Tíminn - 21.09.1988, Blaðsíða 3

Miðvikudagur 21. september 1988
Tíminn 3
Barnsfæöingar aldrei fleiri en í júlímánuði í ár:
Tví-, þrí- og fjórburar
væntanlegir í október
í næsta mánuði má búast við að
sérstakir atburðir eigi sér stað á
fæðingardeild Landspítaláns, þar
sem þá eiga tvíburar, þríburar og
fjórburar að koma í heiminn. t>á er
eins líklegt að börnin fæðist öll á
svipuðum tíma. Yfirleitt þegar um
fjölburafæðingu er að ræða, þurfa
börnin meira eftirlit en önnur börn
og leitaði Tíminn til vökudeildar til
þess að kanna hvort deildin gæti
sinnt þessum fjölda. Þar fcngust
þau svör að deildin væri í stakk
búin að taka á móti öllum börnun-
um ef til þess kæmi að þau fæddust
á svipuðum tíma.
Gunnlaugur Snædal prófessor
sagði í samtali við Tímann að einu
sinni áður hefðu fæðst fjórburar
hér á landi, hins vegar má ljóst
vera að tví-, þrí- og fjórburafæð-
ingar hafa ekki borið að með þeim
hætti sem nú lítur út fyrir að verði,
svolil allar á sama tíma.
„Fjórburafæðing er óvanaleg, en
hitt er ekki nýstárlegt að öðru
leyti,“ sagði Gunnlaugur. Að-
spurður, sagði Gunnlaugur að hin-
ar verðandi mæður væru undir
góðu eftirliti, eins og yfirleitt væri
þegar konur gengju með börn.
Hann sagði að ekki hefðu verið
gerðar neinar sérstakar ráðstafanir
vegna þessa. „Við tökum bara á
móti þeim þegar þar að kemur.
Við gerum okkur ljóst að það
verða aukin umsvif en við erum
reiðubúin til að sjá um það,“ sagði
Gunniaugur.
Það vekur ekki síður athygli að
í júlímánuði sl. fæddust 285 börn á
fæðingadeild Landspitalans einni
saman og hafa fleiri börn ekki litið
dagsins Ijós á einum mánuði til
þessa. Sagði Gunnlaugur að tölu-
vert fleiri fæðingar hefðu verið í ár
en í fyrra. Árið 1987 fæddust alls
4.100 börn á íslandi, scm er tæp-
lega 200 fleiri en árið áður.
Samkvæmt upplýsingum sem
Tíminn aflaði sér í vor, var búist
við að allt að 10 til 15% fleiri
fæðingar yrðu á fæðingadcild
Landspítalans á þessu ári en árið
1987 og búist var við að svipað
hlutfall yrði annarstaðar á landinu.
Þrengslin á fæðingadeiid Lands-
pítalans, sem komið hafa til af
auknum fjölda fæðinga, hafa orðið
til þess að sængurlega er styttri en
áður. ÁslaugHauksdóttirljósmóð-
ir segir í samtali við Nýtt líf að
konur séu oft sendar heim á fjórða
eða fimmta degi, áður cn þær hafa
jafnað sig almennilega og áður en
brjóstagjöf sé komin í eðlilegt
horf. Jafnvel megi rekja auknar
endurkomur kvenna sem þurfa að
leggjast inn aftur vegna blæðinga
og leita hjálpar vegna brjóstabólgu
og annarra kvilla til þeirrar ástæðu
að þær voru sendar of fljótt heim.
Heildartölur um fæðinga fyrir
það sem af er árinu 1988 liggja ekki
fyrir, en tæplega má gera ráð fyrir
að júlímetið verið slegið á næstu
mánuðum, þar sem alla jafnan
fæðast fleiri börn í júlí en aðra
mánuði ársins. -ABÓ
Hvítá viö Iðu, gefur af sér enn einn stórlaxinn:
29 punda hængur
veiddist í Hvítá
Úlfar með laxinn góða. 29 pund vó
hann og er sá stærsti á stöng í sumar.
Stærsti lax sumarsins veiddist á
elleffu stundu, ef svo má að orði
komast. Úlfar Sveinbjörnsson setti í
29 punda hæng og landaði honum
tuttugu mínútum seinna, næst síð-
asta dag veiðitímans. Almennt lauk
laxveiði í ám í gær.
Úlfar var við veiðar í Hvítá við
Iðu þegar laxinn tók. f Hvítá við Iðu
háttar þannig til að þrjár ár falla
saman. Litla- og Stóra Laxá falla í
Hvítá. Úlfar óð út í Stóru Laxá,
kastaði í Hvítá og fiskurinn tók í
Litlu Laxá.
Úlfarvarvopnaðureinhnetu, með
hæg sökkvandi línu. Hann hafði
hnýtt á fluguna Thunder and
Lightning, sem var útfærð sérstak-
lega af Úlfari með krókum númer
sex.
