Tíminn - 28.04.1988, Blaðsíða 2

2 Tíminn
Fimmtudagur 28. apríl 1988
Skýrsla loðnunefndar, vertíðina ’87-’88:
Heildaraflinn
838 tonn
Ástráður Ingvarsson hjá loðnu-
nefnd hefur nú lokið árlegri skýrslu-
gerð sinni yfir veiðar, frystingu og
móttöku loðnu og loðnuhrogna fyrir
vertíðina 1987-1988.
I skýrslunni kemur m.a. fram að
heildarloðnuaflinn varð 911.838
tonn og er þetta fjórða besta vertíðin
frá upphafi.
Alls höfðu 49 skip loðnukvóta, og
nýttu 48 þeirra sér þau réttindi, en
Heimaey Ve 1 framseldi allan kvót-
ann til annarra skipa. Fjögur skip
kláruðu ekki kvótann, 10 skip
veiddu einmitt það sem þau máttu,
en 34 skip veiddu eitthvað fyrirfram.
Af þeim skipum sem kláruðu ekki
kvótann, átti Helga III RE enn eftir
að veiða 2.118 tonn, Galti ÞH 23
tonn, Kap II 18 tonn og Þórshamar
GK 8 tonn. Eldborgin HF veiddi
hins vegar 877 tonn fyrirfram, Jón
Finnsson RE 658 tonn, Víkurberg
GK 514 tonn og Súlan EA 541 tonn,
svo nokkrir séu nefndir.
Alls voru 948.622 tonn úthlutuð
til skipanna, 41.739 tonn höfðu verið
veidd fyrirfram árið áður og 49.200
tonn voru framseld milli báta. Heild-
arkvótinn varð því 906.883 tonn.
Hjá einstökum verksmiðjum,
fékk Síldarverksmiðja ríkisins á
Siglufirði samtals 94.998 tonn af
hráefni á vertíðinni, Síldarverk-
smiðja Hraðfrystihúss Eskifjarðar
fékk 93.491 tonn, Síldarvinnslan á
Neskaupstað 84.180 tonn og Síldar-
verksmiðja ríkisins á Seyðisfirði
71.090 tonn.
Alls voru fryst á vertíðinni
1.909.610 kíló á 8 stöðum á landinu.
Guðmundur VE landaði 245.333
kílóum til frystingar í Vestmanna-
eyjum, Júpíter RE landaði 143.284
kílóum í Reykjavík og Börkur NK
landaði 133.838 kílóum til frystingar
á Neskaupstað. Mest var fryst í
Vestmannaeyjum, samtals 828.282
kíló, 388.596 kíló voru fryst í
Grindavík og 255.422 kíló voru fryst
á Neskaupstað. -SOL
Ástráður Ingvarsson sést hér í
„loðnuskyrtunni“ góðu.
Athugasemd frá Sambandi íslenskra viðskiptabanka:
Um trúnaðarbrest
Samband íslenskra viðskipta-
banka hefur áhyggjur af skrifum
sem birst hafa nú nýlega um að
persónulegar upplýsingar um við-
skiptamenn bankanna eigi að hafa
lekið út. í athugunum bankanna
hefur ekkert komið fram sem
bendir til að þessar fréttir um
vísvitandi trúnaðarbrest banka-
manna séu á rökum reistar. Þar
sem bankarnir leggja mjög mikla
áherslu á fullkomið trúnaðarsam-
band milli viðskiptamanna og
banka, hafa þær ströngu reglur um
bankaleynd, sem öllum starfs-
mönnum eru kunnar, verið árétt-
aðar. Samkvæmt 25. gr. laga nr.
