Tíminn - 30.05.1987, Blaðsíða 19

Laugardagur 30. maí 1987
Tíminn 19
Áhrif tillagna nefndanna á fjármál sveitarfélaga
Heilsugæsla Grunnskólar Tónlistarskólar iþróttamál Dagvistarheimili Félagsh./Æskulýðsm. ibúðir og dvalarh. Landshafnir Heimaþj. aldraðra Vatnsveitur Byggðasöfn
’ BSSSSl 588HS
Í£9 m a B i i í
Máletnijatlaöra Sjúkrahús sv.fél. Sýsluvegir Atvinnuleysistr.sj. Tannlækningar Framhaldsskólar Sjúkrasamlög - — i E E

m —
-700 -600 -500 -400 -300 -200 -100 0 100 200 300 400
Lækkun útgjalda m.kr. Hækkun útgjalda m.kr.
Nýjar tillögur um verkaskiptingu ríkis og sveitarfélaga:
Fleiri verkefni
til sveitarfélaga
- og hagur þeirra mun jafnframt vænkast
Nýju tillögurnar, sem unnar voru
af tveimur nefndum, Verkaskipta-
nefnd og Fjármálanefnd, gera ráð
fyrir að tilfærsla verkefna til sveitar-
félaga muni auka útgjöld þeirra um
1.095 milljónir króna.
Á móti koma tillögur um verk-
efnafærslur frá sveitarfélögum til
ríkis sem nema 325 m.kr. f>á eru
tillögur um að breyta fjármálalegum
samskiptum þessara aðila á þann
veg að útgjöld sveitarfélaga muni
minnka um 885 m.kr. til viðbótar.
Er þetta þá minnkun útgjalda fyrir
sveitarfélög upp á alls 1.210 m. kr.
Þarna er því um að ræða tillögur
sem mundu bæta hag sveitarfélaga
verulega samfara því að auka þátt
sveitarfélaganna í rekstri og fram-
kvæmdum.
Verkaskiptanefndin leggur til
stórfelldar breytingar í skólarekstri.
Þar er gert ráð fyrir að sveitarfélög
kosti byggingu grunnskóla og reki
þá alfarið utan þess að ríkið greiðir
áfram laun kennara. Þá er lagt til að
sveitarfélög taki á sig skuldbindingar
ríkisins varðandi almenna tónlistar-
skóla.
Á móti þessu koma tillögur um að
ríkisvaldið annist og beri allan kostn-
að af framhaldsskólastiginu, auk
þess sem það kosti allan rekstur
fræðsluskrifstofa.
í íþróttamálum er lagt til að ríkið
hætti öllum afskiptum af þeim mála-
flokki og þau verði öll á könnu
sveitarfélaga, bæði bygging mann-
virkja og stuðningur við starfsemi
íþróttahreyfingarinnar.
í æskulýðs- og félagsmálum er lagt
til að sveitarfélögin sjái alfarið um
byggingar félagsheimila og annan
þann stuðning sem sem verið hefur
við æskulýðsfélög.
I dagvistarmálum er lagt til að
sveitarfélögin sjái nú um byggingu
almennra dagvistarstofnana, en aft-
ur á móti sjái ríkið um meðferðar-
heimili og sérhæfð heimili fyrir fatl-
aða. Þá er lagt til að ríkið sjái
eingöngu um málefni fatlaðra.
Nefndin leggur einnig til að vatns-
veitur, landshafnir og byggðasöfn
verði eftirleiðis í umsjá sveitarfé-
laga, en ríkið taki hins vegar á sig
gerð og viðhald sýsluvega.
Nefndin skilaði einnig yfirgrips-
miklum tillögum varðandi heilbrigð-
isgeirann. Þar er lagt til að ríkið
byggi og reki öll opinber sjúkrahús
og sjúkradeildir fyrir aldraða á sinn
kostnað eingöngu.
Hins vegar komi það í hlut sveitar-
félaganna að sjá um heilsugæslu
utan sjúkrahúsa og greiða þá stofn-
kostnað og rekstur þeirrar þjónustu,
nema hvað sjúkratryggingakerfið
greiði áfram kostnað við vinnu lækna
og lyfjaávísanir, sem sjúkrasamlögin
borga í dag.
Nefndin gerir það einnig að tillögu
sinni að að ríkissjóður greiði allan
kostnað við sjúkratryggingar, þar
með talið sjúkrasamlögin. Þessi til-
laga ein saman felur í sér tilfærslu
útgjalda frá sveitarfélögum til ríkis
upp á rúmar 600 m.kr. Jafnframt
þessu verði allur kostnaður sveitar-
félaga af tannlækningum færður yfir
til ríkisins.
Þá gerir nefndin tillögu um að
sveitarfélögin hafi forræði um bygg-
ingu og rekstur opinberra dvalar-
heimila, hjúkrunarheimila og þjón-
ustuíbúða fyrir aldraða, en engar
breytingar verði þó á hlutverki
Framkvæmdasjóðs aldraðra og
Húsnæðisstofnunar á þessu sviði frá
því sem verið hefur.
