Tíminn - 21.09.1988, Blaðsíða 20

RÍKISSKIP
NÚTÍMA FLUTNINGAR
Hafnarhúsinu v/Tryggvagötu,
S 28822
Canon
Ljósritunarvélar
FC-3, 43.600 stgr.
FC-5, 46.300 stgr.
Skrifvélin, sími 685277
HRESSA
KÆTA

Fólksflutningar á sjó milli Reykjavíkur og Akraness:
Þrjár f erjur í vetur?
Tveir aðilar til viðbótar Skalla-
grími hf., útgerðarfélagi Akra-
borgar hafa hug á að hefja reglu- j
bundnar áætlunarferðir milli Akra-
ness og Reykjavíkur, jafnvel á
komandi vikum. Annars vegar er
um að ræða fyrirtækið Eyjaferðir í
Stykkishólmi og hins vegar eru það
bræðurnir Haukur og Örn Snorra-
synir úr Reykjavík.
Svanborg Siggeirsdóttir fram-
kvæmdastjóri Eyjaferða sagði í
samtali við Tímann að þau hefðu
sent bréf til Akranessbæjar og afrit
til Skallagríms hf., útgerðarfélags'
Akraborgar, þar sem áhugi væri
sýndur á samvinnu við Skallagrím
hf. um ferðir utan reglubundinna
ferða Akraborgar. „Við vorum
aðallega að hugsa um þann hóp
sem sækir vinnu og skóla frá Akra-
nesi,“ sagði Svanborg, „við erum
að hugsa um morgunferð, þannig
að fólk væri komið á vinnutíma í
bæinn.“ Svanborg sagði að rætt
hefði verið óformlega við ýmsa ■
aðila á Akranesi og taldi hún að
þeim hefði litist ágætlega á þessa
hugmynd, „enda erum við að óska
eftir samvinnu við Skallagrím hf.
en ekki samkeppni."
Báturinn sem Eyjaferðir hyggj-
ast nota í fólksflutninga var keypt-
ur til landsins í sumar og tekur
hann 60 manns í sæti. Siglingartími
milli Reykjavíkur og Akraness er
35 til 40 mínútur.
Svanborg sagði að þeirra hug-
mynd hefði verið að hefja þessar
siglingar nú um mánaðamótin, þar
sem þá hætta ferðir Eyjaferða um
Breiðafjarðareyjar yfir vetrartím-
ann. Skipið liggur stóran hluta
ársins verkefnalaust við bryggju og
sagði Svanborg að með þessu vildu
Hafrún, bátur Eyjaferða, við bryggju í Reykjavík.
þau skapa verkefni fyrir bátinn.
„Við sjáum ekki einhver gífurleg
uppgrip þarna, en það er nauðsyn-
legt fyrir okkur að finna einhver
verkefni fyrir bátinn yfir vetrar-
mánuðina." Hún sagðist eiga von
á svarbréfi frá Akranessbæ og
Skallagrími hf.
Ekki tókst að ná tali af þeim
Erni og Hauki í gær, en í frétt
Skagablaðsins í síðustu viku kemur
fram að bræðurnir Örn og Haukur
Snorrasynir hafi hug á að hafa 360
manna ferju í reglubundnum sigl-
ingum milli Akraness og Reykja-
víkur. Hugmyndir þeirra um rekst-
ur ferju milli þessara staða er ekki
ný af nálinni, segir í Skagablaðinu,
því slík hugmynd kom einnig upp
fyrir um tveim árum. Þá höfðu
bræðurnir augastað á norskum
skíðabáti, sem selja átti frá Noregi
vegna mikils viðhaldskostnaðar.
Ekkert varð hins vegar úr þeim
kaupum, m.a. vegna þeirrar
ástæðu að reksturinn væri ekki
arðbær. Samkvæmt heimildum
Skagablaðsins hafa bræðurnir hug
á að gera ferjuna út á milli Akran-
ess og Reykjavíkur á veturna en
bjóða upp á siglingar á Eyjafirði á
sumrin.
Samkvæmt heimildum Tímans
komu bræðurnir ásamt fulltrúa eig-
anda skipsins til Akraness á mánu-
dag til að kanna aðstæður, áður en
leigusamningur milli aðilanna yrði
gerður. Segja heimildir að aðilum
hafi litist vel á aðstæður.
Helgi Ibsen framkvæmdastjóri
Skallagríms hf. sagðist ekkert vilja
láta hafa eftir sér um þetta, þar
sem hann væri nýkominn úrsumar-
fríi og hefði ekki kynnt sér málin
nægjanlega til að tjá sig þar um að
svo stöddu. Hann sagði að bréfið
frá Eyjaferðum hefði ekki komið
fyrir stjórnarfund og því lægi af-
staða stjórnar ekki fyrir.
