Tíminn - 29.05.1993, Blaðsíða 13
Laugardagur 29. maí 1993
Tíminn 13
Margar fagrar náttúruperlur er að finna á Austurlandi. Hér er ein þeirra,
Lagarfoss.
Keppendur á síðasta ári voru sam-
tals 200 og heppnaðist mótið
mjög vel. í ár má því reikna með
metþáttöku.
Helgina 9.-11. júlí verður sumar-
hátíð UÍA á Eiðum. Er þetta fjöl-
skylduhátíð sem haldin verður á
nýju íþrótta- og útivistarsvæði
UÍA. Þar verður margt til skemmt-
unar allri fjölskyldunni, meðal
annars keppni fyrir alla aldurs-
flokka í frjálsum íþróttum, polla-
mót í knattspyrnu og fleira. Þarna
verður ein íþróttagrein kynnt sér-
staklega en áður hafa t.d. hesta-
íþróttir og blak verið kynntar á
þessum hátíðum. Slegið verður
upp Karaókí-keppni og tjalddans-
leikur verður á lokakvöldinu þar
sem fengin verður hljómsveit til
að halda uppi fjörinu. UÍA verður
einnig með útihátíð fyrir ungling-
ana á Eiðum um verslunarmanna-
helgina.
Útileikhús
í sumar verður tekin upp sú ný-
breytni að á svæði UÍA verður rek-
ið útileikhúsið „Hér fyrir austan"
frá 30. júní til 18. ágúst. Þarna
verða sýndir Ieikþættirnir „Lífið
meðal bænda“ eftir Sigrúnu
Björgvinsdóttur Egilsstöðum,
„Fjörið á síldarplaninu" eftir Guð-
jón Sveinsson Breiðdalsvík og
„Ýmsar þjóðsögur af Austurlandi"
sem tekið var saman af Arndísi
Þorvaldsdóttur og nemendum
Brúarásskóla. Dansflokkurinn
Fiðrildin mun sýna íslenska dansa
og kenna áhorfendum sporin.
Fiðrildin eru annað af tveimur
þjóðdansafélögum á íslandi. Veit-
ingar verða í umsjá kvenfélaganna
í Eiða- og Hjaltastaðaþinghá.
Dagsferðir frá
Egilsstöðum
Margskonar dagsferðir eru í boði
frá Egilsstöðum. Hægt er að fara í
skoðunarferðir um Borgarfjörð
eystra, Fljótsdalinn og víðar eftir
óskum manna. Leiðsögumenn í
þessum ferðum eru allir heima-
menn en í fyrra stóðu Ferðamála-
samtök Austurlands og Farskóli
Austurlands fyrir fyrsta námskeiði
fyrir svæðisleiðsögumenn sem
haldið hefur verið hér á landi. Var
þetta námskeið mjög vel sótt og
útskrifuðust 27 leiðsögumenn
með réttindi. Einnig er hægt að
fara í dagsferðir í sérbúnum jepp-
um að Snæfelli og þaðan er farið á
Goðahnúka (1460 m.) og Grendil
(1570 m.) á Vatnajökli allt upp í
1500 metra hæð þar sem sést yfir
allt Austurland í góðu skyggni.
Sömuleiðis verður hægt að fara
með jeppum í Loðmundarfjörð og
tengjast þær ferðir bát frá Seyðis-
firði, þannig að hægt er að sigla
aðra leiðina og aka hina. Þessar
ferðir eru í boði í júnf og ágúst.
Fjöruferð um Héraðssandinn er
ógleymanleg þar sem fuglalíf er
fjölbreytt og hægt að komast ótrú-
lega nálægt selum. Hægt er að
fara í fjöruferð með mjög stuttum
fyrirvara.
Á hverjum sunnudegi í sumar
stendur Hótel Valaskjálf fyrir Hér-
aðsblóti. Þar er að finna glæsilegt
þorrahlaðborð, hákarl og brenni-
vín ásamt harmonikkutónlist,
fjöldasöng og þjóðdansasýningu.
Eru Héraðsblótin orðin fastur lið-
ur í starfsemi hótelsins.
Meðal annarra afþreyingarmögu-
leika á Egilsstöðum er þriggja
daga skoðunarferð um hálendið
milli Egilsstaða og Mývatns. Með-
al þess sem skoðað er í þessari ferð
er Snæfell, Hafrahvammagljúfur
— eitt hrikalegasta gljúfur á ís-
landi — Sænautasel á Jökuldals-
heiði, Askja og Herðubreiðarlind-
ir. Brottför er
á fimmtudögum frá Egilsstöðum
og á sunnudögum frá Mývatni.