Verkaskiptanefndin leggur og til
að heimaþjónusta fyrir aldraða verði
alfarið á ábyrgð sveitarfélaga.
Tillaga er um að ríkið taki á sig
allar skuldbindingar sveitarfélaga
varðandi Atvinnuleysistrygginga-
sjóð, en framlög sveitarfélaga til
sjóðsins námu alls 113 m.kr. á síð-
asta ári.
Loks má benda á umfangsmiklar
tillögur um breytingar á úthlutunar-
reglum Jöfnunarsjóðs til þess að
bæta fámennum sveitarfélögum upp
kostnað vegna breyttrar verkaskipt-
ingar, en Fjármálanefndin kemst að
þeirri niðurstöðu að dreifbýlissveit-
arfélögin verði fyrir meiri útgjöldum
vegna breytingatillagnanna á meðan
fjölmennu sveitarfélögin hagnast al-
mennt á þeim. Því verði rneira
fjármagni eða 28% af ráðstöfunarfé
sjóðsins varið til að jafna útgjöld
sveitarfélaganna og þau styrkt til að
annast lögbundin verkefni. ÞÆÓ
EffjCO-
þurrkan
í bílinn
i bátinn
á vinnustaðinn m
á heimilið
.. í sumarbúst3ðw»|
i ferðalagið
og fi.
Nýtt og ódýrt.
Ef þú hefur einu sinni
reynt Effco-þurrkuna viltu
ekkert annað. Effco-
þurrkan er bæði mjúk og
sterk. I henni sameinast
kostir klúts og tvists, það
eykur notagildi Effco-
þurrkunnar. Effco-þurrk-
an sýgur í sig hvers konar
vætu á svipstundu. Effco-
þurrkan er ómissandi í
bílinn, bátinn, ferðalagið,
á vinnustaðinn og til
heimilisins.
EfFco-þurrkan
fæst hjá okkur.
CT. Húsnædisstof nun
ríkisins
LJ Tæknideild
Laugavegi 77. R. S/mi 28500.
Úboð
Ólafsvík:
Stjórn verkamannabústaða, Ólafsvík, óskar eftir
tilboðum í byggingu fjögurra íbúða, í tveggja
hæða sambýlishúsi, byggðu úr steinsteypu. Verk
nr. 2.04.01 úr teikningasafni tæknideildar Hús
næðisstofnunar ríkisins.
Brúttóflatarmál húss 195 m2.
Brúttórúmmál húss 1249 m3.
Húsið verður byggt við götuna Vallholt, Ólafsvík
og skal skila fullfrágengnu, sbr. útboðsgögn.
Afhending útboðsgagna er á bæjarskrifstofum
Ólafsvíkur, Ólafsbraut 34, Ólafsvík og hjá tækni-
deild Húsnæðisstofnunar ríkisins, frá föstudegin-
um 5. júní 1987 gegn kr. 5.000.- skilatryggingu.
Tilboðum skal skilað á sömu staði eigi síðar en
þriðjudaginn 23. júní n.k. kl. 11.00 og verða þau
opnuð viðstöddum bjóðendum.
F.h. stjórnar verkamannabústaða,
tæknideild Húsnæðisstofnunar ríkisins.
Auglýsing
um akstursgjald
Ferðakostnaðarnefnd hefur ákveðið akstursgjald í
aksturssamningum ríkisstarfsmannaog ríkisstofn-
ana sem hér segir:
Almennt gjald
Fyrstu 10.000 km..............kr. 13,55 pr.km
Frá 10.000 til 20.000 km .....kr. 12,15 pr.km
Umfram 20.000 km..............kr. 10,70 pr.km
Sérstakt gjald
Fyrstu 10.000 km..............kr. 15,80 pr.km
Frá 10.000 til 20.000 km .....kr. 14,15 pr.km
Umfram 20.000 km..............kr. 12,45 pr.km
Torfærugjald
Fyrstu 10.000 km..............kr. 17,70 pr.km
Frá 10.000 til 20.000 km .... kr. 15,80 pr. km
Umfram 20.000 km..............kr. 13,95 pr.km
Akstursgjald þetta gildir frá og með 1. júní 1987.
Reykjavík 25. maí 1987.
Ferðakostnaðarnefnd
111 Vinnuskóli
'lr Reykjavíkur
Leiðbeinandi óskast strax til að vinna með hópi
fatlaðra ungmenna. Vinnutími eftir samkomulagi.
Upplýsingar í síma 622648 eða hjá Vinnuskólan-
um, Ráðningarstofu Reykjavíkurborgar, Borgar-
túni 3.
Vinnuskóli Reykjavíkur.
Frá Grunnskólanum
Sandgerði
Okkur vantar kennara til starfa næsta haust
einkum í 7. og 8. bekk. Húsnæðisstyrkur, dag-
heimilispláss.
Umsóknarfrestur til 15. júní. Upplýsingar gefa
Jórunn Guðmundsdóttir í síma 92-7620 og 92-
7601, Guðjón Þ. Kristjánsson í síma 92-7610 og
92-7436 og Ásgeir Beinteinsson í síma 92-7801.