Tíminn - 14.06.1986, Blaðsíða 5

Laugardagur 14. júní 1986
Tíminn 5
Neyðarástandið í Suður-Afríku:
Viðbrögðin yfir
leitt miög hörð
Lundúnir-Reuter
Viðbrögð heimsins við því neyðar-
ástandi sem stjórn Suður-Afríku
hefur lýst yfir eru yfirleitt mjög
hörð, allt frá fordæmingu til spá-
dóma um blóðbað og að fall stjórnar
hvíta minnihlutans sé á næsta leiti.
Einingarsamtök Afríku (OAU)
hvöttu aðildarþjóðir sínar til að
Hvalveiðar Norðmanna í sviðsljósinu:
Scott skilur
ekki Norsara
Malmö-Reuter
Sir Peter Scott, heiðursformaður
Alþjóða dýralífssjóðsins og frægur
fjölmiðlamaður, gagnrýndi í gær
stjórnvöld í Noregi harðlega fyrir þá
ákvörðun sína að halda áfram hval-
veiðum þrátt fyrir alþjóðabann.
„Það hefði verið óhugsandi fyrir
tíu árum síðan að Norðmenn stæðu
við hlið Japana. Norðmenn voru
vanir að vera umhugað um verndun
villtra dýra“, sagði Scott í samtali
við fréttamann Reuters í lok ráð-
stefnu Alþjóða hvalveiðiráðsins.
Hvalveiðiráðið hefur samþykkt
bann á hvalveiðar í gróðraskyni og
tók það bann gildi á þessu ári.
Norðmenn, Japanir og Sovétmenn
lögðu hinsvegar fram formleg mót-
mæli sem gerði þeim kleift að halda
veiðunum áfram.
Sovétmenn og Japanir hafa síðan
þá tilkynnt um áætlanir um að hætta
þessum veiðum tímabundið en
Norðmenn, sem veiddu 771 hrefnur
á síðasta ári, hyggjast halda veiðun-
um áfram og hafa reyndar þegar
hafið þær þetta árið.
„Ég er mjög hryggur Norðmanna
vegna því ég held að almenningur
þar í landi vilji alls ekki láta þetta
gerast," sagði Scott.
Á ráðstefnu Alþjóða hvalveiði-
ráðsins sem fram fór í Malmö í
Svíþjóð og lauk í gær var engin
gagnrýni á veiðar Norðmanna
samþykkt. Sumir fulltrúanna sögðu
það stafa af því að Bandaríkjastjórn
væri líkleg til að taka upp efnahags-
legar refsiaðgerðir gegn Norðmönn-
um vegna hvalveiða þeirra.
Tékkóslóvakía:
Ekkertferframhjá
félaga Napóleon
Vin-Reuter
Tékkneskur andófsmaður sem
dreifði pólitískum háðsádeiluverk-
um hefur verið dæmdur í eins árs
fangelsi fyrir undirróðursstarfsemi.
Heimildarmenn sögðu að meðal
sönnunargagna sem notuð voru gegn
Eduard Vacek, 39 ára, hefði verið
eintak af bók George Orwells, Dýra-
bær (Animal Farm) eða Félagi
Napóleon eins og fyrsta þýðingin
nefndist hér á landi. Dýrabær er
háðsádeila á kommúnisma.
I réttarhöldunum, sem fram fóru
í Teplice í Norður-Bóhemíu, var
Vacek sakaður um að hafa skrifað
og dreift út texta sem var „háðsleg
skopstæling á þjóðfélagi í þversögn
við sósíalískt siðgæði."
Eintak af DýrabæOrwells fannst á
heimili Vaceks og var notað sem
sönnunargagn gegn honum.
„Þetta er eyðileggjandi texti sem
líkir þjóðfélaginu við dýr,“ sagði
embættismaður í ríkisstofnun þeirri
sem fylgist með hvað menn láta út
úr sér í orði sem á prenti í landinu.
Embættismaðurinn vitnaði í máli
þessu.
Heimildir hermdu að Vacek til-
heyrði ekki mannréttindahópnum
„Sáttmáli 77“ heldur væri í hópi
listamanna sem lítið væri gefið um
núverandi þjóðskipulag.
Brasilíuforseti
ræðir við páfa
Ríó de Janeiró-Reuter
Jose Sarney forseti Brasilíu mun
innan skamms eiga viðræður við
Jóhannes Pál páfa og munu þeir
ræða vaxandi deilur brasilíska
stjórnvalda og kirkjuyfirvalda þar í
landi er sprottið hafa vegna nýrrar
dreifingar ræktunarlands til handa
fátækum.
Talsmaður forsetans sagði fund
Sarneys og páfans vera á dagskrá
þann 10. júlí næstkomandi. Ekkert
vildi hann þó gefa út um hvað þeir
félagar myndu ræða.
