Tíminn - 03.10.1987, Blaðsíða 17
Tíminn 17
Laugardagur 3. október 1987
MINNING
Gunnhildur
Guðmundsdóttir
Fædd 17. ágúst 1904
Dáin 24. september 1987
I dag verður jarðsungin frá
Landakirkju í Vestmannaeyjum
Gunnhildur Guðmundsdóttir,
ömmusystir mín.
Hún fæddist 17. dag ágústmánað-
ar 1904 á Akrahóli í Grindavík,
dóttir hjónanna Gyðríðar Sveins-
dóttur (1862-1946) og Guðmundar
Magnússonar (1867-1911), sjó-
manns og síðar verkamanns. For-
eldrar Guðmundar voru Magnús
Magnússon f. um 1838 og Gunnhild-
ur Pálsdóttir f. um 1842. Var Guð-
mundur elstur barna þeirra en þau
munu hafa verið 4 að tölu.
Móðir Gunnhildar heitinnar,
Gyðrfður, var komin af Jóni Stein-
grímssyni prófasti, sem fyrir löngu
er þjóðkunnur af merkri æfisögu
sinni. Var hún dóttir Sveins Pálma-
sonar (1816-1896) bónda f Björns-
koti, hjáleigu frá Ásólfsskála undir
Eyjafjöllum, og konu hans Gyðríðar
Bjarnadóttur. Sveinn var sonur
Pálma Jónssonar, hvers móðir var
Guðný, dóttir Jóns „Eldklerks“.
Systkini Gunnhildar voru: María
Kristín Ágústa f. 1894. Dó ung af
berklum. Guðmundur Max á Rangá,
f. 1898, d. 1975. Svienbjörn f. 1901,
d. um 1940. Petrína f. 1908 í
Reykjavík en hin í Grindavík.
Gyðríður eignaðist dóttur, Gróu
Sesselju að nafni, áður en hún
kynntist eiginmanni sínum.
Foreldrar Gunnhildar fluttu með
börnin til Reykjavíkur 1907. Bjuggu
þau að Lindargötu 5, en það hús
mun hafa staðið á auðu lóðinni milli
Hæstaréttarhússins og íþróttahúss
Jóns Þorsteinssonar. í byrjun aldar-
innar hefur mikill uppgangur verið í
atvinnulífi landsmanna og ekki síst í
höfuðborginni. Skútuöldin svo-
nefnda í algleymingi en nýir tímar í
augsýn. Skúturnar höfðu gefið góð-
an arð, „en ekki voru þær þó til þess
fallnar að verða að almennri lyfti-
stöng undir betri efnahag lands-
manna,“ segir Agnar Kl. Jónsson í
riti sínu um Stjórnarráðið. Eigi var
hafin vinna við hafnargerð í
Reykjavík fyrr en 1913 og mun það
hafa verið mjög erfið vinna að ferma
og afferma skip á þessum árum. Að
sögn Björns Jónssonar, síðar ráð-
herra, er lýsing aðalbryggju
Reykjavíkur heldurólagleg:....við-
gerðinni ... er lokið fyrir skömmu
með þeim prýðilega árangri, að
hálfklofinn er frá og siginn austur-
jaðarinn á henni (bryggjunni) að
framan alllangt uppeftir og hitt þó
verra, að nú er fullyrt, að alls ekki sé
við hana lendandi nema í blíðviðri
og sjóleysu," (ísafold 5. tbl. 34.
árg.) Svona var ástand hafnarinnar
árið sem Guðmundur fluttist til
Reykjavíkur.
Margir hafa lýst hafnarvinnunni
og eitt er víst að allt það strit við
kolaburð, saltburð, útskipun á fiski
o.fl. o.fl. hefur ábyggilega gert út af
við margan alþýðumanninn á met-
tíma. Vinnutíminn hlýtur að hafa
verið bæði langur og strangur, að-
stæður fyrir neðan allar hellur og
engin tæki fyrir hendi að létta fólki
vinnuna. Eftir 4 ára búsetu í höf-
uðstaðnum fellur Guðmundur frá,
sjálfsagt útslitinn um aldur fram.
Hann hafði framfleytt fjölskyldu
sinni þessi síðustu ár sín af þræl-
dómnum við höfnina.
Heldur hafa áttir verið óvissar hjá
ekkjunni með barnahópinn,
Gunnhildur 7 ára gömul. Þegar neyð-
in er stærst er hjálpin næst. Ættfólk
og vinir austur í sveitum munu hafa
leyst sem best úr, eftir því sem
aðstæður og efni hafa leyft. Eyja-
fjöllin fögur og gróðurrík með „silf-
urbláan Eyjafjalla tind“ eins og
skáldið komst að orði, urðu heim-
kynni Gunnhildar. Þaðan er Björg-
vin Pálsson sem Gunnhildi hefur
verið traustur lífsförunautur í yfir 60
ár. Snemma fluttu þau til Vest-
mannaeyja þar sem Björgvin starf-
aði við verkstjórn í áraraðir. í Eyjum
undu þau sér vel, börnin og síðar
barnabörnin uxu þarskjótt úrgrasi.
