Tíminn - 20.01.1984, Blaðsíða 18
18
mmm
minning
Magnús Jónsson bankastjóri
og fyrrverandi ráðherra
Pau tíðindi bárust starfsfólki Búnaðar-
banka íslands, er það var að hefja störf
að morgni þann 13. janúar síðastliðinn,
að Magnús Jónsson bankastjóri hefði
látist í svefni þá um nóttina. Þessi
andlátsfregn var starfsfólki bankans mik-
il harmafregn, því að Magnús banka-
stjóri var afar vinsæll og mikils metinn af
því.
Magnús Jónsson var fæddur að Torf-
mýri í Akrahreppi 7. sept. 1919. Foreldr-
ar hans voru hjónin Jón Eyþór Jónsson
og kona hans Ingibjörg Magnúsdóttir, er
þá bjuggu að Torfmýri og síðar að Mel.
Við þann stað var Magnús jafnan
kenndur.
Stúdentsprófi lauk Magnús frá Mennta-
skólanum á Akureyri árið 1940 og kand-
idatsprófi í lögfræði frá Háskóla íslands
árið 1946.
Magnús var afkastamaður um öll þau
störf er hann tók sér fyrir hendur. Hann
hafði einnig mikinn áhuga á stjórnmál-
um. Hann varflokksmaður í Sjálfstæðis-
flokknum alla ævi og vann þeim flokki
mikið, eins og nú mun að vikið, enda
naut hann í flokknum mikils trausts og
álits.
Að loknu lögfræðiprófi árið 1946gerð-
ist hann ritstjóri íslendings, blaðs Sjálf-
stæðisflokksins á Akureyri og gegndi
því starfi í tvö ár. Framkvæmdastjóri
Sjálfstæðisflokksins var hann árin 1953
til 1960. Hann var varaþingmaður Eyfirð-
inga með setu á Alþingi árin 1951-1953
og kjörinn þingmaður Eyfirðinga 1953-
1959 og Norðurlandskjördæmis eystra
1959-1974.
Magnús Jónsson varð fljótlega eftir að
Itann tók sæti á Alþingi áhrifamikill
þingmaður í flokki sínum og einnig á
Alþingi almennt. Magnús varð einn af
fulltrúum Sjálfstæðisflokksins í fjárveit-
inganefnd og lét þar að sér kveða sem
annars staðar. Eftir myndun ríkisstjórn-
ar Sjálfstæðisflokks og Alþýðuflokks
haustið 1959 varð Magnús kjörinn for-
maður fjárveitinganefndar Alþingis.
Því starfi gagndi hann þar til hann var
kjörinn bankastjóri Búnaðarbanka Is-
lands 1961.
Hinn 8. maí 1965 varð Magnús fjár-
málaráðherra í ráðuneyti Bjarna Ben-
ediktssonar og síðar Jóhanns Hafsteins,
eftir fráfall Bjarna. Magnús gegndi starfi
fjármálaráðherra þar til ríkisstjórn Jó-
hanns Hafsteins fór frá völdum 14. júlí
1971.
Magnús hvarf þá aftur til starfa sem
bankastjóri í Búnaðarbankanum hinn 1.
ágúst 1971. Því starfi gegndi hann til
dánardægurs.
Enda þótt ég hafi í grein þessari nefnt
mörg störf sem Magnús gegndi að tilhlut-
an samherja sinna, og sum þeirra með
ábyrgðarmestu störfum þjóðfélagsins,
eru þó mörg störf ótalin, svo sem Ijóst er
af frásögn Morgunblaðsins, er það sagði
frá andláti hans.
Magnús var mikill hæfileikamaður,
ekki síst á sviði fjármála. Hann var
fljótur að átta sig á lausn þeirra atriða
sem leysa þurfti og ákveðinn um að
halda sig við þá lausn, er hann hafði
valið. Auk þess hafði Magnús þá hæfi-
leika til að bera, er gerðu hann jafn
áhrifaríkan í lífinu, sem raun bar vitni.
Hann var geysilegur afkastamaður í
öllum störfum og dró hvergi af sér. Hann
var mikils metinn og virtur af sínu
samstarfsfólki. Farsæll var hann í vali á
því samstarfsfólki, er féll í hans hlut að
velja.
