Tíminn - 30.12.1989, Blaðsíða 18

18 Tíminn
Laugardagur 30. desember 1989
Ágúst
Vandræði á Patró
Hraðfrystihús Patreksfjarðar var
lýst gjaldþrota. Voru tvö skip heima-
manna seld frá staðnum á uppboði
og var sjávarplássið þar með nærri
kvótalaust. Var ástandið á Patreks-
firði og tilraunir heimamanna tii
björgunar mikið í fréttum fram eftir
hausti.
Onýtir gluggar
Tíminn sagði frá því að útlit væri
fyrir að skipta verði um glugga í
þúsundum húsa á íslandi á næstu
misserum og árum og er talað um
nýtt „alkalíævintýri“ í þessu sam-
bandi.
Dæmdir í Danmörku
Tveir íslenskir karlmenn voru
dæmdir í þriggja ára fangelsi í Dan-
mörku fyrir þátttöku í fjölþjóðlegu
fíkniefnasmygli.
5 þúsund smokkar
Fyrirsögnin „Fimm þúsund
smokka hátíð í Húnaveri" fór fyrir
brjóstið á mörgum. í fréttinni var
sagt frá hátíð í Húnaveri þar sem
átta þúsund manns héldu upp á
Verslunarmannahelgina og vakti at-
hygli hve smokkar seldust vel. Varð
að leita á náðir sjúkrahúss og apó-
teks á Blöndúósi til að anna eftir-
spurninni.
Aukning á kókaíni
Gífurleg aukning hefur orðið á
smygli á kókaíni til landsins. Kom
fram í frétt Tímans að baráttan við
kókaínið er nú forgangsverkefni
Forseti Islands, frú Vigdís Finnbogadóttir, fór í
opinbera heimsókn til Kanada. Myndin er tekin við skrúð-
göngu á íslendingadeginum. Vigdís sat í skrúðvagni ásamt
Lornu Tergeson formanni hátíðanefndar.
Tímamynd: Guðjón Einarsson.
ávana- og fíkniefnadeildar lögregl-
unnar.
20 milljónir í handbolta
Áætlað var að kostnaður við
undirbúning handboltalandsliðsins
fyrir A-keppnina í Tékkóslóvakíu
yrði 20 milljónir króna.
Hrollvekju spáð
Hafrannsóknastofnun birti nei-
kvæða skýrslu um ástand nytjafiska
á íslandsmiðum og var talað um áfall
í þessu sambandi. Stofnunin lagði
m.a. til að dregið verði stórlega úr
þorskveiði á næsta ári.
Skart í kirkjugarði
Tvær ungar stúlkur er voru við
vinnu sína í kirkjugarðinum við
Suðurgötu fundu sekk fullan af
skartgripum sem hafði verið grafinn
í leiði. Um var að ræða þýfi úr
innbroti frá því í vor og söluverð-
mæti gripanna skipti hundruðum
þúsunda króna.
Svíakonungur á veiðum
Karl Gústaf Svíakonungur kom
hingað til iands á hreindýraveiðar.
Fengu konungurinn og fylgdarmenn
hans leyfi til að fella tíu hreindýr.
Tíminn sagði frá því að konungurinn
hafi leigt flugvél undir þrjár konur
svo þær gætu verið borðdömur við
kvöldverðarborðið að Skriðu-
klaustri.
Þöhkum gott samstarf og viðskipti
á árinu sem er að liða
Óskum starfgfólki og viðskiptavinum
Gleðilegs nýárs
Þökkum gott samstarf og viðskipti
á árinu sem er að líða
Hraðfrystihús
Kaupfélags
Steingrímsfjarðar, Hólmavík
Oskum starfsfólki og viðskiptavinum ^
Gleðilegs nýárs
Hraðfrystihús
Drangsness hf.