Tíminn - 25.09.1987, Blaðsíða 19
Föstudagur 25. september 1987
Tíminn 19
SPEGILL
Arabískir hryðjuverkamenn munu
ræna Sylvester Stallone... Joan
Collins og Victoria Principal slást
um Harry Glassman, eiginmann
Victoriu... Fergie verður ólétt að
tvíburum... Oliver North verður
frægur sjónvarpsmaður með eigin
þátt ... o.s.frv.
Þetta er aðeins smásýnishorn
af spádóntum bandarísku spá-
konunnar Florence Vaty, sem
býr í Kaliforníu. Þaðan sendir
hún frá sér einu sinni á ári
spádómspistla um frægt fólk.
Þetta er mikið lesið, en ekki
höfum við neinar fréttir um áreið-
anleika spásagnanna.
gamm-
inn geysa
Söngvarinn Boy George fer í kyn-
skipta-aðgerð.
Joan og Victoria fara í hörkuslag
út af Harry Glassman, eigin-
manni Victoriu.
Kaliforníu
Fergie gengur með tvíbura, - segir spákonan!
Það helsta sem fram kom í
nýjustu pistlum Vaty spákonu
var m.a. :
- Michael Jackson og Eddie
Murphy munu leika saman í
söngleik eða söng- og danskvik-
mynd, sem eykur enn á vinsældir
þeirra.
- Joan Collins og Victoria
Principal leika saman í kvikmynd
og þá kemur til mikilla átaka milli
þeirra, því Victoria ásakar Joan
fyrir að hún sé að reyna við
eiginmann sinn, Harry
Glassntan. Joan bregst reið við
og neitar og úr þessu verða áflog
milli fegurðardísanna!
- Fergie, eiginkona Andrews
prins, tilkynnir að hún gangi með
tvíbura, en það munu þá, ef rétt
reynist, fyrstu tvíburarnir í
bresku konungsfjölskyldunni.
- Boy George mun gangast
undir skurðaðgerð til kynbreyt-
ingar, svo hann geti löglega gifst
síðasta kærastanum sínum.
- Sly Stallone verður fyrir því,
við upptöku í ísrael á enn einni
Rambo-mynd, að arabískir
ntannræningjar taka hann
höndum. Björgunarlciðangri - í
Rambóstíl -sem kostaður verður
af Elton John poppsöngvara,
tekst að bjarga Stallone.
Margt Áeira er í þessum spá-
dómum, svo sem að Stephanie
Mónakó-prinsessa falli næst fyrir
öldruðum leikara í Hollywood,
sem einu sinni var ástfanginn af
Grace móður hennar.
- ... og Burt Reynolds og
Loni Anderson munu loks láta
verða af því að gifta sig og verður
það „brúðkaup ársins".
Kvikmyndahátíðin í Laugarásbíói
She’sGottaHavelt
Hún veröur aö fá’ða
Bandaríkin 1986
Leikstjóri: Spike Lee. Handrit: Spike Lee.
Kvikmyndataka: Ernest Dickerson. Hijóö:
Barry Alexander Brown. Tónlist: Bill Lee.
Lengd: 84 mín. Aðalhlutverk: Tracy Camilla
Johns, Tommy Redmond Hicks, John Canada
Terrell, Spike Lee. Raye Dowell. Framleið-
andi: Forty Acres and a Mule Filmworks.
Dreifingaraðili: Island Pictures. Hátíðir:
Cannes, Edinburgh o.fl.
She’s Gotta Have It kom á óvart
í Cannes 1986, varð vinsæl af
orðspori vann Prix de Jeunnesse
og gagnrýnendur kölluðu Spike
Lee „hinn svarta Woody Allen“. Á
kvikmyndahátíðinni í San Fran-
cisco stóðu áhorfendur upp og
klöppuðu myndinni lof í lófa. „Og
þessir áhorfendur", segir Spike
Lee, „voru ekki einu sinni úr minni
fjölskyldu". Með þessu á Lee við,
að honunt hafi tekist að gera mynd,
sem lýsir lífi og tilfinningum svert-
ingja, með öðrum hætti en almennt
er gert á hvíta tjaldinu. Mynd, sem
bæði hvítir og svartir vilja sjá.
