Tíminn - 30.05.1987, Qupperneq 4

4 Tíminn
Laugardagur 30. maí 1987
Sjávarafurðadeild Sambandsins:
SKILAÐI 9-10% HÆRRA
MEDALVERD11986
- fyrir Nígeríuskreið en aðrir útflytjendur
Ólafur Björnsson, formaður
Skreiðarsamlagsins, hefur gert sér
tíðrætt um undirboð Sjávarafurða-
deildar Sambandsins við skreiðar-
sölur í Nígeríu. Eftir honum hefur
verið haft hér í blaðinu, nú á
miðvikudag og fimmtudag, að þar
sé fundin skýringin á „velgengni"
Sjávarafurðadeildar í skreiðarsölu-
málunum. I tilefni af þessu leituð-
um við álits Ragnars Sigurjónsson-
ar, sölustjóra fyrir skreið hjá Sjáv-
arafurðadeild, á þessum ummæl-
um.
Skreiðarframleiðendum til fróð-
leiks sagðist Ragnar vilja geta þess
að undirboð þessi væru ekki alvar-
legri en svo að á síðast liðnu ári
hefði meðalverð hjá Sjávarafurða-
deild fyrir hvert útflutt tonn af
Nígeríuskreið verið 9,5% hærra en
meðalverð hjá öðrum útflytjend-
um. Að þessari niðurstöðu hefði
hann komist með því að bera
saman útflutningsskýrslur
Sjávarafurðadeildar annars vegar
og opinberar verslunarskýrslur
hins vegar.
Ragnar sagðist sérstaklega vilja
benda á að hér væri verið að bera
saman raunveruleg söluverð hjá
Sjávarafurðadeild og áætluð sölu-
verð hjá hinum aðilunum, að svo
miklu leyti sem útflutningur þeirra
á árinu 1986 væri enn ógreiddur og
mikil óvissa ríkjandi um greiðslu-
málin.
Ragnar Sigurjónsson sölustjóri.
Ragnar benti á að Ólafur Björns-
son forðaðist að ræða þau undirboð
sem væru í því fólgin að bjóða
skreiðina til kaups og selja hana
með greiðslukjörum sem væru í
engu samræmi við gildandi reglur
og svo andstæð hagsmunum skreið-
arframleiðenda sem mest mætti
vera. Þegar litið væri til greiðslu-
erfiðleika Nígeríumanna gætu
menn gert sér í hugarlund hversu
erfitt hefði verið fyrir Sjávaraf-
urðadeildina að selja með kröfu
um fullar greiðslutryggingar, á
sama tíma og aðrir útflytjendur
hefðu flutt út heila skipsfarma án
þess að greiðslutryggingar væru
fyrir hendi.
1 -esig
Yfirlýsing vegna
þolhönnunar húsa:
Umræðan
var löngu
tímabær
- Alexander Stefánsson og
Davíð Oddsson fá rós í
hnappagatið
Stjórn Félags ráðgjafarverkfræð-
inga fagnar þeirri umræðu sem orðið
hefur um þolhönnun bygginga á
íslandi undanfarnar vikur. Umræða
þessi er að mati stjórnarinnar löngu
tímabær svo sem glöggt kom fram á
ráðstefnu félagsins um byggingarmál
síðastliðið haust.
Stjórnin fagnar sérstaklega frum-
kvæði félagsmálaráðuneytisins og
borgarstjórnar Reykjavíkur í þessu
efni og treystir því að gripið verði á
þessu máli af þeirri festu er tryggt
geti öryggi og varanleik mannvirkja
á íslandi.
Tryggingaskólinn:
Þriðjungur nem-
enda fékk
ágætiseinkunn
- en skólanum var slitiö í 25. sinn í vor
Tryggingaskólanum var slitið 25.
maí sl. í 25 sinn frá stofnun skólans.
Þeir nemendur sem gengu undir
próf og stóðust þau voru 34 í vetur
og þar af hlutu 10 ágætiseinkunn
fyrir frammistöðu sína í prófum.
Bjarni Þórðarsson formaður Sam-
bands ísl. tryggingafélaga afhenti
þeim bókaverðlaun við skólaslitin.
Blandaður kór frá norska vátrygg-
ingarfélaginu Storebrand söng nokk-
ur lög við slit skólans.
Tryggingaskólinn er starfræktur
af Sambandi íslenskra tryggingafé-
laga og vátryggingafélögin standa
straum af kostnaði við rekstur
skólans, bæði með þátttökugjaldi
fyrir starfsmenn tryggingafélaganna
og sem hlutfall af iðgjaldatekjum
þeirra.
Síðan skólinn hóf starfsemi sína
haustið 1962 hafa 635 prófskírteini
verið afhent nemendum skólans.
ABS
MJÓLK - BRAUÐ
A VALLT
NÝTT
KÖKUR
OPIÐ frá kl. 9-16 laugardaga og sunnudaga
Langholtsvegi 111 - Miðvangi 41 Hafnarfirði
Handavinnusýn-
ing í Seljahlíð
Um helgina verður sýning í Selja-
hlíð, dvalarheimili aldraðra við
Hjallasel í Reykjavík. Sýnd verður
handavinna aldraðra íbúa Seljahlíð-
ar auk þess sem hluti handavinnunn-
ar verður til sölu á sýningunni.
Á þessari mynd eru tvær konur í
Seljahlíð að búa til leirmuni sem að
öllum líkindum verða meðal sýning-
armuna um helgina.
Lokaprédikun í
Guðfræðideild
í dag, laugardaginn 30. maí, ljúka
sex kandídatar prófum frá Guð-
fræðideild Háskóla fslands með því
að flytja prófprédikun sína í kapellu
skólans.
Öllum er heimill aðgangur og
minnir það vissulega á tíma munn-
legu prófanna áður fyrr, en þau voru
opin aðstandendum og öllum þeim
er fylgjast vildu með frammistöðu
nemenda.
Kapella Háskólans er á annarri
hæð í aðalbyggingunni og hefst at-
höfnin kl. 13.30. Þá prédika þeir
Bjarni Þ. Bjarnason, Hróbjartur
Árnason og Jens H. Nielsen. Eftir
hlé, eða kl. 15.00, prédika þær Ólöf
Ólafsdóttir, Sjöfn Jóhannsdóttir og
Stína Gísladóttir. Að lokinni athöfn
verður viðstöddum boðið til kaffi-
samsætis í safnaðarheimili Nes-
kirkju. -KB