86/1985 um viðskiptabanka ríkir
tvímælalaus þagnarskylda allra
starfsmanna bankanna um öll við-
skipti manna við viðkomandi stofn-
un og við ráðningu er starfsmanni
skylt að skrifa undir þagnar- og
trúnaðarheit. Auk þess eru í gangi
mjög víðtæk öryggiskerfi er varða
samskipti bankanna og Reikni-
stofu bankanna. Ekki er öðrum
leyfður aðgangur að upplýsinga-
kerfum reiknistofu en deildarstjór-
um og öðrum yfirmönnum og þá
með sérstökum lykilorðum. Þá er
starfandi á vegum Reiknistofu
bankanna sérstök öryggismála-
nefnd sem tryggja á að engar
upplýsingar geti borist frá Reikni-
stofu til annarra en viðkomandi
banka.
Ef slíkt trúnaðarsamband er
brotið er það tvímælalaus brott-
rekstrarsök viðkomandi starfs-
manns.
Bankasambandið harmar skrif í
æsifréttastíl um viðkvæm mál af
þessu tagi samkvæmt einhliða frá-
sögnum. Vissulega geta orðið mis-
tök í öllum samskiptum og geta
bankar ekki frekar en aðrir ábyrgst
að þau eigi sér aldrei stað.
Athugasemd
frá Tímanum
Tímanum þykir miður að tal um
„æsifréttir" og „einhliða frétta-
flutning" virðist vera fyrstu við-
brögð bankamanna til að svara
alvarlegum fréttum Tímans, um
upplýsingaleka úr bankakerfinu til
verðbréfasjóða. Getur blaðið ekki
annað gert en harmað slíka fram-
komu, ef þetta verða einu aðgerðir
bankastjórna til að taka á vanda
sínum, er upp hefur komið í sam-
skiptum starfsmanna þeirra við
sölumenn verðbréfasjóða og fjár-
festingarfélög. Fréttir Tímans hafa
við staðreyndir að styðjast, en
byggjast hvorki á óvandaðri blaða-
mennsku né óvild í garð banka-
manna, nema síður sé. Er það von
blaðsins að fréttirnar hafi helst
orðið til þess að herða eftirlit með
upplýsingaleka og árétta eðlilegar
kröfur um tryggingu viðskipta-
manna gegn hvers kyns baktjalda-
starfsemi einstakra starfsmanna.
-fréttastj.
Merki Ingólfs
Árleg merkjasala Björgunarsveit-
arinnar Ingólfs í Reykjavík verður
næstkomandi helgi og hefst salan á
föstudag. Mun fjöldi sölubarna
bjóða merki sveitarinnar til kaups í
Reykjavík og er það von sveitar-
manna að þeim verði tekið jafn vel
og undanfarin ár. Merkjasala þessi
er stór þáttur í fjáröflun Ingólfs.
Mun merkjasalan hefjast á föstudag,
29.apríl, og standa fram á sunnudag,
en það er l.maí.
Björgunarsveit Ingólfs starfar í
Reykjavík og innan hennar starfa
bæði leitarhópar til iandbjörgunar
og björgunar á sjó. Sveitin er skipuð
um 70 sjálfboðaliðum, sem oft þurfa
að leggja sjálfa sig í hættu til björg-
unar mannslífum og verðmætum.
Má í þessu sambandi nefna að Jón
E. Bergsveinsson, nýjasti björgunar-
bátur sveitarinnar, hefur sinnt hátt á
fimmta tug útkalla á síðasta ári.
Enginn plútóníumfarmur
um lofthelgi landsins
Utanríkisráðherra hefur gefið
fyrirmæli um, vegna fyrirhugaðra
flutninga á geislavirku plútóníum
um norðlæg svæði, að hvorki verði
veitt lendingarleyfi á íslandi fyrir
flugvélar sem hafa slíkan farm
innanborðs, né að þeim verði heimil-
að að fljúga um lofthelgi íslands.
Þessi tilkynning kemur frá utan-
ríkisráðherra vegna fyrirhugaðrar
áætlunar Breta og Japana um að
flogið verði með plútóníum frá
Manchester í Englandi eða Prestvík
í Skotlandi, um lofthelgi íslands,
Grænlands og N-Kanada til Japans
mánaðarlega frá áramótum 1992.