Heimildir herma þó að viðræðurn-
ar muni að mestu snúast um aukna
gagnrýni kirkjuleiðtoga í Brasilíu á
þarlend stjórnvöld. Gagnrýnin kem-
ur til vegna ákvörðunar stjómvalda
að endurskipuleggja 43 milljónir
hektara af bújörðum og dreifa því til
1,4 milljón af fátækum fjölskyldum.
Kirkjuleiðtogar hafa deilt hart á
hraða og skipulag þessa verkefnis.
Að undanförnu hafa 300 manns
látið lífið í átökum milli brasilíska
landeigenda og fátækra bænda er
sprottið hafa vegna þessa máls.
Auk átakanna hafa orðsendingar
milli landeigenda og kirkjunnar
manna aukist að offorsi að undan-
förnu. Báðir saka hver aðra um að
kynda undir ofbeldinu.
veita svörtum mönnum í Suður-
Afríku hernaðaraðstoð í baráttu
þeirra gegn st jórninni.
Sameinuðu þjóðirnarog Evrópu-
bandalagið áætla fundi til að ræða
ástandið og þrýstingur hefur aukist í
Bretlandi á að setja viðskiptabann
á S-Afríku.
Ástralíustjórn hefur tilkynnt að
landið muni ganga í hóp þeirra 12
ríkja sem lokað hafa ræðismanns-
skrifstofum sínum í Suður-Afríku.
Talsmenn Evrópubandalagsins
sögðu að utanríkisráðherrar ríkja
þeirra sem í bandalaginu eru myndu
ræða hugsanleg höft á Suður-Afríku
næsta mánudag.
Athyglin beinist nú mest að Bret-
landsstjórn sem ein stjórna Sam-
veldislandanna hefur verið mótfallið
efnahagsþvingunum. Líklegt er talið
að viðbrögðin í Bretlandi verði leið-
andi fyrir lönd Samveldisins og ríki
Evrópubandalagsins.
Bandaríkjamenn:
Streyma yf ir
Atlantsála
á nýjan leik
Ferðamannaiðnaðurinn í
Evrópu virðist vera á uppleið að
nýju eftir að hafa nærri því koll-
varpast í kjölfar hermdarverka,
eða kannski frekar ótta um
hermdarverk.
Þessar góðu fréttir voru birtar í
síðustu viku. Bandaríkjamenn eru
byrjaðir að skipuleggja ferðalög til
Evrópu á nýjan leik. Pantanir
þeirra duttu nánast niður eftir árás
Bandaríkjahers á Líbýu en hótel
og ferðaskrifstofur í Evrópu hafa
tekið eftir stöðugum breytingum
til batnaðar í þessum málum að
undanförnu.
Flugtelögin Trans World Airlin-
es og Pan American World Airlin-
es hafa bæði skýrt frá því að
bókanir til Evrópu hafi aukist veru-
lega og síðustu vikuna í maí voru
bókanir hjá British Airways aðeins
dulítið færri en venjulega gerist.
Bresk ferðamálayfirvöld hafa
unnið hart að því að fá Bandaríkja-
menn til að bregða sér yfir Atlants-
ála og heimsækja bresku eyjarnar.
Sú herferð hefur borið árangur en
einnig mun tilkynning Nancyar
Reagan um að hún myndi verða
viðstödd brúkaup Andrews Breta-
prins í sumar vega þungt á vogar-
skálunum í þessu sambandi.
Enginn skyldi þó halda að ekki
væri um samdrátt að ræða. Enn
vantar um 20-30% fleiri Banda-
ríkjamenn til Evrópu til að bæta
upp ferðamannasamdráttinn. Tals-
menn ferðamála í Evrópu vonast
þó til að um næstu áramót verði
viðskiptin orðin með venjulegum
hætti - þökk sé skammtímaminni
bandarískra ferðalanga hvað varð-
ar hryðjuverk.
Þessi von ferðamannafrömuða
byggist þó að sjálfsögðu á að ekki
verði um nýja hryðjuverkaöldu í
Evrópu að ræða á næstunni.
(Byggt á Ncwsweek)
VEITINGAR
GISTING
BILAWONUSTA
Gisting í 1-2 manna
herbergjum. Góð setustofa
veríð velkomin til okkar
Höfum góðan mat og kaffi á boðstólnum
allan daginn, ásamt ýmsum öðrum varningi
ESSO OLÍUR - BENSÍN - GAS
og ýmsar smávörur fýrir ferðamanninn
og bílinn
OPIÐ ALLAN DAGINN - ALLA DAGA
FERÐAÞJONUSTAN TALKNAFIRÐI
Essonesti 94-2599.