómi ekki til
þess að við þurfum að sækja mikið í vasa
liins opinbera," sagði Jón Gunnarsson,
forstöðumaður safnsins, þegar við kom-
um að ræða við hann. „Þó verður því
ekki með orðum lýst hvílíkt átak þessar
framkvæmdir eru fyrir okkur og ég get
nefnt sem dæmi,að vinnulaun á mánuði
frá því í sumar hafa verið um 300 þúsund
krónur. Það má því segja að þetta sé að
„drepa" okkur, en það hefur nú gerst
svo oft að viö höfum veriö allt að því
„drepnir" hérna að við kippum okkur
varla upp við það lengur. Ætli hvalalaug-
in sé ekki þyngsti bagginn á okkur núna,
cn gryfja ísbjarnanna var heldur ckki
neitt smáræðisátak á sínum tíma. Það lá
við að hún „dræpi" okkur um tíma. En
nú sem áður treystum við'á að fólk komi
til okkar og sæki safnið vel. Þannig mun
kleift að stuðla að enn frekari fjölbreytni
sýningardýra og endurbótum. Já, við
vonum að safnið geti vcrið áfram sjálfs-
eignarstofnun og ekki upp á hið opinbera
komin."
Steypa í heila blokk
Við förum í gönguför meö Jóni Gunn-
arssyni unt safnið og leggjum leið okkar
fyrst um sal á neðri hæðinni í hvala-
lauginni, en þar mun þegar fram líða
stundir verða kontið fyrir gluggum, sem
hægt verður að sjá inn um og fylgjast
mcð hvölunum. í þessum sal verða
annars til sýnis ýmis minni dýr, svo sem
kanínur, angórakanínur, hænuungar og
fleiri skepnur, sem einkum má ætla að
höfði til yngstu kynslóðarinnar. „Við
höfum gert okkur grein grein fyrir því,”
segir Jón" að þessi litlu dýr, sem
stundum má fóðra eða strjúka, eru eitt
alvinsælasta „sýningarefnið", ef svo má
scgja. Við gerðum okkur þetta ef til vill
ekki nógu Ijóst fyrst. Þess vegna munum
við skilyrðislaust halda áfram að hafa
hér kindur og geitur, auk;gæsa og fleiri
algengra fugla. Þetta meta börnin ákaf-
lega mikils, ekki síst þegar lömbin og
kiðlingarnir koma að vorinu.
Við höldum nú upp á loft og lítum yfir
hvalalaugina. Hún getur geymt fimm
metra djúpt vatn og það þarf að vanda
til byggingarinnar, þegar hún á að bera
slíkan þunga. Veggirnir eru líka 65
sentimetra þykkir og í þá þurfti steypu
sem „nægt hefði í heila blokk", eins og
Jón Gunnarsson orðar það. Laugin er 24
X 12 metrar aö stærð og er henni deilt í
tvö hólf. Munu háhyrningarverðasýndir
i öðrum endanum, en sæljón í hinum.
Þegar okkur bar að garði var þó aðeins
einn sæljónsbrimill í lauginni og sagðist
Jón verða að hafa hann út af fyrir sig,
þar sem karl er grimmur og áreitinn við
félaga sína, scm einnig eru karlkyns.
Við spyrjum um kostnað.
„Það er ákaflega erfitt að fara með
einhverjar tölur," segir Jón, „en í
bókhaldinu hjá okkur er laugin komin í
7.7 milljónir. Já, þetta er mikið mann-
virki og ekki bitið úr nálinni með að ráða
■ Já, og nú hafa aparnir fengið splúnkunýtt tré til þess að leika listir sínar í og það
er rétt að virða þaö vel fyrir sér, áður cn æfingarnar hefjast!
(Tímamynd Arni Sæberg)

■ Kengúrufjölskvldan hefur unað hag sínum vel í Sædýrasafninu. Þær eru nú orðnar sjö talsins. (Tímamynd Árni Sæberg)
■ Eftirvæntingin leynir sér ekki í svipnum á ísbjörnunum á þessari afbragðsmynd Ijósmyndarans okkar. Það er ekki að
undra að Jón Gunnarsson fullyrði að þetta séu fallegustu ísbirnir í evrópskum dýragarði. (Tímamynd Ámi Sæberg)
„Nei, þetta hefur
ekki verið
neinn leikur”
— segir Jón Gunnarsson, forstöðu-
maður Sædýrasafnsins, sem opnar
í dag eftir stórfelldar endurbætur

■v3*h^.... -
Í