Tíminn - 18.03.1989, Side 2
2 Tíminn
Laugardagur 18. mars 1989
Ríkisstjórnin ákvað að gefa eftir 150 milljóna skuld:
Snaran losuð af
hálsi Arnarflugs
„Ríkisstjórnin er reiðubúin til að beita sér fyrir eftirfarandi
aðgerðum varðandi Arnarflug:
Ríkið gefi eftir eða breyti í víkjandi lán, 150 milljónir króna
af skuldum Arnarflugs hf. við ríkissjóð.
Ríkið útvegi Arnarflugi hf. lán
upp að því marki sem fullnægjandi
og aðgengileg veð væru fyrir sam-
kvæmt skilyrðum Ríkisábyrgðar-
sjóðs eða Framkvæmdasjóðs.
Að öðru leyti verði skuldir Arn-
arflugs hf. við ríkissjóð gerðar upp
með söluandvirði flugvélarinnar sem
Ríkisábyrgðarsjóður á nú.
Ákvörðun ríkisstjórnarinnar er
eðli málsins samkvæmt háð því að
Alþingi samþykki hana.“
Fetta sagði samgönguráðherra
þegar hann lýsti ákvörðun ríkis-
stjórnarinnar í Arnarflugsmálinu á
fundi sínum í gær.
Steingrímur J. Sigfússon sam-
gönguráðherra kynnti þessa niður-
stöðu fyrir fréttamönnum og sagði
meðal annars að megnið af afborg-
unum af Arnarflugsvélinni hefðu
fallið á Ríkisábyrgðarsjóð og hefði
hann því leyst til sín vélina og geti
selt hana og gert upp skuldir félags-
ins.
Þær skuldir væru hins vegar inni í
bókhaldi Arnarflugs og myndu því
lækka sem söluhagnaði af vélinni
næmi, yrði hún seld.
Hann sagði að Arnarflug hefði
látið í ljós óskir um allt að 200
milljón króna lán og heimild til slíks
yrði því aðeins veitt að félagið gæti
lagt fram öruggar tryggingar.
„Mjög mikilvægum áfanga er náð
og við munum gaumgæfa nú yfir
helgina hvað þetta þýðir nákvæm-
lega en þetta er vissulega mjög
mikilvægur áfangi,“ sagði Kristinn
Sigtryggsson framkvæmdastjóri
Arnarflugs.
Hann sagði það mjög veigamikið
atriði að skýrt lægi nú fyrir með 150
milljónirnar. Spurning væri nú um
lánafyrirgreiðslu. Fyrirtækið hefði
þegar talsverðar tryggingar þótt
spurning væri hvort þær dygðu fyrir
200 milljón króna láni sem vantaði.
Hann sagði að flugvél Ríkis-
ábyrgðarsjóðs yrði endurfjármögn-
uð, trúlegaseld. Félagið myndi síðan
hugsanlega leigja vélina. Með þessu
yrði unnt að gera upp við Ríkis-
ábyrgðarsjóð og fá hreint borð. -sá
Fósturheimili
10 ára dreng með geðræn vandamál vantar heimili
í Reykjavík eða nágrenni.
Fósturheimilið þarf að hafa reynslu af börnum,
vera barnlaust eðaeingöngu unglingaráheimilinu.
Fyrst um sinn er um að ræða samvinnu milli
meðferðaraðila drengsins og væntanlegra fóstur-
foreldra.
Nánari upplýsingar gefur Áslaug Ólafsdóttir,
félagsráðgjafi, Félagsmálastofnun Reykjavíkur-
borgar í síma 685911 milli kl. 9.00-12.00 alla virka
daga.
Sænskunám - Sumarleyfi
Enn á ný gefst 15 íslendingum kostur á að sækja
tveggja vikna námskeið í sænsku í lýðháskólanum
í Framnesi í Norður-Svíþjóð. Að þessu sinni frá
30. júlí til 11. ágúst næstkomandi og taka þátt í
þriggja daga skemmti- og fræðsluferð um Lapp-
land á eftir. Kjörið tækifæri til að sameina sænsku-
nám og sumarleyfi.
