Réttur - 01.10.1985, Síða 4
störfum hér á landi um 20 þúsund — á 10
árum. Nú er talað um það sem óvinnandi
verk að tryggja 30.000 manns störf til
aldamóta og fullyrt að lífskjör hljóti að
fara versnandi á komandi árum. Ríkis-
stjórn Steingríms Hermannssonar hefur
komið kaupmætti launa niður á það stig
sem var 1953, þ.e. kaupmætti tímakaups,
og framundan er svartnættið eitt sam-
kvæmt þjóðhagsáætlun ríkisstjórnarinn-
ar. Áframhaldandi lágt kaup og léleg lífs-
kjör á komandi árum. Svar Alþýðubanda-
lagsins við þessum árásum á lífskjörin og
spám um versnandi lífskjör á komandi
árum er krafa um nýja sókn í atvinnulífinu.
Afrek núverandi ríkisstjórnar
En lítum aðeins á hin síðustu ár nánar
og afrek núverandi ríkisstjómar í atvinnu-
málum:
1. Vextir hafa verið hækkaðir þannig að
allt atvinnulífið í sjávarútvegi, iðnaði
og landbúnaði er að sligast undan okr-
inu. Skip eru boðin upp á nauðungar-
uppboði svo að segja vikulega: Sölvi
Bjarnason BA, Sigurfari II, Grundar-
firði, Helgi S., Keflavík, Kolbeinsey,
Húsavík, Bjarni Herjólfsson, Stokks-
eyri og Óskar Magnússon, Akranesi.
Öll þessi skip hafa verið seld á nauð-
ungaruppboðum síðustu mánuðina.
2. Ríkisstjórnin hefur beint fjármagni
bankanna til verslunarinnar. Þar hefur
komið fram að útlán til sjávarútvegs-
ins jukust á sl. ári frá ágúst 1984 til
ágúst 1985, um 900 milljónir króna. Á
sama tíma jukust útlán til verslunar-
innar um 2,3 milljarða króna. Kaup-
sýslan er gælugrein ríkisstjórnarinnar
— hún leggur rækt við eyðsluna en
vanrækir framleiðsluna og keyrir kjör
fólksins niður. Laun eru nú um 75% af
því sem þau voru (kaupmáttur kaup-
taxta) 1982 en þjóðartekjur á mann
hafa á sama tíma minnkað um 4%.
3. í iðnaðinum er tekin upp erlend stór-
iðjustefna. Ríkið er dregið út úr at-
vinnurekstrinum af fyllsta tillitsleysi til
þess eins að þjóna kreddumeisturum
íhaldsins. Skipasmíðaiðnaður og ullar-
iðnaður stendur illa. 4 skip, raðsmíða-
skip, standa uppi í skipasmíðastöðv-
unum, fullbúin og fá ekki að veiða
neitt nema vexti.
4. Átak í rafeindaiðnaðinum var stöðvað
á fyrstu árum þessarar ríkisstjórnar,
en þar á að vera vaxtarbroddur fyrir
tugi þúsunda starfa á komandi árum.
5. Samstarfsnefnd um framkvæmd iðn-
aðarstefnu hefur verið lögð niður.
6. Opinber innkaupastefna, sem beindist
að því að innlend fyrirtæki keyptu inn-
lendar vörur, hefur verið formlega af-
munstruð.
7. Framlög ríkisins til iðnþróunar hafa
dregist saman.
8. Ekki er staðið við langtímaáætlun um
rannsóknir í þágu atvinnuveganna.
Mörg iðnfyrirtæki ramba á barmi gjald-
þrots.
Umskipti
Hér hefur því algjörlega skipt um frá
því sem var í starfstíð Hjörleifs Gutt-
ormssonar í iðnaðarráðuneytinu:
1. Pá var samþykkt á alþingi stefna um
iðnþróun og framkvæmd hennar falin
samstarfsnefnd. Sú nefnd var lögð
niður.
2. Pá var Iagt aðlögunargjald á innfluttar
iðnaðarvörur til þess að draga úr inn-
flutningi til þess að veita íslenskum
iðnaði skjól og um leið til þess að afla
180