Tíminn - 18.03.1989, Qupperneq 3
Laugardagur 18. mars 1989
Tíminn 3
Tryggingasjóöur fiskeldislána auglýsir eftir umsóknum:
Fiskeldismenn óttast
skuldasúpu fortíðar
Reglugerð hefur verið sett
um Tryggingasjóð fískeldis-
lána og auglýsti sjóðurinn
eftir umsóknum nú í vikunni
og má búast við að fyrstu
umsóknir berist um og eftir
páska. Hlutverk sjóðsins er
að tryggja greiðslu afurða-
lána, sem bankar og aðrar
lánastofnanir veita eða út-
vega innlendum fískeldisfyr-
irtækjum þannig að afurða-
lán og rekstrarlán til fískeldis
geti numið allt að 75% af
tryggingarverðmæti birgða.
Eyjólfur Friðgeirsson hjá íslenska
fiskeldisfélaginu sagði í samtali við
Tímann, að út af fyrir sig litist
honum ágætlega á tilkomu sjóðsins.
„Þetta er bara alltof seint. Flest þessi
fyrirtæki sem hafa verið í rekstri, eru
bara komin í þrot, vegna þess hve
þetta kemur seint til. Þó þetta lagi
framtíðina í fiskeldinu, þá erum við
með dáiítið slæma fortíð á bakinu
ennþá,“ sagði Eyjólfur. Aðspurður
hvort einhver tegund fiskeldis ætti
erfiðara með að fá afurðalán en
önnur, taldi hann svo ekki vera.
„Þau fyrirtæki sem voru stofnuð á
síðasta ári, sérstaklega á Austfjörð-
um, lentu í því að bankarnir voru
bara komnir með það mörg fyrirtæki
í viðskipti að þeir vildu eða gátu ekki
tekið fleiri, enda erfitt að ætlast til
þess,“ sagði Eyjólfur.
Eins og áður sagði veitir sjóðurinn
í raun bönkum ríkisábyrgð til að
þeir geta hækkað afurðalán til fisk-
eidisfyrirtækjanna í allt að 75%.
Samkvæmt reglum sjóðsins er
greiðslutrygging ekki veitt nema við-
komandi fyrirtæki hafi afurðalán hjá
banka og/eða lánastofnun vegna
sömu afurða án greiðslutryggingar
sjóðsins og skal það nema að lág-
marki 37,5% af vátryggingarverð-
mæti birgða. Þá þarf fyrirtækið einn-
ig að hafa tryggt afurðir sínar á
fullnægjandi hátt auk svokallaðrar
umframskaðatryggingar eða annarr-
ar jafngóðrar vátryggingar, er nemi
a.m.k. 50% af tryggingaverðmætum
birgða.
Atvinnutryggingarsjóður hefur
hingað til ekki talið sig geta skuld-
breytt hjá neinu einasta fiskeldisfyr-
irtæki, þar sem þeir hafa ekki talið
sig í stakk búna til að meta hvort
fyrirtækin séu lífvænleg eða ekki,
vegna lítillar þekkingar á eðli fisk-
eldis sem atvinnugreinar. Hvað það
þýðir að vera með einhverja krónu-
tölu í skuld og aðra krónutölu miklu
minni í tekjur og síðan birgðir sem
eru gífurlega miklar. En hvenær þær
skila sér og hvort þær koma til með
að geta skilað sér í afurð, hefur
Atvinnutryggingarsjóður ekki getað
tekið afstöðu til.
Atvinnutryggingarsjóður mun
hafa ritað forsætisráðherra bréf þar
sem farið er fram á að þeir biðu með
að afgreiða fiskeldisfyrirtæki, þar til
þeir gætu leitað til Tryggingasjóðs
fiskeldislána um upplýsingar, hvort
einstök fyrirtæki væru lífvænleg eða
ekki. Enda eru aðilar í stjórn Trygg-
ingasjóð fiskeldislána með þekkingu
á fiskeldinu og eiga því auðveldara
með að gera sér grein fyrir því hver
fyrirtækjanna eru lífvænleg.
-ABÓ
Utanríkisráðherra boðar óvenjulegan fund:
Fjölmenni á vinnu-
fundi í útlöndum
Jón Baldvin Hannibalsson, utan-
ríkisráðherra, efnir til vinnufundar í
dag, laugardaginn 18. mars, í Brus-
sel með sendiherrum fslands í ríkj-
um Evrópubandalagsins og í Genf,
ásamt starfsmönnum sendiráðsins í
Brussel.
Auk þess er boðið til fundarins
fulltrúum frá Alþýðusambandi
íslands, Vinnuveitendasambandi
íslands, Sölumiðstöð hraðfrystihús-
anna, Sambandi íslenskra samvinnu-
félaga, Sambandi íslenskra fisk-
framleiðenda, Verslunarráði
íslands, Landssambandi iðnaðar-
manna og Félagi íslenskra iðnrek-
enda.
Á fundinum verður farið yfir
stöðu mála í samskiptum EFTA og
EB eftir leiðtogafund EFTA í Osló
og undirbúning ráðherrafundar
EFTA og EB, sem utanríkisráð-
herra situr í Brussel mánudaginn 20.
mars n.k.
Einnig verður sérstaklega fjallað
um það starf sem tengist formennsku
utanríkisráðherra í ráðherranefnd
EFTA á seinni helmingi þessa árs en
þá munu íslendingar stýra viðræðum
EFTA við Evrópubandalagið.
