Tíminn - 28.04.1988, Side 3

Fimmtudagur 28. apríl 1988
Tíminn 3
(búðaverð aðeins einu sinni komist hærra en í árslok 1987:
íbúðaverd hækkaði 20%
umf ram verðbólgu 1987
Raunverð fjölbýlishúsaíbúða í Reykjavík á síðasta fjórðungi
ársins 1987 var um 20% hærra en í sama ársfjórðungi 1986 og var
nú fyrir síðustu áramót orðið hið hæsta sem mælst hefur á því 20
ára tímabili sem Fasteignamat ríkisins hefur yfírlit yfír, með einni
undantekningu. Aðeins á síðari hluta ársins 1982 hafði það komist
nokkru hærra. Síðustu mánuði ársins 1987 hafði raunverð
fjölbýlishúsaíbúða í Reykjavík hækkað (hækkun umfram láns-
kjaravísitölu) um 36-37% frá því það fór lægst, á fyrri hluta ársins
1986.
Þessar gífurlegu sveiflur á raun-
verði eigna þýða m.a., að þeir sem
voru svo heppnir eða klókir að
leggja í kaup notaðra íbúða (án
þess að selja á móti) framan af
árinu 1986 hafa aukið eigið fé í
þeim íbúðum um hundruð þúsunda
umfram verðtryggingu. Með sama
hætti geta þeir sem keyptu á hinu
háa verði í lok ársins 1987 (eða
jafnvel enn hærra síðan) misst
góðan hluta eigin fjár í þeint eign-
um ef þeir verða eða kjósa að selja
þegar/ef raunverð lækkar aftur.
Til grundvallar verðútreikning-
um sínum notaði Fasteignamatið
kaupsamninga 1.560 fjölbýlishúsa-
íbúða í Reykjavík á árinu 1987.
Söluverð þessara íbúða var samtals
um 4.750 milljónir króna, eða t.d.
álíka upphæð og öll útlán Bygging-
arsjóðs ríkisins á sama ári.
Þar sem rætt er um raunverð hér
að framan er átt við meðaltal allra
íbúðastærða í fjölbýlishúsum. En
mjög er misjafnt hvenær og hvernig
þær hafa hækkað. Þegar nýja lána-
kerfið tók gildi síðla árs 1986 olli
það fyrst lang mestum verðhækk-
unum á 4ra herbergja íbúðum og
stærri. Framan af árinu 1987 tók
síðan við lang mest hækkun 3ja
herbergja íbúðanna. Um síðustu
áramót var það sú íbúðastærð sem
hækkað hafði lang mest í verði
hvort sem miðað var við eitt ár eða
frá því að verðið fór lægst vorið
1986.
Á síðustu mánuðum ársins 1987
var hins vegar komið að 2ja her-
bergja íbúðunum. Lang flestar
seldar íbúðir voru þá af þeirri
stærð, sem olli því að verð þeirra
fór aftur að hækka meira en á
stærri íbúðum.
Verður ekki annað séð cn að
þessi þróun lýsi glöggt „gengisfalli"
nýju húsnæðislánanna. Þ.e. aðþótt
lánsupphæðin hafi hækkað í takt
við lánskjaravísitöluna (verðbólg-
una) þá hefur íbúðaverðið hækkað
miklu meira, eins og að framan er
sagt. Lánsupphæðin verður því
alltaf minni og minni hluti íbúða-
verðs, sem leiðir til þess að lántak-
ar kaupa minni og minni íbúðir.
Rifja má upp að hámarkslán til
kaupa á notaðri fyrstu íbúð dugði
fyrir 55% af verði 4ra herbergja
íbúðar haustið 1986 en ekki nema
fyrir 55% af verði 3ja herbcrgja
íbúðar haustið 1987. Slíkt há-
markslán er nú (apríl-júní) 2.046
þús. kr., þ.e. 55% af verði íbúðar
sem kostar 3.720 þús. krónur.
-HEI
Skarð sem bæjarlækurinn við Læk rauf í Þorlákshafnarveginn, sem nú er lokaður.
Hringvegurinn rofinn í Langadal vegna vatnavaxta í Blöndu.
Skarö í Þorlákshafnarveg:
Slitlagið er eins
og harmoníkubelgur
Mikil þíða er um land allt og
árnar að ryðja sig. Þegar við
bættist úrhellisrigning í Ölfusi
aðfaranótt þriðjudags flæddi
Varmá yfír bakka sína og flóð
hljóp í bæjarlækinn við Læk.
Þorlákshafnarvegur, frá Hvera-
gerði til Þorlákshafnar, liggur yfir
lækinn og brotnaði í hann skarð,
sem er góð seiling manns að dýpt.
Þrjátíu metra langt stálrör og tveir
og hálfur metri að þvermáli, sem
ræsti vatni gegn um veginn, sviptist
undan lengd sína. í gær vann Vega-
gerðin að viðgerðum á veginum, en
einnig var bætt við ræsið, svo það
þoli meira flóð í framtíðinni.
