Tíminn - 30.05.1987, Blaðsíða 2

2 Tíminn
Laugardagur 30. maí 1987
Ríkissjóður dæmdur til að greiða rúmar 7 milljónir í
skaðabætur fyrir læknamistök:
Mistökin leiddu
til marg-
víslegra úrbóta
- að sögn fæðingarlæknis sem Tíminn ræddi við
„Frá því að þetta skeði hefur
margt verið gert til þess að bæta
það sem þarna fór úrskeiðis,1- sagði
fæðingarlæknir sem Tíminn hafði
samband við, vegna dóms sem féll
nýlega í Borgardómi Reykjavíkur.
Þar er ríkissjóði gert að greiða sex
ára barni 5,7 milljónir króna og
foreldrum þess 1,5 milljónir í
skaðabætur fyrir mistök fæðingar-
læknis við fæðingu barnsins. Barn-
ið er nú 100% öryrki og hefur
vitsmunaþroska 2-4 mánaða gam-
ais barns.
Læknirinn sagði ennfremur að
atvik sem þessi væru rædd ítarlega
á meðal lækna og þeir drægju
lærdóm af þeim auk þess sem þessi
mál væru ákaflega viðkvæm fyrir
alla aðila sem málið snerti.
í dóminum kemur fram að strim-
ill úr sírita sem skráir hjartslátt
barns og legsamdrætti hafi glatast.
Samkvæmt heimildum Tímans var
ekki vaninn að geyma þessi sírit en
síðan þetta atvik átti sér stað, gaf
landlæknir út reglur um að gögn
varðandi fæðingar skyldu geymd
fram yfir fimmtugsaldur móðurinn-
ar. Það fæða 2500 konur í Reykja-
vík á ári og 3800 á landinu öllu
þannig að geymsla slíkra gagna er
töluvert plássfrek.
Einn fæðingarlæknirinn sem
Tíminn hafði samband við taldi að
dómar sem þessir yllu ekki hræðslu
meðal lækna hérlendis um að verða
dregnir til ábyrgðar fyrir verk sín,
því ef menn kynnu sitt fag vel þá
ynnu þeir sín störf eftir bestu getu
hverju sinni og meira gætu þeir
bara ekki gert.
Annar læknir sagðist hafa verið
á ferð í Flórida ekki alls fyrir löngu
og hitt fæðingarlækni þar á fæð-
ingardeild sem hefði sagt að læknar
í því ríki vildu helst ekki koma
nálægt fæðingum og því væri farið
að opna fæðingarstaði út með þjóð-
vegunum. Ástæðan væri hræðsla
lækna við að verða dæmdir fyrir
mistök. Tryggingaupphæðir fæð-
ingarlækna væru orðnar svimandi
háar sem aftur hefðu í för með sér
hækkandi taxta fyrir læknaþjón-
ustu. ABS
SKÓLAVEITA
LEON
AÐ
FARSÆLLI
SKÓLAGÖNGU
Þeir sem eru í námi þekkja fjárskort býsna
vel, sumartekjurnar hrökkva skammt og biðin
eftir námslánum getur orðið löng.
Með Skólaveltu er Samvinnubankinn fyrstur
banka með ágæta lausn á þessum vanda.
Þú þarft einfaldlega að gera við okkur samn-
ing um reglulegan sparnað á Skólabók í tiltek-
inn tíma, þannig ávinnur þú þér lánsréttindi
eftir ákveðnum reglum.
Lánstíminn er mjög sveigjanlegur og þú átt
lánsréttindin í allt að níu mánuði frá lokun
sparnaðar, þótt þú hafirtekið út innstæðuna.
Þér er einnig heimilt að safna saman láns-
réttindunum í allt að þrjú sparnaðartímabil og
ávinna þér þannig aukin réttindi.
Það borgar sig að vera forsjáll, ávaxta sumar-
launin og tryggja afkomuna næsta vetur.
Hringdu eða líttu inn til okkar og kynntu
s þér kosti Skólaveltunnar nánar.
