Réttur - 01.10.1985, Blaðsíða 51

Skæruliðar í Guatemala
hefur ekki brotist út. Jafnframt er þetta
lokahluti greinaflokksins og nokkurs kon-
ar samantekt.
Astandið í Mið-Ameríku eins og nú er
komið málum, einkennist annars vegar af
sigri byltingarinnar í Nicaragua, árang-
ursríkri þjóðfrelsisbaráttu í E1 Salvador
°g vaxandi andspyrnu í Guatemala, og
hins vegar af afturhalds- og einræðis-
stjórnum sem með dyggum stuðningi
bandarískra heimsvaldasinna keppast við
að berja niður uppreisnir og andóf fjöld-
ans og skirrast ekki við að beita hinum
grimmilegustu aðferðum í því skyni.
Costa Rica og Panama
Lönd Mið-Ameríku eru vissulega ólík
innbyrðis, bæði hvað snertir þjóðfélags-
gerð og stjórnmálaþróun. í Costa Rica og
Panama eru t.d. ríkisstjórnir sem leyfa
stjórnarandstöðu upp að vissu marki og
reyna að draga úr þjóðfélagslegu óréttlæti
með takmörkuðum umbótum.
Reyndar er Costa Rica eina landið í
Mið-Ameríku þar sem lýðræðislegar
kosningar hafa verið haldnar með reglu-
legu millibili frá lokum seinni heimsstyrj-
aldarinnar, og auk þess er þar enginn her.
Á 8. áratugnum sömdu þjóðernissinn-
aðir forsetar í Panama, undir sterkum
þrýstingi frá pólitískum andófshreyfing-
um, um framtíð Panamaskurðar og svæð-
isins þar í kring. í stjórnartíð Carters
227