Flugfar frá Reykjavík um Stokkhólm til Luleá og til
baka ásamt dvalarkostnaði í tvær vikur og úrvals-
kennslu kostar aðeins kr. 30.000,-.
Umsóknareyðublöð og nánari upplýsingar fást á
skrifstofu Norræna félagsins í Norræna húsinu í
Reykjavík, sími 10165 og þangað skal senda
umsóknir.
Umsóknarfrestur ertil 15. apríl n.k.
Norðurkollunefnd.
Veðurstofan telur ekki nein stór-
áhlaup væntanleg næstu sólarhringa:
Atlt meinhægt
yfir helgina
„1 dag verður breytileg átt,
gola eða kaldi um land allt. É1
verða á víð og dreif allstaðar
nema þá helst á Suðausturlandi
og hiti um frostmark og rétt yfir
frostmarki," sagði Eyjólfur Þor-
björnsson veðurfræðingur á
Veðurstofu íslands.
Á morgun, sunnudag, verður
norðaustlæg átt um mestallt land
og víðast kaldi. Þurrt verður og
bjart á Suðvestur- og Vesturlandi
en búast má við éljum í öðrum
landshlutum.
Vægt frost verður víðast hvar,
frá 0 og niður í þrjár gráður og
þetta veður mun að líkindum
haldast eitthvað fram í næstu
viku.
Eyjólfur sagði að vorið nálgað-
ist nú landið afar hægt, en vor-
veðrið sem ríkt hefur á megin-
landi Evrópu undanfarið hefur
ekki náð hingað enn, eins og fólk
hefur sannreynt, heldur leitað til
austurs yfir Skandinavíu og inn í
Rússland.
Hann sagði að í stórum drátt-
um væri þó hægt að segja að
veðurfar færi batnandi og um
helgina að minnsta kosti væri vart
að búast við neinum stóráhlaup-
um og ófærð. -sá
Verður tekin upp trygging fyrir að kaupendur r^úða í
smíðum tapi ekki öllu fé sínu?:
Leggja allt sitt
undir í „lottói“
„Hér þarf að verða breyting á. Það getur varla verið eðlilegt að
hver og einn sem hyggst festa kaup á íbúð í nýbyggingu þurfi að
leggja allt sitt undir í lottói eins og því sem hér er lýst,“ segir m.a.
í ályktun aðalfundar Verktakasambands íslands, þar sem fagnað er
fram komnum tillögum um að koma á kauptryggingum fyrir
kaupendur íbúða í byggingu (lang oftast ungt fólk) til að afstýra því
að þeir tapi öllu sínu vegna gjaldþrots verktaka sem þeir hafa keypt
af, eins og allt of oft mun eiga sér stað.
Fram kemur að kaup á íbúðum
í smíðum séu bæði áhættusamari
og flóknari heldur en kaup á eldra
húsnæði, og því frekar sem bygg-
ingin er skemmra á veg komin.
íbúðakaup séu einhver mikilvæg-
asta ákvörðun fólks á lífsleiðinni,
þar sem allt er lagt undir. Reynslan
sýni að stór hluti þeirra sem kaupa
íbúðir í smíðum sé ungt fólk að
eignast sína fyrstu íbúð, sem yfir-
ieitt hafi því litla reynslu í slíkum
viðskiptum. Það hljóti því að telj-
ast eðlilegt að almannavaldið og
aðrir sem hlut eiga að máli hlutist
til um að færa þessi viðskipti í
traustara og öruggara form en nú
er.
Verktaki gjaldþrota...
Til útskýringar er tekið dæmi um
verktaka sem hyggst byggja 20
blokkaríbúðir. Um leið og hann
hefur framkvæmdir auglýsir hann
íbúðirnar til sölu, en með afhend-
ingartíma eftir 12-15 mánuði. Eftir
átta mánuði, þegar hann hefur
steypt upp 3 af 4 hæðum, sé ljóst
að dæmið gangi ekki upp. Fram-
kvæmdakostnaður sé þegar kom-
inn fram úr því sem inn hefur
komið vegna þeirra 4 íbúða sem
honum hefur tekist að selja. Orð-
rómur um erfiðleika verktakans
hefur m.a. komið í veg fyrir frekari
sölur.
