Tíminn - 10.09.1988, Blaðsíða 12

Tíminn - 10.09.1988, Blaðsíða 12
.42 Tíminn Laugardagur 10. september 1988 ÍÞRÓTTIR SeOllI. Það er mikið á sig lagt til þess að ná árangri í íþróttum. Allir vita að rétt matarræði skiptir miklu máli, en þó eru siðir hinna ýmsu þjóða ólíkir eins og búast má við. Við íslendingar tökum lýsi og étum harðfisk. S-Kóreumenn fara dálítið öðruvísi að, en mataræði þeirra hefur áður verið til umfjöllunar á íþróttasíðum Tímans. Gins- eng-rætur eru mjög vinsælar meðal kóreskra íþróttamanna, en stúlkurnar í hokkíliðinu taka snákasúpuna framyfir ræt- urnar. Hnefaleikararnir snæða blöndu af jurtum og villtum ginseng-rótum og horn af ung- um dádýrum. Snákasúpan er einnig vinsæl hjá fjölbragðaglímuköppun- um, en ekki var hægt að fá staðfest að kapparnir ætu „Ka- esoju", sem er blanda af jurt- um og hundakjöti. Þessi lyst- uga blanda er sögð slá öll met hvað orku og kraft varðar. Knattspyrnumennirnir eru undirbúnir fyrir keppni með ginseng-rótum og dádýrshorn- um, sem föstum lið á matseðl- inum. Framherjinn Choi Soon- ho segist hafa étið 500 snáka í sumar. Seoul. Fyllsta öryggis er gætt í Scoul, ekki bara við öryggisgæslu, heldur er cinnig séð fyrir vörnum íþróttamann- anna gegn kynsjúkdómum og eyðni. 6þúsundsmokkarverða til reiðu fyrir íþróttamcnnina í Seoul og útvega má flciri með stuttum fyrirvara ef þörf krefur. Vændiskonur borgar- innar fara árlega í cyðnipróf, en S-Kórea er með eitt minnsta hlutfall cyðnitilfella í heimin- um og aðeins 3 hafa reynst með eyðni á lokastigi og 30 manns hafa mælst með veiruna í sér. Þetta cru svipaðar tölur og hér á íslandi, þannig að sjúkdóm- urinn er hlutfallslega útbrcidd- ari á íslandi. Þá fara vændis- konur þar vikulega í skoðun, þar sem aðrir kynsjúkdómar eru greindir og eftir slíkt próf fá þær sérstakt skilríki á ensku, sem þær verða að ganga með í handtöskunni. Ef kortið er rautt, þá er óráðlcgt að fara í rúmið með viðkomandi, en sé kortið blátt, þá á allt að vera í lagi. Munið nú kæru íþróttamenn og aðrir Seoul-farar, að smokk- urinn er ekkert feimnismál, ckki heldur í Kóreu. Seoul. Það má búast við spennandi keppni í Seoul með- an á Ólympíuleikunum stendur, en önnur keppni mun fara þar fram og til lykta leidd tveimur dögum fyrir leikana. Það er baráttan um að fá að halda vetrar Ólympíuleikana 1994. Fjórar borgir sækjast eft- ir leikunum: Sofia höfuðborg Búlgaríu, Lillehammer í Nor- egi, Östersund í Svíþjóð og Anchorage aðalborgin í Al- aska-fylki í Bandaríkjunum. Næstu vetrarleikar verða 1992 í Albertsville í Frakk- landi. Sofia var aðalkeppinaut- ur Albertsville um þá leika og nú gera Búlgarir sér miklar vonir um að nú sé röðin komin að þeim. Sú breyting verður á vetrarleikunum, frá og með leikunum í Albertsville '94, að leikarnir verða haldnir tveimur árum eftir sumarleika, í stað þess að þeir fari fram í sama ári og sumarleikarnir. Vetrar-Ól- ympíuleikar