Iðnaðarbankinn hf:
YFIR 200% AUKNING
AFSKRIFTA ÚTLÁNA
Iðnaðarbankinn hf. hélt aðal-
fund sinn í gær og kom fram í
ársskýrslum að heildartekjur hans
á síðasta ári námu tæplega 3,3
milljörðum króna og er það 46,5%
hækkun frá síðasta ári. Útgjöld
bankans námu um þrcmur millj-
örðum króna og fór tæpur milljarð-
ur í laun og önnur rekstrargjöld á
síðasta ári. Vegna erfiðleika í at-
vinnulífi landsmanna varð bankinn
að greiða 114 milljónir króna í
afskriftir útlána á síðasta ári. en
sambæriieg upphæð nam 37 millj-
ónum króna árið þar á undan. Það
er þreföldun á milli ára, eða m.ö.o.
208% aukning. Afskriftareikning-
ur útlána nemur því nú um 2% af
heildarútlánum, áföllnum vöxtum
og útistandandi ábyrgðum.
Skipti urðu í stól formanns
bankaráðs Iðnaðarbankans og lét
hinn kunni framkvæmdastjóri,
Davíð Scheving Thorsteinsson, af
þvf embætti eftir sjö ára setu.
Bankaráðsformaður er nú Brynj-
ólfur Bjarnason, en Haraldur
Sumarliðason verður áfram vara-
formaður.
Hagnaður Iðnaðarbankans á
síðasta ári var tæplega 137,1 millj-
ón króna, eftirskatta, að meðtöld-
um hagnaði af dóttur- og hlutdeild-
arfélögum. í opinber gjöld mun
bankinn greiða um 160 milljónir
króna vegna ársins 1988 og er þar
með talinn eigna- og tekjuskattur
er nemur um 103 milljónum. KB
Landsbankinn jók heildareign sína
um 36,6% á síðasta ári:
Landsbankinn
fækkar fólki
Landsbanki íslands er búinn að
leggja fram ársreikninga sína fyrir
1988 og hefur viðskiptaráðherra,
Jón Sigurðsson, þegar undirritað
þá. Þrátt fyrirerfiða lausafjárstöðu
fyrstu fjóra mánuði síðasta árs,
batnaði lausafjárstaðan um 1,7
milljarða króna. Breytti þá litlu
þótt bankinn hafi þurft að reiða
fram nálægt 180 milljónum króna í
viðurlög til Seðlabanka íslands,
vegna fyrri hiuta ársins. Fækkun
varð á stöðugildum t Landsbank-
anum í fyrsta sinn í langan tíma.
Bankinn jók eignir sínar um
36,6% og námu þær í árslok 65,6
milljörðum króna. Eigið fé hækk-
aði um fjórðung frá fyrra ári og var
í árslok orðið 4,25 milljarðar
króna. Þetta nægði þó ekki til að
viðhalda eiginfjárhlutfalli og lækk-
aði það úr 8,23%, árið 1987, niður
í 7,38% í árslok 1988, eða um
tæplega eitt prósentustig.
Þá var hagnaður af rekstri lakari
en árið áður og er skilatalan ekki
nema 117,1 milljón króna.saman-
borið við krónutöluna 181,6 millj-
ónir árið 1987. Getur skýringanna
verið að leita í því að heildar
vaxtamunur lækkaði á árinu úr
5,2% í slétt 5%.
Fækkun varð í mannahaldi í
fyrsta sinn til fjölda ára og engin ný
útibú voru opnuð á síðasta ári.
Voru stöðugildin í árslok 1068 cn
árið áður voru þau 1074. Þrátt fyrir
fækkun stöðugilda sýna tölur að
afgrciðslufjöldi jókst og er það
rakið til aukinnar tæknivæðingar
innan bankans. KB
EKKERT RIS í
B0RGARSTJÓRN
Borgarstjórnarfundurinn í fyrra- hátt. Réttara er að segja að þær hafi
dag var með alstysta og samlyndasta alls ekki risið, því enginn tók til
móti. Hann stóð aðeins í rúmar máls. -sá
fimm mínútur og deilur risu ekki
MAZDA 626 GLX ’85
Með vökva- og veltistýri, sjálfskipt-1
ingu, ekinn 55 þús. km í toppstandi. |
Ath. með skipti á vélsleða eða ódýr-1
um góðum sjálfskiptum bíl. |
Upplýsingar í síma 685582 J
Eiturefnanámskeið
Dagana 4. og 5. apríl n.k. verður haldið námskeið
um notkun eiturefna og hættulegra efna í landbún-
aði og garðyrkju og til útrýmingar meindýra.
Námskeiðið er einkum ætlað þeim, sem vilja
öðlast leyfisskírteini til að mega kaupa og nota efni
og efnasamsetningar í X- og A-hættuflokkum.
Þátttaka í námskeiðinu veitir þó ekki sjálfkrafa rétt
á skírteini. Skal sækja um það sérstaklega.
Þátttökugjald er kr. 4.500.
Námskeiðið verður haldið hjá Rannsóknastofnun
landbúnaðarins á Keldnaholti, Reykjavík, og skal
tilkynna þátttöku til stofnunarinnar, s. 91-82230,
fyrir 31. mars.
Hollustuvernd ríkisins
Rannsóknastofnun landbúnaðarins
Vinnueftirlit ríkisins