Um áramótin 1973-74 uróu þáttaskil
í lífi Magnúsar Jónssonar. Hann verður
fyrir alvarlegu veikindaáfalli. Eftir þetta
áfall hætti hann opinberum afskiptum af
stjórnmálum, fór ekki í framboð til
Alþingis og sagði af sér varaformennsku
í Sjálfstæðisflokknum. Starfi sínu sem
bankastjóri Búnaðarbanka Islands hélt
hann áfram. Bati hans til starfa kom
enda fljótt. Þar mun kapp hans og
meðfædd og þroskuð starfsorka hafa
komið honum, sem fyrr og síðar, að
miklu gagni.
Magnús var kvæntur Ingibjörgu
Magnúsdóttur, dóttur hjónanna Magn-
úsar bónda í Miklaholti og konu hans
Ásdísar Sigurðardóttur. Ingibjörg hefur
reynst Magnúsi bónda sínum eins og
best verður á kosið og var þeirra hjóna-
band með miklum ágætum. - Börn
Söluskattur
Viöurlög falla á söluskatt fyrir desembermánuð
1983, hafi hann ekki verið greiddur í síðasta lagi
25. þ.m.
Viðurlög eru 4% af vangreiddum söluskatti fyrir
hvern byrjaðan virkan dag eftir eindaga uns þau
eru orðin 20%, en síðan eru viðurlögin 3,25% til
viðbótar fyrir hvern byrjaðan mánuð, talið frá og
með 16. febrúar.
Fjármálaráðuneytið
16. janúar 1984.
Hjúkrunarfræðingur
Óskum að ráða nú þegar hjúkrunarfræðing til
starfa við Heilsugæslustöðina í Grundarfirði, gott
húsnæði og barnagæsla til reiðu.
Allar frekari upplýsingar veita Hildur Sæmunds-
dóttir í síma 93-8711 og Ingibjörg Magnúsdóttir
deildarstjóri í heilbrigðisráðuneytinu í síma
28455.
Heilsugæslustöðin Grundarfirði.
þeirra Magnúsar og Ingibjargar eru
Kristín prestsfrú á Þingeyri og Jón,
skrifstofustjóri í Reykjavík.
Atvikin höguðu því þannig til, að
leiðir okkar Magnúsar Jónssonar frá
Mel lágu saman árið 1956 og hafa að
verulegu leyti gert það síðan, þó með
breytilegum hætti hafi verið. Það var
þátttaka okkar beggja í stjórnmálum er
leiddi til kynna okkar. Það var þó fjarri
því að lífsskoðanir okkar lægju saman.
Stjórnmálabarátta í landi þingræðis- og
lýðræðisstjórnskipulags er hörð, því
pólitískir andstæðingar verða að sækja
og verjast svo sem þeir hafa hæfileika til,
annars duga þeir ekki þeim málstað, sem
þeir eru talsmenn fyrir.
Mestu máli skiptir að úr þeim átökum
fari þeir ósárir og meti persónulega
hæfileika andstæðinga rétt. - Ég hefi
alltaf metið hæfileika og drengskap
Magnúsar Jónssonar mikils. Ég minnist
stjórnmálaátaka okkar og annarra þátta,
sem við höfum átt saman í lífinu, með'
söknuði og hlýju. Núeru landamerki lífs
og dauða að skilja okkur að sinni.
Konu Magnúsar, frú Ingibjörgu, og
börnum þeirra, færum við Margrét inni-
legar samúðarkveðjur.
Halldór E. Sigurðsson.
t
Magnús Jónsson
Það var á árunumþegar heimsmyndin
náði frá Eyjafirði vestur í Skagafjörð.
Áhyggjulaust líf og mótunarskeið á
eftirstríðsárunum, þarsem tekiðvarmið
af tveimur miðpunktum veraldarinnar,
æskuheimilinu á Brekkunni á Akureyri
og litla bænum, Mel í Skagafirði. Þá var
frændsemin grundvöllur tilveru og sam-
skipta og stofnað var til tengsla, sem
aldrei hafa rofnað. Vináttan, sem fyrr
fólst í góðsemi og umhyggju fyrir fá-
kunnandi bæjarpilti um líf óg störf til
sveita, breyttist smám saman í gagn-
kvæma vináttu fulltíða fólks, sem átti þá
gæfu saman að eiga ljúfar minningar frá
skagfirzku sveitalífi þess tíma og ekki
síður sameiginlegan uppruna, þar sem
lífið breyttist frá örbirgð til velsældar á
einum mestu umbyltingarárum í ís-
lenzku þjóðfélagi. Síðar dvöldu bræð-'
urnir frá Mel í foreldrahúsum á æsku-
heimilinu á Brekkunni, tíðar heimsóknir
voru á milli miðpunktanna tveggja og
heimsmyndin stækkaði óðum.
