Tíminn - 08.03.1988, Side 7

Þriðjudagur 8. mars 1988
Tíminn 7
Miklaholtshreppur:
Vindorkan virkjuð
til að hita húsin
Frá fréttaritara Tímans á sunnanverdu SnsefeHs-
nesi Magnúsi Gudjónssyni Ilrútsholti II.
Nú í sumar er leið lauk Einar
Halldórsson bifvélavirki í Holti í
Miklaholtshreppi við að setja upp
vindrafstöð, er það sú eina sinnar
tegundar hér um slóðir og jafnvel sú
eina sinnar tegundar á landinu. Það
var fyrir um það bil tíu árum að sú
hugmynd kviknaði hjá Einari að
reisa rafstöð. Upp úr 1980 hófst
hann sfðan handa, safnaði að sér
efni og smíðaði þetta sfðan í hjá-
verkum. Leikur grunur á að stund-
um hafi kvöldin orðið æði löng við
þessa smíð enda ekki að furða þar
sem Einar hafði ódrepandi trú og
áhuga á þessu verki. Engu getur
Einar svarað um vinnustundafjölda,
né kostnað en víst er að tímamir eru
margir, enda er þetta hin mesta
völundarsmíð. Rafallinn getur við
bestu skilyrði framieitt mest 13 kw
en framleiðir nú um 8.kw við 5
vindstig. Rafmagnið er ieitt í ele-
ment sem hitar upp vatn í tveimur
5000 lítra tönkum og er vatninu
sfðan dæit til upphitunar í íbúðar og
verkstæðishús Einars. Húsið sem
vatnstankamir em í, sem er að
mestu í kafi í jörðinni, er hiaðið úr
vikursteini með steyptri bæði efri og
neðri plötu. Niður úr húsinu miðju
stendur súla sem mastrið er fest á,
en mastrið er um 9 metra hátt og er
rafstöðinni húkkað ofan á það.
Spaðamir em úr trefjaplasti og em
5 metrar í þvermál, skurðbreytibún-
aður er á spöðunum og er hann
sjálfvirkur. Ekki er hægt enn sem
komið er að segja til um hvort Kári
gamli einn getur séð um upphitun
hjá Einari, það getur tíminn einn
leitt í ljós, en hitt er víst að mikið
getur hann hjálpað til að minnsta
kosti þegar vel liggur á honum. Einar Halldórsson við vindrafstöðina. Tímamynd: Magnús
Sverrir Hermannsson
um Sjálfstæðisflokkinn:
Uppgjörið sex
árum of seint
„Það er alltaf auðvelt að vera vitur eftirá. Nú blasir það við,
að 1980 átti skilmálalaust að víkja þeim úr flokknum, sem rufu
allt bræðralag hans með ríkisstjórnarmyndun. Auðvitað hefði
flokkurinn klofnað þá einnig. En það hefði verið á forsendum
brigða, sem fljótlega hefði verið bitið úr nálinni með, og eigi síðar
en með ömurlegasta niðurlagi, sem ein ríkisstjóm hefir nokkra
sinni beðið.“
Þetta segir Sverrir Hermannsson
um uppgjör innan Sjálfstæðis-
flokksins í bréfi til ritstjóra Mann-
lífs í nýútkomnu hefti, en ritstjóri
þess blaðs fór þess á leit við Sverri
að hann skrifaði endurminningar
sínar sem ráðherra í blaðið. Gerir
Sverrir það á glöggan og skilmerki-
legan hátt og fylla skrif hans marg-
ar síður.
Um uppgjörið segir Sverrir enn-
fremur, að hann hafi verið þeirrar
skoðunar 1986 að nauðsyn bæri tii
að Albert Guðmundsson segði af
sér sem ráðherra, á meðan á rann-
sókn á Hafskips- og Útvegsbanka-
málinu stæði. Tillögu þess efnis
hafí hann lagt fram á þingflokks-
fundi, en Albert hafi alfarið neitað
henni.
