Tíminn - 17.09.1987, Blaðsíða 3
Fimmtudagur 17. september 1987
Tíminn 3
- ’ ;'
y»f?z\ .........
Fundað í qær um fiskveiðistefnuna:
Nefnd su sem vinnur aö motun nyrrar fiskveiöistefnu, hittist í
fyrsta sinn til fundar í gær. Fyrir miöri mynd ma m.a. sjá Halldor
Asgrimsson, sjávarútvegsráöherra og Árna Kolbeinsson,
raöuneytisstjora í sjávarútvegsráðuneytinu, sem jafnframt er
formaður nefndarinnar.
______________________________________________Timamynd Pjetur
Móta fiskveiðistefnu
Hagsmunaaðilar í sjávarútvegi,
fulltrúar stjórnmálaflokkanna og
fulltrúar stofnana í sjávarútvegi
komu saman til fundar í gær og er
það byrjunin á starfi þeirra að
mótun nýrrar fiskveiðistefnu.
Halldór Ásgrímsson, sjávarút-
vegsráðherra, vitnaði á fundinum í
stefnuyfirlýsingu og starfsáætlun
ríkisstjórnarinnar, þar sem sagt er
um endurskoðun á fiskveiðistefn-
unni. Síðan fóru sérfræðingar
Hafrannsóknarstofnunar, Jakob
Jakobsson, forstjóri, Ólafur K.
Pálmason, Sigfús Schopka og Vil-
hjálmur Hjálmarsson, yfir skýrslu
stofnunarinnar um ástand nytja-
stofna með glærum.
Á fundinum fóru í sjálfu sérekki
fram neinar viðræður, enda fund-
urinn fyrst og fremst hugsaður sem
opnunarfundur fyrir komandi
starf.
Nefndin mun hittast vikulega til
loka október, en þá er vonast til að
árangurinn liggi fyrir og hægt verði
að leggja nýja fiskveiðistefnu fyrir
haustþing.
Fjölmargir aðilar eiga fulltrúa í
nefndinni. Má þar nefna sérfræði-
nga frá Raunvísindadeild og Við-
skiptadeild Háskólans, Þjóðhags-
stofnun, prófessor í fiskifræði við
Verslunarháskólann í Bcrgen,
Landssamband smábátaeigenda,
félag sambands fískframleiðenda,
SÍF, SH, Farmanna- og fiskimann-
asambandið, félag rækju- og
hörpudiskframleiðenda, Hafrann-
sóknarstofnun, LÍÚ, Sjómannas-
ambandið, Fiskifélag íslands,
VMSÍ, þingflokkana og aðila úr
sjávarútvegsráðuneytinu.
Það er því með sanni hægt að
segja að vel sé staðið að mótun
nýrrar fiskveiðistefnu.
- SÓL
HEILASÝNI BENDA TIL
RIDUVEIKI í MIÐHÚSUM
Heilasýni úr sauðfé í Miðhúsum í
Reykjafjarðarhreppi sem tekin voru
síðasta haust gefa til kynna að riða
geti leynst í sauðfé þar á bæ. í
innanverðu Djúpi hefur ekki verið
staðfest riða í sauðfé en fjárskipti
fóru fram í Hörgshlíð í Reykjafjarð-
arhreppi fyrir ári síðan vegna svipaðs
gruns. Sé raunverulega um riðuveiki
að ræða er skýringa helst að leita til
samgangs við sýkt fé af Barðaströnd
en þar er búið að vera fjárlaust í þrjú
ár en bændur eru að taka fé þar að
nýju nú í ár.
Að sögn Sigurðar Sigurðarsonar
dýralæknis á Keldum var ábúendum
í Miðhúsum tilkynnt í sumar að
breytingarnar séu grunsamlegar og
samkvæmt reynslu annarsstaðar frá
bendi líkur til að veikin sé að búa um
sig. Þrátt fyrir það sé ekki hægt að
segja af eða á um hvort svo sé því
riða hefur ekki fundist í lifandi kind.
Ábúendur hafa því ekki verið tilbún-
ir að svara til um hvort ákvörðun
verður tekin um að slátra fjárstofnin-
um, enda erfið ákvörðun þar sem
þeir hafa verið að velta fyrir sér
hvenær hætta skyldi búskap og hvort
aðrir ábúendur fengjust til að taka
við búskap á jörðinni.