„Fiskurinn var búinn að elta flug-
una nokkrum sinnum. Hann elti
hana alveg inn á tært vatn, og það
var einmitt í tæru vatni, úr Litlu
Laxá sem hann tók. Ég sá fiskinn
ekki fyrr en ég landaði honum. Þó
gerði ég mér grein fyrir að hann væri
stór. Ég giskaði á, í huganum, að
hann væri um 25 pund, en þegar ég
fór að bera hann fann ég að hann var
ívið þyngri. Vigtin sagði 29 pund,“
sagði Úlfar í samtali við Tímann f
gær.
Fiskurinn var aðeins leginn og niá
því reikna með að hann hefði náð 30
pundunum nýrunninn. Úlfar hafði
hug á að stoppa fiskinn upp, en eftir
að hafa kynnt sér hvað slík aðgerð
kostaði hvarf hann frá því. Um
þrjátíu þúsund krónur kostar að
stoppa slíkan fisk. Verður hængur-
inn því sendur norður í reyk og á
sjálfsagt eftir að smakkast vel.
„Jú ég var búinn að fá einn lítinn,
áður en þessi tók. Hann var fjórtán
punda,“ sagði Úlfar og hló. Hann
bætti við. „Eftir að ég var búin að
vigta hann fór ég ekki út í. Stóð bara
á bakkanum og tók ofan.“
Hvítá við Iðu er þekktur stórlaxa-
staður og fyrir nokkrum dögum
missti veiðimaður stórlax, sem
áhorfendur fullyrða að hafi verið
langt yfir þrjátíu pund.
Stærsti lax á stöng, sem vitað er
um á íslandi veiddist í Hvítá við Iðu.
Var hann 38,5 pund. -ES
Fjögur ráðuneyti
á kaf i í majonesi
Fulltrúar fjögurra ráðuneyta,
Þjóðhagsstofnunar og Landssam-
bands bakarameistara hafa í samein-
ingu gert tillögur um að tekið verði
upp 11% verðjöfnunargjald á inn-
fluttar kökur og 16% gjald á innflutt
majones - ella sé stór hætta á að
majones- og kökugerð flytjist að
meira eða minna leyti úr landi.
Þetta kemur fram í áliti nefndar
sem iðnaðarráðherra skipaði s.l. vor
til að gera úttekt á samkeppnisstöðu
innlendrar köku- og majonesfram-
leiðslu. Nefndina skipuðu fulltrúar:
Iðnaðarráðuneytis, viðskiptaráðu-
neytis, fjármálaráðuneytis, landbún-
aðarráðuneytis, Þjóðhagsstofnunar
og bakara.
Það sem fyrst og fremst er talið
ógna innlendri majones- og köku-
gerð er: Hátt verð á eggjum, mjólk,
mjólkurdufti og smjöri á Islandi -
bann við innflutningi á þessum vör-
um niðurgreiddum og þar með 55-
89% ódýrari erlendis frá - og afnám
vörugjalds á innfluttar kökur um
síðustu áramót.
{frétt frá Iðnaðarráðuneytinu seg-
ir að auk venjulegra niðurgreiðslna
í EFTA og EBE bætist við aukanið-
urgreiðslur á mjólkurvörur og egg
sem flutt eru út frá þessum löndum.
Heimsmarkaðsverð (GATT) þeirra
verður þá sem hér segir með tvö-
faldri niðurgreiðslu:
ísland Heimsmark.
kr/kg kr/kg
Egg 165,00 49,76
Smjör 92,00 51,35
Nýmjólk 39,28 14,47
Mjólkurduft 425,00 46,68
Undanrennuduft 158,00 42,01
Byggingarkostnadur
stendur óbreyttur
Byggingarvísitalan hækkaði að-
eins um 0,16% frá ágúst til septem-
ber og reyndist 124,5 stig, og gildir
sú vísitala fyrir október. Undanfarna
þrjá mánuði (júlí/september) hefur
vísitalan hækkað um 2,6% sem sam-
svarar 11% árshækkun. Það er mikil
breyting frá næstu þrem mánuðum
þar á undan (apríl/júm') þegar vísi-
talan hækkaði um 11,6% á þrem
mánuðum, sem svaraði til 55% verð-
bólgu á heilu ári.
Hækkun byggingarvísitölu síðustu
12 mánuði er 21,6%, samkvæmt
útreikningum Hagstofunnar.
DUNDUR UTSALA
í Gardínubúðinni, Skiphoiti 35
Gluggatjaldaefni, stórisefni og nú líka fataefni
í miklu úrvali.
Opið Gardínubúðin,
Mánudaga-föstudagafrákl. 9-18 Skipholti35,
Laugardaga frá kl. 10-16 sími 35677!