Hámarksfjöldi farþega er 11.
f góðu skyggni er síðan tilvalið
að fara í útsýnisflug með Flugfé-
lagi Austurlands þar sem perlur
Austurlands eru skoðaðar. Hægt
er að velja milli tveggja leiða —
annars vegar yfir hálendið þar sem
stærstu og fegurstu fjöll landsins
eru og hinsvegar með ströndinni
frá Dyrfjöllum til Papeyjar og til
baka yfir Öxi, einn hrikalegasta og
fallegasta fjallveg á landinu, til
Egilsstaða.
Þetta er ekki tæmandi yfirlit yfir
alla þá möguleika sem Egilsstaðir
og nágrenni bjóða uppá en auðvelt
er að nálgast allar upplýsingar hjá
Upplýsingamiðstöð ferðamála Eg-
ilsstöðum. Síminn er 97-12320 og
hjá Ferðamálafulltrúa 97-11863.
Árni Isleifsson hefur um langt skeið auðgað tónlistarlifið á Austurlandi og
staöið fyrir djasshátlðum þar frá árinu 1978. Djasshátlð Austurlands veröur
f sumar haldin dagana 24.-27. júní. Hér er hljómsveit undir stjórn Árna á æf-
ingu. Myndin er tekin 1978.
ABURÐAR----
BREIFARAR
JOLA
4'*ft*rn<Woí^
Eru nú mikið endurbættir og
fullkomnari en áður. Þeir eru
með ryðfríum dreifibúnaði og
lágri hleðsluhæð.
Mjög hagstætt verð.
Upplýsingar í síma 91-651800
VÉLBOÐI hf
Hvaleyrarbraut 2, Hafnarfj.
Mykjudreifarar
BÆNDUR!
Eigum fyrirliggjandi hina vinsælu
KASTDREIFARA
Stærö ca. 2,5 rúmm.
Afgreiöum dreifara án hjóla
ef kaupendur eiga hjól
sem þeirvilja nýta.
Vinsamlega leitiö upplýsinga.
KAUPFÉLAG ÁRNESINGA
BIFREIÐASMIÐJUR
800 SELFOSS - SÍMI 98-22000
Ávarp til starfsfólks
í heilbrigðisþjónustu
Um nokkurt skeið hefur Alþjóða heilbrigðisstofnunin gengist fyrir alþjóðlegum
tóbaksvarnadegi (World No-Tobacco Day) hinn 31. maí ár hvert. Að þessu sinni er
boðskapur stofnunarinnar sá að heilbrigðisþjónustan eigi að vísa veginn til
tóbakslausrar veraldar.
Sjálfsagt þykir að vinnustaðir í heilbrigðisþjónustu séu reyklausir. Alþjóða
heilbrigðisstofnunin leggur þar að auki áherslu á að ekki sé viðeigandi að starfsfólk
í heilbrigðisþjónustu noti tóbak og hvetur það til að ganga á undan með góðu fordæmi
í þessum efnum. Bent er á að þeir sem reykja ekki eru líklegri en þeir sem reykja
til að beita sér í tóbaksvörnum, einum mikilvægasta þætti heilsuverndar.
Verulega hefur dregið úr reykingum hér á landi á síðustu árum. Enn reykir þó meira en
fjórði hver fullorðinn íbúi þessa lands. Nærri lætur að daglega falli íslendingur í valinn
fyrir eituráhrifum tóbaks. Augljóst er að þörf er á skeleggri baráttu gegn svo
skelfilegri heilsuvá. Þar getur starfsfólk í heilbrigðisþjónustu gegnt lykilhlutverki.
Því er skorað á allt starfsfólk sjúkrahúsa, heilsugæslustöðva, læknastofa,
tannlæknastofa, lyfjabúða, endurhæfingarstöðva og allra annarra stofnana og fyrirtækja
í heilbrigðisþjónustu að ganga í lið með þeim sem glíma við þá erfiðu þraut að kveða
tóbaksóvættina niður.
Heilbrigðisráðuneytið, Landlæknisembættið, Hjartavernd, Krabbameinsfélagið,
Heilsuverndarstöðin í Reykjavík og Tóbaksvarnanefnd vilja eindregið hvetja til þess
að tóbak verði gert útlægt úr heilbrigðisstofnunum.