Sigurður taldi að þegar almenn
vitneskja lægi fyrir um hættuna á
riðuveiki á bænum sé hættan minni
því þá geti menn varast fé frá
bænum. Þá munu og verða fram-
kvæmdar sýnatökur úr sauðfé í
Djúpi í haust þar sem sérstaklega
verður fylgst með hugsanlegum riðu-
einkennum.
NYTTFRA
VÍFILFELLI
Vífilfell hf., einkaframleiðandi
Coca Cola á íslandi, hefur hafið
framleiðslu á Diet-Sprite. Til að
byrja með verður Diet-Sprite fram-
leitt á 1,5 lítra umbúðum, en áætlað
er að síðar verði varan framleidd í
öllum tegundum umbúða. Með
þessu er Vífilfell hf. að gefa
viðskiptavinum sínum aukinn val-
kost er þeir velja sér drykk til munns.
Sérstakur 15% kynningarafsláttur
er á Diet-Sprite og er afslátturinn
prentaður á miða flöskunnar til að
vekja athygli á vörunni og hinu
sérstaka kynningarverði sem varan
er boðin á.
Alltaf eru að koma upp ný riðutil-
felli á svokölluðum riðusvæðum en í
haust hafa ekki greinst riðutilfelli á
þeim svæðum sem nú teljast laus við
riðu. í vor kom hins vegar upp eitt
riðutilfelli í Mýrdalnum eftir fimm
ára hlé.
Sigurður minnti á að nauðsynlegt
væri að slátra öllu óskilafé í slátur-
húsi en alls ekki að farga því heima.
Sauðfjárveikivarnir munu gangast
eftir því að kostnaður af óskilafé,
t.d. ómerkingum og fé sem ekki er
hægt að þekkja eigendur að verði
greiddur þannig að menn geta
óhræddir lagt það fé inn í sláturhús
á venjulegan hátt.
- ABS
Jarðskjálftar raska
svefnró Grímseyinga
„Þetta var ansi ónotalegt þegar
stærsti skjálftinn kom í fyrrinótt.
Það kom ansi mikill hnykkur um
miðjan skjálftann og þá fór allt að
hristast. Þessi skjálfti vakti upp alla
eyjarbúa nema kornabörn,“ sagði
Bjarni Magnússon hreppstjóri í
Grímsey í samtali við Tímann í gær.
Bjarni sagði hluti hafa dottið úr
hillum í einstaka húsum og nokkuð
hefði brotnað af styttum og annarri
glervöru í kaupfélaginu. Hann sagði
einnig að drunur hefðu fylgt þessum
jarðskjálftum og sagðist hann ekki
muna slíkar drunur síðan árið 1963
þegar miklir jarðskjálftar urðu út af
Skagafirði. Annars sagði hann
Grímseyinga vana jarðskjálftum, til
dæmis hefðu verið nokkuð snarpir
skjálftar síðastliðið haust og í febrú-
armánuði í vetur.
Það var rétt undir klukkan þrjú á
þriðjudag sem jarðskjálftahrina
byrjaði í Grímsey með skjálfta sem
mældist 3,9 á Richterkvarða. Eftir
það fundust smáskjálftar af og til og1
minnkuðu þeir eitthvað er leið á
daginn og kvöldið. Síðan varð nokk-
uð sterkur klukkan 2.38 aðfaranótt
gærdagsins og mældist hann 4,4 á
Richterkvarða. Eftir það dró úr
jarðhræringum en þær héldust þó
allt fram undir hádegi í gær. Að sögn
Ragnars Stefánssonar jarðskjálfta-
fræðings eru upptök skjálftanna rétt
við eyna sjálfa, líklega innan við 5
kílómetra austur af Grímsey. Hann
sagði þetta þekkt jarðskjálftasvæði,
skjálftarnir núna væru þó mun nær
Grímsey en verið hefur undanfarin
ár. Því fyndust skjálftar betur nú en
annars. Ragnar sagði skjálftana
verða vegna spennu í jarskorpunni
sem tengjast kvikuhreyfingum á þó
nokkuð miklu dýpi við eyna. -HM