Það vakti athygli vegavinnu-
manna, að urmull seiða var í
læknum, og grunaði þá, að þau
hefðu sloppið úr seiðastöðvum í
Ölfusi, - hvort sem það hafi gerst í
flóðinu umrædda nótt eða áður.
Víða hefur komið til þess, að
lögregla hefur takmarkað öxulþunga
á þjóðvegum. Meðal annars er leyfi-
legur öxulþungi á Svínvetningabraut
7 tonn, en þá leið verða vegfarendur
að fara nú, eftir að Blanda ruddist
Ræsið sviptist undan veginum lengd
þoli meiri flóð í framtíðinni.
yfir Norðurlandsveg í Langadal í
Austur-Húnavatnssýslu. Gífurlegar
skemmdir hafa orðið þar á þjóðveg-
inum og hringvegurinn er nú rofinn.
Formaður Almannavarna á Blöndu-
ósi lýsir því svo, að „slitlagið sé eins
og harmoníkubelgur".
„Það eru geysilegar skemmdir
þarna fram frá og allt lokað,“ sagði
sína. Það verður framlengt nú svo það
(Tíminn: Pjetur)
lögreglumaður á Blönduósi. „Þarna
eru miklar leysingar og Blanda ryður
íshröngli yfir veginn og tún eru
umflotin víða. Bærinn Æsustaðir er
alveg innilokaður og heimilisfólk
kemst ekki leiðir sinnar öðru vísi en
gangandi. Svo er mikill jakaburður
á túnum Ártúna við Svartá. Þetta fer
þó vonandi að sjatna.“ þj
Rannsókn á Vopnafjarðarmálinu:
Skothylkið ber
merki byssunnar
Rannsókn á Vopnafjarðarmálinu
hefur leitt ótvírætt í ljós, að hagla-
byssan, sem lá við hlið Tryggva
Gunnars Ingþórssonar, þar sem
hann hafði svipt sig lífi á vinnustað
sínum, er sama vopn og Gunnar
Ingólfsson var skotinn með á heimili
hans að Hámundarstöðum skammt
frá Vopnafirði. Við frumrannsókn á
vettvangi fannst skothylki í skafli á
krossgötum skammt frá Hámundar-
stöðum. Það ber sömu merki og
skothylkið, sem var enn í byssunni á
vinnustað Tryggva Gunnars þegar
hún fannst.
Þórir Oddsson, aðstoðarrann-
sóknarlögreglustjóri, segir, að um
hugsanlega orsök voðaverksins verði
ekkert gefið út. „Þegar hvorugur er
til frásagnar verða það einungis
tilgátur hjá okkur. Við getum ekkert
sagt um það,“ sagði Þórir.
Það hefur komið fram, að hagla-
byssan var ekki í eigu Tryggva
Gunnars Ingþórssonar, heldur ann-
ars manns á Vopnafirði. Tryggvi
Gunnar hafði tekið hana til handar-
gagns í leyfisleysi eiganda. þj
Útspil frá Hótel Sögu í slag danshúsanna í
Reykjavík um dans- og baráhugamenn:
Boðsmiði til
leikhúsgesta
Samkeppni veit-
inga/danshúsanna í
Reykjavík harðnar
stöðugt. Fróðir
menn telja að tvær
höfuðástæður liggi
þar að baki, í fyrsta
lagi fjölgun veit-
ingahúsa á síðustu
mánuðum, og hins-
vegar sú staðreynd
að æ færri höfuð-
borgarbúar bregða sér á danshúsin
í tjútt og á barbrölt.
Það nýjasta í frumlegheitum
veitingahúsanna til að laða að fólk
má án efa eigna Súlnasal Hótels
Sögu, en á þeim bæ hefur síðustu
tvær helgar verið brugðið á það ráð
að afhenda leikhúsgestum í Leik-
skemmu Leikfélags Reykjavíkur
við Meistaravelli, boðsmiða fyrir
tvo á dansleik í Súlnasal.
Halldór Skaftason, einn af veit-
ingastjórum í Súlnasal, sagði þessa
„aðgerð“ svar þess veitingastaðar
við aukinni samkeppni. Hann segir
að erfitt sé að meta árangurinn af
þessu eftir reynslu tveggja helga,
en trúlega hafi um 20% leikhús-
gesta í Leikskemmu skilað sér á
ball í Súlnasal að sýningu lokinni.
„Við tengjum þetta tilboð leiksýn-
ingum Leikfélags Reykjavíkur hér
í Vesturbænum. Við viljum með
þessu halda fólki áfram í Vestur-
bænum eftir sýningu,“ sagði
Halldór. Hann sagði aðspurður að
auk leikhúsgesta í Leikskemmu
LR, hefði hótelið boðið stórum
gestahópum, sem þar gisti, upp á
sömu kjör. Þess má geta að helgar-
rúllugjald í Súlnasal er nú 550
krónur, þannig að þetta boð hljóð-
ar í raun upp á 1100 krónur.
Halldór sagðist ekki draga dul á
að danshúsin stæðu fremur illa að
vígi þessar vikurnar, og Hótel Saga
væri þar engin undantekning. óþh