Nola Darling er miðpunktur
myndarinnar. Um hana snúast
karlmennirnir þrír, sem deila með
henni rúmi, - eftir því sem hún
ákveður. Jamie er sá rómantíski,
sem lítur á Nolu sem sinn eina
sanna lífsförunaut; Greer er hinn
sjálfselski líkamsræktarmaður, þar
sem útlitið skiptir öllu („þegar við
göngum saman á götu, snúast
hausar") og Mars, litli fyndni
maðurinn (leikinn af Spike Lee)
fær Nolu til að hlæja.
Nola getur ekki með nokkru
móti gert það upp við sig, hvern
■þeirra hún elskar mest, en þar sem
þeir vita allir hver af öðrum, reyna
þeir að fá hana til að taka ákvörð-
un, en í augunt Nolu mynda þeir
eina heild, svo það er erfitt að velja
og hafna.
She’s Gotta Have It er frískleg
mynd um líf og lífsviðhorf ungra
svertingja í Brooklyn, gerð af litl-
um efnum á 12 dögum í júní 1985.
„í bandarískum kvikmyndum
hafa svertingjar alltof oft orðið að
horfa upp á Hollywood segja sína
sögu“, segir Spike Lee. „Ég er
ákveðinn í að breyta því, þó það
verði í litlum mæli. Við eigum ekki
það þurfa að leita til Spielbergs og
félaga til að skýrgreina okkar líf.
Svertingjar eiga að framleiða sínar
eigin kvikmyndii;Punktur.“
Liangjia funu
Stúlka af góöu fólki
Kína 1985
Leikstjóri: Huang Jianhong. Handrit: Li Kuand-
ing. Kvikmyndataka: Yun Wenyao. Lengd:
110 min. Enskur texti. Aðalhlutverk: Cong
Shan, Zhang Weixin, Wang Jiayi, Liang Yan,
Zhang Jian, Ji Peijie. Framleiðandi: Beijing
Film Studio. Dreifingaraðili: China Film Export
and Import Corp. Hátíðir: Rotterdam, Edin-
borg, Montreal, London.
Kínversk kvikmyndagerð hefur
í gegnum árin þurft að þóknast
duttlungum stjórnmálamanna.
Eins og flestir vita hefur menning-
arstefna stjórnvalda verið mikið á
reiki undanfarin ár. Það sem þótti
rétt í gær gat verið rangt á morgun.
Það má því nærri geta að það hefur
verið miklum erfiðleikum bundið
að stunda frjálsa kvikmyndagerð í
Kína. Hugmyndir vesturlandabúa
um kínverskar kvikmyndir eru
byltingaróperur í undurfurðuleg-
um litum.
Nú er öldin önnur, kínversk
kvikmyndagerð hefur getið sér gott
orð á allra síðustu árum. Ný kyn-
slóð kvikmyndagerðarmanna er
komin til sögunnar sem leggur
niinni á áherslu á pólitískan boð-
skap mynda sinna. Viðfangsefni
sín sækja þeir gjarnan í skáldsögur
eða fjalla um utangarðshópa í
kínversku samfélagi.
Sú mynd sem kvikmyndahátíð
kynni fjallar um stöðu konunnar.
Sögusvið myndarinnar er lítið
fjallaþorp í Kína á jólunum 1949.
Átján ára stúlka er látin giftast sex
ára dreng. Kringum hið einangraða
þorp geisar borgarastyrjöldin en
hún er aðeins undirtónn til þess að
leggja áherslu á einangrun stúlk-
unnar. Þessu óvenjulega sambandi
er lýst á næman hátt með fallegum
Ijóðrænum stemmningum þar sem
sögupersónum er stillt á móti
hrjóstrugu landslaginu uppfullu af
kynferðislegu táknmáli. Hljóðrás-
in er að miklu leyti fallegur söngur
sem undirstrikar vel einfaldleikann
og fegurðina. Þetta er hæg og
falleg mynd sem hrífur þá sem gefa
sig henni á vald.