Eftir níu mánuði lýsir verktakinn
síðan yfir gjaldþroti. Kaupendurn-
ir fjórir, sem hafa hver unt sig
greitt 1,5 millj.kr., eru með þing-
lýsta kaupsamninga en hafa ekki
fengið afsal. Kröfur í bú verktak-
ans eru töluvert umfram eignir og
söluandvirði byggingarinnar eins
og hún stendur. Kaupendur munu
því tapa öllum þeim 6 milljónum
sem þeir hafa greitt vegna kaup-
anna.
... og fjölskyldur
tapa öllu sínu
Þótt ekki hafi verið gerð úttekt
á hve algengt sé að íbúðakaup
fólks endi á þennan veg „má þó
áætla að hér sé verið að ræða um
1-3% af öllum nýjum íbúðum sem
seldar eru á markaðnum á hverju
ári“, segir Verktakasambandið,
sem eins og áður segir telur ekki
eðlilegt að fólk þurfi að leggja allt
sitt undir í slíku lottói. (Þessi 1-3%
gætu þýtt á bilinu 10 til 30 fjölskyld-
ur á ári.)
Trygging öllum
til hagsbóta
Verktakasambandið telur mikil-
vægt að fá úr því skorið hvort
tryggingafélög séu reiðubúin til að
selja byggingaraðilum tryggingar
gegn hugsanlegum vanefndum á
fjárhagslegum þáttum kaupsamn-
inga.
Hugmyndin er sú, að við kaup-
samning leggi verktaki fram trygg-
ingu þar sem tryggingafélag þá
ábyrgist að íbúðarkaupandi fái til
baka allar sínar greiðslur verði um
samningsrof að ræða vegna gjald-
þrots seljanda.
Fyrir seljanda væri ávinningur af
slíku m.a. að draga mundi úr
sölutregðu sem iðulega komi upp
af áðurgreindum ástæðum.
Trygging þýddi einnig að
bankar, tryggingafélög og kaup-
endur mundu gera meiri kröfur til
verktaka en áður. Það mundi aftur
leiða til þess að „vafasamir“ aðilar
myndu „falla út“ af markaðnum.
En rekstrarskilyrði hinna „hæfu“
myndu aftur á móti batna með
meiri stöðugleika, sem vega ætti á
móti tryggingakostnaðinum. Við-
skiptin hlytu í auknum mæli að
beinast til traustra og öruggra selj-
enda.
Verktakar telja það forsendu
fyrir að slíkt fyrirkomulag skili
tilætluðum árangri að þarna yrði
um skyldutryggingu að ræða. Einn-
ig kæmi til greina að húsnæðis-
lánakerfið gerði kauptryggingu að
skilyrði fyrir lánveitingum. - HEI
Verðlagsráð sjávarútvegsins:
Rækjuverð ákveðið
Samkomulag varð um lágmarks-
verð á rækju og hörpudiski á fundi
Verðlagsráðs sjávarútvegsins á
fimmtudag. Gildir rækjuverðið frá
15. febrúar til 31. maí 1989 og
verðið á hörpudiski frá 15. febrúar
til 31. júlí 1989.
Verð á óskelflettri rækju í
vinnsluhæfu ástandi er sem hér
segir: 230 stk. og færri í kílói, 73,00
kr.pr.kg., 231 til 290 stk. í kg.,
66,00 kr.pr.kg., 291 til 350 stk. í
kg., 61,50 kr.pr.kg. og undirmáls-
rækja þ.e. 351 stk. í kg ofl. 27,00
kr.pr.kg.
Verð á hörpudiski í vinnsluhæfu
ástandi er sem hér segir: 7 sm á
hæð og yfir 17,30 kr.pr.kg. og 6 sm
að 7 sm á hæð 13,00 kr.pr.kg.