Tíminn - 17.09.1987, Blaðsíða 20

SAMVINNUBANKI
ÍSLANDS HF.
Auslýsingadeild hannar
auglýsinguna fyrir þig
Ókeypis þiónusta
1917
1987
> ■ 1 /. IVIAKi
Tímirm
wmmsmsmmmm
ítarleg stefnuskrá LFH:
Vilja með f iskeldið í
sjávarútvegsráðuneyti
Landssamband fiskeldis- og haf-
beitarstöðva hefur kynnt þremur
ráðherrum ríkisstjórnarinnar
stefnu Landssambandsins, þarsem
tekin er afgerandi afstaða til flestra
málaflokka er varða fiskeldi sem
stóra atvinnugrein á íslandi.
Friðrik Sigurðsson framkvæmda-
stjóri LFH gekk í gærmorgun á
fund forsætisráðherra og kynnti
honum stefnuskrána sem sam-
þykkt var á fjölmennum fundi
LFH, ekki alls fyrir löngu.
Málefni fiskeldis í landinu bar á
góma þegar gengið var frá stjórnar-
sáttmálanum við myndun ríkis-
stjórnarinnar. Það erskoðun Friðr-
iks að þessi málaflokkur hafi þar
verið látinn sitja á hakanum „sem
oft áður“.
Viljaí
sjávarútvegsráðuneytið
„Sjávarútvegsráðuneytið fer
meðyfirstjórn fiskeldismála. Kom-
ið verði á laggirnar eigin fiskeldis-
deild innan ráðuneytisins er fari
með málefni fiskeldisins," segir
orðrétt í stefnuskránni. Með þessu
hafa fiskeldismenn flykkt sér um
þá skoðun að yfirstjórn skuli vera
í sjávarútvegsráðuneytinu en ekki
í landbúnaðarráðuneytinu eins og
ráðið hefur verið af lögum um lax-
og silungsveiðar. LFH bendir á að
afurðir fiskeldisins séu útflutnings-
vara og þurfi þeir að ná til sömu
markaða og aðrir sjávarútvegsaðil-
ar. Landbúnaðarráðuneytið aftur
á móti sé ekki útflutningsráðuneyti
að sama skapi. Fjármögnun fisk-
eldis sé líkust því sem gerist al-
mennt í sjávarútvegi og benda þeir
máli sínu til stuðnings á ábyrgð þá
sem Fiskveiðasjóður hefur axlað
fyrir fiskeldið. í þriðja lagi er bent
á að framtíð fiskeldis liggi í hafinu,
bæði hvað varðar eldisaðferðir og
brautryðjendastarf, þar sem horfa
verður til sjávarins með nýjar teg-
undir í huga í eldi.
Reglugerðar-
atvinnugrein
Meðal þess sem Friðrik Sigurðs-
son hefur rætt við ráðherra er að
lagafrumvarp verði samið um fisk-
eldið, og að það verði stutt og
skýrt, en reglugerðir taki til sér-
hæfðari mála innan fiskeldisins.
Ástæða þess að LFH hvetur til
reglugerðarsetningar í stað viða-
mikils lagabálks segja þeir vera að
mjög ör þróun eigi sér stað í
atvinnugreininni og hafi það komið
í Ijós á síðustu árum. Sem dæmi
nefndi Friðrik í samtali við Tímann
að í upphafi hafi menn hópast í
seiðaeldi en nú sé aftur vaxandi
áhugi fyrir matfiskéldi. Hvoru-
tveggja fylgja sérhæfð vandamál
sem leysa þarf og oft með tilliti til
reglugerðar.
Óskilgetinn
hvítvoðungur
LFH-menn kalla sig gjarnan í
gríni óskilgetna hvítvoðunginn.
Gríninu sleppir þó fljótlega þegar
farið er að skoða hver meiningin er
með þessu. Það er almenn skoðun
þeirra og verður að teljast á rökum
reist að lög þau sem fella atvinnu-
greinina undir landbúnaðarráðu-
neytið séu lög um lax- og silungs-
veiðar, um tuttugu ára gömul. Þar
er aðeins vikið að fiskirækt en á
engan hátt í jafn stórum stíl og
fiskcldið er orðið í dag. Áform eru
uppi um byggingu fjölda eldis-
stöðva og er því brýnt að gera
eitthvað sem fyrst. „Það vilja allir
kannast við okkur en þegar á
brattann sækir kemur í ljós að
enginn vill gangast við hvítvoð-
ungnum og má því segja að fiskeld-
ið sé enn óskilgetið. Kannski að
Halldóri Ásgrímssyni takist að ætt-
leiða okkur en það er þó háð
útkomu ríkisstjórnarumræðu,“
sagði Friðrik.