Skólabók
styrklr þlg i náml
Skinnamarkaðurinn í Kaupmannahöfn:
MINKASKINN
HÆKKUÐU UM
42% Á ÁRINU
-afkoman betri í mink en ref ásíðasta ári en hægt
að ná betri afkomu í refaræktinni
Verð á minkaskinnum hefur
hækkað um 42% á síðasta ári og telst
það vera umtalsverð hækkun á einu
ári. Síðasta loðskinnauppboð vetrar-
ins í Kaupmannahöfn var haldið
8.-14. maí sl. og voru þar seld refa-
og minkaskinn fyrir tæplega 6 mill-
jarða ísl. króna. Refaskinn hafa líka
hækkað, nema shadow sem nú er á
3% lægra verði en sl. ár.
Á íslandi eru skinn af blárefum
uppistaða framleiðslunnar og hefur
blárefaskinn hækkað um 18%.
Alls hafa verið seld 49.549 refask-
inn í vetur og meðalverð þeirra
hefur verið 1.896,- krónur. Seld
minkaskinn eru 28.430 og meðalverð
þeirra hefur verið 1.640,-krónur.
Heildarsöluverðmæti refaskinnanna
er kr. 93.960.669 og minkaskinn-
anna kr. 46.633.896,-. íslensk loðsk-
inn hafa selst í Kaupmannahöfn
fyrirsamtals 140.594.565,- kr. ívetur
en síðasta uppboð á framleiðslu
ársins 1986 verður í Kaupmann-
ahöfn dagana 13.- 15. september í
haust.
Áætlað er að í vor fæðist rúmlega
100 þúsund minkahvolpar og svipað-
ur fjöldi refahvolpa. Afkoman í
minkaræktinni hefur verið fremur
góð en lakari í refaræktinni einkum
vegna þess að stór hluti refaræktar-
innar byggir á bláref. Blue frost
refaskinn sem eru skinn af blending-
um blárefa og silfurrefa hafa verið á
mjög háu verði að undanförnu og ef
slík skinn væru 40% af refafram-
leiðslunni væri meðalverð skinna
hér 48% hærra en núverandi meðal-
verð sem er um 1900 krónur. í ár er
gert ráð fyrir að 15% refaframleið-
slunnar hérlendis verði blue frost og
gert er ráð fyrir 18% hækkun meðal-
verðs vegna breytinga á litaafbrigð-
um skinnanna. ABS
Mannlaus
bíll veldur
skemmdum
Óskráð ökutæki aftan við
Laugaveg 178 rann mannlaus af
stað síðdegis á fimmtudag og
lauk ekki ferð sinni fyrr en þrír
bílar voru stórskemmdir eftir að
það hafði rekist utan í þá.
Skemmdirnar eru metnar tals-
verðar og varð að fjarlægja einn
hinna skemmdu bíla með krana-
bifreið. þj
NYTT OG VANDAD
SPORTVEIDIBLAD
Nýtt og vandað Sportveiðiblað er
nú komið út. Tímasetningin á út-
komu blaðsins er hin besta, þar sem
veiðimenn eru nú að fara af stað.
Efni blaðsins er með fjölbreyttasta
móti og margir góðir og þekktir
pennar segja frá reynslu sinni af
veiðiskap. Nýkjörinn alþingismað-
ur, Árni Gunnarsson segir frá eftir-
minnilegri veiðiferð í Seyðisá sem
fellur í Blöndu. Árni veiddi það sem
engann óraði fyrir.
Ossur Skarphéðinsson skrifar um.
ástarlíf dverghænga, fvar Hinriksson
frá Merkinesi skrifar um glæfraveið-
istaði, Ingvi Hrafn Jónsson frétta-
stjóri spjallar við Guðrúnu Guðjóns-
dóttur að sjálfsögðu um laxveiði.
Margar aðrar áhugaverðar greinar
og viðtöl eru í blaðinu. Minnst er á
fjöldann allan af ám. Hofsá í Vopna-
firði, Laxá í Aðaldal, Gljúfurá í
Borgarfirði, Mýrarkvísl í grennd við
Húsavík, Blanda, og Elliðaárnar
koma mjög við sögu í blaðinu.
Blaðið er rúmar hundrað síður og
flestarílit. - ES
Gunnar Bender er ritstjóri blaðsins.
Hér sést hann í ísveiði, og horfir
ánægður á dagsafla.
Tímamynd Eggert