Réttur - 15.07.1935, Qupperneq 30

tók þátt í skoðun neðanjarðargangsins undir þinghúsinu
og hann útvegaði einnig van der Lubbe til íkveikju-
starfsins. Helldorf og Ernst lögðu á öll ráðin um íkveikj-
una í einstökum atriðum.
Morðingi og brennuvargur sem lögreglustjóri! Þetta
er hið sanna andlit „Þriðja ríkisins“. Þetta er loksins
engin gríma, heldur sannleikurinn óhjúpaður. Svona á
það líka að vera! Heimurinn á að fá að sjá hvernig
Hitlers-Þýzkaland er: Glæpamenn hafa þar lögreglu-
valdið í sínum höndum, glæpamenn ráða og ríkja og
nefna glæpi sína: lög.
Helldorf greifi, það nafn er í rauninni nákvæm lýs-
ing á Hitlers-Þýzkalandi: Ofbeldi að viðbættum lýð-
blekkingum, aðalsmannavald í stormsveitabúningi, Pots-
dam og stormsveitaskáli, kvalaþorsti með löggildingar-
stimpli.
En þessi embættisveiting er líka sönnun fyrir fallvelti
og ótta nazistastjórnarinnar. Hún tekur ekki með glöðu
geði slíkan mann á arma sér. Undir fargi sinna innri
mótsetninga grípur nazisminn ekki aðeins til glæpsins,
heldur einnig glæpamannsins. Hann á nú að bjarga frá
hinum vaxandi örðugleikum. Þeir fálma fyrir sér, til
þess að fá einhverja handfestu í þeim stórlega auknu
kreppum og skelfingum, sem þeir sjá nú þegar úti við
sjóndeildarhringinn. Því að sérhver dagur sýnir það
áþreifanlegar, að þjóöin er andvíg Hitler, fjandmanni
þjóðarinnar.
Útnefning Helldorfs greifa til lögreglustjóra í Berlín
er fyrirboði nýrra alvarlegra viðburða, sem munu
skerpa enn meir hina síharðnandi kreppu Hitlersfasism-
ans.
Þýtt úr andfasistablaðinu „Einheit".
150