„Framhaldið þekkja svo allir.
Tímasetning brottvikningar Al-
berts úr ráðherrastóli var eins
óheppileg og hugsast gat. Hún
varð til þess, að honum og félögum
hans tókst á öldufaldi kosninga-
spennu að koma fram flokksstofn-
un og framboðum til Alþingis.
Kiofningur flokksins var orðinn
staðreynd" segir Sverrir ennfrem-
ur.
Hann segir fleiri óþolandi fylgi-
kviila hafa fylgt því ráðaleysi að
víkja brigðamönnunum ekki úr
fiokknum 1980. Þannigþykist hver
og einn hafa leyfi til að fara sínu
fram og greiða atkvæði á Alþingi
eins og um stórmál sé að ræða.
Segir Sverrir að ekki fari á milli
mála að einstaka þingmaður sé í
stanslausum prófkjörsslag.
„Ég kaus Þorstein Pálsson ekki
sem formann Sjálfstæðisflokksins.
Ég studdi Birgi ísleif“ segir Sverrir
í Mannlífsbréfinu, en segist engu
að sfður hafa stutt Þorstein með
ráðum og dáðum og segir hann
hafa staðið sig vel miðað við að-
stæður. Þá segir Sverrir að ef
Þorsteinn hefði einhuga þingflokk
að baki sér, þyrfti hann engar
áhyggjur að hafa, enda sé agi allt
sem þarf.
Um Landsbankamálið vill
Sverrir lítið segja, nema hvað hann
hefði hugsað sig tvisvar um hefði
hann vitað hvílíkt fjaðrafok myndi
myndast út af ráðningunni.
„Þegar upp styttir eru svona mál
fljót að fyrnast, sem betur fer. Ég
held ég muni e.t.v. minnast þess
einna lengst, þegar ég las leiðara
Alþýðublaðsins laugardaginn 16.
janúar sl. um málið. Þá setti að
mér slíkan hlemmihlátur að hvalir
hlupu á land í Trékyllisvík, eins og
hjá Gröndal forðum" segir Sverrir
að lokum. -SÓL
Farsóttir í janúar:
MED KVEFOG
Reykvíkingar voru almennt ekki
við góða heilsu í janúarmánuði, ef
marka má skýrslur níu lækna og
Læknavaktarinnar sf um farsóttir í
umdæminu, sem nú eru komnar út.
Alls fengu 958 einstaklingar kvef
og aðrar veirusýkingar í efri loft-
vegum, 102 fengu iðrakvef og 70
manns fengu lungnabólgu. 8 ein-
staklingar fengu inflúensu og 30
hálsbólgu af völdum sýkla (skar-
latssótt).
Einn fékk einkirningasótt, 22
hlaupabólu, einn rauða hunda og 4
fengu hettusótt. Þá höfðu fimm
einstaklingar maurakláða og 9
höfðu lúsasmit.
Enginn hafði hins vegar kíg-
hósta, mislinga eða fékk matareitr-
un.
Kynsjúkdómar minnkuðu ekk-
ert á fyrsta mánuði ársins. 13 fengu
lekanda, einn fékk sárasótt og 35
fengu smitnæma þvagrásarbólgu
(clamydia).
Samtals var því um að ræða
1.259 tilfelli, og af þeim voru 1.090
tilfelli kvef og hálsbólga. -SÓL
Loðnufréttir:
Frystingu hætt.
Ágætis veiði hefur verið á loðnu-
miðunum síðustu daga og er loðnan
nú komin á hefðbundin mið fyrir
austan og vestan. Þannig er sæmileg
veiði um 15 sjómílur austur af Elliða-
ey og einnig út af Stokksnesi.
„Það er sama stand á henni núna
og um daginn. Það er erfitt að eiga
við hana einmitt núna, hún er komin
úr skilunum og á eftir að jafna sig“
sagði Ástráður.