Örlaganornirnar hafa spunnið sinn
þráð um heimilisfólkið frá Mel. Við
kröpp kjör stækkaði heimsbyggð bræðr-
anna þriggja ört og á skömmum tíma
urðu þeir þjóðkunnir menn, hver á sína
vísu, Magnús, Baldur og Halldór, en
foreldrarnir þau Ingibjörg og Jón á Mel,
yrktu jörð sína þar til yfir lauk og kraftar
þeirra þrutu. En örlögin spyrja ekki
alltaf um hæfileika og þá köllun, sem
hver og einn kann að þroska með
sjálfum sér. Skyldmennin frá Mel hafa
nú á skömmum tíma horfið yfir tnóðuna
miklu, þar sem hvorki eru landamæri né
heimsmynd, stór né smá. Þau Ingibjörg
og Jón hvíla nú í þeirri skagfizku mold,
sem þau helguðu lífsstarf sitt. Baldur,
rektor Kennaraháskólans, féll frá á
bezta aldri fyrir fáum mánuðum og nú
hefur Magnús farið sína hinztu för í
þessu jarðlífi - óvænt og snögglega -
þrátt fyrir hinn alvarlega heilsubrest,
sem kom eins og reiðarslag fyrir áratug
og breytti í einu vetfangi ferli eins
virtasta stjórnmálamanns þjóðarinnar
og hafði þar með afdrifarík áhrif bæði í
stjórnmálaþróun þess tíma og allrar
framtíðar. Af Melsfjölskyldunni er því
einn eftirlifandi, Halldór bæjarfógeti á
Sauðárkróki, en eiginkonur, börn,
skyldmenni og vinir harma þá, sem
gengnir eru.
Við andlát Magnúsar Jónssonar er
margs að minnast, en fyrir þann er þetta
ritar er það flest persónulegs eðlis og
verður ekki skráð. Aðrir munu rekja
margbrotinn stjórnmálaferil hans og
störf hans sem bankastjóra og forystu-
manns á mörgum sviðum í þjóðfélagi
okkar - einkum á þeim tíma, er hann
hafði fulla heilsu og ekkert blasti annað
við en þjóðarforysta með þeirri ábyrgð
og blæbrigðamun, sem henni fylgir, og
vindar stjórnmálanna breyta um stund
einsoggerist í þjóðfélögum lýðræðisins.
Frá fyrstu kynnum til hinna síðustu
var Magnús einkanlega hlýr maður,
gæddur einstakri greind og góðvilja í
garð samferðamanna og gilti þar einu
um svokölluð flokksbönd. Þessir eigin-
leikar hans og skarpleiki, sem ekki sízt
fólust í því að greina kjarnann frá
hisminu, voru samofnir léttri kímni og
frásagnarhæfileika. Magnús var alla tíð
og að allra dómi ætíð sjálfum sér sam-
kvæmur, maður reglu, heiðarleika og
drenglyndis, sem ætíð var reiðubúinn til
að rétta öðrum hjálparhönd. Tryggð
hans og frændsemiskennd var einstök og
ógleymanlegir eru margir þeir góðra
vina fundir, þar sem hann var hrókur alls
fagnaðar og hafði alltaf tíma til góðra
ráða og samfunda, þrátt fyrir erilsöm
störf og hina mestu ábyrgð. Nú er
harmað, að þær samverustundir skyidu
ekki hafa orðið fleiri. Þessi óvanalega
skaphöfn, sem fyrst mótaðist í litla
bænum á Mel, en öðlaðist skjótan þroska
við nám og störf, leiddi óhjákvæmilega
til þess, að fljótlega fól þjóðfélagið
honum þau mikilvægu störf, sem alþjóð
erukunn.
Á þessari stundu er saknað dreng-
skaparmanns, sem alltaf var reiðubúinn
til að gefa holl ráð, saknað er frænda,
sem ræktaði frændsemisbönd öðrum
fremur, saknað er leiftrandi kímni þess
manns, sem við hin mestu ábyrgðarstörf
kunni alltaf að sameina gaman og alvöru
og saknað er vinar, sem ætíð sýndi
vináttu í verki frá því að kynni hófust á
grundunum við Mel, á skólaárum hans á
Akureyri til hinzta dags - við hin ýmsu
störf og síðar samstarf, er átti sér ýmsa
farvegi.