Það urðu mikil tíðindi er fréttist
um eldgos svo að segja við bæjardyr
Vestmannaeyinga aðfaranótt 23.
janúar 1973. þau Björgvin og Gunn-
hildur urðu sem aðrir að leita undan
þessum hrikalegu náttúruhamför-
um. Það hlýtur að hafa verið þeim
erfið spor að slíta sig upp frá þeim
stað sem þeim hafði lengi verið kær.
í annað sinn settu þau saman heimili
í Hveragerði, sem ætíð stóð vegmóð-
um ættingja opið. Ómæld birta og
ylur stafaði þaðan langt, langt, yfir
fjöll og heiðar. Hjartagæskan og
kærleikurinn ásamt regluseminni og
látlausri lífsstefnu var hvarvetna í
fyrirrúmi.
Gunnhildi var ýmislegt til lista
lagt. Hún setti saman vísur við hin
ólíklegustu tækifæri. Má rétt ímynda
sér hversu oft léttist fólki brún og
brá, þegar Gunnhildur fór með vís-
urnar sínar.
En - „nú er skarð fyrir skildi,
nú er svanurinn nár á tjörn“.
Það eru góðar minningar tengdar
Gunnhildi Guðmundsdóttur. Björg-
vini, börnunum og barnabörnunum
sem og öllum vandamönnum er
vottuð innilegust samúð. Með þeirri
einlægu ósk að góðar minningar um
góða konu megi draga sem mest úr
tárum og trega.
Guðjón Jensson
Mosfellssveit.
Illlllllllllllllllllllll MINNING Illlllllllllllllllllllllllll
Gyða Guðmundsdóttir
húsfreyja
Síöumúlaveggjum
Fædd 20. febrúar 1928
Dáin 18. september 1987
Laugardaginn 26. september s.l.
var kvödd frá Síðumúlakirkju í Hvít-
ársfðu frú Gyða Guðmundsdóttir
húsfreyja á Síðumúlaveggjum í
sömu sveit. Útförin fór fram í kyrr-
þey að ósk hinnar látnu. Gyða var
fædd í Reykjavík hinn 20. febrúar
1928, ein af 6 börnum þeirra hjóna
Agnesar Erlendsdóttur og Guð-
mundar Axels Jónssonar, sem bæði
voru ættuð úr Reykjavík.
Uppvaxtarár st'n dvaldi Gyða að
mestu í Reykjavík en var þó á
sumrum í sveit, eins og þá var
algengt, dvaldi hún þá m.a. á Síðu-
múlaveggjum. Gyða lauk skóla-
göngu sinni með því að setjast í
Iðnskólann í Reykjavík og ljúka
þaðan námi í hárgreiðslu. En sveitin
heillaði ungu stúlkuna, og árið 1950
gekk hún að eiga eftirlifandi eigin-
mann sinn, Guðmund Þorgrímsson
og tóku þau þá við búi á Síðumúla-
veggjum af foreldrum Guðmundar,
þeim Guðrúnu Guðmundsdóttur og
Þorgrími Einarssyni. Guðrún lést
árið 1964 en Þorgrímur hefur átt
heimili á Síðumúlaveggjum og unnið
þar að búi sonar síns.
Á Síðumúlaveggjum er nú hið
reisulegasta býli og auðséð að þar
hefur samheldni setið í fyrirrúmi
hvað varðar umgengni alla jafnt
utandyra sem innan.
Gyða og Guðmundur eignuðust 6
börn saman en áður hafði Gyða
eignast eina dóttur, Ernu Einars-
dóttur Júlíussonar frá Akranesi.
Erna býr á Sveinsstöðum í Dala-
sýslu. Nöfn barna Gyðu og Guð-
mundar fara hér á eftir í aldursröð.
Finnur, Guðrún Kristín og Guðjón
sem öll búa á Akranesi. Þóra, býr á
Selfossi, Agnes býr á Síðumúla-
veggjum og Helga sem enn er í
föðurhúsum. Allt er þetta hið mesta
myndar og dugnaðarfólk.
Barnabörnin eru nú orðin 12 að
tölu. Það er erfitt að koma tilfinning-
um sínum og hugsunum á blað þegar
minningarnar um ástkæra tengda-
móður líða um hugann. Gyða var
hreinskiftin kona og sagði meiningu
sína á hlutunum umbúðalaust. Hún
var sannur talsmaður landbúnaðar-
ins en var ekki alltaf sammála
stefnu ráðamanna í þeim efnum.