Jón Pálmi Pálsson bæjarritari
sagði í samtali við Tímann að bréf
Eyjaferða hefði verið lagt fyrir
fund bæjarstjórnar 13. september
sl. Hann sagði að erindi bréfsins
fengi ekki afgreiðslu frá þeim að
svo komnu máli, enda hefði bréfið
verið meira stílað upp á samstarf
við Skallagrím hf. og í fyrirspurn-
arstíl. „Ég hef nú ekki séð nein
rekstrarplön, en persónulega er ég
efins um að rekstur tveggja stórra
skipa geti gengið fjárhagslega
upp,“ sagði Jón. -ABÓ
Stjórnarmyndunarviðræður
Sjálfstæðis-
og Borgaraflokks:
Aðalheiður
styður ekki
þá stjórn
Aðalheiður
Bjamfreðsdóttir
þingmaður.
Albert
Guðntundsson,
formaður Borg-
araflokksins
sagði í samtali
við DV í gær
að hann gæti
fullyrt að allir
þingmenn
flokksins stæðu
heilshugar á
bak við sig í
viðræðum við
Sjálfstæðis-
flokkinn.
Tíminn getur með fullri vit-
neskju borið til baka þessi ummæli
Alberts, hvað Aðalheiði Bjarn-
freðsdóttur varðar. Traustar heim-
ildir okkar segja að Aðalheiður
standi ekki á bak við formann sinn
í viðræðum við Sjálfstæðisflokkinn
um myndun ríkisstjórnar og muni
ekki styðja ríkisstjórn sem Sjálf-
stæðisflokkur og Borgaraflokkur
kunna að eiga aðild að saman.
Borgarráð samþykkir skoðanakönnun í Reykjavík 24.-30. október:
„Ertu með eða á móti
hundahaldi í borginni?“
Hundahald í höfuðborginni hefur
verið nokkuð umdeilt allt frá byrjun.
Þar stangast á sjónarmið þeirra sem
telja að slíkt eigi að vera sjálfsagt og
hinna sem segja steinsteypufrum-
skóginn engan stað fyrir besta vin
mannsins. Aðrir segja hundahaldið
hafa óþrifnað í för með sér. Nú
munu allir fá tækifæri til að láta sína
skoðun í ljós því á borgarráðsfundi
í gær var samþykkt að efna til
skoðanakönnunar um málið.
Þegar ákveðið var á sínum tíma
að leyfa hundahald í þrjú ár til
reynslu var jafnframt talað um að að
Gísli Konráðsson óhress með ráðningu eftirmanns síns hjá ÚA Gunnars Ragnars:
ALVARLEGT ÓHAPP!
Gunnar Ragnars, núverandi for-
stjóri Slippstöðvarinnar, lætur af því
starfi um næstu áramót og sest þá í
stól framkvæmdastjóra Útgerðarfé-
lags Akureyringa.
Stjórn Útgerðarfélagsins gekk frá
ráðningu Gunnars á fundi í gær.
Stjórnin klofnaði í afstöðu sinni,
þrír stjórnarmenn greiddu honum
sitt atkvæði; Halldór Jónsson og
Sverrir Leósson, fulltrúar Sjálf-
stæðisflokks og Pétur Bjarnason,
fulltrúi Alþýðuflokks en fulltrúar
Framsóknarflokks, Þóra Hjaltadótt-
ir og Sigurður Jóhannesson, greiddu
atkvæði Pétri Reimarssyni, fram-
kvæmdastjóra Sæplasts hf. á Dalvík.
Sverrir Leósson, stjórnarformað-
ur ÚA, segist vísa því alfarið á bug
að ráðning Gunnars hafi verið pólit-
ísk. „Það hlýtur að hafa verið mat
þeirra sem greiddu Gunnari Ragnars
atkvæði sitt að hann væri hæfasti
umsækjandinn," segir Sverrir.
Hljóðið var heldur þungt í Gísla
Konráðssyni, fráfarandi fram-
kvæmdastjóra ÚA í gær þegar Tím-
inn innti hann álits á eftirmanni
sínum. Orðrétt sagði Gísli: „Ég tel
að þarna hafi orðið alvarlegt óhapp.
Þarna hefur verið rofin 30 ára farsæl
skipting framkvæmdastjóra hjá
þessu fyrirtæki samkvæmt höfuð-
stefnum í pólitík, vinstri og hægri."
óþh
þeim tíma liðnum yrði slík skoðana-
könnun framkvæmd.
Hún mun standa yfir í eina viku,
dagana 24.-30. október. Kjörstaðir
verða tveir í borginni og verða þeir
opnir á kvöldin og lengur um helg-
ina. Þá verður þriggja manna kjör-
stjórnl kosin.
Spurningin sem lögð verður fyrir
borgarbúa kemur til með að hljóða
eitthvað á þessa leið: „Ertu með eða
á móti hundahaldi í Reykjavík, með
þeim skilyrðum sem það er háð?“
Skilyrðin sem um ræðir munu verða
kynnt almenningi áður en að sjálfri
skoðanakönnuninni kemur.
Skilyrðin sem um ræðir fjalla m.a.
um hvar hundahaldið er leyft, um
skyldur hundeigenda varðandi þrif
eftir hundana, um gjöld sem greidd
eru, um tilskilin leyfi hundeigenda
og um viðurlög við brotum á almenn-
um skyldum þeirra.
JIH
V