verða eftir sem áður haldnir á fjögurra ára fresti eins og sumarleikarnir. Alfreð Gíslason kominn í loftið, lendir í Seoul á sunnudag. rim.mynðGumat. Handknattleikur: Jafntefli í veganesti Jafntefli varð, 18-18, í síðari landsleik íslendinga og Dana í íþróttahúsi Selja- skóla í gærkvðld. Danir höfðu frumkvæðið lengst af og voru jafnan yfir í fyrri hálfleik. Mestur. var munurinn þrjú mörk, en Islendingum tókst að jafna fyrir leikhlé, með því að skora þrjú mörk í röð. íslendingar héldu uppteknum hætti í upphafi síðari hálf- leiks og gerðu tvö fyrstu mörkin. Danir svöruðu með þremur mörkum í röð og voru yfir lengst af. Þegar 5 mínútur voru eftir af leiknum var staðan 18-15 fyrir Dani en íslendingar náðu að jafna áður en yfir lauk og var þar vel að verki staðið og jafntefli, 18-18, staðreynd. Með þessum leik lauk undirbúningi liðsins fyrir Ólympíuleikana, en sú braut hefur verið þyrnum stráð og stutt á milli gráturs og hláturs. Hvort liðið fær upp- skorið árangur erfiðis síns í Seoul skal ósagt látið en eitt er víst að grannt verður með liðinu fylgst þar og dómur ekki upp kveðinn fyrr en að leikslokum. „Þetta var mjög erfiður leikur, þeir tóku vel á strákunum og þeir leyfðu þeim að taka full hart á sér," sagði Bogdan Kowalzcyk, landsliðsþjálfari eftir leik- inn. „Liðið er þreytt, eins og sjá má á útispilurunum, þeir náðu ekki að rífa sig upp og skjóta á markið. Úrslitin í þessum leik skiptu engu máli, en ég tel að undirbúningurinn hafi verið góður, þó hefði lokakaflinn mátt vera betri. Það vantar enn meiri ögun í Iiðið. Ég tel raunhæft, miðað við almenna getu liða í heiminum í dag, að við lendum í 4. sæti í okkar riðli í Seoul, en við stefnum að því að verða ofar og halda okkur í A-flokki í heimsmeistarakeppni. Til þess verðum við að gera betur og okkar takmark er 6. sætið í Seoul," sagði Bogdan að lokum. Mörkin í leiknum í gær: ísland: Kristján 6/3, Bjarki 4, Jakob 3, Alfreð 2/1, Þorgils 2 og Geir 1. Tíminn óskar íslenska landsliðinu Danmörk: Simonsen4, Hansen3/1 Feng- góðrar ferðar til Seoul, sem og öðrum er2/l,Röpstorff2,Kildelund2,Jacobsen íslenskum keppendum, í von um góðan 1 ogNielssen 1. árangur. BL íþróttaviðburðir helgarinnar Knattspyrna: Laugardagur 1. deild ka.kl.14.00 1. deild ka.kl.14.00 1. deild ka.kl.14.00 1. deild ka.kl.14.00 2. deild ka.kl.14.00 2. deild ka.kl.14.00 2. deild ka.kl.14.00 2. deild ka.kl.14.00 2. deild ka.kl.14.00 Sunnudagur: 1. deild ka.ki.14.00 Völsungur-Fram . . ÍBK-Valur . . KA-Leiftur Víkingur-Þór . Selfoss-Víðir . . . ÍR-Fylkir UBK-Þróttur ____KS-ÍBV FH-Tindastóll KR-IA Frjálsar íþróttir: í dag verður Tugþrautarmót HSK haldið á Selfossi. í Mývatnssveit verður fjallahlaup HSÞ. Golf Á Suðarnesjum verður opið mót hjá GS og á Akureyri verður minningarmót. I Vestmannaeyjum verður Stöðvar- keppnin. Blöndumótið fyrir unglinga verður á Akureyri í umsjón GA. í dag