Tíminn - 01.02.1990, Page 12

12 Tíminn
Fimmtudagur 1. febrúar 1990
llllllllllllllllillllllllll DAGBÓK
Orgeltónleikar í Grundarfirði
Þriðjudaginn 6. febrúar heldur Hörður arkirkju. Hörður leikur verk eftir Buxte-
Áskelsson orgeltónleika í Grundarfjarð- hude og J.S. Bach.
MÍR:
Skógræktarmenn segja frá
ferð til Sovétríkjanna
Á síðastliðnu sumri fóru þeir Sigurður
Blöndal, þáverandi skógræktarstjóri
ríkisins, og Arnór Snorrason skóg-
fræðingur, áætlunarfulltrúi Skógræktar
ríkisins, í kynnisför til Sovétríkjanna.
Komu þeir m.a. til borgarinnar Arkang-
elsk við Hvítahaf í norðurhluta Rússlands
og skoðuðu tvö skógræktarsvæði þar í
héraðinu.
Þeir Sigurður og Arnór verða gestir
MÍR, Menningartengsla íslands og Ráðs-
tjórnarríkjanna, f félagsheimilinu Vatns-
stíg 10 laugardaginn 3. febr. kl. 14 og
segja frá ferðinni og sýna litskyggnur.
Kaffiveitingar verða síðan á boðstólum
og gefnar upplýsingar um félagsstarfið
framundan, m.a. fyrirhugaða hópferð til
Sovétríkjanna næsta sumar. Aðgangur
öllum heimill.
------------------N
úódar veíslur enda rel!
Eftir einn
-ei aki neinn
umferðar
U RÁÐ
OLL VINNSLA
PRENTVERKEFNA
Við í Prentsmiðjunni Eddu tökum að
okkur hönnun og vinnslu á stórum og
smáum prentverkefnum.
Höfum yfir 50 ára reynslu í prentverki.
Reynið viðskiptin.
i PRENTSMIÐjAN i
f^clch
Cl
Smiðjuvegi 3, 200 Kópavogur.
\ Sími 45000.
Sólarkaffi
Arnfirðingafélagsins
verður haldið í veitingahúsinu Ártúni,
Vagnhöfða 11, laugardaginn 3. feb. nk.
oghefst kl. 20.30. Miðasalaogborðapant-
anir verða í Ártúni laugardaginn 3. febr-
úar kl. 16-18.
Duus hús:
Tónleikar
Sunnudaginn 4. febrúar verða haldnir
tónleikar í Heita pottinum í Duus húsi.
Þar leika Ómar Einarsson og tríó með
Guðmundi Ingólfssyni. Tónleikarnir hefj-
ast kl. 21.30.
Norræna húsið:
Bellman hátíð
Nú á sunnudag, 4. febrúar eru 250 ár
liðin frá því að sænska skáldið Carl
Michael Bcllman fæddist. Söngvar Bellm-
ans og Ijóð hafa lengi verið á hvers manns
vörum hér á landi sem og annars staðar á
Norðurlöndum. Má t.d. nefna vísuna um
Gamla Nóa, sem var þýdd yfir á íslensku
ekki löngu eftir að hún var ort.
Dagskrá með Bellmanssöngvum verð-
ur í Norræna húsinu laugardagskvöldið 3.
febrúar ki. 20.30. Þá koma fram sænski
vísnasöngvarinn Axel Falk og gftarleikar-
inn Bengt Magnusson og skemmta
gestum. Tónleikarnir verða endurteknir í
Norræna húsinu mánudagskvöldið 5.
febrúar kl. 20.30.
Listamennimir fara einnig til Akureyr-
ar og flytja sömu dagskrá á sunnudag 4.
febrúar kl. 17.00 á sal Menntaskólans.
Aðgöngumiðasala á tónleikana í Nor-
ræna húsinu verður frá og með föstudegi
2. febrúar í bókasafni hússins.
Tríó Jóns Móller leikur djass
í kvöld mun Tríó Jóns Möller leika
djass í Risinu en það er nýr skemmtistað-
ur á efstu hæð Klúbbsins, Borgartúni 32.
Tríó Jóns Möller skipa þeir Jón
(hljómborð), Þórður Högnason (bassi)
og Sveinn Óli Jónsson (trommur).
Aðgangur er ókeypis, tríóið byrjar að
spila um kl. 21.30 og húsið er opið til kl.
1.00.
Jazzkvöld á Hótel íslandi
Laugardagskvöldið 3. febr. verður
djasskvöld í Café Islands. Tómas R.
Einarsson og félagar leika.
Nýhafnarklúbburinn
starfar á ný
Nýhafnarklúbburinn tekur aftur til
starfa 5. febrúar nk. Þetta er annað árið
sem hann starfar, en starfsemi klúbbsins
byggist á fyrirlestrum um myndlist og
verða fjórir fyrirlestrar á vorönn og fjórir
á haustönn. 23. júlí verður svo Jóns-
messuhátíð eins og sl. ár.
Ætlunin er að fara í listskoðunarferð til
Madrid f fylgd sérfróðra manna um
miðjan marsmánuð. Sú ferð er á vegum
ferðaskrifstofunnar Lands og Sögu í
Bankastræti, sem veitir allar upplýsingar.
Fjöldi þátttakenda í klúbbnum er tak-
markaður og ganga meðlimir síðasta árs
fyrir, en þeir sem hefðu áhuga á að bætast
f hópinn geta látið skrá sig í listasalnum
Nýhöfn, Hafnarstræti 18, sími 12230,
fyrir 1. febrúar.