Samhæfð sala
Á fjölmörgu er tæpt í stefnu-
skránni. Meðal annars rætt um
„Sölu og markaðsmál" og „Gæða-
staðla og eftirlit". Segir í stefnu-
skránni að útflytjendur skuli hafa í
höndum sölu- og markaðsmál í
samvinnu við LFH og með því
samhæfa sölur og veita aðstoð við
þær. Varðandi gæðastaðla og eftir-
lit vill LFH setja reglur um gæða-
Frá Pólariaxi. LFH hefur nú flykkt sér um þá skoðun að yfírstjórn þeirra
mála skuli vera í sjávarútvegsráðuneytinu.
flokkun bæði lifandi og fullunninna
afurða og skal það vera í höndum
framleiðenda og seljenda eftir
staðli LFH. Ástæða þessa er m.a.
sú að eitthvað hefur verið um að
hráefni sem ekki telst fyrsta flokks
hafi verið sent út. Hefur þar verið
um að ræða snemm-kynþroska
hænga sem hafa útlitsleg lýti,
þ.e.a.s. fiskurinn er brúnleitur í
stað hins bleik-rauða litar.
Atvinnulausir
akademíkarar
„Komið verði á Samhæfingar-
ráði fiskeldisrannsókna," segir í
stefnuskránni. Um þennan lið
sagði Friðrik framkvæmdastjóri að
flest allar stofnanir sem á annað
borð annast rannsóknarstarf fyrir
sjávarútveginn væru með eitthvað
í gangi en hann hefði á tilfinning-
unni að sum verkefnin væru frekar
til þess fallin að skapa atvinnu
handa atvinnulausum akademíker-
um heldur en að hafðir væru að
leiðarljósi hagsmunir atvinnu-
greinarinnar. „Síðan segja menn
að svo og svo miklum peningum
hafi verið veitt til rannsókna en
árangurinn sé ekki meiri en þetta,“
sagði Friðrik.
Til þess að koma í veg fyrir að
peningum sé eytt í tilgangslitlar
rannsóknir verði sett á laggirnar
sameiginlegt ráð, þar sem allar
stofnanir sem nú annast rannsóknir
ættu fulltrúa. Um er að ræða
rannsóknarstofnanirnar, Hafrann-
sóknarstofnun, Rannsóknarstofn-
un fiskiðnaðarins, Veiðimáiastofn-
un, Rannsóknarstofnun landbún-
aðarins, Tilraunastöðvar Háskól-
ans í meinafræðum, Líffræðistofn-
un Háskóla Islands og Orkustofn-
un ásamt fleiri aðilum sem stunda
rannsóknir í tengslum við fiskeldi.
LFH hefur gagnrýnt að þau
verkefni sem til rannsóknar eru
hverju sinni skuli ekki vera ákveðin
í samráði við þá. Því setja þeir
fram nokkurskonar óskalista, þar
sem tæpt er á forgangsverkefnum
á rannsóknarsviðinu.
Fjöldinn allur af málum er reif-
aður í stefnuskránni og ekki tök á
að gera þeim öllum skil hér. -ES
Handar*
brotnaði í
beygingarvél
Sautján ára drengur fór með hend-
urnar í beygingarvél í vélsmiðju í
Hafnarfirðinum um hádegisbil í gær.
Var hann að beygja járn í vélinni,
þegar slysið átti sér stað og brotnaði
hann illa á báðum höndum, er m.a.
handarbaksbrotinn á annarri hendi.
Hann var strax fluttur á slysadeild
Borgarspítalans.
- SÓL
VSÍ og ASÍ:
SAMNINGAFUNDUR
FÓR ÚT UM ÞÚFUR
Fundur ASÍ, VSÍ og VMS, í
gær, þar sem ræddar voru tillögur
Vinnuveitendasambandsins og
Vinnumálasambandsins að kjara-
samningi fór út um þúfur. Forystu-
menn ASÍ og landssamtaka þess
höfnuðu alfarið tillögunum sem
umræðugrundvelli og var ekki boð-
að til nýs fundar.
Að mati forystumanna VSÍ kall-
ar 7,23% hækkun þann 1. október,
samkvæmt ákvörðun launanefndar
ASÍ og VSÍ, á að fella þurfi gengið
og óðaverðbólgu. Forystumenn
VSÍ segja tillögur sínar rniða að
því að verja hátt kaupmáttarstig
hér á landi og að þær hygli aðeins
hinum lægst launuðu.
Talsmenn ASÍ sögðu það ekki
skikkanleg vinnubrögð að VSÍ, í
samvinnu við ríkisvaldið hótaði
almennri óáran, verði ekki farið að
tillögum þeirra og töldu tillögunum
flest til foráttu. - phh
Grunaöir um hassinnflutning:
Tveirígæslu
Tveir menn, íslendingur og Dani,
hafa verið úrskurðaðir í 10 daga
gæsluvarðhald, grunaðir um inn-
flutning á hassi.
Ásamt þeim voru nokkrir aðrir
handteknir á föstudaginn af fíkni-
efnalögreglunni, ýmist í Reykjavík,
eða á Keflavíkurflugvelli. Húsleitir
voru gerðar á föstudegi og laugar-
degi og fannst þar lítið magn af
amfetamíni og hassi.
Öllum aðilum sem handteknir
voru var sleppt, nema þeim tveimur
ofantöldu. -SÓL