Fyrirhugað er að millilending til
eldsneytistöku fari fram í Anchorage
í Alaska. Stjórnvöld þar hafa lýst
yfir miklum áhyggjum vegna þessa
og hefur verið reynt að nota dóm-
stóla í Bandaríkjunum til að fá
alríkisstjórn Bandaríkjanna til að
sjá til þess að eldsneytistakan fári
ekki fram í Anchorage. Þá var bent
á það, að ef Anchorage félli úr
myndinni sem millilendingarstaður,
kæmi Keflavíkurflugvöllur til
greina.
Með þessari yfirlýsingu ráðherra
hefur verið komið í veg fyrir að
hvorki millilending né flug með
geislavirkt plútóníum innan lofthelgi
landsins verði leyfð. - ABO
Tveir 18 ára drengir bak við lás og slá:
Stálu dínamíti og
skutu í sundur hús
Rannsóknarlögreglan í Keflavík
lét loka tvo átján ára drengi inni í
fangelsi í fyrrinótt, en þeir urðu
uppvísir að því, að hafa stolið átta
kílógrömmum af dínamíti og 104
hvellhettum. Annar er úr Keflavík
en hinn úr Njarðvíkum. Þeir höfðu
þá sprengt um 100 grömm af dína-
míti og nokkrar hvellhettur uppi á
Stapa og ekki verið hættulegir öðr-
um en sjálfum sér.
Annar þeirra, sem hafði sprengi-
efnið í fórum sínum, varð hræddur
þegar hann sá í fréttum, hve hættu-
legt svo mikið magn af dínamíti
væri. Hann tók því það til bragðs að
fleygja efninu í sjóinn. Kafarar
fundu dínamítið og hvellhetturnar
um hádegið í gær eftir ábendingu
drengsins.
Drengjunum var sleppt í gær eftir
yfirheyrslur, en auk þessa kom í
ljós, að þeir áttu mikinn hlut að því
að skjóta í sundur heilt hús í Júnkar-
agerði í Höfnum fyrir fáeinum
dögum. Voru þeir fjórir saman í það
skiptið, en umræddir drengir skutu
af tveimur haglabyssum. Allt, sem
þeir réðu við, var brotið og bramlað
í Júnkaragerði. Enginn hefur búið í
húsinu um alllangt skeið. þj
„Tímaskekkja í skattalógunum"
Nokkrir þingmenn úr öllum
flokkum fengu sent bréf þar sem
vakin er athygli á misrétti í skatta-
lögunum. Hrönn Eggertsdóttir og
Ragnheiður Þorgrímsdóttir, báðar
frá Akranesi sendu bréfið.
Bréfið fjallar um ónýttan per-
sónuafslátt við skattlagningu ung-
linga, 16 ára og eldri. Þar segir
m.a. að fáir unglingar hafi nægar
tekjur yfir suinartímann til eigin
framfærslu yfir árið. Það kemur
því í hlut foreldra, eða forráða-
manna, að sjá um framfærslu
þeirra. Þrátt fyrir það falla barna-
bætur niður er barn nær 16 ára
aldri, svo og frádráttur á sköttum
einstæðra foreldra. Unglingar sem
stunda nám mestan hluta ársins ná
ekki að nýta persónuafslátt sinn og
það geta foreldrar hans ekki
heldur. Segir í bréfinu að þetta
komi sérstaklega illa við einstæða
foreldra.
Mælst er til að þessari „tíma-
skekkju“ í skattalögunum verði
breytt. Lögin leyfa að annað hjóna
nýti persónuafslátt hins sem vinnur
lítið eða ekki utan heimilis. Það er
því ekki réttlætanlegt að lögin geri
upp á milli sambýlisaðila sem eru
hjón og annarra sambýlisaðila, t.d.
mæðgna eða feðgina, þar sem báðir
aðilar teljast fullorðnir. JIH