Kvenfélag Háteigssóknar
heldur aðalfund sinn þriðjudaginn 6.
febrúar kl. 20.30 í Sjómannaskólanum.
Venjuleg aðalfundarstörf, upplestur og
kaffiveitingar.
Húnvetningafélagið:
Félagsvist
Félagsvist á laugardaginn kl. 14 í Húna-
búð Skeifunni 17. Verðlaun og veitingar.
Allir velkomnir.
Frá Félagi eldri borgara
Göngu-Hrólfur hittist nk. laugardag
kl. 11 að Nóatúni 17.
Opið hús í Goðheimum, Sigtúni 3 í
dag, fimmtudag. KI. 14: Frjáls spila-
mennska. Kl. 19.30: Félagsvist. Kl. 21:
Dansað.
Kvenfélag Óháða safnaðarins
heldur fund í Kirkjubæ laugardaginn 3.
feb. nk. kl. 3.
Safnaðarfélag Áskirkju
efnir til kaffisölu eftir messu þann 4.
febrúar í safnaðarheimilinu.
Húnvetningafélagið
Árshátíð félagsins verður þann 3ja
febrúar f Glæsibæ, Álfheimum 74 og
hefst með borðhaldi kl. 19. Kórar úr
heimahéraði undir stjóm Ólafar Pálsdótt-
ur syngja ásamt Sigurveigu Hjaltested.
Sitthvað fleira verður til skemmtunar.
Aðgöngumiðar seldir 1. og 2. febr. í
Húnabúð, Skeifunni 17, kl. 17 til 21
síðdegis.
Afkomendur
séra Hallgríms
orðnir 7055
Niðjatal Hallgríms Péturssonar
og Guðríðar Símonardóttur er
komið út og fyllir tvö stór bindi.
Arí Gíslason tók niðjatalið saman
en Bókaútgáfan Þjóðsaga gefur
út.
Frá Guðríði og Hallgrími eru
komnir 13 aettliðir og samkvæmt
talinu eru afkomendurnir nú 7055.
Auk formála skrifar höfundur
ágrip af ævi Hallgríms og Guðríðar
og er sá kafli vel myndskreyttur.
Einnig ritar Sigurbjöm Einarsson
um Guðríði og hennar sérstæða
æviferil, en löngum hefur hún
verið þekktust undir nafninu
Tyrkja-Gudda.
í Niðjatah Guðríðar og
Hallgríms eru 1400 myndir af
afkomendum, en á mörgum
myndanna em fleiri saman svo að
í verkinu eru myndir £tf flestum
þeim sem ættir telja til skáldsins
og konu hans Tyrkja-Guddu.
Nafnaskrá fylgir síðara bindinu.
Illlllllllllllilllllllllllll MINNING llllllllllllllllllllllillllllllllllllllllllilllll
Þórunn Sigurðardóttir
Fædd 16. júní 1925
Dáin 18. janúar 1990
Þórunn fæddist að Hamraendum í
Stafholtstungum, dóttir hjónanna
Ólafar Ólafsdóttur frá Kalmans-
tungu, Hvítársíðu, og Sigurðar
Gíslasonar frá Hvammi, Dýrafirði.
Ólöf og Sigurður eignuðust 9
börn, 8 komust upp.
Ólafur dó nýfæddur, Sveinbjörn
Gísli dó 1972 og nú kveðjum við
Þórunni.
Þórunn átti góða æsku og uppvaxt-
arár. Hún var ein af þessum táp-
miklu, glaðværu, duglegu stúlkum.
Hún gekk oftast í útiverk með föður
okkar. Mikla ánægju hafði hún af
hestum eins og við öll. Hún dvaldi
um tíma í Kalmanstungu, einnig var
hún við heimilisstörf hjá Magnúsi
Ásgeirssyni lækni á Kleppjárns-
reykjum, því Magnea kona hans var
mikið á læknastofunni.
Veturinn 1943-1944 var hún á
húsmæðraskólanum Hallormsstað
og vann um sumarið við sumarhótel
skólans undir stjóm skólastýrunnar,
wsgfgni
Sigrúnar Blöndal. Vigdís Jónsdóttir,
fyrrverandi skólastýra, sagði mér
eftir Sigrúnu Blöndal að henni hefði
ekki fundist neitt til um Þórunni
umfram aðrar námsmeyjar, en hefði
þess betur kunnað að meta hana er
hún fór að vinna hjá henni um
sumarið. 1944-1945 var hún einnig
við nám að Hallormsstað. Mikið var
ofið, ótrúlega miklar hannyrðir sem
stúlkumar skiluðu eftir veturinn.
12 voru þær sem héldu hópinn frá
fyrri vetri og er Þórunn önnur úr
þeim hópi sem fellur frá, eftir því
sem skólasystur hennar segja mér.
Nýjar bættust í hópinn. Ein úr þeim
hópi, Ragnhildur Magnúsdóttir,
sagði að Þórunn hafi verið sérlega
hreinskiptin. Nefndi sem dæmi að
eitt sinn hefði þær langað á ball, sem
er ekki í frásögu færandi nema fyrir
það að Þómnn aftók að þær færu
nema með leyfi skólastýrunnar og
hafði hún orð fyrir hópnum.
Þómnn veiktist, lamaðist, fékk
svokallaða Akureyrarveiki. Þá upp-
hófst hennar þrautaganga. Síðustu
árin dvaldi hún í Hveragerði og á
Elli- og hjúkmnarheimilinu Grund.
Ég vil þakka öllum er reyndust
Þórunni vel.
ída Sigurðardóttir