Stjórnmálaframi hans var ætíð mótað-
ur af þeirri hógværð, sem stækkar hvern
mann og alkunna er, að Magnús Jónsson
naut trausts langt út fyrir raðir eigin
stjórnmálaflokks.
Samhliða hinni léttu kímni bjó djúp
alvara hugsjónamannsins, sem fyrst og
fremst vildi þjóð sinni vel og var virkur
þátttakandi í sköpun og mótun hennar á
örlagatímum.
Ljúft er að þakka tryggð hans við
foreldra mína og önnur ættmenni. Hjá
þeim Ingibjörgu var alltaf opið hús
velvildar og gestrisni og var vel veitt af
brunnum reynslu, vitsmuna og hlýju,
sem honum var svo eiginleg.
Magnús var yfirburðamaður í hverju
því, sem hann tók sér fyrir hendur. Haft
er eftir Beethoven:. „Hið eina tákn um
yfirburði, sem ég viðurkenni, er
gæzkan". Ég þekki fáa menn, sem þessi
ummæli eiga betur við en Magnús
Jónsson. I einkalífi sínu var Magnús
gæfumaður. Þau Ingibjörg voru
samhent, hlý og góðviljuð og þeir, sem
báru gæfu til að njóta gestrisni þeirrá og
vinsemdar eiga niargs að minnast.
Við leiðarlok er Magnús frá Mel kvadd-
ur með söknuði og eftirsjá. Megi sú
hlýja, er ætíð geislaði frá gömlu baðstof-
unni á Mel fylgja honum á nýjum
leiðum. Innilegar samúðarkveðjur eru
sendar fjölskyldu hans og ástvinum frá
mér og mínu fólki. Við þessi ferðalok er
þökkuð vinátta hans og tryggð, sem
aldrei hefur haggazt frá fyrstu kynnum í
faðmi skagfirzkrar sveitar. Blessuð sé
minning hans.
Heimir Hannesson
FÖSTBDAGUR 20. JANÚAR 1984
Kvikmyndir
Sími 78900
SALUR 1
Frumsýnir stórmyndina
Daginn eftir
(The Day Atter)
Periiaps The Most
important Film Evcr Made.
XHE
DAY AFTER
Heimsfræg og margumtöluð stór-
mynd sem sett hefur allt á annan
endann þar sem hún hefur veriö
sýnd. Fáar myndir hafa fengið eins
mikla umfjöllun í pmiðlum, og
vakið eins mikla athygli eins og
THE DAY AFTER. Myndin er tekin i.
Kansas City þar sem aðalstöðvar
Bandarikjanna eru. Þeir senda
kjarnorkuflaug til Sovétrikjanna
sem svara i sömu mynt.
Aðalhlutverk: Jason Robards, Jo-
beth Williams, John Cullum,
John Lithgow.
Leikstjóri: Nicholas Meyer.
Bönnuð börnum innan 12 ára.
Sýndkl. 5.30,9 og 11.25
Hækkað verð.
SALUR2
Nýjasta James Bond
myndin
Segðu aldrei
aftur aldrei
Hinn raunverulegi James Bond
er mættur aftur til leiks i hinni
splunkunýju mynd Never say nev-
er again.
Aðalhlutverk: Sean Connery,
Klaus Maria Brandauer, Barbara
Carrera, Max Von Sydow, Kim
Basinger, Edward Fox sem „M“.
Byggð á sögu: Kevin McClory,
lan Fleming. Framleiðandi: Jack
Schwartzman. Leikstjóri: Irvin
Kershner. Myndin er tekin f
Dolby Sterio.
Sýnd kl. 5.30,9 og 11.25
SALUR3
Skógarlíf
og jólasyrpa af
Mikka mús
Éinhver*sú alfrægasta grínmynd
sem gerð hefur verið. Jungle Book
hefur allstaðar slegið aðsóknar-
met, enda mynd fyrir alla aldurs-
hópa. Saga eftir Rudyard Kipling
um hið óvenjulega líf Mowglis.
Aðalhlutverk: King Louie,
Mowgli, Baloo, Bagheera,
Shere-Khan, Col-Hathi Kaa.
Sýnd kl. 5 og 7
í leit að frægðinni
(The King of Comedy)
Aöalhlutverk: Robert DeNiro,
Jerry Lewis
Leikstjóri: Martin Scorsese
Sýnd kl. 9 og 11.10
SALUR4
Zorroog hýra sverðið
Sýnd kl. 5,9 og 11
La Traviata
Sýnd kl. 7
Ath: Fullt verð i sal 1 og 2
Afsláttarsýningar i sal 3 og 4