Nú á eftir að veiða um 100.000
tonn af loðnu af kvótanum, en frá
upphafi er búið að veiða rúmlega
800.000 tonn.
„Þeir eru hættir að frysta loðnuna.
Hún er svo langt komin í hrygningu,
að hún er ekki frystingarhæf“ sagði
Ástráður um frystinguna.
-SÓL
Flugvél frá El Salvador í vandræöum í Keflavík:
ÓK Á MOLDARBARÐ
OG FESTIHJÓUN
Boeing 737 flugvél frá Taca
International flugfélaginu í EI Salva-
dor, lenti í hrakningum á Keflavík-
urflugvelli aðfaranótt sunnudagsins.
Flugvélin hafði flogið frá E1 Salva-
dor til Miami á Flórída, þaðan til
Nýfundnalands og var á leið til
Frakklands, en millilenti í Keflavík.
Lendingin sjálf gekk slysalaust fyrir
sig, en þegar vélin var í akstri að
Leifsstöð, ók hún út fyrir ökubraut-
ina, lenti á moldarbarði, festi þar tvö
hjól og sat pikkföst.
Ekki var hægt að losa vélina með
eigin afli og heldur ekki að beita
bílum við að draga hana inn á
brautina, eins og venja er. Því var
sótt jarðýta og var vélin komin aftur
inn á flugbrautina um miðjan sunnu-
dag. Vélin flaug síðan áfram til
Frakklands rétt fyrir klukkan 11 á
sunnudagskvöld.
Sjö manna áhöfn var um borð í
vélinni, en engir farþegar. Vélin
skemmdist ekki, að því er best
verður séð og engin meiðsli hlutust
af útafkeyrslunni. -SÓL
FULLKOMIN HOL-
PLÓTUVERKSMIÐJA
Nýlega tók til starfa holplötuein-
ingaverksmiðja ÓSs hf. í Garðabæ,
en hér er um merkilega nýjung í
byggingariðnaði að ræða hér á landi,
þar sem plötur þessar eru léttara
byggingarefni en áður hefur verið
notað á íslandi og um leið sterkari,
en því veldur framleiðsluaðferðin.
Með tilkomu holplatna verður og
hægt að auka mjög byggingarhraða
við framkvæmdir. Þess má geta að
mikið magn var flutt af holplötum til
landsins, þegar Kringlan var byggð.
Þetta er fjórða framleiðslueining-
in hjá Ós hf, sem á undanförnum
árum hefur framleitt hellur, rör og
steypu. Er nú lokið við að byggja
4300 fermetra hús yfir starfsemina.
Öll tæki og búnaður eru af nýjustu
og bestu gerð, keypt frá Finnlandi,
Noregi og Danmörku. Framleitt er
eftir leyfi frá Parma engineering í
Finnlandi, sem eru fremstir í fram-
leiðslu á vélbúnaði til holplötugerðar
og stórir framleiðendur sjálfir.
Gerðar hafa verið viðamiklar at-
huganir hjá Parma engineering varð-
andi tæknilega eiginleika holplatna
og hefur Verkfræðistofa Sigurðar
Thoroddsen verið fengin til að kynna
sér þær og staðfæra, en verkfræði-
stofa Stanley Pálssonar sér um dag-
legt eftirlit.
Þá er það nýjung að Ós hefur fyrst
framleiðenda á forsteyptum eining-
um gert samning við Rannsókna-
stofnun byggingariðnaðarins um
óháð eftirlit með allri framleiðslu
einingaverksmiðjunnar. Við gerð
samningsins var farið eftir reglum
um sambærilegt eftirlit á hinum
Holplötumar auka byggingarhraða, Norðurlöndunum. Er viðskipavin-
eru mjög sterkar og lækka nokkuð um þar með tryggt fullkomið gæða-
byggingarkostnað. eftirlit á vörunni.