verður bændaglíman á Grafarholtsvelli í Reykjavík og á Hvaleyrarholtsvelli verða úrslit í firmakeppni GK. StokkhÓlmur. Sænska lögregl- an hefur komið upp um smyglhring sem hefur síðastliðin tvö ár selt sænsk- um íþróttamönnum um 200 kg af Anabolic sterum. Sterarnir eru sem kunnugt er hormónalyf, sem flýtir mjög fyrir vöðvavexti. Talsmaður sænsku lögreglunnar sagði að dreifing steranna hefði farið fram í gegnum sænskar vaxtarræktarstöðvar, en inn- flutningur á sterum til Svíþjóðar var bannaður 1987. Talið er að nokkrir keppendur úr sænska Óiympíuliðinu sé flæktir í málið, en ekki hefur neinum keppenda enn verið vikið úr Ólympíuliðinu í tengslum við smyglið. Munchen. V-þýski tennisleikar- inn Boris Becker mun ekki verða á meðal keppenda á Ólympíuleikunum í Seoul. Kappinn, sem tvívegis hefur borið sigur úr býtum á Wimbledon mótinu, á við þrálát meiðsl á fæti að stríða og þrátt fyrir að hafa verið í meðferð hjá lækni knattspyrnuliðsins Bayern Munchen, lætur bati á sér standa og læknirinn hefur fyrrskipað Becker að hvíla sig í 6 vikur. 3ecker ætlar samt að fara til Seoul til þtss að fylgjast með tenniskeppninni, en nú verður keppt t' tennis á ný sem Ólymp- íugrein. Madríd. Leo Beenhakker, Hol- lendingurinn sem þjálfar knattspurnu- lið Real Madrid á Spáni var rændur á fimmtudagskvöldið. Beenhakker var á gangi á götu ásamt konu sinni, í úthverfi Madrid, skammt frá heimili þeirra, þegar þjófurinn réðst að þeim og hafði veski þeirra á brott. Hjónin sluppu ómeidd frá ráninu. BrUSSel. Þjálfari Evrópubikarhafa Mechelen frá Belgíu, ætlar ekki að selja ísraelska landsliðsmanninn Eli Ohana frá félaginu. Ohana vill fá sig lausan og fara til ítalíu, þar sem hann hefur tapað sæti sínu í liðinu til Johny Bosman sem nýlega var keyptur til liðsins frá Ajax. Ohana verður að dvelja í herbúðum Mechelen þar til í júlí á næsta ári, en þá rennur samning- ur hans við félagið út. A-Berlín. A-þýska stúlkan Petra Felke setti í gær nýtt heimsmet í spjótkasti kvenna á upphitunarmóti fyrir ÓL. Felke kastaði 80 m slétta og þar af leiðandi fyrsta konan sem brýtur 80 m múrinn. Felke, sem er 29 ára, átti sjálf gamla metið, 78,90 m, en það setti hún í júlí á síðasta ári. DjÚpaVÍk. Á 5. fundi stjórnar UMFI, sem haldinn var í Djúpuvík á Ströndum 2.-3. september s.l. var samþykkt að veita styrk úr verkefna- sjóði UMFÍ til þátttöku íslendinga í Olympíuleikunum í Seoul. Samþykkt var að veita Ólympíu- nefnd íslands styrk að upphæð 390 þúsund krónur og Ólympíunefnd fatl- aðra 150 þúsund krónur. Nú taka 18 ungmennafélagar þátt í leikunum íSeoul ogþykirstjórn UMFÍ því full ástæða til að veita styrk til þátttökunnar um leið og hún fagnar þeim frábæra árangri sem íslenskir íþóttamenn hafa náð að undanförnu og óskar þeim góðs gengis í þeirri hörðu keppni sem framundan er við bestu íþróttamenn heimsins.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.