Come and See
Komiö og sjáið
Sovétríkin 1985
Leikstjóri: Elem Klimov. Handrit: Alexander
Addamovich og Elem Klimov. Kvikmyndataka:
Alexei Rodionov. Tónlist: Oleg Yanchenko.
Lengd: 145 mín. Enskur texti. Aöalhlutverk:
Alexei Kravchenko, Olga Mironova. Framleið-
andi: Belarusfilm, Mosfilm Studios. Dreifingar-
aðili: Sovexportfilm. Hátíðir: Moskva gullverð-
laun 1985.
Sögusvið myndarinnar er síðari
heimsstyrjöldin. Nasistar flæða inn
í Rússland. Heilu þorpin eru máð
út af landakortinu. Myndin fjallar
um eitt slíkt þorp. Aðalpersónan
er drengur sem finnur riffil og
hyggst ganga í lið með andspyrnu-
hreyfingunni. Hryllingur stríðsins
Föstudagur 25. september
Salur A
Kl. 15.00 Hún verður að fá'ða
Kl. 17.00 Hún verður aö fá'ða
Kl. 19.00 Hún verður að fá'ða
Kl. 21.00 Yndislegur elskhugi
Kl.23.00 Komið og sjáið
er síðan séður gegnum barnsaugu
líkt og hjá Tarkovsky í Æsku
ívans. Það sem drengurinn upplifir
er eitt logandi helvíti á jörðu.
Meðal ódæðisverka nasista sem
hann upplifir er þegar þorpsbúum
er smalað inn í kirkju og síðan er
kveikt í. Af þessum lýsingum ætti
fólki að vera ljóst að myndin er
ekki fyrir viðkvæmar sálir en við-
bjóðurinn er líklega sá, að því
miður eru flest atriðin sannsögu-
leg. Enda hefur myndinni verið
líkt við ódauðlegan minnisvarða
yfir gröfum fórnarlambanna. Eitt
er víst að myndin er ein magnað-
asta lýsing á stríði sem gerð hefur
verið. Amerískar stríðsmyndir á
borð við Platoon verða að sápuóp-
erum í samanburði við þessa mynd.
Áhorfandinn er negldur niður í
sætið á meðan þessi 145 mínútna
Salur B
Kl. 15.00 Genesis
Kl. 17.00 Ár hinnar kyrru sólar
Kl. 19.00 "Frosni hlébarðinn
Kl. 21.00 "Genesis
Kl. 23.00 Matador
hryllingssinfónía hellist yfir hann.
Leikstjórinn Elem Klimov var
áður þekktur fyrir gamanmyndir
sínar en eftir að eiginkona hans,
leikstjórinn Larisa Shepitko, lést í
bílslysi ásamt nánustu samstarfs-
mönnum hefur hann tekist á við
alvarlegri hluti. Larisa var að taka
kvikmynd sem hét Vertu sæl Mat-
iora þegar hún lést. Klimov lauk
þeirri mynd sem gerð er eftir
skáldsögu Valentin Rasputin. Síð-
an gerði hann myndina Larisa sem
er tileinkuð minningu eiginkon-
unnar. Þess má geta að meistara-
verk Larisu, Seigla, var sýnt hér á
fyrstu kvikmyndahátíðinni 1978.
Elem Klimov er nú formaður í
félagi kvikmyndagerðarmanna og
hefur því mikilvægu hlutverki að
gegna í þcirri þíðu sem skapast
hefur í sovéskri kvikmyndagerð.
SalurC
Kl. 15.00 Stúlka af góðu fólki
Kl. 17.10 Hnifurinn í vatninu
Kl. 19.00 "Stúlka af góðu fólki
Kl. 21.10 Hinn sjötti dagur
Kl. 23.00 Hasarmynd (Comic Magazine)
* = leikstjórar viðstaddir
’*=síðasta sýning
DAGSKRÁIN í DAG