Tíminn - 08.03.1988, Blaðsíða 2

2 Tíminn
Þriðjudagur 8. mars 1988
Undanþagur fra bílbeltanotkun:
Ekki beltaskylda við
hættulegar aðstæður
Eins og allir landsmenn vita, þurfa nú flestir að nota öryggisbelti
við akstur, en alls ekki allir og heldur ekki alls staðar.
Dæmi um slíkar undanþágur eru lögreglumenn, þegar þeir hafa
meðferðis handtekinn mann eða aðra sem hætta kann að stafa af,
leigubílstjórar þegar þeir eru við vinnu sína, og þeir aðilar sem hafa
hjartagangráð.
„Gangráðurinn sést ekki og í
lögunum er talað um undanþágur
frá beltanotkun. Þar segir að þeim
sé ekki skylt að nota öryggisbelti
sem hefur meðferðis læknisvottorð,
sem undanskilur hann notkun þeirra
af heilsufars- eða læknisfræðilegum
ástæðum. Ef viðkomandi aðili hefur
meðferðis slíkt vottorð sem hann
getur sýnt að hann sé undanþeginn,
þá er hann alveg löglegur," sagði
Ómar Smári Ármannsson, aðalvarð-
stjóri umferðardeildar lögreglunnar
í samtali við Tímann.
f>á ber ekki skylda til að nota
öryggisbclti þegar bifreið stendur
kyrr, er ekið aftur á bak, er ekið um
á bifreiðastæði, við bensínstöð, við-
gerðarverkstæði eða svipaðar að-
stæður.
„Síðan segir að ekki sé skylt að
nota öryggisbelti við akstur í at-
vinnuskyni, þar sem hraði er jafnan
lítill og hlutaðeigandi þarf að fara úr
og í bifreiðina með stuttu millibili.
Þetta myndi t.d. eiga við um útburð
eða blaðaburð, þar sem farið er hús
í hús. En það myndi ekki við um
akstur milli hverfa," sagði Ómar
Smári.
Leigubílstjórar eru, eins og áður
sagði, einnig undanþegnir bílbelta-
notkun. Ómar Smári sagði að í
þeirra tilfelli hefði öryggissjónármið
gagnvart þeim sem væru í bílnum
hverju sinni, verið sett ofar umferð-
aröryggi, enda er mjög auðvelt að
„hengja" leigubílstjóra í bílbelti úr
aftursæti.
Loks ber ekki skylda til að nota
bílbelti þegar ekið er við erfið eða
hættuleg skilyrði utan þéttbýlis, t.d.
í ófærð eða þar sem hætta er á
skriðuföllum eða snjóflóðum. Þann-
ig ber mönnum ekki skylda til að
nota bílbelti þegar Ólafsfjarðarmúli
er ekinn, eða um óvegi, eins og þeir
eru nefndir.
Ómar Smári sagði að þegar litið
væri yfir landið, fyrstu sex daga nýju
umferðarlaganna, væri þátttaka
landsmanna í umferðarátakinu mjög
góð og mun færri óhöpp hefðu verið
tilkynnt til lögreglunnar en síðustu
ár. Þannig hafa orðið 14 óhöpp á dag
frá 1. mars, en á síðasta ári urðu 24
óhöpp hvern dag fyrstu sex daga
marsmánaðar.
Samkvæmt slysatölum umferðar-
deildar hcfur þróunin orðið sú síð-
ustu þrjú ár, að slysum hefur fækkað
í febrúar, en aukist jafnt og þétt í
mars. Þannig urðu 7slys í mars 1985,
15 slys 1986 og 20 slys 1987. Haldi
þróunin áfram verða 25-30 slys í
þessum mánuði.
„Við verðum að sameinast um að
snúa þróuninni við og fækka slysun-
um helst niður í ekkert,“ sagði
Ómar Smári að lokunr. -SOL
Ólafsfjarðarmúli. Myndin er tekin í
hámúlanum. Þar er ekki skylda að
aka með bilbelti frekar en á öðrum
sambærilegum vegum.
Reykjavíkurskákmótið:
Jón L. sigraði
Jón L. Árnason náði sigri á 13.
Reykjavíkurskákmótinu, sem lauk
sl. sunnudag. Hann tók jafnteflis-
boði Sovétmannsins Mikhail Gure-
vich í síðustu umferðinni, en sá
hálfi vinningur tryggði Jóni efsta
sæti mótsins, hálfum vinningi um-
fram næsta mann, Grikkjann Ko-
tronias. Það verður ekki annað
sagt en að árangur Jóns L. sé
stórglæsilegur, hann hlaut 8,5 vinn-
inga af 11 mögulegum, og tapaði
einungis einni skák, gegn Kotro-
nias.
í 3.-6. sæti með 7,5 vinninga
lentu Margeir Pétursson, Sovét-
mcnnirnir Gurevich og Dolmatov
og Dizdar frá Ungverjalandi. í
7.-10. sæti með 7 vinninga lentu
síðan Helgi Ólafsson, Bandaríkja-
maðurinn Walter Brown, Zsuzsa
Pulgar, ein ungversku Pulgar-systr-
anna og landi hennar, Adorjan.
Þrátt fyrir að Reykjavíkurskák-
mótinu sé lokið, verður skákin án
efa áfram í sviðsljósinu, því að á
morgun hefst sterkt skákmót á
Akureyri þar sem allir okkar sterk-
ustu skákmenn taka þátt, þ.á m.
Jón L. Árnason og Jóhann Hjartar-
son, auk nokkurra þekktra er-
lendra meistara. óþh
BÚLGARÍA
SOLARPARADIS
VIÐ SVARTAHAFIÐ
VIDEÓMYNDIR Á SKRIFSTOFUNNI ALLA DAGA
DRAUMASTAÐUR
SÓLDÝRKENDA
ÍÁR
FERDAÍÍÍiVAL
Hafnarstræti 18 © 14480 - 12534