Við ræddum oft þessi mál, og þá
sérstaklega nú hin seinni árin eftir að
við hjónin fórum að starfa við land-
búnað. Gyða var harðdugleg kona
og þekkti nánast engin takmörk sér
til handa í þeim efnum. Gyða veikt-
ist nokkuð snögglega nú í byrjun
sumars og kom þá í ljós að um
illkynja sjúkdóm var að ræða og að
ekkert yrði við hann ráðið. Er ég
heimsótti Gyðu í síðasta sinn á
sjúkrahúsið á Akranesi var mjög af
henni dregið og tjáði hún mér þá að
nú væri hún farin að þrá hvíldina,
enda væri hún sátt við sitt hlutskifti
í lífinu bæði gagnvart Guði og
mönnum.
Gyða lést í sjúkrahúsinu á Akra-
nesi 18. septembersíðastliðinn. Égvil
leyfa mér fyrir hönd aðstandenda að
þakka læknum og hjúkrunarfólki á
Akranesi fyrir góða umönnun henni
til handa síðustu vikurnar. Gyðu
Guðmundsdóttur mun ég ætíð minn-
ast með virðingu og þökk fyrir þau
ár sem hún gaf mér og mínum af lífi
sínu. Hér skilja leiðir í bili.
Samúð mína votta ég eiginmanni,
öldruðum tengdaföður, börnum,
barnabörnum og öðrum vanda-
mönnum og vinum hinnar látnu.
Blessuð sé minning Gyðu Guð-
mundsdóttur.
Guðbjartur A. Björgvinsson
Línumenn - línumenn
Aðalfundur félags íslenskra línumanna verður
haldinn laugardaginn 10. okt. kl. 13.00 í Félags-
miðstöðinni Háaleitisbraut 68.
Fundarefni:
1. Venjuleg aðalfundarstörf
2. Kjaramálin
3. Kosning fulltrúa á 9. þing R.S.Í.
4. Önnur mál
Stjórnin
Laust starf
Vita- og hafnarmálaskrifstofan óskar að ráða
skrifstofumann í vélritun og bókhald. Umsóknir
ásamt upplýsingum sendist fyrir 9. okt. Hlutastarf
kemur til greina.
Vita- og hafnamálaskrifstofan
Seijavegi 32, Reykjavík
Sími27733
Sumarhús til sölu
Lítill sumarbústaður, 20 fm. + svefnloft til sölu,
tilbúinn til flutnings. Hentugt fyrir ferðaþjónustu
bænda. Upplýsingar í síma 91-38872 eftir kl. 17.
Hjartans þakkir og kveðjur til fjölskyldu minnar, vina
og frænda sem glöddu mig með góðum gjöfum,
símskeytum, viðtölum og heimsóknum á 80 ára
afmæli mínu 18. sept. sl.
Sigrún Baldvinsdóttir
t
Þökkum innilega samúð og hlýhug við andlát og jarðarför sonar okkar,
dóttursonar, föður og bróður
Péturs Þórs Magnússonar
Ingibjörg Pétursdóttir Magnús Karl Pétursson
Guðríður Kristjánsdóttir Pétur Sigurðsson
börn og systkini
t
Innilegar þakkir færum við þeim fjölmörgu, sem sýndu okkur samúð
og vinarhug við andlát og útför eiginmanns míns, föður okkar,
tengdaföður og afa
Eiríks Erlendssonar
Leirubakka 12, Reykjavík
Sérstakar þakkir til starfsfólks Vífilsstaðaspítala.
Björg Jónsdóttir
Katrín Eiríksdóttir, Sveinn Guðlaugsson
Sigbjörg E. Eiríksdóttir, Pjetur M. Helgason
og barnabörn
Innilegar þakkir fyrir auðsýnda samúð og vinarhug við andlát og útför
eiginmanns míns, föður, fósturföður, bróður, tengdaföður, afa og
langafa okkar
Friðþjófs Baldurs Guðmundssonar
útvegsbónda fró Rifi
Sérstakar þakkir færum við öllu starfsfólki á sjúkrahúsi Stykkishólms
fyrir frábæra umönnun
Halldóra Kristleifsdóttir
Ester Friðþjófsdóttir
Sævar Friðþjófsson
Svanheiður Friðþjófsdóttir
Kristinn J. Friðþjófsson
Sæmundur Kristjánsson
Hafsteinn Björnssson
Guðbjörg Guðmundsdóttir
Marfa Guðmundsdóttir
Helga Hermannsdóttir
Jóhann Lárusson
Þorbjörg Alexandersdóttir
Auður Grímsdóttir
Steinunn Júlíusdóttir
Katrfn Guðmundsdóttir
Ásta Guðmundsdóttir
barnabörn og barnabarnabörn